يماا يباا خلاص تكفوون ( رجعناااا )

[خلوودة]

مشالله واااايد حلوة الرواية واندمجت وياج وااايد
يلا لاتطولين علينا

 

[خميسيه]

10
بشقة ام وليد
ام وليد: تعال يمه وليد شوف لي من داز لي مسج
وليد ايي حق امه ويااخذ تلفونها ويفتح المسج : يمه هااذي مريم تبلغج انها وصلت بيتهم
ام وليد : ربي يحفظ هالبنت .. والله كسرت خاطري
وليد:يمه شراايج اليوم نطلع نتعشى بره
ام وليد : لا ويي اكل البيت شفيه
وليد : فيه مطعم بحري قالي عنه واحد من الربع واكله كل من يمدحه ابيج اتيين معاي تجربينه
ام وليد: الي تشوفه ياا وليدي
ام وليد قاامت البسست عبااتها وودها وليد فييش ماركت
ولييد طوول عمره اهوا الي مهتم بأمه من بعد وفااة ابوه وخواته ثنتين بحادث سيااره
كان يشوف وناسته من وناسة هالمسكينه

بغرفة ساره
نوره: خخير ساروه شفيج خبصتي قلبي .. ليكون رائد سواا لج شي
سااره : لااا بسس
وتقولها ساره كل الي صاار معاهااا
نوره : لا تخافين حبيبتي .. خليه يولي اصلن اهوا الي راح يتحسف وين بيلاقي مثلج
نوره تقووم وتحضن سااره وتهديها
نوره: ساره حبيبتي والله صعبه علي اشوفج تبجين ما تدرين انا شكثر اعزج
توقف على لفراش : تبيني اروح افجر برائد
ساره تضحك وتمسح دموعها : فديتج نوره والله انتي الوحيده الي فاهمتني
نوره : انزين ساروه قومي خلنا نطلع
ساره: نويره ماالي نفس
نوره : اخاف بكيفج قومي قومي
بخلي بدور يطلعنا
ساره : لا لا ماابي روحي انتي استانسي مع اخوج عليكم بالعافيه
نوره : اووهوو شوفي بعطيج نص ساعه وابيج عند باب بيتنه بقوم احجز لنا سينما
ساره حست انه ما راح تقنع نوره انها ماتيه : خلااص الي تشوفينه باسج قوي انتي منو يقدر عليج
نوره تطلع من شقة ساره وتروح بيتهم راحت غرفتها
مسكت تلفونها وله فهد داق عليها
ردت دقت عليه
فهد : الووو
نوره بخجل : هلا فهد
فهد : هلا .......... شلونج شخبارج ح,,, حبيبتي
نوره ينت من هالكلمه : الحمد لله بخير
فهد : نوره عندي لج موضوع مهم ابي اكلمج فيه فااضيه الحين وله مشغوله
نوره: لا فااضيه ما عندي شي خير شبغيت؟

فهد: نوره انا احبج تعرفين يعني شنو احبج ........ اففف يا ربي انا مو بس احبج انا اموت فيج
نوره انا ادري انج خوش بنت وما رااح الاقي مثلج ... نوره ابيج زوجه لي لانه والله فراقج صعب مو متخيل انه انتي خلال شهر بتكونين بديره وانا بديره بس هاذي الي حبيت اقوله لج .. انا مابيج تردين علي الحين
ادري اني صدمتج ....انا ناطر منج مسج بأقرب وقت اوكيي؟؟؟
نوره منصدمه وما ردت عليه
فهد : نوره تسمعيني ؟؟
نوره: أي اسمعك
فهد : اوكي ؟؟
نوره: انشالله
نوره صكرت التلفون بويها تنحت شوي,,,, قطت روحها ع السرير
قاامت تفكر بمحمد
محمد من يوم ما فاتحته بموضوع الزواج ما دق عليها
ولا قام يرد على تلفونااتها
قاامت تفكر بكلام فهد
(( يا الله هالولد لي هالدرجه يحبني ))
شوي وله يوصل لها مسج
افتحته والي مكتوب
(( يا حلو صوت حبيبي يوم كلمني الله على صوته ويازين ضحكاته
صحيح خجلان لكن صوته اطربني
فديت صوته وهمساته وضحكاته
اقول احبك واهو ومحرج يجاوبني
يا ترى حبيبي يحبني هو وله بس يجاملني ؟؟))
صوت الباب ينطق
من ورى الباب : ادخل؟
نوره: ادخل ادخل
بدر : هاا نويره شلونج
نوره : زينه .... بدور ترى انت اليوم ببتطلعني
بدر : اخاف على كيفج بس
نوره: أي بس انا عطيت ساره كلمه والبنت قاعده تلبس
بدر : داام السالفه فيها ساره عيوني لج انا
نوره تعوي بوزهاا : يا سلاام وانا مو اختك يعني لا لا بديت اغاار
بدر : يالمينونه ... انزين قلتي لها عني وله لأ
نوره توترت : لا لا ما قلت لها ... نسيت
بدوور اطلع بره بلبس هدومي

......................................................................
راائد لما الحين يدق على ساره
وساره ما ترد عليه .... حيل كان متضايق من الي صاار
لانه اهوا عمره ما ححب انسان بهالدينا مثل ما حب ساره
فبيت رائد
رائد قاعد بغرفته يفكر بساره
ويقرا مسجاتها
ميري من ورا الباب :
(( raaeed baba is waiting for u down stears ))
رائد يرد عليها : خلاص الحين ياي
وينزل تحت حق ابوه
ابو رائد : هلا يبه وينك هالايام ما اشوفك
رائد: يباا شوي مشغوول هالجم يوم بأمتحانات الجامعه
تدري انا ماخذ صيفي
ابو رائد: الله يوفقك يبا تبي فلوس وله عندك
رائد : يباا الي حولتهم لي على حساابي كافين ولما الحين ما خلصتهم
ابو رائد : خلاص انا مسافر الحين عندي شغل
واذا تبي أي شي دق على تلفون طوني واهوا بيحولك علي اذا كنت فاضي
رائد يبوس راس ابوه : الله معاك
ابو رائد يطلع من البيت ويسحب وراه جنطته و ويطلع ويصكر الباب وراه
رائد قعد يتلفت حوالينه ويفكر ما بيقا لي احد بهالدنيا اعز رفيج عندي وفارقته وحبيبتي وخسرتها
وامي استغنت عني وعن تربيتي واعتبرتني حمل كبير عليها وسافرت حق اهلها قبل لا افهم هالدنيا عدل
ظل هاليوم متضايق وقاعد بغرفته بروحه


