يا ام الثلاث ارقام تعالي نتحدي == نبيها اثنين ==

[Ashoka]

بطاااااااااطااااااااا


هلا حبيبتي مسسس يوو حدي امس بالمسن كنت بكلمج بس انتي بالخاارج
وبراافوو عليييج دشيتي ناادي الله يوفقج يااارب سويتي وع البركه النزووول السرييع منها للاعلى حبي وبالنسبه للشوربا مادري والله معرفها @@


ام فهداان

لج طولة العمر يا قلبي
وشديي حيلج بس لا تضغطيين على نفسج اهم شي صحتج وان شااء ياارب تنزليين وتوصلين للوزن ياللي تبينه بخير وصحه وعاافيه يااارب الله يوفقج وكملي اللي ضعفووووووووووو مو احسن منا بناات حتى انا كنت 3 ارقاام وصارلي تقريبا 3 اشهر اسوي رجيييم ومكمله


سلك

حبيبتي شوووفي لا تصكيين حلجج لان ان صكيييتييه صدقيني بترديين وتصيرين مفجووعه < لووووووووووووول سوري على هالكلمه بس هذا الصج شووفي انا انصحج برجييم دشتي حددده واااااااااااااااااااو اهوا ياللي صج صج نزلني بس قطعي خبز وتوست وفطاير وحلويات وككاو وشبس وبطاط قطعييييهم واستمتعي بالاكل بدونهم وشوفي وزنج شلون ينزل واكلي كله مشوي او مسلووق كثري من الخضرااا والفواااكه والسمج والدياي واللحم والله يووفقج يااا قلبي

الياه

سويتي الف الف مبروووووووووك ع النزووووووووووول والمواااظبه اي اي شديييييي حيييييييييلج ابي اشووف جسمج احلى من ميريام فارس :ada: الله يوفقج ياااااااااارب

 

[b6a6ah]

slk
العفو حبيبتي ولو
يالله جربيها وموفقة ان شالله بس حاولي تتحركييين صعدي الدرج ونزلي واذا تقدرين تروحين الممشى بس صدقييني الحركه واايد تساعد وخخففي اكلج شوي

 

[b6a6ah]

اشووكاااااااااا حيااااااتي مشتااقتلج وااااااااااااااااااااااااااااايد من زمان مادري عنج
اي كنت اسوي تقرير حق بنت خالتي ولاهيه بقوقل لوووول انشالله المره اليايه نسولف
شخبارج مع الريجيم ؟؟

 

[مخروووشة]

ابي اشترك معاك

 

[دبه زوغه ~]

بآك

:eh_s(6):


شلونكم يآ حلوين .. ؟!
خيآآآنه مستحيل أساامحكُم عليهــآآ .. ,, شلون تضعفون من ورآآي ؟!
انا رديت وبقوة بعد .. وببتدي معاكٌم من يوم الأحد .. تدرون انا هـ الفتره كنت مخففه
بس الحين ببتدي صح إن شاء الله .. :eh_s(6): ~

عندي مشكله : ارجع البيت الساعه 2 .. وغدانا الساعه 3 ,, في هـ الفتره مشكلتي أخربط اكل
اي شــي جدااامـي عشان بس يصبرنــي للغدى .. وتوقعون شنو بيكون جدآآمي ؟ غير الجبسآآت والكواافي ..
بس الحين بسوي احسن حلل بااكل لي تفااحه .. اوو سلطه لين يوصل الغدى .. :$ .. ~

:

بنااات .. أحببببببببببببببكم ..
خل نسااعد بعض ,, :$

بطوطه : شلوونج يــآآ قلبي وااحشتني موت بشري شخباار رجيمج .. ؟!
شك شك : شخبببببببببباارج .. ؟!

 

[دبه زوغه ~]

برب

بكتب لكم الرجيم الي بتبعه .. :$ ~ :ada:

 

[مخروووشة]

الله يوفقنا وان شاء نضعف

 

[دبه زوغه ~]

السبت )

الأفطار: كوب حليب قليل الدسم + شاي + ا توست + 1 جبن سليس قليل الدسم.
وجبه خفيفه : تفاحه + ماء بكثرة.
الغداء: سمك مشوي (80 جم ) + رز مسلوق بدون زيت ( كميته تساوي حجم علبة الروب ) + سلطة خضراء بدون زيت + برتقال أو 2 تمر.
وجبه خفيفه: 1 فاكهه أو 1 خيار + 1 جزر.
العشاء: 3 أكواب سلطة + ربع كوب معكرونة مع ليمون وخل +1 كوب عصير برتقال او جريب فروت.


