يوميات حلاتي غير وحبايبها وتجاربنا بالصور تعالوا نقضي علي كروشنا وشحومنا بعد الولاده

[:: Diva ::]

امواج عذااااااااااااااااااااااااااااااب وربي عذاااااب
و تخيلي ما عندي خدامه و اداوم !!!
و شقتي بروحي واااي وااااااااااااااااي وااااااااااااااااااااااي


ام علي
فديتج حبي لا تحاتين
لو لا قدر الله كان في مضاعفات بتصير بالخاص و لا بالحكومه
انا منج الحق على ولدي اوديه لدكتور شاطر متخصص
المهم سعيت و الباجي بييد الله
و لا تحاتين

 

[أمواج البحر]

وي ديفاااا وين خدامتج ؟؟

الله يعينج؟ عيل ولدج عند منو تخلينه؟ امج والا خالتج؟

 

[:: Diva ::]

انحاشت الخايسه
و الثانيه قالت انا ما ابي بجا

الحمدالله قالت ولا احط وليدي بيدها
و الثالثه كل يوم يقولون باجر
و ما ادري متى ايي باجر


علشان بيت خالتي اقرب
و عندها شغالتين
اقطه ببيت خالتي
طبعا الوضع مززززعج
بس شسوي بيت امي بعيد علي




التهبت ايدي من كثر الشغل
بالدوام و بالبيت و البيبي

 

[أمواج البحر]

بعد عمري ديفا الله يعطيج الصحه والعافيه

امج ولا خالتج كلهم واحد دام انه ولدج اكيد غالي عليهم ^_^

بس صج الوضع مزعج :/ وان شاء الله توصل الخدامه باسرع وقت

 

[lolo6688]

ديفا والله في مسترجعات زينين
وترى فيه حضانات ياخذون من عمر شهرين
انا عندي احسن من تحطينه عند خدامه يديده بالشقه بروحهم
انتي وين مدرستج ؟

 

[oum^zozo]

ديفا صج الله يعينج حاسه فيج

انا ولدي ماخلي الخدامه اتجيسه اخاف فا احطه عند امي لا بغيت اطلع
هالخذم ينخاف منهم صراحه كفوهم تنظيف و غسيل حتى طبخ موفالحين فيه

 

[:: Diva ::]

ام زياد اي والله ما تامنين

و يحق لنا نخاف
البلاوي شكثرها و كل يوم نسمع شي يدييد

و في شي غريب
تلوع جبدي لما افكر ان ولدي بيشم ريحة الخدامه و انفاسها
مع انها نظيفه و بشر ولا تنقص عني بشي
بس شغله نفسيه !!!


لولو
حياتي شنو قررتي ؟
انا بيتي بالعقيله
و خالتي قريبه علي بعد شارعين

و امي بجنوب السره
و دوامي بصباح السالم


بس صاجه الله يخليهم لي يااارب و يديم المحبه
يحبونه و يخافون عليه اكثر مني اقصد حمولتي فديتهم والله


امواجي انتي ام شنو ؟
فديتج يا قلبي الله يعافيج ويارب يسمع منج المفروض اليوم تطير طيارتها
و توصل باجر والله العالم

 

[lolo6688]

ديفا اليوم موعدي مع دكتور محمود البدر استشاري جراحة اطفال واهو رئيس قسم الجراحين بأبن سينا
طبعا بعياده خاصه اهو
بروحله وبشوف شيقول

 

[lolo6688]

ديفا في حضانه بصباح السالم صوب طيبه كلنك جنه
بنت عمي تودي بنتها
وايد تمدحها
اسمها الابداع

 

[بدوره 22]

السلام عليكم شلونكم
؟؟

 

[lolo6688]

عليكم السلام هلا بدوره تمام انتي شخبارج

 

[مس هنادي]

بنات وينكم مختفين
لول شخبار ولدج

 

[شيخة الحلوة]

