يومياتي واللي تحب تشاركني وتشجعني :)

[<miss botamba>]

ان شاء الله تضعفين ويصير وزنج رقمين بصحه وعافيه

ودشي شوفي موضوعي شجعيني واشجعج

http://www.q8yat.net/showthread.php?t=557715

وبتشوفين في جم رجيم يفيدونج للتغيير

 

[miss disaster]

مشكوره حبيبتي

انا الحين ماشيه على رجيم السعرات لمدة شهر وبعدها بشوف لي رجييم ثاني

وانشالله تضعفيين بصحه وعافيه يارب

 

[miss disaster]

بنات توه لعبت رياضه الغزال الطائر لمدة 20 دقييقه

وبعد شوي باكل (يا تمرتين مع كوب كوبتشينو او فاكهه او كاكاو صغير مع كوبوتشينو)

 

[<miss botamba>]

مشكوره وانتي ان شاء الله تضعفين وتصيرين دكتورة أد الدنيا

شنو لعبه الغزال الطائر؟

 

[miss disaster]

العفو ويارب الله يسمع منج

وهاذي صورته (الغزال الطائر)

نفس الاوبتراك بس بدون كهربا جربته قبل جم سنه وايد زين وامي الله يخليها لي تستعمله

 

[<miss botamba>]

اووكي

انا قاعده استخدم بس القاري واسوي تمارين مع دي في دي

 

[شيخة الغراشيب]

شيخه العراشيب مبروك الكيلووووووووووووووووووووو
وشنو الرجيم الي ماشيه عليه
بيبي مبروك علي روحه الغرامات والفال حق الكيلوووووات ياااااااااااااااااااااااااااارب

اليوم ريوقي كون رفلكس ((الاسمر))
غداي 2 توست مع جبن وخيار وطمام

وانشاء الله صامده يااااااااااااااااااااااااارب

الله يبارك فيج غناتي وعقبال عندكم
نزلت رجيماتي اللي باديه فيها بقسم الانظمه الغذائيه سيري شوفي حلو كثييير وجربي وان شاءالله بتنزلين عليهم اكثر
مني لانه جسمي تعود عليه عشان جذه بس الحلو بالرجيم تنزلين بالمقاسات
بالعافيه اللي كلتي غناتي

وانا اليوم مشيت بس مب وايد عشان البارح كان عندنا ثلج ومطر
واليوم تريقت شريحتين مرتديلا+ملعقتين لبنه قليلة الدسم+خياره وبعدها شربت شاي اعشاب

 

[كبرياء أمراه]

قووووووووه بناااااات
شخبااااااركم

توني جايفه الموضوع بس ماقريت الردود واتمنى اني انظم لكم
عمري 21 ....
وزني السابق 58 >>>عشان تجوفون الفرق

وزني الحالي 77.4 اهئ اهئ
طولي1.61

هدفي اني انزل هالاسبوع 3 كيلوووو وان شاء الله مع الاراده اقدر يارب

طبعاً بديت رجيمي من امس + سجلت في النادي

ممممممم الريوق شربت حليب + سمبوسه لوووول >>>خربطت شوي

الغدا اكس عليه
والعشا كليت جبن وخبز شوي عن خاطري وبس

واليوم تريقت بحليب وكليت 3 حبات فراوله

وماباتغدى ان شاء الله
العشا اتوقع اني اكل فاكهه

متابعتكم وخلونا انشجع بعض ونحر بعض عشان نوصل للوزن المثالي ونبط عيووون اللي يقولون عنا متان>>>>مقهووره الأخت​

 

[كبرياء أمراه]

بناااااااات بلييييييييييييز الاراده م الارااده خله نشجع بعض لااااازم لاااااااازم نضعف

والله خواتي كله يجرحون فيني متينه ومتينه ومستحيل تضعفين خلاااص باضعف وباراويهم وباخلي جسمي احلى منهم وانا اللي باعايرهم

 

[شيخة الغراشيب]