الأحد )

الأفطار: ربع خبز بني أو 1 توست + 1 ملعقة طعام جبن كريمة قليلة الدسم + كوب شاي + حليب.
وجبه خفيفه : تفاحه + ماء بكثرة.
الغداء: نص صدر دجاج مشوي بدون جلد مع خضروات مشوية + ربع خبز بني + سلطة + تفاحه.
وجبه خفيفه: 1 فاكهه أو 1 خيار + 1 جزر.
العشاء: 31 بيض أومليت (بيضة + خضروات ) بدون زيت + نص خبز بني + كوب عصير تفاح.


الأثنين )

الأفطار: كوب كورن فلكس + نص كوب حليب قليل الدسم أو حليب خالي الدسم + نص كوب عصير برتقال.
وجبه خفيفه : تفاحه + ماء بكثرة.
الغداء: 2 كوب معكرونة مسلوقه مع الخضروات وصلصة طماطم بدون زيت + كوب سلطة روب بالخيار + 1 كمثرى.
وجبه خفيفه: 1 فاكهه أو 1 خيار + 1 جزر.
العشاء: روب قليل الدسم مع خيار + ربع خبز بني + كوب لبن قليل الدسم.


الثلاثاء )

الأفطار: نص كوب حليب قليل الدسم أو حليب خالي الدسم + كوب كورن فلكس بني + نص كوب عصير.
وجبه خفيفه : تفاحه + ماء بكثرة.
الغداء: كوب شوربة خضروات بدون زيت + ستيك لحكم مشوي (80 جم) + سلطة خضراء + قطة متوسطة بطيخ.
وجبه خفيفه: 1 فاكهه أو 1 خيار + 1 جزر.
العشاء: سندويش تونة أو سندويش جبن مع سلطه + كوب عصير برتقال.

الأربعاء )

الأفطار: ربع خبز بني + 3 ملاعق طعام جبن كوتج قليل الدسم + كوب شاي + حليب.
وجبه خفيفه : تفاحه + ماء بكثرة.
الغداء: سمك مشوي + كوب رز مسلوق + سلطة خضراء + قطعة متوسطة بطيخ.
وجبه خفيفه: 1 فاكهه أو 1 خيار + 1 جزر.
العشاء: 31 همبرجر دجاج مشوي أو 1 كفته دجاج مشوي + 1 توست + سلطة + كوب عصير تفاح.

الخميس )

الأفطار: نص كوب حليب قليل الدسم أو خالي الدسم + كورن فلكس + نص كوب عصير برتقال.
وجبه خفيفه : تفاحه + ماء بكثرة.
الغداء: نص صدر دجاج تكة مع خضروات مشوية + بطاطس صغير الحجم مشوية + ربع خبز + سلطة خضراء + 1 سنطره.
وجبه خفيفه: 1 فاكهه أو 1 خيار + 1 جزر.
العشاء: 15 حبة تكة لحم أو 1 كفته لحكم مشوية + ربع خبز + سلطة + كوب عصير برتقال.


الجمعة )


الأفطار: كوب شاي + حليب + ربع خبز بني + ملعقة طعام لبنة قليلة الدسم.
وجبه خفيفه : تفاحه + ماء بكثرة.
الغداء: 8 حبات روبيان مشوي أو سمك مشوي + خضورات مشوية + ربع خبز + سلطة خضراء + 1 سنطرة.
وجبه خفيفه: 1 فاكهه أو 1 خيار + 1 جزر.
العشاء: كوب نخي أو 1 كوب باجله + ربع خبز + كوب عصير.


