يوميآآآآآآتي الخنفشاريه O_o

[شهرزآد]

شدوا حيلكم صبآيآ /~

مابقى شي ع العيد ان شاء الله : ))​

​

 

[فوشيهـ]

ماشر نووره

بس ماني قااادره اسوي شي

وربي مو قاادره احس خلالاص مليت وكارهه نفسي ان ماعندي اراده

ماكنت كذا ابدااا .. احس من كثر العيون علي مللووني .. كل ماقول مسويه رجيم يجلسون يقولون جسمك كوووووويس ليييييييش !!

يحطموني اعرف ان لازم ماقول لهم بس انا ماحب اسكت بصراااحه .. وامي ياعمري تشيل لي احيانن من الغدا ف لازم اقول لهم اني مسويه رجيم


كل الايام هذي طلعات بطلعااااااات للمول عشان العيد وعشان ترتيبات زواج اختي !!

وانا اذا طلعت برا احوس الدنيا خلالاص ..

معدتي احس صايره كبيييييييييره اكل كثيييييييييير وماحس بتخمه !!

اول كنت بس اكل لقمتين احس برجع من الشبع !! الحين العكس

حتى النااادي كنت منتظمه عليه ووالحين لي شهوووور مارحت وانا مسجله فيه سنه ودافعه فوق ال3 الاف ريال تخيلي !!


لو اضمن اني مابطلع هاليومين بسوي رجيم الفواكه او رجيم التوست .. بس نفسي من داخل مو قادره اسوي رجيم يانوره

احتاج حبووب تسد النفس عشان ع الاقل اقدر ابدااااااا

زواج اختي بعد 3 اسابيع يمكن ولسى وزني زي ماهو وزايد بعد وصلت 70


اجلس متاخر من النوم وافطر والغدا او العشا يكون باليل وثقيييييييييل من مطعم طبعا

ويوم على يوم زدت هالكيلو وماني قادره اسوي كونتروول



اه تعبت
​

 

[شهرزآد]

يوووووووووووه فوشيهـ :eh_s(2):
يابعد روحي.:eh_s(2):

تصدقين انا كنت ااتابعك من خلف الكواليس من ايام كوتن وكذا /~ :eh_s(22):
واليوم سهرت على يومياتك من اول صفحه واعجبت مره بإرادتك.:eh_s(17):
وصلتي للسبعين من جديد :eh_s(1):.. طيب معليش شدي حيلك بالرياضه ع الاقل شي يغطي على شي..
بالنسبه لانك تروحين المول فرصه انك تلهين عن الاكل ولو طلبوا اكل خذي لك سلطتين من أي مطعم وكليهم والحمدلله ع النعمه..بعدين حطي ببالك اقل وزن ممكن تنزلينه وخليه الهدف

مثلا باقي اسبوع ع العرس خلي هدفك 2 كيلو مع الرياضه عشان الشد صدقيني احسن من انك تقولين 5 كيلو وماتنزليهم وتنحبطين وتكرهين نفسك زياده

بصراحه انا لما كنت اتصفح يومياتك كنت متحمسه لك مره وكنت اقول ودي انظم معك ..
لو نفسيتك نازله عشان الدوره اشربي دارسين وزنجبيل وان شاء الله خير,
وعليك بالدعاء الدعاء بالثبات والاستمراريه وربي كنت مثلك انزل كيلو واطلع كيلو كأني العب مع نفسي
لين صرت أدعي دائما والحمدلله الامور بدأت تتسهل ولله الحمد والمنه..

انا بتابعك بدل بيدو وهذا اطول رد لي بالمنتدى ترا هههه :ggdw:
بس كم باقي على عرس اختك

 

[شهرزآد]

توني انتبه باقي 3 اسابيع خير وبركه والله

شدي حيلك يمديك تنزلين 6 كيلو يعني تصيرين 64 والله تمام التمام خليك متفائله بس وتوكلي على الله ودوامي ع الدعاء وربنا كريم

 

[فوشيهـ]

هلا والله شهرزاد :eh_s(2):

مااتدرين شقد ردك رفع من معنوياااتي ياعمري انتي واللهـ :eh_s(2):


وييييييين ايام كوتن الله يذكرها بالخير .. معاها نقصت 5 كيلو ونص بشهر على دشتي :rerrerek:..

