يوميات المشتركات((بريجيم المطوع مع ام عزيزان))

[ام عزيزان3]

ام عزوز يعطيج العافيه بعد عمري ماقصرتي ..

بس الحين شنو بتبدووون بأي رجيم فيهم عشان نبدي ويا بعض ..

هلا والله حبوبه
انا لي الحين بصيام الست,,بس ودي حتي مع الصيام اسوي نظام قطع النشويات جوود يتحرك بعد شوي الميزان((الله يالفشله لو اروح موعدي ومونازله الي نتفه:eh_s(6):
انشاءالله باجر فطوري..سلطه وتمره وحده ودياي مشوي..واذا يعت بالتسع مكسرات شويه,,والسحور شرايح جبن وسلطه
جربوه بنات صج ينزل عدل:ggdw:

 

[شيخه***البنات]

يالله عفيه عليييج ام عزوز شدي حيلج و ان شاء الله راح تنزلييييين ...

الله يوفقج ان شاء الله يوم موعدج تكونين نازله ...

انا اصووم وقاعده اتفطر بس وجبه وحده اليوم كليت صمونه تيركي وبطاط + دايت ..

ان شاء الله باجر ببلش بالرجيم معاكم ..

 

[NaNa88]

انشالله انا بحاول بهالرجيم على ماتروحين موعدج وانشالله تكونين ناااااازله نزول حلو مو نتفه

 

[شـــفـــافـــه]

السلام عليكم ورحمة الله وبركاته

شلونكم حبيباتي فقدتكم من غير شر

ام عزوز لاتحاتين كلـــــــــــش ماخرطبت بالعكس صايرة ما اكل كلش انسى اتصدقين لوووول

طبعا ريوق مافي هالاسبوع لاني اقوم 2 بس ان شاء الله الاحد بتعدل جدولي ويا الدوام وغداي يكون الساعه 4 ونص

اليوم تغديت قطعة صغيره دياي وسلطة عاديه وقفشتين شوربة سلك و3 حبات تمر

وبس ما اكلت شي لي الساعه 8 بليل لاني كنت مشغوله شوي تعشيت بره اكلت شريحة خبز بالدياي

وبطاط شبس و قبقب

وبس الحمدلله احس يومي خفيف جدا

وباجر ان شاء الله بروح النادي اجدد اشتراكي بنات حبايبي ترا باجر نادي فليكس اخر يوم عرض عندهم اذا اتحبون تشتركون

 

[شيخه***البنات]

نانا 88 ..

شلونج وشخبارج .. الله يوفقج ان شاء الله .. انا بعد ببدا بإذن الله باجر ان شاءالله التزم عاد لول ..


شفافه ..

هلااا و الله وغلا ... عليج بالعافيه ان شاء الله ..

شلوونج شخبارج ان شاءالله بخير ..

شنو عرض فلكس قوليلنا عنه !! ..

 

[شـــفـــافـــه]

انا بخييير الحمدلله دامكم بخييير

العرض سنه كامله اب 410

انا 6 شهور اشترك دايما اب 380 شفتي الفرق

قلت يبيله اجدد على هالعرض مع ان اشتراكي بعده ماخلص لوووول بس طمع بني ادم

 

[شيخه***البنات]

والله خوووش عرض طافنا ..

ههههههه حده يبيله لووووول تجددين .. على مايخلص اشتراكج ان شاء الله الا نسوين عروض يديده لاتحاتين ...

 

[مدرسة طفشانة]

اشلونكم بنات شخباركم؟
وينج أم عزوز يالله ناطرين البداية الرسمية للتجمع ؟

 

[ام عزيزان3]

اشلونكم بنات شخباركم؟
وينج أم عزوز يالله ناطرين البداية الرسمية للتجمع ؟

اهلين مدرستنا شلونج وشلون الدوام وياج,,,
البنات يبون يتمون اهني تعودوا علي الصفحه

علي طاري الدوام تصدقون امس كنت ماخذه عرضي لما داومت اليوم قالولي ان في مدرسه مشتبه فيها افلونزا وقالتلها الناظره لاتداومين الا لما تيبين ورقه ان مافيج شي الله يستر

 

[مدرسة طفشانة]

اهلين مدرستنا شلونج وشلون الدوام وياج,,,
البنات يبون يتمون اهني تعودوا علي الصفحه

