يوميات مكمكمه 2013

[توحه1]

رش رش اشكثر صالج مسويتها
كم نزلتي بشهر

 

[دهن العود 74]

الله يتمم عليكم خواتي

 

[توحه1]

دهن العود يسلمج ربي
وفالنا وفالج الرشاقه والصحه والعافيه

 

[مشتطـه]

توحه ما قلتي بموعدج جم كيلو نزلتي ؟

والحمدلله على سلامتج

 

[توحه1]

مشتطه يسلمج ربي من كل شر
نزلت 10كيلوا
ماشالله تبارك الرحمن
والحين امشي 25 دقيقه باليوم
والحمدلله على تمام الصحه والعافيه

 

[توحه1]

من سويت العمليه لي الحين
الكل ينقلي الاخبار السيئه ويخرعوني
فلان مات عقب شهر من العمليه
فلانه ضعفت اقل من الحد المعقول وماتقد توقف وزنها
المغني الفالاني صار فيه چذي
فلانه صالها تسريب بعد ثلاث شهور
فلنتان ضعف ووجهه صار قنچه

انتوا شرايكم منو سوت وصالها شهر واكثر تنقلنا قصتها

 

[توحه1]

شدعوه
بنات دردشوا معاي
لاتحسسوني كاني اول وحده بالكون اسوي تكميم

 

[توحه1]

الدكتور يوم الي زرته ب3/17
نصحني ماشتري هدوم ولا اجددهم الا لمن يطوف على عمليتي شهرين انتوا متى شريتوا ملابس
وعندي موعد 4/7 بشوف الميزان
اهو قال استقلي الفتره الذهبيه اول شهر من العمليه انزول يكون كبير اما بعدين عادي بالشهر كيلوا وانتوا شرايكم

 

[sapphire]

حمدالله على سلامتح توحه
وربي يحقق لج كل اللي في بالج بصحة و عافيه
انا تقريبا نفس وزنج السابق p:
بس حبيت اسالج مع نزول الوزن هل صار معاج ترهلات؟؟

 

[توحه1]

الحمدالله لي الحين لا
وان شالله الله لاييب الترهلات
انا قاعده امشي واحرك ايدي واتمنى مااترهل
ويومين بالاسبوع اسوي حمام زيت لشعري بالصبار والاعشاب عشان اتجنب التساقط جمال المرء بشعره ياختج
وفالي وفالج الرشاقه بصحه وعافيه

المشي والماي اهم العلاج لاتقطعينهم

 

[توحه1]

بس اكون معاج صريحه
صدري صغر وساح وووو

 

[sapphire]

مشكوووووره
والله يتمم عليج الصحة و العافية

 

[توحه1]

العفو
اجمعين ويسلمج ربي من كل شر

 

[توحه1]

لاحظة شغله
وماقريت عند احد من قبل ولا نقلوها لنا مكمكمات من قبل
ان تكونت طبقه على اسناني مثل الطباشور
واحس اسناني صغر حجمهم بس باذن الله خل اكمل شهرين على خير بسويلهم تنظيف
او اسال الدكتور بالمراجعه القادمه ان شالله

 

[العفاسيه]

انا سويتها عند د عبيد الحربي
ﻻتخرعين وﻻ شي اﻻعمار بيد الله كثير سووها ونجحت والحين تخطينا المرحله الخطره واانا بعد مو حابه اضعف حييل حاولي مو كل اكلج دايت خليه عادى
اليوم بديت بالسوائل الثقيله انتى باى مرحله وشنو تشربين احس جوعاانه بس ماشتهي هههه شعور متناقض
الشهر اﻻول املق مرحله ممللله

 

[مشتطـه]

الحمدلله ماشاءالله
عسى دوم بصحة وعافيه

 

[مشتطـه]

لا تخافين وااااااااااااااااااااااااااااااايد ناس سووووهااااا


بالعكس الحين الضغف صا هبه من هالعملية

وبالعكس رشيقات وجسمهم شحلاته ما فيه شي يخرع


الناس بس بتخرع واهم شكو؟

 

[توحه1]

مشكورين
حياتي
العفاسيه ومشتطه

 

[توحه1]

العفاسيه
انا لي18يوم من العمليه
وانا بالاسبوع الثاني من السوايل الثقيله
كريم كرمل
جلي
مهلبيه
روب
شوربات(( شوفان ،بروكلي ، شوربة دجاج، چكن اند چلادا)) طبعا كلهم ماقدر اكملهم بو 4ملاعق ووقف

 

[توحه1]

العصاير
مشمش
جوافه
برتقال
كرز
توت
شربت
حليب بالموز
حليب فراوله
حليب كاكاو
طبعا ربع العلبه حد اقصى