يوميات رجيم madam dew

[عشق قلبين]

هلا هلا بنات سامحوني التهيت هالفتره بس الحمدلله ماخربطت بالرجيم كلش

بس توقعت اني اكون نازله اكثر لاني حيل ملتزمه

نزلت بس كيلوو

الحمدلله يارب انتوا شلونكم

 

[خولـه]

عشق قلبين وينج انتي وام غلااا اختفيتو فجاه

مبروك ع الكيلو والله حلو لاتتحبطين


ونحن بخير بس ننتظر مشاركتكم



لاتقطعون:eh_s(13):

 

[madam dew]

يعطيكم العافيه بنات
يالله قدرت ادخل النت اليوم من لاب توب زوجي
متابعتكم
انا الحمد الله ماشيه بالريجيم بالميزان يمكن كيلو ونص نزلت بس احس اني نزلت اكثر لان جسمي فرق وحتى ملابسي فرقت معاي الله كريم
انصحكم بنات بالكورن فليكس وحليب قليل الدسم واللي مثلي ماتحب الكورن فليكس بدون شكر تاخذ كورن فليكس فتنس بالعسل واللوز حالي وطعمه لذيذ ويشبع
يارب يصلح كمبيوتري واقدر اتابكم كل يوم واحط يومياتي
انا ماشيه على التخفيف يعني مرات اكل كورن فليكس ومرات مشاوي ومرات من غدا البيت يعني خمس ست قفشات عيش مع سلطه وصدر ديايه او فخذه حسب المتوفر بس بحدود واكل شوي حلويات بس يادوب قطعه قطعتين ومرات اذا رخت مطعم ما اكثر اصلا اخس معدتي اصغرت وبسرعه اشبع
والله اني قبل بشيلز الستيك ماشاء الله اكلها كلها الخين والله اكل اقل من النص اشبع
والحمدالله عالنعمه
بنات شدوا الهمه
خوله ما قلتلج بالنسبه لطريق عنايتي بجسمي وشعري
انا استخدم
حق شعري:كمينو موتو علاج تونك لتساقط الشعر وهم نفس الماركه مسرع للشعر
والشامبو من ماركة لكمي هم حق التساقط

ولبشرتي للوجه غسول نيتروجينا اللي ايي ماسك وغسول بنفس الوقت و استخدم مرات اكسينول ومرطب من نمبر 7 من صيدلية بوتس
وحق جسمي شور جل ترطيب مركز من جونسون
وبس هاذي عنايتي
وكنت اخذ فيتامينات للرضاعه بس الحين قطعتهم عشان ولدي مايبي يرضع مني فاحس ماله داعي مع انهم زينين
وسلامتكم

 

[madam dew]

عشق قلبين حبيبتي ترى هم احنا ماننزل وايد ترى بعد فتره بتلاحظين الفرق مو الحين ولاتتحبطين
واصلا اذا كملتي بتلاحظين ان اكلج قل وايد وراح تشبعين بسرعه
نصيحه جربي الكورن فليكس على العشا والريوق والغدا خليه من اكل البيت وشوفي الفرق جربي لمدة اسبوع
وقوليلنا اشصار

 

[عشق قلبين]

ان شاء الله بجربه يبلي اشتري منه

ياختي انا لو مالرضاعه ولاسويت رجيم قاسي ونزلت بسرعه بس تقطع قلبي بنتي لما ترضع وماينزل لها حليب:bbbiu:

يله الله كريم ان شاء الله ننزل كلنا بصحه وعافيه

 

[خولـه]

مدام
ان شاء الله يتصلح الكمبيوتر وتردين لنا

تدرين غسول نيتروجينا اللي قلتي عنه ماناسبني ابدا صارتلي حساسيه بويهي ورميته


عنايتج حلوه وخفيفه



عشق قلبين

الريجييم القاسي لاتتبعينه حتى لو ماكنتي ترضعين لانه خطرررر

وطريقة مدام انا مجربتها ونحفت وااااااااااااايد وانا بصحه وسلامه بس لاتنسين الرياضه اهم شي

 

[عشق قلبين]

ان شاء الله

 

[خولـه]

هاليومين ياتني الدوره وتعبانه ما اشتهي الاكل :cxxxp:


تقريري اليوم

نسكافيه

الغدى حبتين توست مع تونه


وبعدها كوب قرفه مع زنجبيل وفلفل ابيض وعسل



العشا

شوية ذره مع صمونه


بعدها كوب قرفه


وبس

 

[madam dew]

