يوميات مكمكمه 2013

[rooza]

اشواق الحمدلله على السلامه مرحبا بج
توحه حبيبتى الف سلامة عليج حبيبتى ماتشوفين شر بنات انا صاير فينى خمول وتعب وكله دايخه ومافينى طاقه كملت 53 يوم على العمليه حتى من ابذل مجهود على طول اتعب

 

[شموخ احساسي]

ويييييييييه بنات انا صارلي 11 شهر مسوية العملية والحمدالله نزلت 50 كيلو من وزني بس بصراحة خسرت شعري انا شعري خفيف وزاد التساقط صار خفيف حييييييييييييل الحمدالله ع كل حال وان شاء الله كل وحدة توصل حق إلي تبية يارب

 

[توحه1]

روز وروح اخذي فيتامينات
انا غزيت ابره فيتامين دال
واخذي حبوب فلك اسد

 

[توحه1]

شموخ احساسي
باذن الله نوصل بصحه وعافيه
صدري ساح وترهل وشعري يتساقط

واليوم كملت ((60)) يوم
شهرين بس صج موشي سهل القرار ومابعد العمليه

 

[توحه1]

شموخ كم وزنج قبل العمليه
وكانه شوي نازله 50 خلال 11شهر
وحده اعرفها خلال ست شهور نزلت 50 كيلوا
ولا وقف عندج الوزن ولا شنو

 

[توحه1]

وزني قبل العمليه

95

وزني بعد شهر

79

وزني بعدشهرين

?????

 

[توحه1]

كم تتوقعون
يالله خنشوف
منو توقعها الصح

 

[مسك الكلام]

أنا أتوقع وزنج 62 لأن من خلال متابعتي لج كلش ما ماتكلين توج بديتي بالسوائل الثقيله علشان جذيه حاشج جفاف والي ماياكل أكيد النزول بيكون كبير صح كلامي​

 

[توحه1]

هلا بمسك
توقعج خاطئ
كنت نفسج اتوقع اني 65
لاني ماكل بس طلع الي ماياكل يثبت وزنه
والحمدلله نزلت وصار وزني 75 الحين
والله يدوم علي الرشاقه رعليكم بصحه وعافيه

 

[توحه1]

بنات لاتهملون اسنانكم فحصوهم لانهم عنصر من عناصر الجمال مثله مثل الشعر والوجههه

 

[نـوفـي]

انا حيييل متضايقه اليوم لي ٨ يوم من العمليه شتتوقعون كليت <<< مو شرب اكل بيضه كليته حطيتها بحلجي ومضغتها ليما تفتت وكليتها بعدها عورني بطني شوي وبس وانا كان وزني يوم العمليه ٨٧ وامس عند الدكتور٨٣ وصج قلبي يعورني كافي ع حسابي ومن جيبي ومتسلفتهم وخربطت بس انا الحمدالله بس اول ايام العمليه كنت ادوخ والخمدالله كلش ماجتني حاله الترجيع والحين اغلب اكلي دنيت كريم كراميل واشرب ماي وكاسترد بنات انا متضايقه كنت ع بالي باكل البيضه ابي ارجع بس تعورن شوي وهم الدكتور قالي اكلي لحم حطيه مع شوربه وبالخلاط ليما يتفتت وشربيه انصحوني وانا بكمل معاكم ان شاء الله ليما اوصل ٦٠

 

[نـوفـي]

بنات الدكتور قالي حافظي ع اكلج لمده ٩ اشهر ولانخزبطين لان اذا تعدت ٩ شهور خلاص تكون المعده ثبتت ع حجم معين وماعد تتمدد الا شوي بس من يوم قص العمليه لي ٩ شهور تتمدد العمليه شوي شوي والجاي والقهوه والحلويات ممنوعه لان ماتصكر الجرخ وامس عطني ابر يقولي صعب ع معدتج انهل تفتت حبوب مدرى عن البيضه وبنات شرايكم نتشارك يومياتنا شكلينا مثل تجمع الريجيم واذا سوينا شي للبشره او للجسم نتشاركه

 

[توحه1]

نوفي
حياج الله بيومياتي
وانا ابي شغلات للبشره والشعر جسمي وايد ناشف
والبيض انا اكلته لمن كملت شهر ونتكست حالتي اقري 14صفحه قبل
عموما جسم عن جسم يفرق
انا الحين شهرين صالي
وعدة من الصفر اشرب سوايل
ماانكر بقت كم بطاطه من عيالي لووول النفس تشتهي ياختج بس بصراحه رديت وقلت الاخت فنر ماتنصح
بس عن جد حرام قاطه فلوس وعرضت نفسي للخط واخر شي. شهر وارد وزني كله
انا نفسج وقف كل حبوبي حتى حبة منع الحمل الله يستر لا احمل ادعولي مااحمل الا بعد 3سنوات
واكون متمتعه بصحه وبجسمي الرشيق

 

[نـوفـي]

انا ب٨ ايامً بس ٤ كيلو ويقولي واجد لازم كل اسبوع بس كيلو
الحين قريت الموضوع كله وببتدى تعليق
اولا انا نفسج توني والده صارلي شهرين ونص واخاف احمل حييل وفوق هذا احس معدتي كبيره احس اقدر اكل اي شي والماي اللي اشربه كل مره استكانه هذا كثير او شنو وحتى الشوربه استكانه انا اقرا الكل يقًولون ٤ قفشات

