يوميات مكمكمه 2013

[توحه1]

ودي اشترك بنادي متى تنصحون وشنو سباحه ولا اربكس ولا بس اجهزه
طبعا ودي لمن اكمل شهر يعني الاحد الياي باذن الله
دام اني نزلت هالوزن على خير وصحه وعافيه ربي لك الحمد فبلش رياضه


عاد بليز ردوا علي

 

[توحه1]

صباحكم منعنش
شخباركم فردا فردا
نسيت اقولكم
وصفلي اعشاب مضمضه بعد التفريش
يخفف ماده الطبشوريه الي صارت لي

 

[راعية الذيب]

عاد اتصدقين سكرتيره الدكتور خالد العنزي اطلبت مني اجيب لها تقرير من دكتور عظام يكتب فيه انه عوار ظهري من المتن الزايد

رحت لمستشفي مبارك وارفضوا يعطوني الرازي رحت لهم هم بعد ارفضوا وقالوا ممنوع

ولما قلت لها قالت لي روحي الخاص يسجلون لي

واليوم رحت لمستشفي السلام وقال اسجل لج يعطوني اياه باجر لكن مو امصدق من الصحه

وباجر ابروح لهم علشان اخذ التقرير واعطيه لسكرتيره الدكتور
والله يستر

 

[توحه1]

الله يسهل ويسر امورج
ولعله خير
ولاتنسين استخيري

 

[توحه1]

انصحكم
اخذوا اجازه ولمن تكملون شهر داوموا افضل بوايد

 

[النوالنو]

ماشالله الله يعطيج الصحه العافيه كم صار وزنج بشريني

 

[توحه1]

باذن الله الاحد اروح للدكتور وابلغكم

 

[النوالنو]

الله يسهل امرج حبوبه سمعت يطيح الشعر حيل ودي اسويه وخايفه وزني٨٥ سمنتي بالبطن وخايفه من الترهل وشكو الاسنان تقولين مدري الطباشير مافهمت والله وشلون الاكل معاج

 

[توحه1]

ماده تنرفز تطلعها الاسنان كانها براده
كانها طباشير
تاذي
والاكل الحمدالله اكل واخاف اسمن
اكل الصبح شريحه توست
او بيضه مسلوقه
والغدى ملعقه رز ابيض مع مرق او خضار مع دجاج
والعشى ماجربت لي الحين لان يااشرب ماي او عصير فرش برتقال
والله ماسكه قلبي بايدي اخاف امتن لان بديت اكل

 

[ashwaaq]

متى بديتي تاكلين التوست والرز عقب العمليه بكم

انا عمليتي ب 28 / 4 وميييته من الخوف ابي الموعد يجي بسرعه عشان اسويها واخلص

 

[توحه1]

اشواق توكلي على الله لاتخافين
التوست واللبنه او الجبنه
البيض المسلوق
بسكوت مع شاي
كله لمن كملت 28 يوم من العمليه
عادي اكلهم
التوست شريحه وحده مواكثر

 

[راعية الذيب]

انا باجر ان شاء الله الجمعه بالليل راح اتنوم بالسلام وعمليتي ان شاء الله 6\4 يوم السبت

والله يسهل علي عمليتي يا رب

 

[توحه1]

درب السلامه
كثري استغفار وعليج بالدعاء
والله يقومج بالسلامه لاهلج وحبايبج
وناطره تقريرج هني عندي لاتنسيني
وفالي وفالج الرشاقه بصحه وعافيه

 

[فنر 7]

موفقه توحه
بشري شلون موعدج اليوم

 

[توحه1]

ياحياتي الي تحاتيني
قمر موعدي بليل مااقدر صبح لان انا اشتغل
ووراي عيال ادرسهم الله يحفظهم فافضلي بليل الساعه 7 اوافيكم بالاخبار من عنده باذن الله

 

[فنر 7]

ان شاءالله تسميعين اخبار تسرررج وتشوفين نتيجه حلوه

 

[توحه1]

قلولي مبروك
الحمدالله نزلت 16كيلو قلوماشالله

 

[ashwaaq]

مبروك توحه الله يتمم عليج بصحه وعافييه

بس مو كنه بدري عقب 28 يوم تبدين ب النشويات

وانا باذن الله مقرره وبسويها بس دعواتج

راعية الذيب

طمنينا وش صار عليج الله يقومج ب السلامه .

 

[rooza]

مبروك توحه على النزول الحلو ماشاء الله

 

[مشتطـه]

ماشاءالله تبارك الرحمن
للامام يارب