يوميات رجيم الكليه :)(انتهت المده)

[ayoya]

رد: يوميات رجيم الكليه (مدة الموضوع شهر من تاريخه)

بنات بسألكم شوربة ماجي فيها ملح
يعني مو زينه حق الدايت ؟؟؟؟؟؟؟؟

 

[NaNoOSha]

رد: يوميات رجيم الكليه (مدة الموضوع شهر من تاريخه)

عافيه ايويا حبي
مادري والله يختج مو مشتهيه اكل شي مادري شفيني
بس توني بالغصب شربت شوربة خضار عشان كنت بطلع قلت ما تسوى علي اطلع و ادعم ولا يصير فيني شي مجربه هالسوالف شكثر تصير فيني

خذيت شوربه جذي قد كوب الجاي و الحين احس روحي يوعانه بس مالي خلق اكل :/

حبيبتي مادري احس الشوربه ما تأثر عادي سوائل بس اهم شي لا يكون فيها وايد دهن
في شوربه لما تسوينها تحسين الدهن فيها طبقات مو شي

 

[ayoya]

رد: يوميات رجيم الكليه (مدة الموضوع شهر من تاريخه)

اليوع اليوم امبدع فيني

 

[AL-N7EESAA]

رد: يوميات رجيم الكليه (مدة الموضوع شهر من تاريخه)

سلالالالالالالالالالالالالالالالالالام ، شلونكم ، انا اليوم تريقت توست اسمر وجبن وزيتون وطماط وغداي دياي مشوي مع طماطه وعصير برتقال قاعده اكل جني اول مره اشوف اكل من اليوع لووووووووول ، وعشاي الحين بتعشى بيضتين مع توسته وعصير برتقال ورحت مشيت ساعه ولعبت تمارين ساعه ولعبت عالاجهزه احس ضعفانه بس الله ما يرضى كل ما اروح اقيس وزني بمكان غير عن عيادة الدكتور يا ميزان خربان يا معلق يا يطلعلي غلط لووووووووول ،عاد بنطر لي الاحد وبشوف

 

[AL-N7EESAA]

رد: يوميات رجيم الكليه (مدة الموضوع شهر من تاريخه)

تعالو ، نشوم وينها منقرضه وبيتي بوب بعد @@

 

[NaNoOSha]

رد: يوميات رجيم الكليه (مدة الموضوع شهر من تاريخه)

نحيسه انشالله نازله بس ثبتي على ميزان واحد لا تلعبين لوول

تصدقين ما قامو يبينون يبيلهم زف
و منوره مادري شسوت اليوم بامتحانها ما شفناها

 

[NaNoOSha]

رد: يوميات رجيم الكليه (مدة الموضوع شهر من تاريخه)

بنات باجر عندي امتحان مدخل علم اجتماع عند دكتور اليوسفي
احنا مسمينه صدام من كثر ماهو متسلط يوووومااااااااااااا يخاااااااااااااااارييييع
عاد حدي مو فاهمه شي مادري شسالفه الكتاب ما ينفهم منه شي

اي بنات نسيت اقولكم توني اكلت حبة شابوره مع نسكافيه

 

[AL-N7EESAA]

رد: يوميات رجيم الكليه (مدة الموضوع شهر من تاريخه)

انتو صدام احنا عندنا هتلر وواحد ليلحين ما طلعناله مسمى نسميه اوكي من كثر ما يقول اوكي لوووووووول ، امبيه تونا مبلشين ولعنو خيرنا كوزات ولويه شدعوووه اخاف ماجستير وانا مادري :/ واخير شي لا شغل ولا مشغله لووول ، اي بس اختي تقول عشان ما تحوسين وتصيرين مره لووووول

 

[AL-N7EESAA]

رد: يوميات رجيم الكليه (مدة الموضوع شهر من تاريخه)

اخر جمله عن الميزان صايره وايد اخلط حجي لوووووووول

 