بغرفة مريم
مريم تبجي وتفكر بالطلب المستحيل الي طلبه منها سالم
شلون بتخوون رفيجتها
سالم الي طلبه كان
(( ابيج تخلين ساره تطلع معاج وتيبينها لي عندي بالشقه
وله صدقيني صورج بتوصل حق ابوج بعطيج مهله سبوعين بس.... راائد مستعيل على ساره ويبيهاا
سالم كان هدفه بس انه ينتقم من رائد لا اكثر ولا اقل


بسيارة وليد
ام وليد وايد عجبها الاكل بفيش ماركت
وليد : هاا يمه استانستي
ام وليد : أي والله يعطيك العافيه يمه
وليد : الله يعافيج يالغاليه مو قلت لج بيعجبج
ام وليد : عااد بس كل دقيقه قاايل لي مو قلت لج مو قلت لج
وليد : هههههههههههه خلاص خلاص السموحه
ام وليد تسكت شوي وتلف على وليد تشوفه
وليد يلاحظ نظرات امه له ويبتسم لها
وليد : خير يمه فيج شي
ام وليد بصوت حزين : يا يمه متى اشووف عيالك ابي استانس فيك قبل لا اودع هالدنيا ا
وليد: يمه سمله عليج بعد عمرن طويل انشالله
ام وليد عينها قاامت تدمع ووليد قام يهديها
وليد : خلاص افا عليج يمه والله ما اردج دوريلي على مره
ام وليد تضحك : وي اللله يخليك لي يا ويلليدي

بالسينما
دخلوو نوره وساره وبدر السينما وقعدو على كراسيهم
نوره : اوووو نسيت اشتري نفيش
بدر : وانتي لازم تاكلين يعني
نوره : أي لازم
ساره تضحك
ساره : رووحي اشتري لج بسرعه قبل لا يبدي الفلم
نوره قامت تشتري لها نفيش وخلت ساره وبدر بروحهم
بدر حس انه هااذي احسن فرصه انه يكلم ساره عن موضوع حبه لهاا
بدر يلف على ساره
بدر : سااااره
سااره : خيير
بدر: ساره ادري مو وقته افتح معااج موضوع جذي بس اناا ..................................


يا ترى بدر بيتجرأ ويقول كلمة احبج حق سارره واذا قالها ساره شنو بتكون ردة فعلهاا بتنسى رائد وتبادل بدر شعوره ؟؟؟؟ ونوره شنو بيكون ردها لفهد
ومريم شبتسوي مع سالم؟؟

​

 

[خميسيه]

بلييييز كملي روايتج عجيبه صراحه

تسلميين حبيبتي من ذوقج

 

[خميسيه]

بلييييز كملي روايتج عجيبه صراحه

مشالله واااايد حلوة الرواية واندمجت وياج وااايد
يلا لاتطولين علينا

انشالله ماراح اطول وكل يوم بارت او بارتين

 

[خميسيه]

واااي كسرت خاطري مريم
وسالم هذا ودي اكفخه بعد شنو تبي اوووف >> واايد متاثره

ناطرينج كملي [/size]

ههههه يالله نطري البارتات اليايه يبقثج اكثر بعد هالسالم

القصه وايد حلوووووووووووة
ومرتبه موعايمه على بعض نفس باجي القصص
كان ودي ساره تحب بدر مو رايد بس عجبني انه بدر تغير عشانها
وانا واايد مستغربه انه مافي تفاعل مع انه القصه روعه
وقاعده تنزلين بارتات بدون ماتعلقين البنات
بس تدرين ليش يمكن لانه من وجهه نظري العنواان مو وايد يشد
ونااطره باجي البارتات على احرررررررر من الجمر

ثنكس حبيبتي والعنوان نفس ما كان عنونها قبل قلت مابي اغيره عشان البنات يعرفون الروايه وانشالله يصير تفاعل اكثر

 

[jojo]

ناطرينج حبيبتي كملي

 

[so_what]

وييييع الله يستر من هالسالم ، ناطرينج حبيبتي كملي

 

[Shasawi]

اوفف بديت افقد اعصابي الرقيقه كل ساعه بقعد انطر بارت ((((((

 

[بطلع لاتدفون]

حدهااااا رووعة
سالم حقييييييييييير
يسلللمو​

 

[خميسيه]

12
فبيت ام وليد

ام وليد تكلم ام ناصر ع الخط: فديته قالي دوريلي على مرره
ام ناصر: والله .. ادري فيه هالولد ما يرد لج طلب االله يوفقه انشالله كل بنت تتمناه
ام وليد: اميين ياا رب .. بس تدرين انا من الحين حاطه عيني على بنت وابيها له
ام ناصر : والله الف بنت تتمناه ... بس منو هالبنت
ام وليد : البنت الله يسلمج...............

بغرفة مريم
مريم تتلكم بالتلفون: الله يخليك. سالم ليش جذي تسوي فيني
سالم : قلت لج ماكوو لج بس سبوعين الولد يبي ساره واصلن رفيجتج الشريفه هاذي اهيا تبي هالشي بس مستحيه
مريم : انزين الله يخليك على الاقل بس سبوع واحد زياده ابووي اصلن مو راضي يخلني اطلع برا البيت الا بشوره ومشاويري لازم تكون ضروريه .. الله يخليك يا سالم تكفى
سالم شااف انه الموضوع صج مو بيدها
ما اهتم متى بتيب ساره عنده .. المهم انه عطته وعد
سالم : شووفي لج هالشهر بس.. واذا عدى الشهر وما يبتيها بتنفضحين يا مريم
مريم تبجي: خلاااص وعد والله ايبها لك.. بس صوري لا توصل حق ابوي تكفى تكفى
سالم : يالله ذلفي .. ويصكر الخط