حياج غناتي وان شاءالله تنزليين وانتي بصحه وسلامه
تقريبا طولج شراتي وانا بعد نفس طولج وامس كنت وازنه كان وزني 70.8
وباديه رجيمي الاسبوع الثاني يالله تعالي نتشجع وننزل من هالسبيعينات

 

[كرسبي كريم]

هلا والله بشيخه العراشيب
شفت الرجيم بالانظمه الغذائيه وعلقت عليه بالعكس حلو وكله اكل
انشاء الله يارب تضعفين بصحه وعافيه يارب

هلا والله كبرياء امراه
اااااااااااااااااااكيد الاراده مطلوبه اذا مافي اراده مافي رجيم

اليوم
الريوق كورن فلكس مع حليب

 

[شيخة الغراشيب]

هلا بج غناتي كرسبي كريم
اللهم آمييييييييين وياج وانتي شو الرجيم اللي باديه فيه غناتي

 

[teenaa]

Up
up
up
up


شدوحيلكم انا قاعده اتابع بصمت والحمدلله صامده عالرجيم :>

 

[miss disaster]

السلام شلونكم بنات ؟

انا الحين بروح اتغدى تقريبا نفس غدا امس بس الفرق بالبروتييين


وبالتوفيق

 

[شيخة الغراشيب]

عليكم السلام والرحمه
بخير وعافيه
عليج بالعافيه غناتي

 

[الحان الوصال]

امبيه بنات والله صارلي يومين احاول ادش مو راضي معاي المنتدى
ما ادري شفيه

المهم

قبل امس تريقت ترويقه خفيفه و ما تغديت ما كنت مشتهيه
و العصر اكلت 3 حبات حلو و كم حبه ورق عنب و ندمت حسيت اني خربته

فاليوم اللي وراه عاقبت نفسي
ما شربت الا نسكافيه ع الريوق و ما تغديت
و تعشيت ع ال 9
توست 2 + جبنه شرائح وحده مع جرجير و حبه فلفل بالرد و عصير كيوي مع اناناس
و نمت ع س 3 الفجر

و اليوم تريقت نسكافيه و شابورة الرشاقه و ما تغديت هم مو مشتهيه
يمكن اتعشى ع ال7 او 8

وبس

 

[miss disaster]

بالعافيه

انا الحين بروح العب رياضه 30 دقيقه

وعلى 5 بشرب كوبتشينو بدون سكر

 

[miss disaster]

بنات لقيت هذا الرجيم في منتدى ثاني وقاعده افكر اسويه لان اللي سوته نقصت 15 كيلو ب20 يوم
وحسيته وايد سهل والا انتو شرايكم ؟

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين روب وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..


ها شرايكم ؟ في وحدة تبي تسويه معاي ؟



:eh_s(8):

 

[شيخة الغراشيب]

حلو تقريبا شرات رجيمي الا انه رجيمي مافي توست والغده والريوق يشبه كثييير
وانا هالرجيم صارلي ثاني اسبوع اسوي موفقه غناتي سوي وقولي لنا كم تميتي عليه
وكم نزلتي ربي يوفقج

انا اليوم ماسويت شي حتى رياضه تكاسلت عنها سويت حق عيال اخوي دونت شكولاته وبان كيك طبعا قاومته ماكلت
بس كليت شوكولاته مال الرجيم مع شاي اخضر

 

[كرسبي كريم]

بيبي الرجيم ووووايد حلو
ودي اسويه معاج
بس انا اراجع عند الدكتور طالب الشمري وماشيه علي رجيمه وعندي مراجعه 23 -1
وانشاء الله اكون قليت كيلوات بعد

الغدا شوربه كوب
والعشا شورما من غير خبز بس اللحم

اه اه اه اه علي الدونات والكاكاو
بس عفيه عليج قاومتي وانشاء الله علي طول تقاومين الاكل

الحان الوصال شلونج شخبارج من زمان ما بينتي غائبه عن الساحه الرجيميه