قوة بنات شخباركم


انا اليوم رحت حق الدكتور
طالب الشمري

والحين باربع اسابيع الحمدلله نزلت 6كيلوات


الحمدلله توقعت انزل اكثر
بس الحمدلله
شي احسن من ولا شي



وعطاني نظام يديد
وان شاالله اضعف
وانزل بعد ال19 كيلو الباجين يااااااااااااااارب


لولو سلامته وليدج
شقالج الدكتور طمنيني على وليدي



امواج شخباااااااااااااارج
ولهااااااااااااااااااانه عليج


ام زوزو عسا ربي يخليلنا زيودي دهن العودي


وانا عسا ربي يخليلي منيتي شيوخه شيخه البنات كلللللللللللللهم

غصب


هههههههههههههههه

 

[oum^zozo]

زيوود لوع جبدي كرهني اب عيشتي و ابوه لاعت جبده امبي امبي يبجي من قمة راسه واي غصب نام انا كنت دايخه و تعبانه قلت حق ابووه يالله بس ترى ماقدرمافيني حيل من الصبح قاعده اسوي الكراتين حق النقله
شسوي تعبت يبجي يبجي غازات فييه امبييه شسوي
ليمتى بعيش جذي ايهيء ايهيء

 

[شيخة الحلوة]

ياقلبي
ام زوزو


شربيه اعشاب
حبه حلوة وكمون وبابونج

وغير ي حليبه

والله يعينج
يارب


شنسوي انا بعد شيوختي
حراااااااااااااارة وبس تبجي
امس الفير انا سهرانه بدار الشفا لي الصبح

سوولها تحليل دم وبول

وحرارة فيها


بس الدكتور قال ما فيها شي الحمدلله
بس يمكن برد
من تغيير الجو

واللللله يعنني


انا من امس مو نايمة

وعيوني مبققه جذي
@-@

من النسكافيه عشان اسهر معاها
والاحظ حرارتها اخاف ترتفع لان حرارتها ترتفع فجأأأأأأأأأأأة

 

[oum^zozo]

ماتشووف شر حبيبتي شيووخه شيخة البنات

الله يعينج و انتي بعد عندج جامعه مو قلتلج وقفي قيدج ماسمعتي كلامي

زيوود من قالج ما عطيته

سويتله اعشاب و عطيه دوه قااز من كثر مالوع جبدي عطيته الدوه مرتين ماعنه مكتووب مره وحده

غيرت حفاضته و رضعته سويتله كل شي يصارخ جذي ذابحته

ااااااااااخ اااااااااااااااخ ببجي

 

[شيخة الحلوة]

بعد عمري اسم الله ليه

انا ابجي مع بنتي واقولها ياليتني افهم شنو تبين

 

[oum^zozo]

شيووخ تنصحيني اغير الحليب؟

 

[lolo6688]

ام زوزو عادي هذا من االغازات حاسه فيج وخصوصا بجر ماتعرفينله عدل عدل
انا كنت جذي ابجي معاه لمن يبجي وماري شسوي اتوتر
بس لاتغيرين الحليب لان كلهم فيهم غازات ومافيه ياهل بالعالم مايشتكي من الغازات اول 3 اشهر
شوفي عقب كل رضعه
حطي بمميه نص رقم ماي دافي وقفشتين كبار ماي غريب
وشربيه عقب كل رضعه
انا ارتااااااااح ولدي من هالطريقه
ومره باليوم عطيه جاي اعشاب ميلوبا الاخضر (بابونج -حبه حلوه - ينسون)
رقمين كافي
وباذن الله بيرتاح

 

[أمواج البحر]

شلونكم بنات

الله يعينكم على البجي والسهر

الاحظ داااااااايما البجر حنان وبجاي ما ادري ليش :/

يمكن عشان نحس بالامومه عددددل

ما عليه بنات فتره و تعدي بس اهم شي لا تتوترون

وعلى طول ذكري الله عند اذنه و سبحان الله تشوفينه يخف بجي