فبيت ام بدر
نوره تطق البااب على غرفة بدر
نوره: بدوور خلاص عاد عطني تلفوني ..
بدر يفتح الباب ويركض تحت
نوره : بدوور شفيك شفييك شفيييك وين رايح
بدر: نوورووووه تعالي بسرعه شقة ساره
نوره تطل عليه من ع الدري : بدوور شفييها سااره انطررر
بدر طلع بره البيت ركض وصل عند شقة ساره

بشقة ساره
ام ساره : خالد وين مبارك
ابو ساره : مادري يمكن بالحمام
ام ساره : ههههههههههههههههههههه
ابو ساره : ليش تضحكين
ام سااره : هاااا ما ادري
( طبعن اثر الشرب واضح عليههم)
ابو ساره : قوومي قوومي بطلي البااب
ام سااره تقووم بصعوبه وترد تطييح
وقامت تضحك وخلت الباب يولي

بدر يطق الباب حييل
وبس ماكو أي رد
قاام وبعد عن البااب ورد دزه بجتفه بكل قوه وكسر الباب
دخل وشاف حال ام ساره وابو ساره
بدر: أي صوب غرفة ساره
ام ساره: اطلع بره انت مو متربي
بدر: وخري عن ويهي
دز ام ساره وقعد يفتح البيبان مثل المينون يدور على غرقة ساره
لقى الغرفه والصدمه كاانت ............

فبيت ام بدر
نوره بغرفتها تلبس عباتها
شوي وله تسمع صوت تلفونها
تدوره ما لقته بغرفتها . استوعبت انه اهوا كان عند بدر رااحت غرفة بدر
خذته والي كان مثصل فهد
نوره فز قللبهاااا
نوره : الووووو
فهد : يا فديت الالووو على لسانج
نوره ويها قلب بالضبط طماطه: مشكوور
فهد : يااا فديييت الي تستحي
نوره متنحه : ..........................................
فهد : أي سكتي سكتيي المهم نوره ... روحي غرفة امج الحين
نوره: غرفة امي لييش
فهد : روحي وخلاص .. اول ما تعرفين السالفه دقي علي
نوره تصكر التلفون وتروح غرفة امها مثل ما قال لها فهد ونست سالفة سااره اصلن
ومستغربه كانت من طلبه
نوره تطل من عند الباب
ام بدرتتكلم بالتلفون : فهد ؟؟؟ ...... أي هااذي الساعه لمباركه يا ام فهد ؟؟؟! والله ما ادري ... اوك انشاالله الاثنين
حياج الله وتصكر الخط
ام بدر تصووورت : نـــــــــــــــــــــــــوره
نوره : تركض دارها وتنسدح بفراشها .. وتسوي نفسها نايمه وتشخر
ام بدر تبطل الباب على نوره: نورررره قووومي ..ٌبكلملج بموضوع
نوره تحك راسها تبطل عيونها وتتثاوب: هااااا يمه .. اففف لا تصرخييين
ام بدر بقلبهاا هالرقله مالت زوااج مو مااشي: قوومي قلت لج بكلمج
نوره تقعد على حيلهاا وام بدر قالت لها كل شييييي

فبيت هدى
هدى كانت محتاره يا ربيي ادق عليه وله لا
هدى: هااا لا خلني اكلمه ع البيبي ام وبعدين ادق عليه
تشووف وله رائد مو موجود معطيها دليت ومن المسن مو شابك
راائد كان بغرفته ومنسدح على فراشه ويشوف صور ساره ويسمع اغنية
(( مشتاقلك موت يالللي طول اغيابك ذبحني الشوق وانت عني مو داري))
وصل له مسج ع التلفون
فز قلبه توقع انه الي دازته ساره
بطله وطبعا كانت هدى
(( راائد وينك ما اشوفك على المسن
(( كا الحين تشوفيني))
ويدخل ع المسن
هدى تحط صورتها واهيا لابسه نفنوف قصير اسوود وفيه فتحه
هدى (( وييي امبي طاع أي صصوره انا حاطتها نسيتها واي امبي فشله))
رائد(( لا تخافين ما شفتها))
هدى (( لا لا شوفها وعطني راايك انت مو غريب شووفهااا ))
رائد شافها بس ما اهتم للصوره كلش صج انها كنت اتينن بس ما نسته ساره
رائد (( هدى بطلب منج طلب))
هدى استانست(( خير اطلب عيوني لك ))
رائد(( تسلمين .. هدى انتي نفس اختي وانا حيل اعزج ولولا معزتج جان ما طلبت هالشي منج انتي ))
هدى اففف هم رد قال انا حسبة اخته (( خير شبغيت ))
رائد (( ابيج تكلمين ساره ... والله احب هاالانسانه وفراقها حيل صعب عليي ))
هدى حاقده (( شتبني اقولها بله ))
رائد (( أي شيي قولي لهاا الي تبين بس ابي اسمع صوتها ابي افهمها اهيا شنو بالنسبه لي ))
هدى (( اوك عطني رقمها ))
رائد يعطي هدى رقم ساره
هدى بقلبها انا اوريك فيها يا رائد

بغرفة ساره
بدر دخل وشااف منظر كلش ما يطمن
ساره قاعده ع الزاويه تبجي
ومبارك شوي بعيد عنهاا يضحك
بدر يروح حق ساره : الكلب سوا لج شي
ساره تبجييي وما ردت على بدر
بدر اخذ ساره من ايدها وطلعها بره الغرفه
رجع حق مباارك الغرفه وتولاه طق ومحد قدر يفكه من بدر
بدر كاان معصب بدرجه مو طبيعيه كان ممكن انه يذبح مبارك بس الحمد لله انه الله ستر واستغفر ربه وهده
بدر مسك ساره من ايدها واخذها بيتهم

