يوميات رجيم madam dew

[madam dew]

السلام عليكم شلونكم
تبتوبات
انا كل يوم اخورها بالرجيم
بس بحدود الدايت
اليوم على اساس انه ريجيم اكلت خمس قفشات برياني وسلطه على الغدا
والعشا مشاوي
باجر ان شاء الله بلتزم بالريجيم
تصدقون ريجيم التوست التزمت فيه بس الباقي ما ادري ليش ما التزم
باجر ان شاء الله غدا وعشا كورن فليكس والغدا مره كورن فليكس ومره من غدا البيت بس قليل يعني اذا عيش خمس قفشات ونص صدر دجاجه وسلطه
ويمكن نص قلاص لبن
بشوف يا انا يالرجيم

 

[madam dew]

http://www.q8yat.net/showthread.php?t=240790
شوفوا هالموضوع حده يونس
قولولي اشطلعلكم

 

[خولـه]

شوي مليان ماعليك بس انتبه لعمرك:ggdw:

 

[خولـه]

السلام عليكم شلونكم
تبتوبات
انا كل يوم اخورها بالرجيم
بس بحدود الدايت
اليوم على اساس انه ريجيم اكلت خمس قفشات برياني وسلطه على الغدا
والعشا مشاوي
باجر ان شاء الله بلتزم بالريجيم
تصدقون ريجيم التوست التزمت فيه بس الباقي ما ادري ليش ما التزم
باجر ان شاء الله غدا وعشا كورن فليكس والغدا مره كورن فليكس ومره من غدا البيت بس قليل يعني اذا عيش خمس قفشات ونص صدر دجاجه وسلطه
ويمكن نص قلاص لبن
بشوف يا انا يالرجيم

وانا بعد مدري شفيني اخرب الدايت

الله يقوي ارادتنااااا قولو امين:yaaaaaarb:

 

[خولـه]

تقريري اليوم:

نسكافيه

الفطور

توست مع تونه وشوية جبن+شاي

سناك

شوية حب وحبه تفاحه



ماتغديت


المغرب

حبه شابوره مع شاي



العشا شوية بطاطس مقلي +سندويشة صب واي+سفن دايت

 

[madam dew]

السلام عليكم ورحمة الله
صباح الخير
اليوم تريقت كورن فليكس وحليب قليل الدسم

 

[خولـه]

مدام ماتلاحظين انه ام غلا وعشق قلبين شردو:gr4uu:


بناااات وينكم يبالكم ضرب:eh_s(13):

 

[madam dew]

ههه
لا اكيد مخبصين
ترى عادي بنات اتشوفون بيومياتي اشلون مخبصه
واكتب عادي عشان ما اخبص زياده
اليوم تغديت دياي مفيوح وخضره جرجير وتوابع
وتعشيت كورن فليكس مع حليب قليل الدسم
واكلت سناك ۸۸ سعره
وشربت قهوه عربيه
ولدي ما قام يرضع مني ونشف حليب لانه صارله ثلاث ايام ما شرب مني حليب
مو راضي يبجي بجي
الله المستعان فقررت بعد محاولات باءت بالفشل
اني افطمه من صدري واخليه بس على الحليب الصناعي لان مافيني حليب

 

[madam dew]

السلام عليكم
وينكم بنات
امطول الغيبات جاب الغنايم
اليوم تريقت كورن فليكس وحليب قليل الدسم
والغدا اليوم يمعه عندنا فلازم اكل من اكل البيت باكل خمس قفشات عيش واشوف شنو بعد فيه

 

[خولـه]

مساااء الخير

تقريري امس

نسكافيه

مافطرت


الغدى 5 ملاعق عيش +ابدام لحم+سلطه+سفن دايت



سناك شوية حب وحلاوه صغيره 4 حبات


العشا

قطعه صغيره شوكليت و3 قطع بيتزا صغيره بالصوص والجبن +سفن دايت

 

[madam dew]

وينكم بنات بس انا وخوله بالموضوع
وين التشجيع افاااااااا
اليوم تعشيت كورن فليكس
اكلت قطعتين حلو
وشربت قهوه عربيه العصر
الحمد الله ماخربطت وايد بلتزم بالرجيم
ياااااااارب اضعف بصحه وعافيه وكل البنات اللي ترد على موضوعي يارب يوفقها وتضعف بصحه وعافيه
قولوا آمين

 

[madam dew]

