يماا يباا خلاص تكفوون ( رجعناااا )

[لياليـ]

يعطيج العافيه بس ياري اتحطين توقعات
اتقبلي مروري

 

[لياليـ]

اب
اب

 

[so_what]

واااي الله يستر ، لا ان شاء الله وليد مافيه شي كملي حبيبتي ناطرينج

 

[خميسيه]

15
الساعه ((8 بالليل))
المكان ((مستشفى مبارك))
دكتور عبدالرحمن : تسمعنيي ... حااول انك تقاوم .. بطل عيونك ... لا تنااام . ....
ع السرير ... وليد.. يفتح عينه بصعوبه ويرد يصكرهاا ....كان حاس بعوار مو طبيعي... رد فتح عيوونه
دكتور عبد الرحمن يبطل بوكه ويشوف بطاقته المدنيه قرا اسمه: ولييد؟؟؟ ... انت سامعنيي ..
اذا ما تقدر تتكلم حرك ايدك بسس... ولييييد اصحى
وليد كان مو قادر يقاوم اكثر من جذي ....صكر عينه
الدكتور حط ايده على رااس ولييد : وليد انت.... حاس بشيييي ؟؟ .... ؟؟
بس وليد كان امصكر عينه ولا كان فيه أي تجاوب مع الدكتور
دكتور عبد الرحمن حط ايده على قلب ولييد
والي صاار ........................................

فبيت ام بدر
ساره قاعده ع الفراش
تطالع نوره وتبتسم
تشوفهاا بنفنوفها الابيض الي داخله معاه خيوط ورديه بسيطه الي مسوي لها احسن مصمم ازياء بفرنسا و
مكياجها الي حطه لها خبير مكياج يايلها مخصوص علشانها من لبنان
كانت تصور وكل صوره احلى من الثانيه
نوره : سااره تعالي صوري معااي
المصوره : ايوه تعالي صوري يا حلوه
ساره : لا خلصي اول شي انتي بعدين انا ا صور معاج
نوره : بس كفايه حلجي انشق من كثر التصوير .. امشي
ساره : اوك
المصوره : تششششيز
ساره كانت لابسه نفنوف اسود طويل داخل عليه تدرج الابيض تحت والميك اب مالها صج انه كان اوفر بس هم كان شكللها حلو
المصوره : بسم الله مشاء الله عسل
ساره + نوره : تسلمين
ينطق الباب
مريم : ادخل؟؟
نوره : دخليي
مريم : واااو شكلج اينن .. بس كنت بقولج فهود توه دز لي مسج قاالي ملجنا خلصنااا .... يعني انتي الحيين زوجته رسميا بالورقه وانا حماتج يا حلوه
نوره نزلت راسهاا استحت من كلام مريم
مريم قامت تضحك عليها وطلعت عنها بره الغرفه
ام بدر تبطل البااب : كلوووولوووووش حبيبتي مبروك توه اخوج امبشرني ملجوو خلصوو
نوره : الله يبارك فيج يمه
ام بدر : يله يمه قومي دخلي الحين
نوره : لاا يمه ماابي تو الناااس
ام بدر : شنو تو الناس طاعي الساعه جم الحين عشاان الحين بيطلعون الريايل تكونين مصوره مع رفيجاتج والمعازيم بنفنوفج قبل لا يدخل ريلج
نوره : اوكي اللي تشوفنه
تقووم نوره توقف عند الباب وتساعدها ساره
ام بدر: الف الصلاة والسلام عليك يا حبيب الله محمد كلوولووومووش
وسااره واقفه وراهااااا وعيونههاا تدمع
الديجي يشغل غنيتهاا

http://www.youtube.com/watch?v=qEEMbZdqsB0
هااذي كانت غنيتهاا
كل من كان متعجب من شكلها وثقتها بنفسهاا
قعدت على الكوشه
وقفت يمها سااره باستها
نوره سحبتها من ايدها ولمتهاا
نوره : فديتج والله عسى الله يرزقج نفس ما الله رزقني
ساره : ياا حيبتي والله فرحي عاد نوره اليوم يومج يا عسل