بغرفه نوره
نوره : مواااافقه
ام بدر ياللرقله ثقلييي
نوره : مواافقه ماله داعيي ايون يوم الاثنين ما انطر دقيي عليها قولي لها موافقه
ام بدر : افففف انتي مو مال زواج
نوره : ليش يمه اناا
وقبل لا تكمل نورره كلامها
بدر يدخل وماسك ساره وكاانت ميته بجييي وعيونها حمرر
نوره : يمه سممله عليج شفييج ..بدور شفيها ساره
سااره تلم نوره : ااههه يا نــــــووووره ااااااااااااااااااه
نوره تمسح دموع ساره وتحضنها : سااروه حياتي شفيج سااروه عفيا قولي لي شفيج
ام بدر: سمله عليج شفيج يمه بدر شفيها ساره
بدر : يمه تعالي
ويطلع برا غرفة نوره
بدر: يمه رفيج ابوها الجلب متحرش فيها
ام بدر: انت من صجك ووين متحرش فيها وين شافهاا
بدر : كان عندهم بشقه وانا سمعت صراخها ودخلت الشقه وله امها وابوها مغيبيين والجلب حاكرها بغرفتها
ام بدر: لا حول ولا قوة الا بالله ... عسى ما سواا لها شي جايد
بدر : يمه علمي علمج خل نوره تسألها وطمنوني والله اذا كان امسوي فيها شييي ذبحه حلال
ام بدر : خلااص انا بخلي نوره تسألهاا بس رووح انت طاع شكلك روح ارتاح حبيبي هديي هدي
بدر: انشا الله يممه بس وين ارتاح انا ما راح ارتاح الا اذا عرفت انه ساره بخيير
بدر يروح غرفته
وقعد يفكر بساره وكان حيل معصب
بغرفة نوره
نوره: بس ييااا سااره حياتي خلاص والله فتفتي قلبييي خلااص
سااره تبجيي وكل ما حاولت نوره تهديها زاد بجيها
ام بدر: نوره تعالي
نوره تروح حق امها عند الباب وتخلي ساره على لفراش
يمه ما قالج بدر شفيها نوره : افف لا حول ولا قوة الا بالله

ام بدر: بلا قالي ... وتقول لها الي قاله لها بدر
بس سمعي يقولج سأليها بالضبط شسوا لهاا
نوره : انشالله بس خلها تهدي
وبعدين بسألهاا
وترجع نوره حق ساره تهديها
لما اسكتت ساره
نوره : ميخالف يا ساره خلاص حبيبيتي انت
وتوبسها على راسها
ساره تمسح دموعها وتحضن نوره
نوره : سااره حبيبتي ادري مو وقته بس ابي اتطمن
مبارك شسوا لج
سااره عيونها تدمع: مبــــــــارك .................

فبيت ام وليد
ام وليد : البنت اهيا فطومه بنتج الله يحفظها ويحرسها والله ما راح القى مثلها اخلاق وجمال وسنع واهم شي انها بنتج يالغاليه
ام نااصر : وي هاذي الساعه لمباركه الي وليد ياخذ بنتي فطومه
ام وليد : شووفي اخذي راي فطومه وردي لي خبر
ام ناصر : لا تخاافين انا من الحين اقولج ردها موافقه
ام وليد : ما يصير لازم تسألينها
ناطرين ردج حبيبتي
ام ناصرر: انشالله يالله اخليج ...
ام وليد : مع السلامه
ام ناصر : الله يسلمج حبيبتي
ام نااصر قامت تفكر بموضوع بنتها فطومه
راححت حق فاطمه المطبخ
ام ناصر : ها يمه شتطبخين
فاطمه : يعني شقاعده اطبخ حدي توست وجبن وبيض اذا كثرت
ام ناصر: اااخ منكم يا بنات هالوقت وله فيه بنت ما تعرف تطبخ
فاطمه :فديتج وليش اطبخ وععندي الي تصك على احسن شيف بالدنيا
وتبوس امها على راسها
ام ناصر : فطومه حبيبتي قعدي بكلمج بموضوع
فاطمه تقعد ع الكرسي
فاطمه : خير يمه
ام ناصر : تعرفين وليد ولد ام وليد رفيجتي
فاطمه : أي اعرفه مو الي ذاك اليوم ياب امه لنا
ام ناصر : أي عليج نوور ... يمه وليد قرر انه يتزوج
فاطمه: أي الله يوفقه انشالله
ام ناصر : تدرين منو يبي
فاطمه : لا ما ادري بله شدرااني
ام ناصر: يبيج انتي
فاطمه مصدومه : انااا...
ام نااصر : ايي يا يمه انتييي .. بس ابي راايج واعتقد انه انا عارفه راايج علشان بيونه يوم الاثنين
فاطمه :.......................
شنو بيكون رد فاطمه
هدى شبتقول حق ساره
ومريم شلون بتودي ساره حق سالم
ساره شسوا لها مباارك
ونوره ........ شبيصير يوم الاثنين معاها



​

 

[Shasawi]

لالالا عسى ماسوه فساره شي
وبعد عمري بدر شهالحب
وااي حركه فهد عجبتني
متى احد يحس على دمه ويتصل علي ويقولي روحي دار امج
وانا اقول منو هذا ولامعجب سري يخطبني:~

 

[so_what]

Upppp

 

[خميسيه]

13
بغرفه نوره
نوره : مبارك شفيه..... ساروه ليكون سوا لج شي
ساره تمسح دموعها: مبارك حاول يغتصبني
نــــوره : حــاول يعني ما اغتصبج صح
ساره تهز راسها لاا
نوره تبوس ساره : اشوه عبالي سوا فيج شي ساره عيل شهالبجي
ساره تلف على نوره : نوره حطي نفسج بمكاني رفيج ابوج يحاول يغتصبج
ساره ترد تبجي : نوره ملييت من تصرفاتهم ... اليوم عدت على خير بااجر شدراني شيصير
نوره حست بمعاناة ساره : ميخالف صبري
ساره : هذا انا صابره وبشوف شنو اخرتها
نوره قامت تضحك ساره كعادتهاا
وخلتها تنسى سالفة مبارك نهائيا
وطبعا قالت لها عن سالفة فهد وساره حيل افرحت لها
ساره : الله يوفقكم انشالله مع بعض واتيبون الذريه الصالحه
تلفوون نوره دق
والي كان متصل محمد
نوره استغربت : ساروه هذا محمد داق
ساره : اتعوذي من بليس ولا تردين عليه
نوره : أي اكييد ما رااح ارد عليه مينونه انا
ساره : أي خلج ادميه ولو مره وحده بحياتج
نوره ما شالت التلفون لما رن اول مره
بس اول ما رن المره الثانيه طبعاا الملقوفه شالته
نوره : الووووو