[نشميه]

رد: يوميات رجيم الكليه (مدة الموضوع شهر من تاريخه)

فديت اللي يسألون عني شلونكم بنات وحشتوني واي حدي تعبت من بدايه الكورس نكرف ونشتغل امبيه صج احس مافيني طاقه كل سنه عادي ما احس بالايام لا وكل يوم اطلع لكن السنه هذي من بديت الكورس ما طلعت طبعا انا اليوم بديت دشتي توكلت على الله وقلت ببدا فيه تغديت دياي مشوي من تكا وبعدين نمت وعقب قعت احضر حق ماده لازم نقرى فيها كتاب خلصته على 11 وتعشيت بيض مفيوح مع زيتون وجبن

بس نفسيتي حده اي شي صايره على اي شي بالتلفزيون يطلع ابجي لااا امس كنت بطقها بجيه بالمحاضره شفت وحده مسكينه ما تشوف عورت قلبي والله لو كان احد بس مكلمني جان انفجرت بالمحاضره

 

[kwt.2012]

رد: يوميات رجيم الكليه (مدة الموضوع شهر من تاريخه)

مرحبااا بنات شلونكم ؟

ابشركم رد لي ووعي ومشيت عدل هاليومين
انتوا شخباركم ؟

 

[ayoya]

رد: يوميات رجيم الكليه (مدة الموضوع شهر من تاريخه)

زين بينتي نشميه (( يعني أتشره ))
أنا الوم تريقت ساندويش من ستاربكس
و توني متقديه من فورتنو شوربه

 

[MNoOoRaH]

رد: يوميات رجيم الكليه (مدة الموضوع شهر من تاريخه)

يووووووووووووووووووووووووووووووووووووووووووووعانه غداي فخذ ديايه مشوي وسلطه ميته يوووووع

 

[AL-N7EESAA]

رد: يوميات رجيم الكليه (مدة الموضوع شهر من تاريخه)

لوووووووووووووووووووووووووول منوره تعذيب عيل انا حيبل اخوره بالرجيم طقيت نفسي عين كل ماشوف نفسي بالمنظره اقول يحليلي جسمي تغير لووووووول الحين شكلي برده دبل امبيه بس بس باجر ببدي عدل بصير خوش بنيه ، شخباركم انتو؟

 

[NaNoOSha]

رد: يوميات رجيم الكليه (مدة الموضوع شهر من تاريخه)

هلا بالحلوااات
كلجن كلجن حلوات لا تزعلن
بنات انا اليوم الظهر عال 12 و نص شربت نسكافيه كان هذا ريوقي
و رحت الجامعه و خلصت محاضرتي و امتحاني جان وررررررررر عالافنيوز
حست حوووووسه قاعده اجهز حق عيد ميلادي رحت شريتلي نفنوف
طبعا ماله داعي اقولكم الاحباط كل ماشوف شي حلو اقايسه يضيق خلقي لما يطلع ضيج من صوب الارداف
والله نفسيتي اكسسسسسسسس صارت و السبه جذي
كل اللي البسهم شحلوووهم من فوق و فجأة تحت دبوووووووف
و اخر شي لقيت واحد وايد حلو قياسي و كل شي اوكي بس هم اسود و انا بس خلااااااااااص يا ننوشه بسج اسود
ف شكلي راح اروح اشتري خام و اخيط نفس الموديل اللي شريته عاد بخاطري جذي الواااااااان الواااان