قريت لج رد ان شهيتج مفتوحه بعد العمليه بس ماودج تاكلين وهذا رفع معنوياتي ع الاقل مو الوحيده اللي تحس بهالشي لانً اغلبهم يقولون فقدنا شهيه الاكل مايهمني نطالعه وعادي بس انا ابي مو معدتي بس لساني يحكني واحلامج نفسي الله يغينا ونغلب شهواتنا





انتي رديتي سوائل عشان وزنج ثبت صح شرايج تدخلين يومين تكتبين بالضبط شنو كليتي انا بسوي جذي ًوجيبي علبه ماي ام ٠.٦ يعني الثلثين وعبيه واشربي حسبي اول يومين باليوم الواحد. تشربين علبه انا كله اشرب شوي شوي كل ١٠ دقايق رشفه انا الحين بروح معطيتي ابر فيتامينات اخذها يوميا لمده ٥ ايام اتوقع هو قال اسبوع بروح واكلم المستوصف وارد للموضوع اسولف

 

[نـوفـي]

اليوم خذيت ابره فيتامين دال بنات هي تغني عن حبوب الكالسيوم صح وباجر لمده ٥ ايام يوم وترك ابره كومبلكس وحاره تعور



انا الحين سويت شوربه ماجي بالهليون مع سمك سر ين لان لازم اكثر البروتين واللحم واضربهم بالخلاط يقولي يساعدون ع نزول الوزن وان لازم اقطع الكاكاويات وتخيلي تجيني دوخه يقولي هذا الجوع يخدع جسمج عشان تاكلين خليج تدوخين ليما تروح واممم والشعر ببدى له زيوت وكريمات وبشرتي اشتريت نفس الحبوب لقيتهم بسيتي سنتر وكنت كله اشوفهم في الصالونات ومراكز التجميل هذي خبه بلاستيك تكسرينها فيه زيت حطيه ع وجهج 3 ايام وشوفي الاشراق والتفتيح حلوه قبل العمليه كنت استخدمهم والحين قطعت وبرد استخدمهم وجسمي يوم وترك ارطبه كله حمامات مغربيه بعد اسبوعين ببدى فيها كل ٥ ايام او نهايه اسبوع والله كريم



انا شفت بالانستغرام حركه حلوه حاطه علبه فيه ماي زعتر الجاي وتبخه ع راسه ومايحتاج سبوح لان تتشربه البشره وفوق هذا معروف يطول ويكثف الشعر الزعتر

 

[توحه1]

نوفي انا توني قبل اسبوع عزيت ابرة فيتامين دال
وباجر موعدي اغز ابره فيتامينات الي اهي كاتبلج اياها خمس ايام ويكرر
اما للشعر بشتري من وحده بس ناطره معاشي زيت الجرجير اوتركيبة الجرجير
وبحذها يومين بالاسبوع باذن الله ومره بالاسبوع حمام زيت الاعشاب
وجسمي كل ماسبحت بيبي اويل وبس

وبالنسبه للماي انا لي شهرين فعادي بطلين ماي اشربهم طول اليوم ((كل عشر دقايق جغم))
واللحوم والدجاج والسمك ان شالله ابدي فيهم واكتب لكم جدولي

انا اليوم الصبح شربت شاي ربع استكانه ام نقطه عرفتوها وبسكوته وحده وبس
الساعه9ص
والظهر برد صاروخ كي دي دي1:00
والعصر ((جقمين)) عصير برتقال فرش ولدي كمل القلاص
وبعدها كملت ماي ماي ماي وبس هذا جدولي اليوم

 

[توحه1]

بصراح مشتهيه روب وعيش

 

[توحه1]

اليوم بديت الصبح
حليب ((جغمين. فقط ))
الظهر حليب مخلط مع توت ((جغمين))
الغدى ((عضه فقط )) من دجاج وعورتني المعده. لي الساعه 4العصر يالله هدت
المغربيه ولي الحين ماي ماي ماي
ورحت غزيت ابرتي اهي كل اسبوع مره ابرت فيتامينات مشكله لووووول

 

[توحه1]

فنر
وينج مالج حس عسى المانع خير

 

[فنر 7]

السلام عليكم
اهلين توحه
سبحان الله القلوب شواهد اليوم داشه اجيك عليج وعلي تطور وضعج مع العمليه
اثراج تسالين عني
الله يوفقج وفالج الرشاقه ان شاءالله تفرحين بالستينات قريب
وباللبس الحلو
والصحه الحلوه
ترا الصيف يا يبله لبس حلو
ورمضان قرب الله يعين قلوووووووبنا علي التبلع والتخربط واللط
واكل رمضان كله سهل الزراط ويطوف بسرعه والخطر الاعظم القرقيعان

شنو استعداداتكم


انا بالنسبه لي زي ما انا
خلص اشتراكي بشركه خذت بالثانيه خلصت من برايم اند بايتس بنزول بشهر كامل كيلو ونص
بلشت بدينا ولينا صارلي من بدايه الاسبوع
ماكو تطورات تيتي زي مارحتي جيتي وبلشت بحبوب تخسيس نوع يديد طالبته من بره