فبيت ام وليد
وليد توه راد من الدوام وكان منسدح بالصاله وماسك الريموت ويفرفر بالقنوات
شوووي وله يسمع صوت ازعاج مو طبيعي
ومصدر هالازعاج كاان ...... بطنه
وليد : يمـــــــــــــــــــا يوعااان خلاااص تكفيييين بسج سوالف بالتلفووون
ام وليد : كااني كاااني خلصت لا اله الا الله عليك ما تنطر
وليد يسوي نفسه يبجي : ااااااااه يا يمه هاذي اخرتهااا يهون عليج تخليني يوعاااان
ام وليد تطقه على راااس : استح على ويهك متى يوعتك انا.. خو كلها نص ساعه كنت اتكلم بالتلفون
وليد يرفع حق امه حواجبه : ومنو بالهدنيا هاذي قدر انه يشغل ام وليد عن وليد
ام وليد تضحك : كنت اكلم ام ناصر... والله وكبرت يا وليد وبتتزوج
وليد يستتعبط حط ايده على قلبه وقال : واللله وراح شبابك يا وليد بتزوجيني ام نااصرررر
لاااااااااااا حرام علييييج يمه .....ويقعد عند ريلهاا يسوي نفسه يبجي
ام وليد تضحك :وليدووه وعافيه انشالله ... عيب عليك هااذي خالتك
وليد : يمه اتغشمرر فديتتج
ام وليد : انشالله اذا وافقت فطومه بنروح لهم البيت يوم الاثنين
وليد : انشالله.... يمه يرحم اسلافج حطي الغدى يله يوعاااااااااااااااااااان
ام وليد تروح المطبخ وتحط الغدى ووليد كان معاها يساعدها
وليد حيل استانس من فكرة الزواج وتحمس لدرجة انه سمى عياله واحفادهم من الحين
وليد : ايي عااد اول بنت بسميهاا فجر على اسم المرحومه والثانيه بسميها مناير
والولد طبعا بسميه راشد على اسم الوالد الله يرحمه
ام وليد تطالعه وتبتسم
وكملوووا اكلهم وعلى هاالمنوال وليد صدع راس امه بسوالف الزواج والمسكينه تتخيلهم عياله بحظنه

فبيت ام ناصر
فاطمه : لاااا انا اسفه يمه ماابيه
ام ناصر : ليش يا يمه ما تبينه
فاطمه: يمه الصرراحه ... شايفه ويهه
ام ناصر: حرام عليج الولد ما فيه شي حليووو
فاطمه: لا حليووو ولا شي .. يمه الولد جيكر .. استغفر الله انا ما اعترض على خلقة ربي
بس حراام انا اتزوجه انا وين واهوا وين .. كان المفروض من اول ما كلمتج امه ترفضين
ام ناصر : يا يمه فكري ترا بتتحسفين
فاطمه: على شنو اتحسف لا تخافين .. كلش ما راح اتحسف يمااا اتزوج سايقنه ولا اتزوج وليد

ام ناصر : براحتج يا يمه بس تفكيرج غلط كلنا خللقة الله وكلنا مخلوقين من تراب وبنرد تحت هالتراب
استغفري ربج وصلي صلاة استخاره
فاطمه : ونعم بالله يمه انا ما قلت شيي غلط .. بس وليد ما يصلح لي وخلاص
ام ناصر : الي تشوفينه يا يمه .. والله ما ادري شبقول حق هالمسكينه الحين
فاطمه : عادي الزواج قصمه ونصيب
تبوس امها على راسها : سامحيني يمه
ومشت راحت غرفتها
غيرت ملابسها ولبست هدوم البيت
فاطمه كانت محاميه وفيها غرور شويه
معنهاا كانت عاديه بس كانت تشوف نفسها انه اهيا واااو
جابلت المنظرا وقامت تشوف ويهاا : قااال وليد قااال حرااام هالجمال هذا يرووح حق وليد

فبيت هدى
هدى حست بغيره مو طبيعيه من ساره
هدى تدق على شيماء
شيماء : الووو هلا حبيبي
هددى يطلع الاصل : والله لأكرهوو بالبنت الي اسمهاا ساره
شيمااء : لا حول الله شفيج
هدى : قال شوو قاال كلميهاا انا بحبها وبموت فيهااا بدي اسمع صوتهاا اييييي
تتفلأ انت وياااهااا
شيما تضحك : وليي هدى انتي شلي حاارج خليييه ترا الولد من صج يحبهااا
هدى : والله ما اخليه اكيد المحروسه ساره عاملتلو عمل
شيماء : شكووو يعني ليش يحبها اكيد عمل ماله داعي المحبه من الله يا هدى
هدى: والله لعملووو عمل لخليه ينسى ساره واهلهاا ان كانت عامله احمر لعملو اسود واخضر وكل الالواان
شيماء : وبعدين معاج انتييي .. هدى والله ازعل عليج بعدي عن هالسوالف احنا شقلناا
هدى : اييي تتفلئييي انتي التاانيه وتصكر الخط بويهاا
شيماء قامت تضحك عللى هدى
شيماء : لا اكيد ينت .. اول مره ادري انه البناات مستعدين يسووون أي شي عشان لفلوس

رائد ارتاح لانه هدى وعدته انها بتكلم ساره
رائد بقلبه : والله هالبنت زواااج خل ابوي يرجع من السفر وربيي على طوول اخذه لي بيتهم
افف انشالله هدى تقنعها بس انها ترد ليي
(( وعليه عليك يا راائد ما تدري هدى شبتسوي))

بغرفة نوره
محمد : الووو هلا حببتي
نوره : انت وينك من زماان عيززت وانا ادق علييك
محمد (( طبعاا جذاب )): انا كنت بالمستشفى تعبان حدي ... حبيبتي احبج مشتاقلج
نوره : وااي ما تشوف شرر
ساره تسحب التلفون من نوره وتصكره بوي محمد
نوره : شفييج انتي ينيتي ليش تصكينه
ساره : نوره لا تخربين على روحج .. انتي خطبتج يوم الاثنين .. لا تخلين محمد يفر راسج
نوره تسحب التلفون من ساره : لا تخافين محد يقدر يفر رااسي
نوره تدز حق محمد مسج
(( اذا انت تحبني وتموت فينيي مثل ما توك قلت .. ابي امك تدق على بيتنه تخطبني من امي وتحددون معاها موعد قبل يوم الاثنين))