المهم نرد حق موضوعنا
لما رديت حدددددي هلكااانه جان اطل بالمطبخ ولا في شوربة خضار شربت طاسه بس فولتها عالاخر من كثر ما انا يوعانه
شوي بعد ساعه جذي شفت نفسي لاااااا للحين يوعااانه فيني فقرة يوع مال جم يوم ما اكل عدل
جان ادق عالوالد و يابلي سلطتي المفضله (جكن سيزر) من ماك
عاااد الله يحفظه ما يابلي الجكن سيزر برووووحاااااااااا
ياب معاااه جكن ناقتس
جان اطيح فيه طيحه
اكلت والله يمكن 6 حبات مع السلطه اذا مو 7 بعد :×
و عقب هذا كله تدرون بعد علي الدوره لااازم ككاو مع اني ماحبه بالايام العاديه كلش ما اقرب صوبه
اكلت 3 قطع من كادبوري :×
و بس سديت حلجي قلت خل احترم نفسي

اي صج اليوم قبل لا اروح الكليه لعبت عالاوربترك شوي بعد

 

[NaNoOSha]

رد: يوميات رجيم الكليه (مدة الموضوع شهر من تاريخه)

لاااحظااا لاااحظا خل نتفااااهاااام قبل لا تزفووووون
3 قطع صغاااار من كادبوري مو 3 ككاوااات :×××

 

[kwt.2012]

رد: يوميات رجيم الكليه (مدة الموضوع شهر من تاريخه)

لوووووووووووووووووووووووووول منوره تعذيب عيل انا حيبل اخوره بالرجيم طقيت نفسي عين كل ماشوف نفسي بالمنظره اقول يحليلي جسمي تغير لووووووول الحين شكلي برده دبل امبيه بس بس باجر ببدي عدل بصير خوش بنيه ، شخباركم انتو؟

النحيسه وناااسه هالشعور صح ؟ انا جربته قمة الوناسه وخصوصا بالبس

بس ديري بالج تقولين خلاص جذي اوكي استمري للاخر احسن وموفقه

 

[kwt.2012]

رد: يوميات رجيم الكليه (مدة الموضوع شهر من تاريخه)

بنات انا امس تريقت 3 تمرات وقهوه ( هذا ريوقي ايام الاسبوع )

وتغديت جكن رول 3 حبات وتبوله وشلطه شمندر (((((((((((( صج الشمندر يمتن ؟ انا قالوا لي زين لفقر الدم شرايكم ؟ )))))))

وتعشيت خياره وجبنه وحده ونص فطيره زعتر (((( انجاز اني كليت بس نص لاني قبل مايشبعني الا 2 ونص علاقل ههههههههه

شخباركم انتوا بعد ؟

 

[kwt.2012]

رد: يوميات رجيم الكليه (مدة الموضوع شهر من تاريخه)

فديت اللي يسألون عني شلونكم بنات وحشتوني واي حدي تعبت من بدايه الكورس نكرف ونشتغل امبيه صج احس مافيني طاقه كل سنه عادي ما احس بالايام لا وكل يوم اطلع لكن السنه هذي من بديت الكورس ما طلعت طبعا انا اليوم بديت دشتي توكلت على الله وقلت ببدا فيه تغديت دياي مشوي من تكا وبعدين نمت وعقب قعت احضر حق ماده لازم نقرى فيها كتاب خلصته على 11 وتعشيت بيض مفيوح مع زيتون وجبن

بس نفسيتي حده اي شي صايره على اي شي بالتلفزيون يطلع ابجي لااا امس كنت بطقها بجيه بالمحاضره شفت وحده مسكينه ما تشوف عورت قلبي والله لو كان احد بس مكلمني جان انفجرت بالمحاضره

الله يعينج حياتي سهلات بس اول الايام جذي عادي تحملي

بس تعالي انا سمعت ان الزيتون يمتن فيدري بالج وموفقه

 

[kwt.2012]

رد: يوميات رجيم الكليه (مدة الموضوع شهر من تاريخه)

لاااحظااا لاااحظا خل نتفااااهاااام قبل لا تزفووووون
3 قطع صغاااار من كادبوري مو 3 ككاوااات :×××

:0bee2e8d89: :0bee2e8d89: :0bee2e8d89:



ليش عاد ؟ يالله لكل حصان كبوه بس اخر مره اوعدي نفسج