علي طاري الدوام تصدقون امس كنت ماخذه عرضي لما داومت اليوم قالولي ان في مدرسه مشتبه فيها افلونزا وقالتلها الناظره لاتداومين الا لما تيبين ورقه ان مافيج شي الله يستر

هلا وغلا أم عزوز
أنا الحمد لله بخير والدوام لله مثل ما يقولون شكلي هالأيام مشخطه فيه عدل >>>>>>> بعدني متعوده على سهر رمضان
ديري بالج يالغالية بالدوام>>> الله يبعد عنج وعن الجميع شر هالأمراض يا رب
قولي لي بتحطين لنا نظام المطوع عشان نمشي عليه وإلا نختار اللي نبيه؟

 

[ام عزيزان3]

هلا وغلا أم عزوز
أنا الحمد لله بخير والدوام لله مثل ما يقولون شكلي هالأيام مشخطه فيه عدل >>>>>>> بعدني متعوده على سهر رمضان
ديري بالج يالغالية بالدوام>>> الله يبعد عنج وعن الجميع شر هالأمراض يا رب
قولي لي بتحطين لنا نظام المطوع عشان نمشي عليه وإلا نختار اللي نبيه؟

هلا فيج يالغاليه..
حبيبتي انا حطيت من الانظمه الي عندي قبل(نظامين)وقلتلكم قزروا فيهم علي مااروح للدكتور وينج انتي الظاهر:dddds: مو متابعتنا
شوفيهم بصفحه38

 

[بقاياالليل]

بنات كيفكم والله لكم وحشششششششششششششه
لي فتره مادخلت كنت شوي تعبانه والنوووووووم يلعب ع كيفه الوضع متلخبط للاخير بس الاكل وجبه وحده وناويه ارتب نفسي عشان ارجع امشي اخاف تعبي يروح الله يعنين العيد خلص وحنا لسع على الخبطه

 

[مدرسة طفشانة]

هلا فيج يالغاليه..
حبيبتي انا حطيت من الانظمه الي عندي قبل(نظامين)وقلتلكم قزروا فيهم علي مااروح للدكتور وينج انتي الظاهر:dddds: مو متابعتنا
شوفيهم بصفحه38

حبيبتي بالعكس معاج عالخط بس أنا لأني قلت بحاول أغير النظام عشان ما أمل شكلي سويت مثل مشية الحمامة >>>>>>>>>>>>لوووووووول ضيعت نظامي وما مشيت معاكم عدل:krkrkr:
بس ان شاء الله مع اشتراكي بالمسابقة والتجمع راح ألتزم وأحفظ النظام عندي عشان ما أنساه

 

[شيخه***البنات]

بقايا ليل ..

هلا و غلا شلوونج حبيبتي مشتاقين لج .. وسلامتج من التعب ..


انتي نفسي انا ماشيه على نظام وجبه وحده باليوم .. مادري شفيني مو قادره التزم برجيم :\ ..

 

[ام عزيزان3]

بقاياالليل,,,
سلامتج وماتشوفين شر,,,
ديروا بالكم من نظام الوجبه باليوم..انتي وشيوخه تري اهو الي يعفس نظام الحرق عندج الي اهو الايض,,,
شوفي حبايبي نظام الوجبه الوحده يثبت الوزن بس هاااا لازم تكون معاه وجبتين ريجيم مثال(وجبه ريوق كبيره وكلشي تاكلين-وجبة الغده من ريجيم-وجبة العشا ريجيم وخفيفه جدا مثل روب وتفاحه)هالنظام اذا بتثبتون,,,مع ان انا ماوالمني الا نظام يوم ويوم للتثبيت

 

[شـــفـــافـــه]

السلام عليكم .. ياحلوين شلوونكم؟

وااي باجر نبدي دوام الله يوفقنا هالسنه يااااارب

ابييه لووووووووووول سبحان الله كلنا وجبة وحده باليوم

اشهالصدفه .. انا صارلي جم يوم بالشاليه والحمدلله كللللللللش ماخربطت

واليوم اول مارديت قست وزني ولا نفسه الحمدلله الله يتمم علينا

ممم جدولي من باجر راح يتغير لاني راح اقوم الصبح اتريق ان شاء الله والعشا ايام الدوام مو وايد اتعشى بس خفايف