محمد قراا المسج وقاام يضحك
اسمع اسمع نصور شكاتبه الخبله
ويقرا حق رفيجه ناصر المسج
نااصر : ترا البنت مو هينه ... بس حمود شمعنى قبل يوم الاثنين
محمد : وانا شدراني .. خلها تولي ماني رااد عليهاا .. وعقب يومين بقولها اني قريت المسج وسويت حادث
ناصر : هههههههههههههه والله انت بعد مو هيين
محمد : افا عليك اضبطك

نوره : دزييت له مسج اقرريه ساروه
ساره تاخذ التلفون وتقرى المسج
ساره : من صجج يعني لو خطبج بترضيين
نوره : أي ليش لاا
ساره : مينونه انتي والله
نوره تقط روحهاا على لفرااش : الحب يا سااره وما ادراك ما الحب
ساره قطت نفسها ع الفراش يم نوره وقاامت تفكر
نوره وصل لها مسج من فهد
(( ابي ردج الحين واعتقد انتي عارفه عن شنو اتكلم))
نوره (( موافقه :$))
فهد (( فديتج والله يالله تصبحين على خيير الحين طمنتيني ))
نوره (( وانت من اهل الخير))
فبيت ام فهد
فهد يروح غرفة مريم
فهد : مريووم قومي عندي لج خبر يفرحج
مريم : فهوود مو وقته تعباانه
فهد يسحب مريم من فراشهاا :
قومي بكلمج
مريم : اففف شتبيي
فهد : احمم خطبتي يووم الاثنين
مريم : هاااا ... احلف
فهد : والله ... وتدرين منو بااخذ
مريم توها بترد عليه بس فهد من زود وناسته ما عطاها فرصه تتكلم
فهد : نوووره .......... نوووره
مريم : نورووه ...؟؟؟ ما غيرها الخبله
فهد : ايي نوره ياا فديت اسمها
مريم : انت هيي وليش انا اخر من يعلم بله
فهد : انتي جم يوم صارلج امعفنه بغرفتج ما تطلعين وكل ما يتلج بكلمج قلتي لي تعباانه
مريم : امممم موفقين انشالله
فهد : اقولج مريوم يببي وله انا ترا بيبب الحين
مريم : اركد ياالمينون
فهد : الف الصلاااة والسلاام علييك يا حبيب الله محمد كلوولووووش
مريم قامت تضحك على اخوها
ضلوا يسولفون هاليوم ع الساعه 1
فهد خلاها وراح غرفته ينام
مريم فكرت (( ليش ما اخلي ساره تناام عندي ليلة ملجة نوره وفهد وبقولها تطلع معاي
طبعا ما راح تقول لا واذا ابوي قالي وين رايحين بقوله بروح انام فبيت ساره ))
مريم دقت على سالم وقالت له عن الي فكرت فيه
وسالم وافق
وخلاص اتفقو انه ليلة ملجة فهد ونوره ساره بتروح الشقه حق رائد
طبعاا رائد ولا يدري عن الممووضوع
مريم : حبيبي سالم تحبني ؟
سالم : اموت فيج مو بس احبج
مريم : عيل ليش سويت فيني جذي
سالم : كنت بتأكد شكثر تحبيني
مريم : وصور البنات
سالم: هذولي قديمين
مريم : امممم
وظلت تسولف مع سالم




بغرفة نوره
نوره كانت نايمه
بس ساره ما كانت قادره تنام حست انها عطشاانه
لفت على نوره لقتها نايمه
قامت طلت من الباب
لقت الصاله فاضيه والليتات امصكره

قامت تتسحب شوي شوي لما وصلت المطبخ

بغرفة بدر
بدر قاام يحاتي ساره
لانه اهوا وصى امه تقولل حق نوره تطمنه على ساره
بس نوره ما دزت له مسج
طل بالصاله لقاها فاضيه وظلمه
قاام يتسحب شوي شوي لما وصل عند غرفة نوره
حط اذونه على الباب
مااكو صووت بس صوت شخييير نوره كان شايل

ساره شربت مااي وطلعت من المطبخ
وشاافت منظر بدر واهوا لازق بالباب وحاط اذنه علليه ويتسمع
ما قدرت تمسك روحها وضحكت
بدر التفت عليهاا
بدر : احمم .... ساره انتي من متى هنيي
ساره تبتسم : لا تخاف توني
بدر يطالع ايدها : وااي حدج حاسه فيني يايبتلي ماي فديتج
ساره تنزل راسها بالارض استحت : هااك اخذه
بدر يقضب القلاص ويقضب معااه ايد ساره
ساره اسحبت ايدهاا ورااحت الغرفه
بدر : تعاالي
ساره تلف عليه
بدر : تصبحين على الف خير يا ويه الخير
ساره : وانت من اهل الخير

.......................................................................................................................
شبتكون ردة فعل وليد لي عرف انه فاطمه رفضته
من بعد ما تحمس حق الفكره
نوره شبيصير وياها عقب يومين
ورائد هدى بتقدر عليه
ساره شبيصير لها مع سالم يوم ملجة نوره وفهد
وبدر العاشق المغرم متى بياخذ خطوته ويتقدم حق ساره ويخطبها



​

 

[Miss.blue berry]

الروايه واايد حلوه
عاد كنت ناطرتج تبطلينها !!
يلا ناطرين البارتات اليديده
انا كنت قاريه كل هالبارتات

 

[لياليـ]

الصراحه من احلى الروايات كملهايعطيج العافيه
اتقبلي مروري

 

[لياليـ]

اب
اب
لعيونج

 

[خميسيه]

