حياج حبي أبرار بس ما ينفع تيين ودايت لازم نضيفج بعيوش وحلا ووو
<< عز الله خرب الرجيم ..
+
اليوم نفس كل يوم فطوري ،، بس أمس ما عملت رياضة تعيجزت
ان شاء الله اليوم ما أسحب ..
+
أممم بخصوص بدلة العيد شريتها من ريفا حلوة وسمبل تقريبا بلوزة كحلية لين نص الركب
وفيها رسمة كركتير مره ملونة بكل الالوان (( الوان فرحية )) وبلبس تحتها سترج برتقال أما كعبي [ عزكم الله ]
شريت كعب كامل مو مفتوح ثلاث الوان وردي وبيج وبرتقالي وجنطتي نفس كعبي طقم ..
اكسسوارات لين الحين ما شريت واحتمال ما اشتري لاني ناوية البس بس ساعة قديمة عندي ..
وشعري شريت من ريفا شال نفس بلوزتي بسوية ستريت وبحط الشال ، وشسمونة وان شاء الله باجر بصبغ شعري بالصالون اسود غامج (( يعني من بعيد تشوفينه كحلي مو اسود )) ، انا شعري الحين اسود فاتح على بني بس بغير شوي وانا من زمان خاطري بهالون
..
عاد تصدقين ابرار ساعتي اللي راح البسها بالعيد شريتها عندكم بدبي قبل سنتين ما لبستها ولا مره اصلا نسيتها
قلت خن استغلهااآ =)
+
بنات مستعدين باقي يومين على الميزان //