:

بنات الرجيم حبيبته واايد .. ومشيت فيه شهرين ضعفت 16 كيلو من غير رياضه ولا واسبوعين
كانت عندنا حالة وفاة وكنت اتغدى عيش ( مجابيس ) وبعد ضعفني .. بعدهاا اشتركت بناادي واستمريت عليه
وجان مااضعت الا 7 كيلو لان الجسم فقد سوائل + الرياضه تقوي العضلات .. فصادني احباااط
الحين ببتدي من يوم الأحد أن شاء الله .. انا بحطه في موضوع بروحه .. عشان فايدته تعم الجميع .. :$ ~

 

[مخروووشة]

موفقة

 

[دبه زوغه ~]

هذآ الرآبط بنآت


http://q8yat.net/showthread.php?t=289166


:eh_s(6):


~

 

[دبه زوغه ~]

للرفع .. ~

 

[مخروووشة]

مشكورة شكهاكو دبات الا انا وانتي هههههههههههه

 

[دبه زوغه ~]

للرففففففففففففع ,, :$ ~

 

[b6a6ah]

مخرووشه --- حياج الله معانا وشدي حيلج ترا بس يبيلج التزام وارده وبتشوفين الموضوع سهل
دبه زوغه --- اهلييييين حياااتي مشتاقتلج والله وااااااااااااايد لووووووول شفتي الخيانه انا واشوكه ضعفنا هيههييهي بس انا مو وايد نازله لكن حيييل بين علي والجينزات شريت بدالها مقاس اصغر والحين لما طلعت الملابس الشتويه لقيتها وسيعه علي واااااااااااااااااااي دبه حدي استانست بس هم لما الحيني متينه ويبيلي مشوار لكن كل من يشوفني يقولي ضعفااانه وويهج متغير بصراحه اي انا ويهي الحين غييير وين الخدوود اللي قبل تخرع الحين حتى عيني كبرت لوووووول اثاريها كانت مغطوسه ما تبين انها كبيره يالله شدي حييلج دبووووو بس مو كل مره تقولين من الاسبوع الياي مااااشي وناطره اخبار حلوه وتعودي كل 10 ايام تقيسين وزنج وهالله هالله بالمشي ولا تنسين الشاي الاخضر

 

[مخروووشة]

بطوطة الله يتمم عليج وتضعفين ان شاء الله اكثر واكثر

شنو نظام ؟؟؟

 

[b6a6ah]

هلا والله مخروشه
شوفي حبوبه انا بلشت بكذا ريجيم وما ارتحت وبسرعه امل وما ينزل وزني يعني مأساة كانت بدايتي , اول شي عالريج اشرب ماي دافي كوب كامل وبعدها اروح الدوام ساعات اذا كنت يوعانه آكل صمونه سمره وجبنه واذا ما كنت يوعانه اشرب نسكافيه او كابتشينو مع سكر اسمر او سكر الذره بعدين وقت الغدا آكل شي مشوي كمية قليله مع روب او سلطه واخلط مع الروب او السلطة قفشة من بذرة الكتان وبعد الغدا اشرب كوب اعشاب عاد كيفج اختاري اللي تبين شاي اخضر او دارسين او زنجبيل وليمون وبعدها العشا عندج من ماكدونالدز سلطات او بالبيت سوي بيضتين مع خيار وطماط جذي يعني وبعد العشا هم اشرب كوب اعشاب
ايييي خل اقولج انااعشابي اللي اشربها قريتها في منتدى وطبقتها ونتييجتها حلوه عباره عن شاي اخضر ونعناع وزنجبيل ورمان يابس فوحيهم وحطيهم بمطاره وشربي كوب بعد الغدا وكوب بعد العشا

وعلى فكره اعرف وحده هني معانا بالمنتدى ما قدرت على اي ريجيم قلتلها خففي شوي بس من اكلج والخبز الابيض والرز الابيض استبدليه بالاسمر واكلي بذرة الكتان و شربي شاي اخضر وشاي ريجيم وآخر وجبه اكليها الساعه 7 بالليل و قبل النوم روب اكتيفيا وماشالله عليها نزلت صارت تحت ال 100 بس شوي طولت لكن الحمدالله نزلت وتقولي فعلا ما كنت احس بيوع كلش اهيا تصيرلي من بعيد شوي عاد صادفتها بعرس وفعلا مبين عليييها ماشالله الزنود خفت والكرشه قبل جنها حامل واااااااايد كان كبير بطنها خف واااايد ماشالله عليها والحزام عالخصر فصج صج وااااااو اهيا تقولي انتي ضعفانه وانا اقولها انتي ضعفانه لووووول

