يوميات حلاتي غير وحبايبها وتجاربنا بالصور تعالوا نقضي علي كروشنا وشحومنا بعد الولاده

[دلوعة بنتي]

لولو حبيبتي ودي ولدج عند الدكتور عبدالله الدهام بانترناشونال كلينك .. خووش دكتور اخصائي جراحة اطفال وشاطر وراح يقولج اذا علاجه عملية او لا..

وعندج بعد الدكتور خالد عياش بدار الشفا هم جراح اطفال يمدحونه ..

ولاتحاتين حبيبتي مثل ماقالوا البنات يكبر وينسا

انا بعد ولدي سووله جراحة حق الدمل كان طالعله .. فديته كان للحين بالاربعين

 

[شيخة الحلوة]

لولو سلامته
ولييدج ما يشوف شر ياقلبي

والحمدلله انج
لاحظتي هالشي
مبجر
الحمدلله
والعملية
ان شا الله
سهالات
لا تحاتين

يارب
تتطمنين عليه
يارب

ويسوله العملية
ويصير زين يارب

عسا الله يباركلج فيه لولو
ويطرح فيه البركة
ويخليلج اياه
واهوا بصحة وعافية

 

[عيون عجميه]

حبيبتي لولو مايشوف شر وليدج وانشاء الله ما كو الا العافية
لولو انا بعد في بنتي فتاق بس ما قالولي عملية قالولي الهادي كل شهر مراجعه بس الله يستر
ويحفظ لنا عيالنا

 

[lolo6688]

مشكورين بنات
وانا الي خايفه منه بنج كامل :/
واهو نتفه
وغير هذا فيه خياط داخلي وخارجي
حاله حال ولاده لوول
اخيه بعد عمري معور قلبي بس ابجي
الله كريم باجر موعده مع اخر دكتور واشوف كلامه نفس الباجي وله لا؟
4 قالوا لازم جراحه هالاسبوع لان فتاقه وايد خطر

 

[مس هنادي]

السلام عليكم
لول ياحياتي والله ضاق صدري على ولدج الله يشافيه ويخليه لج
حاولي لايبجي وايد موزين عليه

 

[أمواج البحر]

لولو حبيبتي لا تحاتين

ان شاء الله سهالات

والبيبي جلده يكون طري سبحان الله فالالم مو مثل الم الكبير

يكبر وينسى و ياخذ مره خنسا يدتي كله نقول جذي ههههههههههههههه

ها بنات شلونكم مع الريجيم

انا لي الحين ما وزنت نفسي بس لازم اوزن عشان اعرف اشكثر نزلت

بس بنات الدوام يخربووووووون :///

 

[oum^zozo]

بنات ليلحين مانزلت علي اخت النفاس كلش مانزلت علي دوره من ولدت
صارلي وايدعادي انهه تتأخرجذي؟

 

[أمواج البحر]

ام الزوز شلووووووووووووووووووووووووووووووووووووووونج :*

عادي حبيبتي على حسب جسم كل وحده

في شهر وفي اكثر وفي اقل

انا نزلت علي بعد 17 يوم

 

[oum^zozo]

زين اشوه امواج طمنتيني
انا تمام
مستانسه نازله كيلو لووول
وع كاره نفسي امواج صايره ما اكل كلش و لاا شتهي اشوف الأكل

ولدي كاسر خاطري امس استعسر علي تخيلي ١١ ساعه مانام بليل فصخته و لا بطنه حبيبي مفوووووووووووخ شكله يخرع عور قلبي
دهنته اب زيت و سويتله مساج و عطيته دوه قااز يالله ارتاح و طبعا انا صايره بس انام ٣ ساعات باليوم اب سبت زوزو
بالنفاس كان يهبل ماكان عسر جذي الحين مادري شفيه

 

[أمواج البحر]

وييييييييييييييي ليش جذي ام الزوز

يمكن الحليب مو موالمه!!