هدتها ساره وقعدت ترقص لهااا
والنااس اييببون


فبيت ام وليد
ام ناصر ع الخط: أي تعالي معااي .... خلاص لي متى بتنطرينه
ام وليد : لاا .. بنطره اييي ياخذني
ام ناصر : ام وليد بتتأخرين جذي شوفي الساعه جم الحين الساعه 9 متى بيمديج اتين
ام وليد : خلاص اوك تعاليلي
ام وليد تصكره من ام ناصر
وترد تدق على وليد
بس مااكو جواب

.......................
بسيارة فاطمه

فاطمه: هااا شقالت
ام ناصر :ا مسكينه تحاتي ولدها بس قالت مروني
فاطمه : ليش وين ولدها
ام ناصر : تقول من الصبح طالع وما رجع ع الغدى وتدق عليه ما يرد
فاطمه : . انشالله ما في الا الخير
مرت فاطمه ام وليد
وراحو بيت ام بدر
ام بدر كاننتت تعرف ام ناصر ... وام ناصر بدورها عزمت ام وليد
عند باب بيت ام بدر
ام ناصر دخلت و معاها ام وليد و فاطمه
ام بدر استقبلتهم : هلا فيج ام ناصر حبيبتي ...
ام نااصر: باللمبارك يا ام بدر
ام بدر : الله يبارك بعمرج ... حياج تفضليي
ام وليد تصافحهاا
وفاطمه باست ام بدر
ودخلوا
ام وليد تطل بتلفونها ناطره وليد يتصل
صوت من وراهاا : لو سمحتي ممكن تديني التلفون ما يصحش يا ستي تدخليه
ام وليد عطتها التلفون
وقعدت على كرسيها

مريم ترقص وساره ترقص معااها
(( فرس فرس من حسنها الحسن انخرس .......))

خلصت لغنيه وقعدووا
مريم: اففف ايي ريولي .. انا حالفه ارقص على كل غنية بعرس فهوود
ساره : ههههه شله حادج عاد
مريم : ترا اليوم بتنامين عندي انا قلت حق امييي
ساره : لا عااد مريووم .. جم مره قلت لج لا تسويها فيني .. لا تقولن حق امج بييكم الا لما انا اقولج بييي
مريم: عااد الحيين قلت لها كيفج ...
ام ساره قاعده ع الزاويه : هلاا مبارك ... لا لما الحين ما قلنا لها ... باجر انا بكلمها وانشالله ما يصير خاطرك الا طيب .. خلاص يله انا بحفله ما اقدر اكلمك
مبارك ع الخط : هااا حفله من وراناااا ... وين بشقة منوو
ام ساره : ههههههههههههه لا لا حفله محترمه يله باي
مريم : ساروه برقص قومي معااي
ساره : هههه لا انتي روحي مابي خلاصص تعبت
مريم : كيففج
قامت مريم ترقص

ام ناصر : شحلات الديكور الي حاطينه مشالله
ام وليد: أي والله باين عليهم سنعين
شافت الي يرقصوون
لمحت مريم بينهم
مريم عينها يات بعين ام وليد
ام وليد ابتسمت
مريم تدودهت ما عرفت شتسوي
مشت وراحت الحمام
صكرت على روحها البااب
قالت بقلبهاا (( افف مو خوش صدفه ))
ظلت بالحمام
ام فهد : سارونه وين مريم
ساره : توها كانت ترقص بس اعتقد انها الحين بالحمام
ام قهد : أي يله فهد بيدخل لازم توقف يم اخوها
راحت تطق باب الحمام
مريم: لحظه
ام فهد: يله بسرعه اخوج بره بيدخل
مريم طلعت من الحمام
راحت عند الباب
وقفت صوب فهد
مريم تشوفه وترفع له حاجب
فهد : مريم يوزي عني بروحي متوتر
مريم: زين يله بنطرك عند كرسيك
وتمشي عنه
فهد دخل وقعد على الكوشه يم نوره
لف عليهاا
انصدم من شكلهاا
كانت قمه بالجمال
فهد طالعها وتنح .. ما وخر عينه عنهاا
المصوره : ياا عممم.. يااا فهد ... بص عليييه ....
فهد يلف شووي ع المصوره يبتسم
ويرد يشوف نوره

المصووره : يااا فهد بص علياا
وظلوو على هالمنوال لماا طلعوا من بيت ام بدر

خلصت الحفله وكل من استانس ورجع بيته

بالسياره
مريم : يله نزلي يبيي اغراضج
ساره : انزين انا اوريج
قبل لا تنزل ساره
مريم : غيري هدومج اذا تبين بنمر وحده من رفيجاتي بنقعد عندها شوي
ساره : يوو مريوم مالي خلق
مريم: ما راح انطول