فان شاء الله ننزل 4 كيلو هالكورس

والتجمع صاااير هاااااااادي من غير شرر مانبي جذي نبي تشجيييع تكفووون

 

[ام عزيزان3]

اهلين شفااافه..
عاش من شافج وييييييييييييينج ايييييييييييي عدل عدل بالشاليه...
يحليلج جنا داشين مباراة تشجيع,,,, عاشووووو عااشووووووو,,,اي والله صاير هادي التجمع من غير شر انقرضنا ماشوف غيري انا وانتي وشيووخه ومدرسه طفشانه وتوها بينت بقايا الليل اما الباجي مابينوا؟؟الله يستر عسي مو خايرينه ومالهم ويهه

 

[شيخه***البنات]

بقاياالليل,,,
سلامتج وماتشوفين شر,,,
ديروا بالكم من نظام الوجبه باليوم..انتي وشيوخه تري اهو الي يعفس نظام الحرق عندج الي اهو الايض,,,
شوفي حبايبي نظام الوجبه الوحده يثبت الوزن بس هاااا لازم تكون معاه وجبتين ريجيم مثال(وجبه ريوق كبيره وكلشي تاكلين-وجبة الغده من ريجيم-وجبة العشا ريجيم وخفيفه جدا مثل روب وتفاحه)هالنظام اذا بتثبتون,,,مع ان انا ماوالمني الا نظام يوم ويوم للتثبيت

هلا و غلا ام عزيز ..

انا من خلصنا رمضان و انا تقريباً كله وجبه وحده باليوم ونزلت 700 جرام حدي مستانسه ..

بس مو مرتاحه على نظام وجبه وحده بس شسوي لاني اصووم اكل وجبه وحده واقول مابي اكل شي لي بليل اكون بعد شبعانه ..

شنو نظام يوم ويوم يعني قصدج تخربين ويوم رجيم ؟!؟!




شفافه ...

هلا و غلا عليكم السلام شلوونج شخبارج ؟؟

لووول كلنا وجبه وحده ماشيين ههههههه ..

و ان شاء الله تنزلين 4 كيلوات يارب بهالكورس ..

اي و الله التجمع وايد هادي صاير ..

 

[ام عزيزان3]

شيوووخه

نظام يوم ويوم نفس ماقلتي تخربين يوم ويوم ريجيم,,بس هذا للتثبيت ماينزل


المهم شلونكم وشالاخبار...
اليوم رحت موعدي وحدي ضايق خلقي,,,يتني البجوه بغيت ابجي,,,,,:krkrkr:

طبعا انا من الاربعا قاطعه النشويات قلت كود انزل شي وانا صايمه وصعب هالنظام مع الصيام
بس الي ذبحني الامساك صج الي قال عدو الريجيم الامساك..مع اني احس بفرق مقاسات



بس الصدمه,,,,, بميزان العياده بس كيلو1...بذمتكم مو صدمه وانا من قبل جم يوم وازنه ونفس الوقت الي كل مره مبين 2ونص...بس خرب علي الامساك

وحتي الدكتور قالي عادي,,,,والله ان فشله اقوله معاي امساك وقالي 3ايام الواحد ماراح الحمام زياده بالميزان1...و4ايام لي اسبوع 2كيلو زياده شفتوا قراده اكثر من جذيه...ماصار معاي امساك الا بمراجعتي..عاد استحيت اقوله من الاربعا مو رايحه الحمام


عاد عطاني نظام يديد وقالي لو شنو انتي صعبه راح ينزلج هالنظام...عدا ابي تفاعلكم اذا تبوني احطه واذا ماتبون كيفكم:klhfl:

ونسيت علي طاري نظام قطع النشويات لما قلتله صارلي 5 ايام مسويته قالي لا اهو النظام ماينصح فيه الا يومين بالاسبوع وبينهم يوم يعني مو ورا بعض
تدرون ليش ينزل ماي الجسم و عقب لو تسوين اي نظام بالعالم ماينزل وزنج,,,عاد انا ماصدقت خبر وتفطرت من هنجري باني

 

[شـــفـــافـــه]

ههههههه ام عزيزان لاتعذبينا نبي الرجيم ناطرييينج

وانا متفاءله خييير صراااحه بهالرجيم الياي على كلام الدكتور

صج ونستيني