يالله يا بناااااات شدو حييلكم ترا واللللللللله كثري محد سوا ريجيم من قبل ماخليت دكتور ما رحتله ما خليت حبوب ما جربتهم لكن قعدت مع نفسي وقلت خلااص ستوب وجابلت المنظره اطالع نفسي من فوق لي تحت قلت اذا انا مو متقبله شكلي شلون الناس تشوفني شلون باجر ابي اتزوج وشلون بحمل وانا بهالحجم وبالصدفه دشيت المنتدى ولقيت هالموضوع وبديت معاهم وكانو توهم مبلشين وما اقولكم ماشيه سيده ترا كنت اخربط ساعات بس احاول اتحرك وايد احرق الوجبه اللي كلتها واشتركت بنادي صارلي اسبوعين تقريبا وناسه وتغيير روتين
شعووور حلو يا بنات لما طلعت ملابسي الشتويه البسهم ولقيتهم وسااع وبنطلوناتي الجينز وسااااع قعدت ابجي من الونااسه عمري ما مريت بهالمرحله ان الهدوم توسع علي جذي وانشالله الله يقوي ارادتي اكثر واكثر عشان انزل من وزني بعد وراي كذا عرس ابي الناس تشوفني كل مره بشكل ابي اطلع زنودي بدون لا اقول فشله ايدي شكبرها وابي البس ضيج وليييي اهدااف واااااااايد ان شالله يا رب اقدر احققها وانشالله عقب كلامي اشوفكم كلكم مبلشين وتقولولي نتايجكم

آسفه وايد لاني طولت عليكم بس لاني احبكم قلتلكم كل شي قاعده اسويه لانكم خواتي وابي اشوفكم مستانسين مثل ما انا مستانسه بالنتيجه
موفقين حبيباتي

 

[مخروووشة]

بعد عمري والله ما قصرتي

ان شاء الله تضعفين اكثر واكثر

اية والله اصعب شي البداية واحلا شي النهاية

 

[b6a6ah]

مخروشه
هلا حبيبتي تسلميلي وان شالله تضعفين انتي بعد وتوصلين للوزن اللي تبينه

 

[حرم حسن]

السلاااااااااام عليكم
شلونكم اخواتي
والله صاكه فيني الدنيا حديييييييييييي وماكنت اتمنى ادش هالتجمع ----- لاااااتفهموني غلط بس ماكنت اتمنى اوصل 3 ارقام
اول مره بحيااااااااااااتي يصير وزني 100
والله ببجي .... المشكله انه ريلي مايبي هالشي ... انا من 5 اشهر والده قيصري وقاعده اخذ علاج هرمونات اثناء الحمل وبعد الولاده ابر هرمونات عشان توقف الهرمونات الانثويه عندي لانه عندي الياف بالرحم وادري انه العلاج يتفخ الوحده
بس كلللللللللللش ماتوقعت اول لل 100
عفيه بنات ساعدوني
شنو الريجيم اللي يساعدني انزل وايد وشنو اخذ من العطار لاني ما احب سوالف الحبوب والادويه؟؟
اللي تساعدني بهالمشكله لها مني دعاء بظهر الغيب ان شاء الله
واااااااااي ببجي والله :0bee2e8d89::0bee2e8d89::0bee2e8d89:

 

[b6a6ah]

حرم حسن
الف سلامه عليج ما تشوفين شر حبوبه
شوفي حبوبه نصيحتي لج سوي ريجيم بس مو قاسي ولا تحرمين نفسج من كل شي عشان ما تتعب نفسيتج والنفسيه ترا تلعب دوووووور في لخبطة الهرمونات يعني حاولي تخلين ريجيمج تخفيف وبحدود وحاااولي كثر ما تقدرين تخففين من الكربوهيدرات وتستبدلينهم بأسمر سواء عيش اسمر او معكرونه سمره او خبز اسمر والاعشاب اللي تشربينها واللي تحرق وايد اول شي الزنجبيل والكمون والليمون وايد يحرق الوجبه اليوم سمعت هالمعلومه من ناس مجربينها وعندج الشاي الاخضر بعد وايد زين وعن تجربه مني وعندي خلطه ذكرتها اللي اهي من الحواي قشر الرمان والزنجبيل والشاي الاخضر تغلينهم مع بعض وتشربينهم مرتين باليوم هالخلطه خلت بطنييي ليييييين وخف واايد عن قبل
وانشالله اكون فدتج وعسا ربي يقوي ارادتج ويهديلج زوجج يا رب ولا تنسيني بالدعوات الحلوه ( وبالزوج الصالح ) لوووول