عند بيت ام بدر
بدر كان يطالع ساره من بعيد
وقال فقلبه (( ربي يحفظج يا ساره))
خذت ساره هدومها ونزلت ركبت مع مريم السياره
بدر حب انه يتطمن عليها فا قال(( ليش ما الحقهم لي بيت مريم ... يا خوفي عليج يا ساره من شباب هالوقت ))
ولحق سيارة السايق

بالسياره
مريم خذت تلفونها ودزت حق سالم مسج (( كانه ياين بالطريج ))
مريم : شلون رائد معااج
ساره لفت عليها منصدمه : أي رائد
مريم : هههههههه انصدمتي صح ترا رائد .. رفيج سالم حبيبي
سساره : انا الحين ماادري عن رائد ولا اهوا يدري عني .....
مريم منصدمه : من صجج انتيي ؟؟
ساره : ايي ... وليش اجذب... شفيج مصدومه؟
مريم حست بالغلط الي اهيا قاعده تسويه وحست انه لازم تقولهاا
مريم :: ساره بقولج شي... يبا انا لا اموديتج حق رفيجتي ولا بطيخ ... انا كنت بوديج الشقه حق رائد ... والله ساره عبالي انتي لما الحين تكلمينه ... وسالم قالي انه رائد ييبيج وانتي تبينه بس انتي مستحيه
ساره انصدمت : راائد (( طلعت جذيي يا رائد))
ساره وعينها تدمع : ........................... لا ترديين ودينيي له ..
مريم :يعني انتي ماا هديته
ساره تبجي وتهز راسها بلااا
مريم : عيل ليش نروح خلاص اخليه يردنا البيت
ساره تصرخ : قلت لج ودينييي له ....


جدام الشقه
رائد صافط سيارته وسالم واقف صوبه
سالم : كاهم ياين بالطريج
رائد يطالعه ويرد يلف عنه


بدر بسيارته وراهم

يتسااائل هذولي وين رايحين

.........................................................................



ام وليد اطلعت من الحفله
خذت تلفونها
شافته كان عندها 4 مس كول من رقم وليد
استانست دقت عليه
ام وليد : الووووو
دكتور عبد الرحمن: الووووو من معااي ..
ام وليد : انت منو هاذا رقم اوليدي وليد
دكتور عبدالرحمن : معاج دكتور عبدالرحمن من مستشفى مبارك
ام وليد : وي يمه وليدي .... حسرتي شفيه وليد ؟
دكتور عبدالرحمن : يمه هديي ... فيه أي احد يمج اقدر اكلمه
ام وليد تبجي : انا .. كلمني اناا .. انا امه
فاطمه تلف على ام وليد : خالتي شفيج
ام ناصر : ويييي شفييج سمله عليج
فاطمه تسحب التلفون من ام وليد
فاطمه : الوووو ... اووف ... وييين أي مستشفىى
خلاص انشالله تصكر التلفون
فاطمه : يمه خالتي ركبوا بسرعه السياره
اركبوا ورااحووا مباارك
والصدمه كااانت

....:................................................................................................
نوره فهد وخلصناا منهم
بس شيصير حق مريم وسالم وساره وبدر
بدر شبتكون نظرته حق ساره لما يشوفها رايحه الشقه ورائد ورفيجه موجودين
رائد اكيد بينصدم لي شاف ساره يايه بنفسها حق سالم الشقه
وسالم بيسوي لها شيي وله القصد بس انه يحر رائد؟؟؟
ولا ننسى ام ساره شسوت مع مبارك .؟؟ بترضى على زواج ساره وله لا









​

 

[خميسيه]

يعطيج العافيه بس ياري اتحطين توقعات
اتقبلي مروري

حبيبتي ما فهمت شلون توقعاات .؟؟

 

[Shasawi]

ييابعد عمري يا ام وليد مسكييييييييينه((((((( ماعندها غيره لايصير في شي
وضيقتي خلقي لايشوفهم بدر تكفين افف ساره غبيه غبيه غبيه بطتت جبديييييييييييييييييييييييي
وحرام نورة طلعت خوش بنت مسكينه
بليز مااقدر انطرررررررر حطيي بارتت