وايه للأسف امس قست وزني الصبااح لقيت وزني 70


انا اقيس كل يوم الصباح طبعا غلط بس بالنسبه لي صار رووتين عشان اقدر اضبط نفسي ..


طبعا انا اكره ال 70 وحتى 69 .. لازم اصير تحتهم عشان ارتاح بجد ..

ف لازم وغصبن عني اقفل فمي هع


وماااااافي وقت حق الرياااضه شهرزااااد وربي .. يا بالموول يا عند الخياط عشان فستاني يانايمه ..


انا اسوي جلسات ال بي جي ومساعدتني حبتين الحمداللهـ ان جسمي ينلم ..


العرس تقريبا بتاريخ 24 عربي يعني بعد العيد ب اسبوعين بالضبط ..


احنا نعيد ببيت جدتي بمنطقه ثانيه ف اذا ماسافرنا ورجعنا بدري بيتنا لالازم ابدى رجيم ورياااضه


اما الحين مايمديني خلاص مابقا شي ع العيد ..


بس نرجع البيت بعد العيد بسوي رجيم اسامه حمدي اول اسبوع منه ان شاءالله احسه ينزل كثير ماقد جربته بصراحه ..

على قولتك لو انزل كيلوين وانا خاطري طبعا ب 3 كيلو ع الاقل ..


وانا بصراحه كنت متحمسه بيومياتي مع بيدو بس فجأه اختفت !! حطمممممتني


بس ان شاءالله المانع خير :eh_s(7):


لا مو عشان الدوره نفسيتي كذا .. توها خالصه من يومين .. بس عشان ماني قادره اضبط رووحي وانا كنت غيييير عن كذا مثل ماشفتي !!


ماحب ادمر نفسسسسي بنفسي لان السمنه دمااااااارررر


ابي انزل هال 10 كيلو الي باقيه لي وافتك ..


واييييييييييه تكفين تابعيني الين بعد العيد بعد :ggdw: << محد طماع هع


لا بس بجد اتحمس ااذا كان في احد معاي ويتااابعني واتاابعه ..


وبجد بجد مشكوووووووره حبيبتي رفعتي من معنويااااااتي كثييييير


ولعيونك اليوم ماباكل من براا << ماقصرتي والله ههههههههه


فديتك والله :eh_s(17):
​

 

[[ N O R A H ]]

فوشيه

والله هاذي المرحله تمر فينا كلنا لاكن فيه فرق بين الشخص الي يرجع مثل اول وبين الي يضغط على نفسه ويحاول لو بالقليل .

بنسبه للناس لما يقولون لج وزنج اوكي
نفسي بالضبط بس هاذا جسمي مو جسمهم وبكيفي انا مو بكيفهم

صارلي 7 شهور على الدايت وامي الى يومك تناديني على الغداء خخخخخ

طيب الحين اذا انتي كل يوم تروحون المجمعات وماتقدرين تمسكين نفسك
قبل لاتطلعين اكلي فاكهه اذا رحتي حاولي ماتتعشين هناك واذا بتتعشون
روحي مطعم فتوش <<اخذي لك سلطه منوعه
روحي مطعم صب واي <اخذي ترياكي براون
او اذي لك مشاوي مع مقبلات


الراياضه الرياضه الرياضه اجبري نفسك او سويه بالبيت لو نص ساعه بس
على الاقل يوقف وزنك ومايزيد ون شاء الله ينزل مع الايام

وقولي للي حواليك (خواتك )يساعدونك ممايطلبون من المطعم لك او يجبرونك على الرياضه

اشربي شاي اخضر كثييييير <<تراهو يساعد لو بالقليل :rerrerek:
انا مااشجع على الحبوب بصراحه

وعلى قوله الاخت يمديك لو تنزلين سته كيلو او اقل او اكثر
كل اسبوع كيلوين

بس لاتوقفين انتي خايفه ان وزنك ماتنزلينه مثل ماتبين للعرس (متوتره )<والتوتر يوقف الوزن ويرجعه ابعديه عنك <بالرياضه يوخر التوتر
وانتي متوتره عشان العرس قرب فاابعديه عنك عشان تكملين

اذا ماضعفتي بعرس اختك تضعفين بعدين (لنفسك)<حطيه في بالك
ادري انتي تبين تضعفين لعرس اختك وادري انك بتطلعين قمر
بس فكري حتى لما بعد العرس .