السلام عليكم بنات
بقت كمبيوتر زوجي ههه
عشق قلبين حبيبتي دامج اترضعين لازم تتبعين ريجيم المرضع والا ترى بينشف صدرج
انا حسبالي ماترضعين
شوفي حبيبيتي
ريجيم الكورن فليكس دامج ترضعين ماراح ينفعج
اخذي ريجيم المرضع وحاولي تكثرين من الخضره واكلي حبه سوده حبة البركه بس موايد يعني باليوم تقريبا 20 حبه لانه موزين وايد ادري صغار ماتقدرين تعدينهم بس انا حطيتلج عدد تقريبي يعني بعدين انتي راح اتعرفين الكميه يعني تقريبا ربع قفشة شاي الصغيره مالت الحوس اصغر شي
يقولون يدر الحليب
وبعد الحبه حلوه بعد تدر الحليب
وعلى فكره تدرين الرضاعه الطبيعيه تنحف
تحرق سعرات وايد
حبيبتي اتبعي ريجيم المرضع تلاقينه بالنت
ترى اذا نشف حليبج ما راح يرد
انا اتبعت ريجيم الكورن فليكس لما ولدي اهو ترك صدري مايبي يبجي بجي لما احطه على صدري وتعود على الصناعي
والله حاولت شهر كامل وما ايست لما نشف صدري تالي قلت قدر الله وماشاء فعل
نصيحه اكلي عدل وكثري من الخضره
وكثري من الرياضه
ترى افيد شي للياهل حليب امه
وان شاء يدر حليبج وتضعفين بصحه وعافيه

 

[الحراير]

موفقه يارب

 

[عشق قلبين]

مساء الورد حبيباتي

الله يعينج ياخوله الدوره مرات تسد الشهيه

ومشكوره مدام على النصايح وان شاءالله بلتزم برجيم المرضع
وفديت الكتكووت اللي تعود على الصناعي هههههههه انا الحين بديت اعطيها سيريلاك وخضار مهروسه الحمدلله ارتحت شوي

 

[عشق قلبين]

واليوم تريقت كوب حليب قليل الدسم
والغداء صدر ديايه مشوي مع تبوله
والعشاء شويه معكرونه بالجبن شوي بس ماكثرت يدوب اربع قفاش :eh_s(13):
وبين الوجبات شربت عصير برتقال والحمدلله

 

[خولـه]

تقريري امس

خذيت ملعقه لهوم ع الريق مع كوب ماي

طبعا لازم اكل وقت الدوره وما اخلي بطني فاضيه

الفطور

نسكافيه +سندويشة جبن حلوم<<<بعد ما اكلتها تذكرت انه الجبن ممنوع وقت الدوره


الغدى

سندويشة دجاج وحبه شابوره


العشا

شاورما



وشربت كوب قرفه مع زنجبيل وفلفل ابيض وعسل


وملعقه نوتيلا_shh_:



وقبل النوم حليب لو فات

 

[خولـه]

نسيت اقولكم

من فتره خاطري اتعلم رقص شرقي

دورت باليوتيوب وحصلت بنات يعلمون الرقص

تقريبا ساعه وانا ارقص واتعلم الصرااااحه وناااااااااااااااااااااااااسه جربوو والله ماتملين

 

[خولـه]

بنات

اليوم قرات عن رجيم دوكان الصراحه حلو وهو سر رشاقة الفرنسيات

والاحلى من كل هذا انه يوخر السيلوليت:eh_s(13):


افكر اسويه

 

[خولـه]

وينكم؟:flower:

 

[خولـه]

انا ماشيه ع الدايت


فطور وعشا كورنفليكس وغدى عادي


ورياضتي هي الرقص


شخباركم انتووو؟؟:eh_s(14):

 

[madam dew]

السلام عليكم ورحمة الله
مرحبا بنات
آسفه آسفه آسفه على التاخير لظروف خارجه عن ارادتي مشغوله مع البيبي الله يحفظه وطلبات البيت والكمبيوتر ما ادري اشفيه انا داخله من كمبيوتر زوجي
واكرر اسفي لكل العضوات اللي شاركوني الموضوع اقولهم لاتزعلون مني ما اقدر اكمل
وحللوني وان شاء يارب اسمع اخبار طيبه عنكم وربي يوفقكم وتوصلون الوزن اللي تبونه بصحه وعافيه
مع السلامه
سامحوني اذا ضايقتكم او زعلتكم او بدر مني اي تقصير
حللوني
خوله بعد قلبي كملي وان شاء الله يارب تصيرين احلى رشيقه
:eh_s(11)::eh_s(11)::eh_s(11):
:eh_s(8)::eh_s(8)::eh_s(8):

 

[خولـه]

هلااا والله مدام

تشرفت بمعرفتج:eh_s(7):

والحمدالله انا مكمله وماراح اوقف واذا وصلت لهدفي راح احط مشاركه في نفس موضوعنا

 

[عشق قلبين]

هلا بنات محلله يامدام بس ليش بتتركين التجمع طلي علينا بليز

خوله شلونج الله يقوي ارادتج

انا ملتزمه الحمدلله بس عطيت نفسي راحه لمده يومين هههههههه الوزن مانزل ولا كيلو قلت خل اكسر الرجيم هههههه

وعجبتني رياضتج اللي اهي الرقص يبيلي اعتمدها هههههههههه