 

[Miss.blue berry]

وييتنق
حطي بارتين ورااا بعض
يلااا نبي بارت يدييييد
من زمااان و انا متشوقه بعرف شصييير

 

[jojo]

وااااي كسرت خاطري ام وليد
وهاذي ساره حدها غبيه بطت جبدي
واااااي مسكين بدر بليييييز كملي ودي اعرف شنو يصير

 

[jojo]

واااااي كسرت خاطري ام وليد
وهاااذي ساره حدها غبيه بطت جبدي
واااي مسكين بدر بلييييز كملي ودي اعرف شنو يصير

 

[teen girl]

وييييتنننننغ

الرواية قريتها من قبلل وكاانت حدددددها عجججيبه
ان شاءالله الحين تكملينها

 

[خميسيه]

16
بسيارة السايق

مريم : ساره انتي متأكده انج تبين تروحين له
ساره وعيونها تدمع : اي
متأكده
اوصلو السالميه
وبدر وراهم
مو فاهم بيت مريم بقرطبه شموديهم السالميه
ظل وراهم لما وصلوا الشقه

صفط السايق

صفط بدر شوي بعيد عنهم

سالم يكلم رائد : وصلت المحترمه
رائد لف ويها
ساره انزلت من السياره
بدر شاف سيارة رائد وشاف ساره نازله من السياره
رائد مو عارف شلون يتصرف معقوله سااره طلعت جذي
وانا راسمها فبالي انسانه غيير

ساره مشت بتجاه سالم
رائد نزل من سيارته ووقف جدام سالم
رائد ودمعته بعينه: انا الحيوان الي عبالي انه انتي شريفه .... تفووو عليج وعلى اشكالج
ويمشي عنهم
ساره تسمعه ومو فاهمه شالي صاير
تلف على مريم
مريم : سالم شفيه رائد شسالفه .. اهوا يقولي يبيهاا بعدين يسوي جذيي
سالم يضحك :هههههههههههه…………… اه .. يا بطنييي
مريم :ساره صعدي فوق وانا الحين بيلج
ساره تبجي : مابي اصعد فوق
مريم : ثقي فيني صعدي فوق مافيه احد
سالم : سمله عليج … يعني خايفه هههههههههههههههه
بدر يطالع سالم من بعيد
يتساأل منو هذاا وشفيه امهستر ضحك
واستغرب من حركة رائد وليش مشى ابسررعه وشكله امعصب
ساره كانت معطيته ظهرها ما لاحظ انها تبجي
سالم : هاج مفتاح الشقه صعدي
ساره : قلت لك مابي اصعد… مريم وديني البيت خلاص بس
مريم: ساره نطري ابي افهم شلي صاير .. صعدي فوق وانا بلحقج
مريم تسحب المفتاح من ايد سالم وتمده ايدها حق ساره : هاااج
ساره تطالع المفتاح
…………………………………………………………………
فهد ودا نوره ع البحر
نوره : فهد
فهد : عيون فهد انتي
نوره مستحيه : فهد اناا …..
فهد: اي انتي شنو
نوره : هاا بس ولا شي ….
نوره كانت تبي الحمام بشكل يذبح بس شبتقول حق فهد يعني
فهد : نوره لا تستحين قولي شفيج انتي شنوو
نوره تنزل راسها : ابي كرمك الله الحمام
فهد قام يضحك : وانا عباالي بتقولين لي احبك .. زين الحين بوديج
نوره ويها قلب احمر حيل استحت : فهد ..
فهد : وليي كا الحين بوديج والله
نوره : احبك
فهد تسبه : هاااا … شنوو …؟؟؟ … ما سمعت … شقلتيي
نوره تنزل راسهاا : احبك
فهد: لا جذي امووت اناا …..
نوره : ههههههههههههه … خلاص عاد لا تخليني اضحك
فهد وداها المرينا نوره انزلت بسرعه حتى ما نطرت فهد
كاانت موصله حدها
فهد يا بيقفل الباب
شوي وله تلفون نوره يدق
فهد بطل الباب شال التلفون
شاف الرقم

(( محمد))

فهد بقلبه ((منو محمد))

