.. يوميـآت حمله بروقـه آلرشيقـه .. ◄ مشوآرنـآ آلى آلرشـآقه آبتدآء ►

[am rakan]

http://www.youtube.com/watch?v=DAy_UIETQY4

 

[^LILY^]

ممممشكوره ام راكان فديتج انا

 

[مابين بعينكك]

انا اليوم خربتهااا
رحت مع خواتي فش ماركت وكليت لوبيستر بالجبن والزبده وعيش خضار طبعاً ماكليت العيش كله وبيبسي امبيييه خربطت عدل بس ان شاءلله باچر اسكر الحلج لوووووول
ودي اسوي رجيم التمر بس صديقتي مجربته مانزلت الا ١كيلو وسوت العادي فيه توست واكل واايد اضعفت ٤ كيلو ف اتوقع ماله فايده

 

[Lulu_Perla]

كنت متضايقة حددددددددددددددددددددددددددي
و زايرة عند حمولتي
عمي توصى فيني و طلبلي كباب ههههههههههههههههه
كليت كباب بدون خبز

 

[فلافل وبطاط]



اشفينا اليوم ...!!!

انا ريلي دق قال بمركم عاد نفاس وماشوفه الا من وين لي وين
وبعد نازل حجز .. فحدي استانست وخواتي اطلبوا من هارديز
اكلت السنتافيه بدون البطاط وبدون البيبسي ..
ولابسه الكورسيه الشورت ..

 

[^LILY^]

بنات ليش مخربين

 

[لمن اكون]

يووه اشووه مو بس اناا

انا امس خربتهاا من امه هههه
واي حدي نتضاايقه

 

[am rakan]

صباح الخير امس وانا اسوي التمارين شوي وابكي :eh_s(11): من الالم والقهر وواصلة حدي العن في ذاالشحم وكرهت الاكل بس انا جربت مااكل شي بس سوايل وزني اما يثبت وغالبنا يزيد واذا اكلت رز انحف اسرع

 

[كويتية وكلها جاذبية]

صبااااح النور بنات انا مخربه امس حدي

اليو م برد مره ثانيه على اللبنه و التونااا فديتها

ريوقي لبنه وجبن وشريحتين توست عقب راح امش نص ساعه ان شاء الله

am rakan
الله يصبحج بالنور والعافيه سمله عليج من الضيق ويارب تضعفين ان شاء الله ويصير جسمج احلى من كيم بنت كاردشيان قولي امين :eh_s(9):

 

[اخت خالتهم]

صباح الخير
شلووونكم
انا رديت من الشاليه ورجيمي كان تمام التمام
واكلي كان دايت كير
بس مرة بالغدا خرتها والباجي تماااااااااااام
و مشيت كل يوم نص ساعه
متى الميزان ؟

 

[exanon]

سلام بنات أنا امس كان أوكي بس بالعشا ريلي كان
وده نطلع و بعديييييييين كلينا في مطعم بس
أنتو عارفين الباقي شقول طبعا حاولت حاولت
يكون اكل خفيف حيل بس حاسة بالذنب ههههههه

الله يسامحه المهم اليوم الريوق شريحة توست
شريحة جبن ونسكافيه

 

[اخت خالتهم]

اول ما قعدت ما كليت شي غير النسكفيه

و غداي بيكون ..
بيضة + 5 تمرات + ماي

وبين الغدا والعشا اي شي دافي و اعشاب و رياضة

و العشا مثل الغدا او بدال البيضة روب

 

[اخت خالتهم]

ريوقي اليوم نسكفيه

غداي اليوم
نص بيضة و خليت البيضة ونص حق ريلي
وحطيتلي شوي جيلي سوس طبعا ما كليته كله بس ذوق
و 3 تمرات
و 3 شرايح خس
و جاي حليب
بسسسسسسسسسسس

وبشرب لين العشا 4 بطول ماي صغار ان شاءالله

وهذي صورة غداي

 

[فلافل وبطاط]

غداي شوربة دجاج

والسناك شاي اعشاب وتويتوس ..

والعشا قطعه كيكة سنيكرز بمناسبة تخرج اختي من الجامعه ..

 

[اخت خالتهم]

عشاي اليوم بيكون مشاوي شيش طاووق أو صدر دياي + روب + عصير

 

[^LILY^]

اووووف تو ردينا من المخيم
ههههههههه
دبيت صااج كل الاصناف
وكاكاوات وذره آهئ آهئ

توووووبه

 

[مابين بعينكك]

احنا كل يوم ناكل ونتوب شنسوي بعد هههههه
الله المستعان

 

[فلافل وبطاط]

مابقى شي ... عند الميزان يكرم المرء او يهان هع هع هع هع هع هع

 

[am rakan]

الريوق كان حبة توست وجبن قليل الدسم و خيارة وكوب حليب خالي الدسم الغداء زبادي خالي الدسم و5 ملاعق مكرونة مسلوقة العشاء ايدام بامية بالدجاج والمغرب شربت كوب كمون ويانسون وشمر وميراميه وبابونج

 

[Lulu_Perla]

هلوووو
غطيت عنكم امس

قمت الظهر ماتريقت
الغدا عيش و لحم
و العشا صدر دياي مشوي

انا عند اهلي بالمزرعة و الاكل استغفر الله بالغصصصصصصصصب لازم اكل ولا يطنقرون علي..!!!!
بحاول ما اكثر و اسيطر على شهيتي ><
و مراح اسمع كلامهم هههههههههههه