14
الصبح ع الساعه 10 ونص
طبعا وليد كعادته متأخر ع الدوام
ولييد : يـــمه وين الريوق
ام وليد : كااهو لا اله الا الله عليك انت ماا تشبع
وليد كان امتبت شوي بس يونس فطفوط
وليد : يمه اليوع كاافر
ام وليد : اقعد اقعد ... يمه
ولييد يبوس امه على راسها ويغوص بالاكل
ام وليد تشوفه وتضحك عليه : ولييييد يمه
وليد يمسح حلجه ويشرب مااي: هلا يمه عيوون وليد انتي
ام وليد : فاطمه ...
وليد يلف على امه : رفضتني صح
ام وليد : يا يمه الزواج قسمه ونصيب وبنت غيرها الف افا عليك بس
وليد يقوم على حيله :ميخالف يمه .. تسلم ايدج على هالاكله
يله تامرريني على شي
ام وليد بصوت حزين : سلامتك يمه
ركب وليد سيارته
وقعد يفكر
ليش ارفضتني فاطمه
لبس نظارته ....وطالع ويها... سنع شعره شااف ويهاا .... وعرف السبب

بغرفة هدى

هدى قامت من النوم
حطت ميك اب خفيف
ولبست نفنوف ابيض قصير
وسوت شعرها كيرليي
وراحت الجامعه كان شكلها حلوو وحده بسيط

واهيا داشه دق تلفوونها والي كان متصل سالم

سالم: الووو هلا هدووو
هدى : هاا سلووم وينك... وصلت وله بعدك
سالم : أي انا بالمصافط
هدى : اوك يله انا ناطرتك عند الباب
سالم صفط سيارته وراح حق هدى عند الباب
هدى: هااا سلووم .. وينك انت امغبر
سالم : بعد مااكو ... مالي خلق الزفت الي اسمها جامعه
هدى : دريت عن اخر الاخباار ... رائد يحب
سالم : ايي الحمد لله والشكر
هدى : والله الخبل يحبها وعطاني رقمها بيني

اكلمها يقول اقنعيها ترد لي
سالم : خل تولي بنت السكير ... خرباانه ورائد عباله شريفه ..
هدى : يله عاااد .ورائدر رافعها لي بالسما .. ساره وساره ...
سالم : يا معوده خلنيي ساكت اصلن ع الاسبوع اليااي والا الي ورااه بتيلي الشقه ه
هدى : اووف حدها قويه وانا اقول شلون قدرت على رائد...... الملعونه
ساالم: يالله امشيي تراا الكلاس بدى طاع الساعه جم



بيت ام بدر
بدر قاام من النووم
تكشخ (( حق الحب)) لبس بنطرون وبلوزه من بعد ما كان متعود يلبس امكسر وفنيله
جابل المنظره واستخدم كل العطور الي على التسريحه وساعه كامله يمشط شعره
طلع نطر بالصاله الي يم غرفة نوره

وقبل لا يقعد بنص ساعه


بغرفة نوره
ساره قامت من الصبح لفت ويها وله نوره لما الحين فاتحه حلجهاا وتشخررررررر
قامت غسلت ويها لبست هدومها وراحت شقتهم
حطت ايدهاا على مسكة البااب ووقفت تذكرت كل الي صار لها امس
الي سواه مبارك لها وشلون مسكها شلون حكرها بغرفتها
ترددت 100 مره قبل لا تفتح الباب

بطلت البااب
بالصاله

امهاا وابوهاا كانوو نايمين
ققامت تتلفت خايفه انها تصادف مبارك
بس مبارك ما كان موجود
راحت ع القنفه الي منسدحه عليها امها
ساره : يمه قوومي ما وراج دوااام
ام ساره : ذلفي عن ويهي
ساره : يمه .. قومي وراج داووم
ام سااره :: افففف انزبيين خلاص قعدت
سااره باست راس امها و راحت غرفتها جابلت الاب توب
كاانت حاسه بضيقه مو طبيعيه
كل ما تشوف الزاويه الي حكرها فيها مبارك
غورقت عيونها بس احمدت ربها انه السالفه عدت على خير


ام ساره تطق الباب
ساره : دخلي يمه
ام ساره دخلت : ساره حبيبتي وين كنتي نايمه
ساره : يمه ما تذكرين ولا شي من الي صار امس
ام ساره : لاا
ساره بصوت كله حزن: كنت نايمه عند نوره
ام ساره : شفيج ضايق خلقج
ساره : ابد سلامتج يمه روحي دوامج
ابوو ساره صحى بعد ام ساره بشوي
طبعاا لا شغله ولا مشغله
تسبح وجابل التلفزيون
دق تلفونه والي كان متصل مبارك
ابو ساره : اهليييين هلا حبيبي .... بخيرر....والله كانت خوش سهره.. أي قعدت ما شفتك...ليش شصاار..
ومنو هذاا ... لا لا صج .... .اانا اوريك فييهاا
مبارك ع الخط : لا اهيا مالها شغل بس الي اذكره انه الوضع كان عاجبها بس يااه قاطعنا مالها ذنب سارونه
ابو ساره : امووت وعرف منوو هذاا
مبارك : يمكن الححب
ابو ساره : تسويها الحيوانه.. داام دانه امهااا
مبارك : شوووف .. ابي اطلب منك طلب .. وما اعتقد بتردني
ابو ساره : وانا اقد ر ارد لك طلب
مبارك : ابي بنتك
ابو ساره تفاجأ من طلب مبارك
مبارك: شفييك سكت...لا تخاف انا ابيها زوااااج .. بس اكيد عرفيييي .. علشاان المرا تدري ..
مباارك كان راعي فلوس
وابو ساره يموت على شي اسمه فلووس
يبيع نفسه علشان لفلوس
كاان متردد بس يدري انه زواج ساره معناته عيشه بنعيم وبييكون غرقاان باللفلوس


ابو ساره :,,,,,,,,,,,,,,,,,............................
ساره ظلت طول اليوم قاعده بغرفتها كانت متضايقه من الي صار امس

فبيت هدى
هدى ردت من الكليه وكانت حيل تعبانه
بس كانت تنطر اللحظه الي ترد فيها البيت وتكلم رائد
دخلت غرفتها وقطت اغرضها على الارض ودقت على رائد