فاطمه وام وليد وام ناصر اوصلو مستشفى مبارك
انزلو من السياره بسرعه
دخلوا المستشفى
اسألت الاستقبال عن وليد قالو لها روحي حق الدكتور
ام وليد تبجي : ويي حسرتي على وليدييي
ام ناصر : يا ام وليد ذكري الله ما تدرين يمكن ما فيه شيي
اوصلو غرفة الدكتور
ادخلت فاطمه
فاطمه : لو سمحت حبيت اسأل عن واحد عندكم اسمه وليد
دكتور عبد الرحمن : انتي الي كلمتهاا ….
فاطمه: اي انا
دكتورعبدالرحمن : والله ما ادري شقولج حالته ما تسر واهوا بالعنايه المركزه
فاطمه: لا حول ولا قوة الا بالله … انزين امه موجوده بره … كلمهاا بس بليز لا تخوفها معاها القلب مابي يصير فيها شي
دكتور عبد الرحمن: ليش انتي شتقربين له .؟؟؟؟
فاطمه : ما اقرب له انا
طلعت فاطمه تنادي ام وليد
ام وليد تدخل غرفة الدكتور وايدها على قلبها
ام وليد : دكتوور شفيه وليدي
الدكتور : وليييد…..
وقبل لايكمل الكتور كلامه ام وليد طاحت

جدام شقة سالم

ساره خذت المفتاح من مريم
سالم يبتسم : الدور الثاني .. الشقه 6
ساره صعدت الشقه
حطت المفتاح ع الباب
وقبل لا تدخل
صوت من وراهاا : لييش يا ساره
ساره لفت ويهاا وانصدمت ما عرفت شتقول

…………………………………………………………………………………………………………………….
فهد شبيكون موقفه لي عرف انه محمد رفيج نوره
ام وليد وولدها شبيصير فيهم
ساره منو الي كان وراهاا
وشبيصير لها بالشقه؟



​

 

[خميسيه]

16

مريم : سالم شسالفة رائد .. فشلني جدام ساره ...وحرام قص ويهااا
سالم : هههههههههههههههه
مريم : فهمني شلي يضحك
سالم: اضحك عليكم ........... والله انتو كلكم فلم
مريم تصرخ : سالم ملاقتك خلها بعدين..... جاوبني الحين شسالفة رائد
سالم ييطالع مريم بنظرة احتقار يسحبها من هدومها ويقربها صوبه: سمعيني زيين مو انتي الي تكلميني جذي فاهمه
مريم توخر سالم عنها وتبجي: انا الغلطانه الي سمعت كلامك وييت
تمشي عنه وتركب السياره
سالم يصعد عند الشقه
ويسمع صوت ساره
ساره : بدر .... انت شتسوي هنييي
بدر: اعتقد انه انا الي لازم اسألج هالسؤال مو انتي ... ساره كل الي بقولج ايااه ليييش؟؟؟؟
ساره تبجي : بدر تكفى لا تفهمني غلط
بدر: شلون ما تبيني افهمج غلط .... فهميني عيل انتي شعندج اهنيييي
ساره تبجي ومو عارفه شتقول
بدر : مثل ما توقعت ما عندج رد
بدر يمشي وينزل تحت
يمر على سالم يطالعه بنظره ويكمل طريجه
سالم صعد حق ساره
سالم : دخلي داخل
ساره : ماابي ادخل............... ويين مريم برجع البيت
سالم : قلت لج دخلي
ساره: وانا قلت لك مابي
سالم سحب ساره ودخلهاا داخل الشقه
سااره : لاا وخر عنيييي لاااااااا
............................................................................................................................

بغرفة العمليات
دكتور عبدالرحمن : دكتوره سناء لو سمحتي ديري بالج احنا ما نبيه ينشل
دكتوره سناء : انشالله
بره غرفت العمليات
ام ناصر : يا ام وليد الله يهداج خلاص مو زين لج هدي علشان لا تطيحين علينه مثل مساع
ام وليد : يا ام ناصر شلون اهدى وانا ما ادري شبيصير بوليدي
فاطمه : انشالله مافيه الا الخير ... عمليته بسيطه

................................................................................
فهد ماسك تلفون نوره
فهد : محمد .... منوو محمد .... ما اذكر انه فيه واحد من اهلهم اسمه محمد
لحق نوره داخل