تقدرين ...:ggdw:

 

[فوشيهـ]

هلا نوره حبيبتي


مافي وقت يابعدي حق الرياااااضه .. امشي بالموول انا كثير قولي لمدة ساعه ونص او ساعتين بس بسرعه عاديه واوقف كثير بعد يعني احرق .. لاكن شووووي ..

لاكن اسوي رياضه رياضه لا !!

اما بالنسبه للمطاعم تراه مني انا لاني احس خلاص ب احباااط ف اروح اطلب لي وآكل

مع اني وررررررربي ماكون جوعانه الا يمكن بالعكس !! مره شبعانه

بس نفسياااااااا .. انا انسانه النفسيه تلعب فيني كثير كثيييييير ..


حاليا مايمديني اسوي شي زي ماقلت لشهرزاد .. لادايت ولا ريااضه لان مابقا شي ع العيد


بس اول مانرجع البيت بعد العيد ببدا برجيم اسامه حمدي ان شاءالله .. وبسوي تمارين جيليان ان ربي كتب .. يكون باقي 10 ايام يمديني شووي اخلص اول مرحله من تمارينها ..

<< على فكره الي يبي تمارينها يعطيني خبر .. هي 3 مراحل كل مرحله لمدة 10 ايام لمدة شهر واحد فقط ..



نوره يابعدي انا جسمي الحمدالله مو خاااييس وما احتاج انحف حق مناسبه وكذا عرفتي !!

يعني الفساتين تجيني عادي وحلوه بس انا نفسيا احب انزل وزني عشان انا احب نفسي اكثر


وزي ماقلتي اذا مانزلته حق العرس بنزله لنفسي وهذا الي بسويه ان شاءالله ..

حاليا اتمنى انزل بس 3 كيلو والباقي بعد العرس ان شاءالله ..



كلامي حوووسه عارفه بس احس مخي مشغووووول مع ان ماعندي شي حاليا

<< هذا الي موديني بداهيه هههههههه


بليييييييز صبايا خليكم معاي حتى لو تطلون مره باليوم ع الموضووع

احتاج اطلع من هالمود بسرعه عشان ماودي نفسي بداهيه


وشووووووكرن لكم كثير كثير بجد فرحتوني
​

 

[شهرزآد]

معاك معاك

صدقيني بكون معاك ان شاء الله

حتى بعد العيد احب اللي متحمسين مثلك
ومثل ماقالت الاخت اللي فوق لما تطبين من برا اطلبي سلطات اكثر شي او حتى الورق عنب مايسمن كثير بس بشرط يكون وجبه
يعني 5 ورقات عنب عن الغداء وهكذا

أحسك تحبين احد يتابعك وبس عشان كذا كل ماادخل المنتدى بشيّك عليك ان شاء الله
ويمكن بعد العيد ابدأ معك ليش لا تحمسين ماشاء الله عليك :d

 

[شهرزآد]

بعدين لاتقولين مابقى شي مابقى شي
ترا بهاليومين تزيدين كيلو لاسمح الله مع الاهمال

 

[فوشيهـ]

هههههههههههههه لا مابزيد ان شاءالله


ما اكلت كثير اليوم بس وجبه وحده .. سباغيتي .. وشويت تشبس ..كان زحمه اليوم بجد ..


بروح انام حدي تعبانه

​

 

[شهرزآد]

نوم العوافي .

بس تقسيم الاكل افضل بكثيييييييييييير عشان الحرق يظل شغّال وعالي .

ان شاء الله الجاي أفضل

 

[فوشيهـ]

صباح الخير صبايااا


عارفه شهرزاد ماكنت متعمده امس ما اكل الا وجبه وحده

بس كان حوسه امس


امس رحت نمت بدري الحمدالله ولسى صحيت .. لان نومي كان معفووس ومايمديني افطر ..