رائد ع الخط: الووووو
هدى : اهلين رائد
رائد: اهلين فيج .. بشري شصار معاج
هدى : راائد انا ما كلمتهااا... تدري لليش
رائد مستغرب : لييش؟؟
هدى : لانها انسانه ما تستاهلك
راائد معصب : وشلي يخليج تحكمين عليها وانتي اصلا ما كلمتيها
هدى : رائد .... سالم اليوم قالي انه اهيا مواعدته بشقته عقب سبوع وله 2 ؟؟ شتبي اكثر من جذي؟؟
وقال بعدد عنها كلام انا استحي اقوله
رائد : انتي من صجج ... لا جذااب .. نصااب هذا لا تصدقيننه
هدى : والله ما ادري .. هذا الكلام الي وصل لي عنهاا ... وله انا كان ودي اكلمهاا بس شفتها جذي قلت الله يبعدنا عن هالاشكال
رائد : هدى ... شوي ودق
هدى : رائد لحظه
رائد صكر الخط بويهااا ودق على سالم
سالم : زيييييييييين فكرت فيناا
رائد : ساالم لو سمحت انا مو داق عليك الا عشان شي واحد
سالم : نعم شتبي
رائد:
صج الي قالته حق هدى اليووم؟ وله بس حجي كالعاده
سالم : لا يا حلو صج
رائد : جذااب وطول عمرك بتظل جذااب
سالم: شووف ااهيا قالت لي ماتبيك تكون موجود بس يله تعال شوفها بعينك عشان تصدق .. رائد انت من صجك اذا امهاا دانه شتبيها تصير بله ...
رائد : شووف انا بيي لسبب واحد .. علشاان ابين لك انت شكثر نصاب
وله انا واثق بساره
وصكر الخط بويي سالم
راائد بقلبه : لااا مو معقووله انا اعرف ساره
افف ما يطلع الحجي صج



فبيت ام فهد
فهد كان قاعد يقرى الجريده بالصاله
ام فهد دخلت عليه
فهد : هلا بالغاليه ام فهود
ام فهد : هلا حبيبي هاا كليت شي ..
فهد: أي الحمد لله
ام فهد : وين اختك عيل
فهد:والله ما ادري عنها يمه
انا من مساع قاعد بروحي
ام فهد: والله ما ادري شفيها هالبتت كله قاعده بغرفتها
فهد: مافيها الا الخير بس تعباانه امس انا قاعد عندها
المهم ما علينه يمه خالتي ام بدر دقت
ام فهد: أي دقت زهب روحك حق عقب باجر .. روح اشتر لك دشداشه
فهد:انشالله يمه

بغرفة نوره
نوره قامت من النوم لقت ساره مو يمها
غسلت ولبست بطلت باب غرفتها لقت بدر قاعد ع القنفه الي مجابله باب غرفتها
نوره : هلوووووووووووو
بدر: هلواااات
نوره خذت الريموت وقعدت تفرفر بالقنوات
بدر يطالعها ويطالع باب غرفتها
كان ناطر ساره تطلع
نوره : هي انت شفيك وايد معجب فباب غرفتي
بدر : اوووش .. ويكلمها بصوت واطي .. وين ساره ؟؟
نوره تقرب صوبه وتساسره: ساره راحت بيتهم...
بدر مسكهاا وكمش شعرهااا
نوره تصرخ: يمهههه لحقي عليييييي تعالي شوفي بدور
ام بدر كعادتهاا تيي مخترعه : شفيكم
نوره : شوفيي يمه يطقني
ام بدر : نوره وبعدين .. والله خبصتي قلبييي
نوره : اسفه .. يؤؤ كله زافتني
ام بدر : قلتي حق اخوج عن الي صار
نوره: لا ما قلت له ولا ابي اقوله
ام بدر : لازم تقولين له هاذا اخوج
بدر يطالع نوره بطرف عيينن: انا اخوووج العود
نوره تقول له عن فهد وعن سالفة خطبتها الي بعد يومين
بدر وايد استانس لها
وقعدو اهما الثلاثه بالصاله يسولفون ويضحكون
وعدواليومين بلمح البصر..
شرت نوره بدله من الصالحيه
وكانت وايد حلوه


ويوم خطبتهاا
فبيت ام بدر
بغرف نوره تحديدا
نوره لبست وكان شكلها وايد حلو
تنوره بيضه قصيره وبللوزه لونها اسود

ساره : لا لا عيني عليج بارده يا نوره اشحلاتج
نوره مستحيه : والله صج وشعري زيين وله ارفعه احسن
ساره : خليه ما فيه شي حلووو والله شكلج اينن
ام بدر من ورا الباب : نوره يله نزلي الضيوف تحت ناطرينج
نوره تلف على ساره لمتهاا وانزلت

ساره طلت من الدري
شافت نوره تدخل الصاله سلمت على ام فهد
وقعدت على القنفه فهد كان قاعد شوي بعيد عنهاا ويشوفها

ساره راحت الشقه وانطرت نوره تدق
انسدحت على فراشها وقطت بالاحلام

شوي وله يدق تلفونها
وكان الي متصل
رائد
طبعاا ما ردت
شافت مس كول عندها
وكان من نوره
ردت دقت عليها
نوره : الوو
ساره : هلا نور هاا بشري شصاار
نوره : حددنا الموعد بعد سبوعين
ساره : مبروك حبيبتي
وكملوو سوالفهم عن الزوااج وغيره وساره توصيها على كل كبيره وصغيره


مروو لسبوعين بسرعه
واليوم اهوا يوم ملجة فهد ونوره
بسيارة وليد
وليد بسيارته راجع البيت من دوانية رفيجه
كاان يفكر ....
ايي يفكر بمريم
يا ترى شصار حق هالبنت
وبنص تفكيره
فجأه
لمح
سياره جدامه حاول يتفاداها ما قدر
.................................................


هاليوم الي راح يصير فيه الي كلنا ناطرينه
سالم شبيسوي حق ساره
ورائد شنو بتكون صدمته لما يشوف ساره عند سالم
ووليد شصار معاه







​

 

[خميسيه]

الصراحه من احلى الروايات كملهايعطيج العافيه
اتقبلي مروري

الله يعافيج حبيبتي تسلميييين :d

 

[خميسيه]

الروايه واايد حلوه
عاد كنت ناطرتج تبطلينها !!
يلا ناطرين البارتات اليديده
انا كنت قاريه كل هالبارتات

تسلمييين اي انشالله هالمره بخلصهااا

 

[jojo]

لا انشالله مايسوي سالم بساره شي واااي سالم هذا ودي اذبحه
وااااي ياحلات نوره وفهد يننون
كملي حبيبتي ناطرينج