فهد : نوره لحظه ... تلفونج
نوره دخلت وصكرت الباب
رد دق محمد مره ثانيه وثالثه
وفهد متردد اشيله وله لا .......حس انه اهوا ماله دخل
محمد قاعدد بجكلت بار
محمد : هااذي شفيها ما ترد ... خل ادز لها مسج
(( نويره .... حبيبتي ليش ما تريدن شفيج ... طمنيني عليج قلبيي ))

تلفون نوره بأيد فهد
يرن يشوفه فهد وله مسج
فهد : ابطله وله ما ابطله ....اموت وعرف منو هالمحمد
فهد بطل المسج قرا المسج
حبيبتييي , قلببييييي منوووو هذاااا بله
فهد عصب ووصل حده بس نطر نوره تطلع علشااان يفهم كل شييي

بسيارة بدر
بدر كان معصب ومو مستوعب الي صار
سااره لمصليه لمسميه تسوي كل هذذا ..... يمكن انا ظلمتهاا ... لا لا خل تولي كفاايه انها اخدعتني
طول هالمده هاذي
يدز حق نوره مسج
(( نوره ااذا رجعتي البيت ولقيتيني نايم قعدينيي لا تخلينيي بكلمج بموضوع مهم))

بسيارة السايق
مريم تفكر بلي سواه سالم
حراام عليك يا سالم
واهيا تفكر شاافت جنطة ساره محطوطه
مريم : اوووووف ساره شلون نسيتها
راجوو ارجع ارجع
راجو لف بالسياره
ورجعو حق ساره
بالشقه
ساره : وخر عنييي .... وخررر . الله يخليك وخررر
سالم يسحبها بيدخلها الغرفه
وساره تقاوم
سالم : ثبتيي ... قعديي . ... اعرف نظامج اناا ... خلاص لي متى مسويه روحج شريفه
ساره تبجي وتصرخ : انا شريفه وقصبن على الكل .... وخر عنيييييييييي
سالم مسك ساااره من شعرهاا وسحبهاا
ساره فلتت من سالم طلعت بره الشقه
انزلت تحت
راجو توه داخل اللفه وسا ره كانت بتعبر الشارع
مرريم : راااااجوووو ديير بااالك......
مريم حطت ايدها على حجلهاا : امبي ساره .......................................
بمرينا
نوره طلعت ممن الحمام
نوره : يله فهد نمشي
فهد يطالعها معصب : نوره .... بسألج جاوبيني بصراحه .... وبدون جذب ....
نوره : نوره فهد شفيك؟؟ خوفتني
فهد : منو محمد
نوره مصدومه : أي محمد ؟؟؟!!1
فهد يمد لها تلفونها : هذاا
نوره :: تمسك تلفونها وتشوف الرقم ....
((حسرتي هذا محمد شقوله الحين ))
فهد : منو هذاااا
نوره : شفييك امعصببب
فهد : قولي لي لا تضيعين السالفه
نوره : هذا ... اخو رفيجتي ... كله تدز لي مسجات من تلفونه وتدق علي من رقمه واسمه محمد هااذي اكيد اهيا دااقه تسأل... يا سلام.. عليك يا فهد من اول يوم جذي تشك
فهد : نوره ..لا تلوميني احبج .. واغاار عليج
نوره (( افففف اشوه عدت على خييير ))

دكتور عبد الرحمن طلع من غرفة العملياات
ام وليد: هاا دكتوور بشرني عن ولديي
دكتور عبدالرحمن : وليييد ..............

ساره شصار فيهاا
وبدر بيصدق ساره وله لا اذا قالت له عن سالفة سالم
ووليد شصار عليه


​

 

[Shasawi]

بارتاات جميله
افف ضايق خلقي على الخبله ساره ليش سوت جذي
واشوه نورة فلتت من فهد وعدالها وانشالله الحقير محمد يتحسف ويندم عليها قد شعرررررر راسه
والله يقوم وليد بالسلامممممه امه كاسره خاطري

 

[خلوودة]

وااااااي حدي اندمجت وتأثرت مع القصة واااايد الصراحة حدها عجيييبة يعطيج العافية بس لاتطولين علينا تكفين

 

[لياليـ]

يعطيج العافيه
اتقبلي مروري

 

[لياليـ]

اب
اب
لعيونج

 

[teen girl]