بنزل بعد شوي افطر وارتب اموري ان شاءالله مابخلي وزني يزيد اكثر بحاول اخفف ..
​

 

[شهرزآد]

هلا ياحلوتي

ها وين يومك ؟ وخربطة النوم غلط خصوصاً ان العيد جاي

لو بعد العيد حابه تسوين جدول رجيمات من جديد انا معك بإذن الله

يعني لين زواج اختك احسبي بالضبط كم:eh_s(17):اي رجيمات بتسوينها ان شاء الله بصير معك.:eh_s(22):
من 3 ايام العيد وش رايك ؟:eh_s(1):
ترا من جد تحمست اصير معك لاتخذليني ؟ لان موضوعي لا احد يطل ولايشجع للاسف ماتوقعت

لو حابه إقتراحاتي بالرجيمات ماعندي مشكله ؟ بس انتظرك اول ردك

 

[فوشيهـ]

هلا يابعدي :eh_s(7):


ماحطيت يومي لان مافي يووم هع هع


كله الين بعد العيد ان شاءالله


لالالالالازم ابدا رجيم بعد العيد بس مو ثالث يوم


لان احنا بالعيد نعيد بمنطقه ثانيه ف بيت جدي ومافي نت هناك هع هع

بس اتوقع رابع العيد نرجع البيت وماتوقع نسافر بعد


ف بس ارجع من هناك ببدا بالرجيم وناويه على رجيم اسامه حمدي اول اسبوع منه ..

يكون باقي ع العرس من 9 الى 8 ايام :rerrerek: ..


لان الزواج بتاريخ 24 عربي .. ماتحدد لسى بس تقريبا بهالتاريخ ..


يكون امداني انقص كيلوين ع الاقل .. وطبعااا مقرره اسوي رياضة جيليان شكلها رهيبه .. اكون خلصت اول جزء من التمارين ان شاءالله ...



وانااااااااا متحمسسسسه اصير معاااااااااكم اكييييييييد


ومابخذلك ياقلبي حطيني ع يمناك انا بهالسوالف ما الاعب ..


بس الجد يبدا من بعد الزواج اخذ لي يوم راحه من بعد التعب والسهر واليوم اللي بعده نبتدي



واكيد ابي اقتراحاتك للرجيمات بس مابي تجوييييييع عشان ما اخربطه وعشان ما انرجع الدبل


ابي هذي اخر مره اسوي رجيم الييييين أتزوج واحمل هع هع



لسى قريت عن رجيم الثلاث ساعات حق جورج كروز يشبه رجيم اللقيمات بفروق بسيطه ..


داخل مزاجي طبعا بس بخليه اذا بقا لي 5 كيلو ع المثالي .. يعني بس اصير 65 ان شاءالله ..


و اول خمسه بنزلها بالرجيمات العاديه مثل التوست ومثل اسامه حمدي وغيره ..


انتي كم ووزنك وكم طولك وكم تحتاجين تنقصين ؟؟


طبعا رجيم الثلاث ساعات بطيئ نوعا ما .. قولي كل اسبوع كيلو .. يعني بالشهر 4 كيلو ..

بس بأسوء الاحوال ننقص بالشهر 3 كيلو .. وانا احتاج 5 كيلو .. ف لازم استمر عليه لمدة شهرين تقريبا ..

وبصراحه ماعندي مشكله استمر ع النظام كل هالمده اذا ماراح يرجع وزني ثاني ان شاءالله ..



اقري عن الرجيم اذا ماتعرفينه .. واستنى اقتراحاتك ..


وتحمليني تراني دقيييييييقه حيييييل :eh_s(1): ...



وانتظرررررررررك :eh_s(7):
​

 

[شهرزآد]

هلا صباحك
أنا حبيتك لأنك دقيقه حيل
انا كان وزني 97 والحمدلله بفضل الله وزني 84,600 قسته قبل كم يوم وطبعا
انا جالسه اسوي دايت فإن شاء الله للعيد نازله كيلو ع الاقل ياااارب ..

اسامه حمدي انا متعقده منه سويته بشعبان ومانحفت ابد والسبب
اني كنت احط الغداء مكان العشاء بس مليييييييت من البيض والبرتقال
بس لو مصره تسوينه بسويه معك ان شاء الله

انا عندي اقتراح الرجيم اليباني امس شفته بالنت وعجبني ,, شوفي وانتظر ردك ان شاء الله