وليش ماتاكلين؟؟ ترى عشان جذي ما تنزلين

اذا تبين تنزلين وزنج لاااااااااااازم تاكلين

حطي حليج بالسلطات

 

[oum^zozo]

مادري و الله شفيه من انولد و انا اعطيه ابتاميل العادي ماسوالي مشكله الا هالجم يوم

لا وزني قاعد ينزل اليوم وزنت و لا ناقص وزني

امواج شسوي ريلي بس طايح فيني تحبط اخخ ببجي
تخيلي يشووفني ما كل شي يسكت مايقوول شي يروح يتغدى مايناديني يعني عادي عنده يبيني اضعف حتى و اذبح روحي

 

[أمواج البحر]

يمكن حايشه هوا ببطنه

دفيه على طوووول و دهنيه بزيت زيتون وان شاء الله

يحليله ريلج خخخخخخخخخخخخخخخخخخ

بس هم لازم تاكلين موزين يابنيه

 

[oum^zozo]

اي امس دهنته واايد ارتااح
صاير اينن الخايس
اقوووله بابا تيسه و بعووضه
يضحك و يقوولي آآآغوووو
ههههههههه فديته و الله

بدى يناغي سلم قلبه

 

[أمواج البحر]

يا حيااااتي الله يخليه لج ويبلغج فيه

يقولون هالابتسامه من اغلى الابتسامات

جذي التوينز يختييييييي من يسمعون صوتي

تعرفين الطير لما يرفف جذي بعد قلبي ويضحكون حيييييييييييييييل

ولدي الكبير يقولي بس تيين يضحكون

 

[oum^zozo]

يختيي حلاتهم والله هههههههه اي و الله احلى شي لما البيبي يضحك فديت ضحته و الله
اخيرا صارآآدمي قبل كان نتفه جنه زرزوور
على قولة ابوي ولدج كان بريعصي و الحين صار ضب لووول

تخلي قبل كان يلبس tiny baby اللي اهوا اصغر من النيو بورن
الحين اسم الله عليه يبلس ٠-٣

 

[أمواج البحر]

يختي يختي

نفس اللي عندي توهم يلبسون نيوبورن او 0-3 اذا كان اللبس صغير

يختي ولهت عليهم بعد قلبيي

مشتهيه بان كيك مال ماك :/

 

[:: Diva ::]

اموااااااااااااااااااااااااااااج
فقدتج حبي

 

[أمواج البحر]

بعد عمري ديفا ما تفقدين غالي :*

انتي مختفيه بعد @@

شلون ولدج وشلون سهر الليالي

 

[lolo6688]

هاااي شخباركمممممم
بنات بستشيركم ؟؟؟؟ محتاااااااره ومادري شسوي بدنيتي
وين اسوي عملية ولدي ؟
اهي عمليه بسيطه ماتاخذ اكثر من ثلث ساعه
والحكومه يسونها وهم الخاص
بس الي مخوفني من الخاص اذا صار مضاعفات عقب البنج راح يتوهقون فيه ويطرشونه حكومه اهم قالولي جذي ونصحوني بأبن سينا تخصصهم هالشغله
رحت اليوم ويريتني مارحت
مادري ليش الحكومه جذي ؟ كلها وافدين ومتهنين اكثر منا
تخيلو بنات رحت ابن سينا بتحويل من مبارك ومكتوب عليه حاله مستعجله لان فتاق ولدي خطر
شافوا التحويل عطوني موعد بعد اسبوعين عشان الدكتور يكشف عليه بس ؟
امبيه قتلها ماتقرين مستعجل جان تقول اي المستعجل اسبوعين اذا عادي ياخذ شهر واكثر
امي الله يخليها كانت معاي
عصبت حدها
جان تدرعم غرفة الدكتوره وتقولها بس ابيج تقولينلي التشخيص الي مشخصينه ولدي صح وله للااا
والدكتوره كانت حبوبه
شافته قالت فتتتتتتق درجه اولى لازم جراحه بسرعه هالايام
قتلها انزين انا بسويها بخاص تنصحيني جان تقولي لاا سويها مني
قتلها اوكي
تخيلو متى عطوني موعد العمليه ؟
14-2-2010
هذا مستعجل وخطر وجذي ؟
قلت حق الدكتوره شلون هطر ولازم الحين ومتأخر الموعد
جان تقول شسوي ؟ انتي مظطره تنطرين الا بحاله وحده
الفتاق ينفجر بهالحاله يدخل علطول غرفة العمليات بدون موعد وله شي ؟
قتلها وليش انطر اوصل لي هالمرحله قالتلي ودي اساعدج بس مابيدي شي
والوضع اييب المرض مناك
زحمه
وباليوم 15 عمليه يسوون
فخايفه من ابن سينا
ومااااااااااادري شسوي تكفون قولو ؟

 

[lolo6688]

امواج شخبارج حبي
ولهنا عليج
وينج شالدنيا فيج
شلون دلي وملي


ام زوزو انا اخت النفاس يتلي قبل 4 ايام
انا وياج ولدت
بس الله لايراويج
دم غزير اول مره بحياتي جذي