اومبييه قططع قلبي هالبارت

ويتتتتتتتتتتتتتنغ

 

[so_what]

Waiting

 

[خميسيه]

18
دكتور عبد الرحمن : وليييد .... عمليته انجحت الحمد لله ... بس رااح يظل نايم الحين علشاان تأثير البنج
ام وليد : الله يبشرك بالخيير ...
وترفع ايدهااا وتدعي ربهاا وتشكره
ام ناصر : شفتي يا ام وليد قلنا لج ماكو الا الخير انشالله
ام وليد : انزين دكتور متى اقدر اشوفه ... ابي اتطمن عليه
دكتور عبد الرحمن : انشالله بعد شوي بينقلونه من غرفة العمليات لي غرفته
فاطمه: ما قصرت دكتور
دكتور عبدالرحمن : هاذا واجبي ... اختي ممكن شوي اكلمج ...
فاطمه : اوك
دكتور : تفضلي مكتبي وانا الحين يايج
فاطمه تروح مكتب الدكتور وتنطره هناك
الدكتور دخل وقعد ع الكرسي
فاطمه تطالعه ناطرته يتكلم
دكتور عبد الرحمن استوعب انه اهوا لما الحين ساكت : اختيي انا ا مابي اخش عليج شيي ... وانا ما حبيت اتكلم جدام ام وليد خفت انها تحاتي ... عملية وليد كانت صعبه ...
لانه كان عنده اصاابات خطيره بظهره .. وواي غلطه بالعمليه كان ممكن اننه ينشل...
فاطمه : الحمد لله انه العمليه عدت على خير
دكتور عبد الرحمن : بس انا ما اضمن لج نتاج النتيجه الا اذا صحى وليد
فاطمه : شقصدك دكتور
دكتور عبد الرحمنن : فيه احتمال صغير انه وليد ما راح يقدر يحرك ريله اليسار
فاطمه : احتمال صغيير؟
دكتور عبد الرحمن :ايي بس لا تحاتونه انشالله ماكو الا الخير والي كاتبه ربج بصير
فاطمه : انشالله .. يعطيك العاافيه دكتور
وتطلع بره غرفة الدكتور
دكتور عبد الرحمن حيل اعجبته فاطمه واسلوبها وطريقة حوارها معااه كانت محترمه
لأبعد الحدود
.....................................................................................................
فهد ونوره كملوو سهرتهم ..
واستانسو وفهد طول الطلعه كاان طايحله غرامياات
........
او عند باب بيت ام بدر
نوره: فهد .... باجر بتمرني بعد .؟؟؟
فهد : انا كل يوم بمرج وبطلعج معااي لي يووم العرس
نوره استحت : صج ... الله وناسه
فهد : وي فديت الي تستحي ..... يله عطيني بوسه
نوره تطالعه ومستنكره الي قاله لهاا
نوره : ماابي
فهد : نوره خلاص انا زوجج ... على خدي ابيها شفييج
نوره : ماااابي
فهد : انزين بس لا تطقيني
نوره : يله فهود تبي شي
فهد : من اول ما طلعناا وانتي تناديني فهد .. فهود... فهيد ..
ابيييج تدلعييني مره وحده بسسس ناديني فهووديييي وله حبيبييي ونسيني
نوره فشلانه بطلت باب السياره ونزلت : باااي ..... حبيبي
فههد : بطل الدريشه وصرخ : احببببببببببج
نوره ماتت من الضحك عليه
دخلت البيت
شااففت امها قاعده ناطرتها
ام بدر: مبرووك حبيبتيي ... والله مااني مستوعبه الي يصير ...
نوره : الله يبارك فييج يمه ... شلي مو مستوعبته
ام بدر: انج خلاص بتهدينه وبتروحين بيت ريلج
ام بدر احضنت نوره وقاامت تبجي: واللله وكبرتي يا نوره
نوره : يمهه شفيج لييش تبجيين خو انا تزوجت مو رايحه اجاهد
ام بدر تضحك وتمسح دموعها : فديتج ... يله روحي دارج ارتاحي
نوره راحت غرفتهاا
طلعت تلفونهاا وشافت مسج بدر
استغربت اشعنده بدور
غسلت ويهاا ولبست بجامتهاا وراحت طقت عليه الباب
الساعه كانت 4 ونص الفير
بدر حس فيها تطق البااب: منوو
نوره : بدير انا نوره
بدر : دخلييي
نوره افتحت الباب ودخلت : هاااناايم ؟؟؟ شهالمسج ؟؟ شفيك خوفتني
بدر : نورو ما تصدقين اليوم شصاار
نوره : شصاار بعد
بدر قالهاا عن الي صار اليوم والي شافه من ساره
نوره منصدمه: بدوور انت شتقوول .. اناا متأكده انه ساره مالها شغل بالسالفه ومريم ساس البلاا
... وانت شلوون خليتهااا .. ... مو على قولتك تحبها وتغاار عليهاا ... وين يا بدر .. ووله بس حجي وفعل مااكو
بدر: نوره ما قدرت امسك اعصاابي وكل شي صار جدامي شلون ما تبيني اصدق
نوره : للأسف عيل ما عرفت ساره شنو للحين .. انا برووح ادق عليهاا مريوم ما ورااها الا الخرااب .... بس بدر.... ساره رفيجتي وانا اعرفها زين . ... ما اعتقد اتسوي هالسوالف
نوره طلعت بره غرفة بدر
وخذت تلفونها ودقت على ساره

بسيار ه السايق
تلفوون ساره يدق

راجو كان ياي مسرع وما لاحظ سا ره قاعده تعبر الشارع
حاول انه يوخر عنهاااا ويخفف
بس للأسف رااجو ما قدر يتحكم بالسياره ودعمهاا
مريم انزلت من السيااره بسرعه
شاافت منظر ساره
عباتها مفتوحه ونفنوفها باين وطاايحه على الارض ..
مكياجهاا اخترب من كثر ما بجت بقع دم على ويهاا على ........... ايدها على........... خدها على.............. ريلها كاان منظرهاا بأختصار يعور القلب
مريم : ساااره .... ساااره تعورتييييييييي ..ساااره
قوومي قوميي
سااره لفت عليهااا وقاامت بصعوبه ومريم مااسكتهاا وثقل ساره كاان كله على مريم
مريم : سااره قولي شي... تعورتي ؟؟
ساره ظلت ساكته و
ما تكلمت
طااحت ععلى الارض مره ثانيه كل الي سوته انهاا
صرخت....................
صرخت بأعلى ما عندهاااا
عبرت عن كل الي داخلها بهاذي الصرخه
العوار الي بجسمها
حالها فبيتهم
الي صارلها مع سالم
الي صار لها مع مبارك
واهم شي بدر ...
صرخت هالصرخه وغمضت عينها
........................................................
بغرفة نوره
نوره لما الحين تدق على ساره بس محد يرد
قاامت تحاتيها
دقت على فهد
فهد : الوووو هلا هلا .. ما مداج اشتقتيليي
نوره : هلا فيك ... فهد مريوم عندك
فهد : افا وانا عبالي داقه تسألين عني .... لا مريم مو بالبيت نايمه عند ساره اعتقد
ليش شفيج ؟؟ظ
نوره: لااو لا شيي يله تصبح على خيير
فهد : نوور حبيبتي شفيج
نور : ولا شيي بس .. كنت ادق عليها ما ترد قمت احاتبيهم ااهما الثنتين .بس اكيد نامو
فهد : خلاص يالله اوك ... تغطي عدل واحلام سعيده
نور : انشالله ..... مع السلامه
وصكرته
و



..........................................................................................................................................
بشقة اهل ساره
ابو ساره مغيب : لااااااااااا انا مهر بنتيي ما يقل عن 10
ام ساره : الي اهوو بس تتوقع ساره ترضى ...
ابو ساره : قصبن عليهاا انا ابوها اكيد بتطيعني
..................................................................................



ساره شبيصير فيهااا
ووليد تتوقعون بينشل ولا تنسون فاطمه الدكتور عبدالرحمن شكله بدا يعجب فيها
ونوره .... لي متى على هالحال ... لي متى بتكلم محمد

​

 

[ام سلمي]

واااااااااااااي شوقتيني
ان شاء الله ساره مافيها الا العافية
مريوم هذا تبط الجبد ولا بعد تسأل تعورتي ولا لأ
وأتوقع الدكتور يحب فاطمه
ووليد ان شاء الله ما ينشل عشان امه
وها لا تطولين علينا
فديتج يا غالية على القصة الرائعة هاذي​