وهذا الرجيم هو الرجيم الياباني صحة ورشاقة ونضارة للبشرة وطريقته سهلةٌ جداً وهي كما يلي:
- تناولي أكبر قدرٍ ممكنٍ من الماء طوال اليوم، بما لا يقل عن «8 أكواب» منه اثنان على الريق، لتنشيط الدورة الدموية وتقليل نسبة ترسبات الأملاح والسموم في الكلى.
- تناولي ثمرتين من الموز على الأكثر على مدار اليوم بين الوجبات للحفاظ على مستوى السكر في الدم، وعدم تناول الحلوى في أوقات الحمية.
- يسمح بشرب الشاي أو القهوة، ولكن من الأفضل الإبتعاد عنهما وتناول الينسون والنعناع والشاي الأخضر من دون سكر أو مع استخدام البدائل.
- الحرص على ممارسة رياضة المشي 30 دقيقةٍ يومياً، لإذابة دهون الدم، والعمل على تناسق القوام.
- الإكثار من تناول الخضراوات الطازجة بين الوجبات مثل الخس، والخيار، والجرجير وغيرها للشعور بالشبع وتجنب الإمساك.
- يتميز المطبخ الآسيوي أنه لا يستخدم الملح الأبيض إلا في النادر، ويسمح باستخدام التوابل والبهارات والليمون والخل والبصل والثوم في تحضير الطعام.
- يمنع نهائياً استخدام الصلصات مثل المايونيز في الطعام.

ويقدم اختصاصي التغذية والسمنة نموذجاً من الوجبات التي يمكن اتباعها، كما يلي:

الإفطار اليومي:
- ثمرة موزٍ متوسطةٍ يمكن الاستبدال بها أي نوع فاكهةٍ آخر ما عدا المانجو والعنب
- كوب حليبٍ خالي الدسم.
- شاي أو قهوة من دون سكر ويسمح باستخدام البدائل
- ثمرة فاكهةٍ متوسطةٍ أو خضراواتٍ طازجةٍ بين الإفطار والغداء.

الغداء:
- طبق سلطةٍ خضراءٍ.
- نصف علبة زبادي خالي الدسم متبلٍ بالبهارات.
- نصف كوب أرزٍ أبيضٍ مطهو على البخار من دون إضافة أي دهونٍ أو شريحة توست أسمر
- كوب خضراوات تم طهوها على البخار ما عدا البطاطس والبازلاء
- تناول ثمرة فاكهةٍ متوسطةٍ أو كوبٍ من العصير الطازج من دون سكر بين الغداء والعشاء

العشاء:
- شريحةٌ كبيرةٌ من السمك المشوي أو علبة تونة
- طبق سلطة خضراوات.
- ملعقةٌ كبيرةٌ من الزبادي.
- تناول العشاء الساعة التاسعة بحد أقصى، وبعدها يكتفى بتناول فنجانٍ دافئ من الشاي الأخضر.

 

[شهرزآد]

تصدقين من كتبت الرد وأنا افكر بكلامك

خلاص , أنا قررت إن شاء الله بسوي أسامه حمدي الاسبوع الاول وبتحدى نفسي ,,
بس أهم شي الدقه والتوكل على الله ،
بس بعد عرس اختك ان شاء الله على خير خلينا نجرب الرجيم الياباني اسبوع,
والتوست اسبوع مثلاً ،

 

[[ N O R A H ]]

سلااااام

شخباركم بنات وشخبار الالتزام

يلا هانت بس نخلص من العيد ومن بعده نمشي اوكي .

لاتخربطون بالعيد

 

[فوشيهـ]

هلا يابعد تسبدي انتوو


اول مره اسمع عن هالرجيم حليوو قريته توو


بس الغدا كلهم على بعض هذوول ولا اختار واحد بس !!


والعشا والفطور ؟؟ كلهم اختار بس واحد @@


يمه جوووووع << انفجعت هع


تمام يابعدي اجل بعد العييييييييد رجيم اسامه حمدي اول اسبوع منه بس ..


وبعد الزوااااج نبتدي بالرجيم اللي نتفق عليه ان شاءالله ..


عاد سواء كان الياباني او التووست او نشووف الي نبيه ..
​

 

[فوشيهـ]

عليكم السلام نواااار


احنا تمااااااام


ايه هذاهو ننتظر الين نخلص من العيد عشان ننتظمممممم
​

 

[Madrideya ~]

أهلين بنات الله يوفقكم يارب .. بغيت أسألكم عن رجيم دشتي حابه ابلش فيه لانه وايد ناس يمدحونه
بس ما اعرف طريقته ونظامه قريت عنه موضوع وكان موجود تعليمات فقط !! يعني مؤ مكتوب الريوق شنو والغدا والعشا شنو نوع الاكل !


وان شاء الله كلنا تضعف بصحه وعافيه ~