ام غلا وعشق قلبين وينكم
لالالالا مايصير اتطولون علينا
احنا نبي مشاركاتكم عشان انتوا تتشجعون واحنا بعد
من باجر ان شاء الله نبي التزام بكتابة اليوميات
واللي عندها فائده بخصوص الريجيم او شي جربته ونفعها تكتبه لنا
مثل خوله جزاها الله خير ماشاء الله عليها الله يجزاه خير استفدت منها وايد

 

[خولـه]

مدام شرايج دام انه نحاول نخفف وزننا بالمره نعتني بالجسم والبشره والشعر


ونضرب عصفورين بحجر

 

[madam dew]

خوووش راي خوله
اوكي انا معاج

 

[خولـه]

امس كان يوم مفتوح<<<الاسبوع كله يوم مفتوح:s141:

بس الصراحه تعودت اكل بكميه اقل



يلا مدام كل وحده تجاوب على هالسؤال وانا اول وحده


كيف تكون عنايتج بالشعر والجسم والبشره وشو الغذاء الصحي اللي يفيدهم؟؟:wqedqw:

 

[خولـه]

اولا :البشره

من قبل كنت العب بويهي وخلطات وماسكات وصنفرات وبلاوي ماخليت بلوه الا وحطيتها في ويهي :O_SHH_:


اخر شي استسلمت ورحت العياده

وعطاني غسول وتونك وكريم مرطب كله فيتامينات وواقي شمس وكريم مرطب للعين وصنفره مرتين بالاسبوع وكريم مقشر احطه بالليل والحمدالله ويهي تحسن بس نتايجه بطيئة


وبطلت العب بويهي وماقمت احط خلطات ولا كريمات فلبين ولا صوابين اي كلام


ثانيا:الجسم

*جسمي متعوده ما ااغسله باي صابون لا لوكس ولا دوف ولاغيره

استخدم صابونة الغار او صابونة الطاووس او صابونة البابايا او اسوي خلطة الصابون روووعه وسهله خذيتها من المنتدى

والصراحه تفتح الجسم بس يبيلها صبر

عباره عن صابونه بابايا انا استخدمت الطاووس وابشرها واضيف لها ماي ورد شوي وربع علبه اسكينول ليمون او خيار او اي شي واخلطها واخليها لين يذوب الصابون واستخدمها



والدكتور منعني من الليفه يقول مع الوقت تسوود وعطاني مثال الناس اللي يسجدون وايد يطلع لهم بقعه سوده في الجبهه وهذا سببه كثرة الاحتكاك والليفه نفس الشي

مع اني اموت بالليفه بس حاولت اقلل واسويها يوم بعد يوم او يوم ايه ويومين لا


*والحمام المغربي ناويه اسويه بالاسبوع مره او مره كل اسبوعين يلمع الجسم

*الصنفره مرتين او ثلاث مرات بالاسبوع

سكر وزيت زيتون ما استغني عنها
او

اسوي مثل طريقة مطرها يسبق رعدها الله يسعدها اموت عليها هالانسانه

ابلل الليفه واحط فيها صابون واخذ شوية سكر وافرك جسمي<<<السكر وصنفرة السكر وزيت الزيتون احطه بعلبه واخليه بالحمام عشان الكسل


*بعد السبوح

اخذ علبة سيكنول اي نوع واضيف له ملعقتين كبار نشا وامسح فيه المناطق الغامقه بالجسم وبعدها احط كريم مرطب او استخدم خلطة انل خطييييره وتفتح استخدمها يوم بعد يوم

عباره عن
جيلوسيد الاحمر علبه وسط+4 حبات ليمون اذوب فيها 2 فوار فيتامين سي+زيت لوز اتوقع بس انا ما احطله زيت

واحاول اخلصها في اسبوع او اسبوعين لانها تخترب


وخلصنا من الجسم



ثالثا:الشعر

اول شي اخذ 2 بخاخ واحد احط فيه خل ابيض وواحد احط فيه ماي ورد

*السبوح العادي اغسله بشامبو هيد اند شولدرز بالنعناع منعشششش واغسله من الشامبو وارش شعري من الفروه لاطرافه بالخل وافركه واخليه شوي وعقب اغسله واحط مره ثانيه شامبو واغسله زين مازين عشان الخل يروح وبعد ما اغسله اخذ بخاخ ماي الورد وارشرش شعري كله من الفروه لاطرافه _03BA:


*مره بالاسبوع

بيض وعسل وزبادي اخلطهم واحطهم بشعري ساعه واغسلها بنفس طريقة السبوح العادي<<<احلى خلطه جربتها تخلي الشعر صحي


*مره او مرتين بالاسبوع

زيت سمسم واخليه ساعه واغسله بنفس طريقة السبوح العادي <<<احلى زيت للشعر



عنايتي بشعري بسيطه والحمدالله ما اعاني من مشاكل في شعري ماشاء الله
رابعا:الغذاء الصحي

*فطوري اغلب الايام بيض <<<لانه يكثف الشعر اذا اكلته ع الفطور
*برتقال <<يخلي البشره حلوه قبل الدايت كنت اكل حبتين
*تفاح<<مالنا غنى عنه ولازم ناكل حبتين باليوم بس مع الدايت ماقمت اكله
*سبانخ<<<حلوه لفقر الدم ومفيييده وااايد
*حليب قليل الدسم لاتشربون خالي الدسم لانه مامنه فايده <<عشان اقوي اسناني وعظامي:ggdw:
*زبادي<<وايد زين ماعرف فوايده:O_SHH_: بس اللي اعرفه انه مفيد
*طماطم<<يحمر الخدود _03BA: احبه مع البيض وتعودت اكل حبه طماطم في اليوم بس اهملت هالشي من بديت الدايت :denya:
*الجزر<<الصراحه ما اكله بس من اليوم ورايح باكل حبه باليوم لانه مفيد للنظر
*السمك اكله مرتين بالاسبوع مره تونه ومره سمك<<فوايده لاتعد ولاتحصى
*الدجاج <<اخفف منه وما اكله وايد لانه كله هرمونات :cxxxp:
*الماي<<<يرطب الجسم
*الشاي الاخضر<<يقضي ع البكتريا اللي بالفم ومفيد
*الكيوي<<كمية الفيتامين سي فيه اكثر من حبتين برتقال
*الموز<<كله فيتامينات ومعادن احبببه
*زيت الزيتون<<ملعقه ع السلطه واي مفيد بس ماعرف فوايده:ch12:
*عصيدة التمر<<مفيده لانها بالتمر والبر الاسمر وفوايد التمر معروفه
*الزنجبيل الاخضر<<احبه واشربه وقت الدوره يخلي الريحه حلوه وله فوايد كثيره بس ماعرفها
*ماي الورد<<ملعقه احطها مع كوب ماي واشربها ع الريق يخلي ريحة الجسم حلوه ويقولون يكبر الصدر


اذا تذكرت شي بحطه

 

[خولـه]

ان شاء الله بحط لرياضه اللي اسويها

 

[خولـه]

التمارين الرياضيه



التمرين الاول: (اليدين)













التمرين الثاني: (شد الصدر)



تمارين شد الصدر مره كل ثلاثه ايام لانه اذا سويتها كل يوم صدري بيصغر وانا ماباه يصغر يعني اللي حابه تصغر صدرها تسوي تمارين شد الصدر يوميا










التمرين الثالث: (تمارين البطن والخصر واخفاء الكرش)






التمرين الرابع: (تمارين رفع وشد المؤخره)








التمرين الخامس: (تمارين تنحيف وتصغير الارداف وشدها)

 

[madam dew]

السلام عليكم
بنات
ماعليه طولت عليكم بس والله متابعتكم من امس
بس ما اقدر ارد لان جهازي معلق ما ادري شفيه صاير ما يكتب
اذا بغيت ارد على موضوع او اكتب اي شي يعلق
وبحكم اني مفلسه هاليومين
فماراح اقدر اصلحه
انا داشه من موبايلي
بس يغث الاحرف صغيره
وصارلي ساعه اكتب
انا متابعتج خوله كملي
ولاتقطعين الموضوع
انا ان شاء الله اذا صلحت كمبيوتري
بحطلكم اشصار معاي
بكمل الرجيم
وبتوكل على الله
ان شاء الله اضعف
see you 

 

[خولـه]

لا مافطعت الموضوع بس انشغلت شوي

تقريري امس

نسكافيه

مافطرت

الغدى شوية عيش مع لحم وسلطه


المغرب شاي+3 حبات شابوره

بعدها

كريب بالشوكليب

العشا

قطعه بيتزا


مالعبت رياضه لاني اشتغلت في البيت وايد وتعبت:cxxxp: