✔✔تجمــ؏ لحوامــل التــوأأأم✔✔

[جوزائيه مغروره]

وي ديري بالج

انا كارهه العبايه بس اهي اسرع شي حق الطلعه ولما البسها احس اني ثقيله

فصرت اخليها حق بيت ابوي وروضه ولدي علشان لا احس بالثقل اكثر

 

[glby7sas]

انتي عكسي انا كارها اللبس البنطرون يضايقني وايد فكله صايره ابي البس عبايه وماابي احط مكياج هم كارهته معنه اللي فيني بنات المفروض احب المكياج لوول

 

[جوزائيه مغروره]

ههههههه

احس انه اسهل بالحركه والعبايه تخليني اثقل

 

[جوزائيه مغروره]

قلبي بسالج

اذا نمتي تييلج مثل الحراره يعني جسمج يعرق جنه التكييف مو شغال؟؟

واذا كنتي بمكان تحسين بحررررر جنج بنادي تركضين؟

امبيه حده مو صج وصايره ما اقدر اتنفس ومرات اسمع دقات قلبي ببلاعيمي ههههه لا تسالين شلون

وفي شغله بعد صارلي يومين لاحظتها صدري يااااااابس ولما اجيك القى حليب بالستيان شسالفه

حالتي فيها شي غلط ولا الوضع عادي

 

[katrina90]

بنات بسالكم بعد عملية ربط عنق الرحم عطوكم مضاد ولا لا ؟

 

[جوزائيه مغروره]

انا عطوني فوار فيتامين

 

[glby7sas]

جوزائيه اي انا احس نفسج
بالنسبه للصدر اسم الله عليج هذا الحليب قادر يدر منج عادي بس لاتقولين لاحد يعطونج عين لانه الاغلبيه بعد الولاده يدر وفي ناس بعد كلش مايدر عندهم الله يحفظج

انا هالايام حايشني صداع نصفي

ابشرج امس عند الدكتوره الالتهاب راح الحمدالله بس عطتني تحميله استعملها يومين تنظف
وجيكت عالاوران ارتفعت بس هم شوي صارو ١٠٥٠ بمشي على نفس النظام الغذائي وان شاءالله يزيدون اكثر يارب

 

[جوزائيه مغروره]

انا مشيت وتكلمت ههههه الله الحافظ انشالله

زين الحمدالله وانشالله ترتفع اوزانهم اكثر من جذي

انا موعدي ٧-٤

ابوي يقولي وين صوتج ليش رايح موبي اخوفه واقوله مختنقه ومو راضي يطلع جان اقوله كانت عندي حفله امس هههههه

مسكين كل شوي يحاتي

 

[glby7sas]

كاترينا انا عطوني مضاد مرتين باليوم بينهم ١٢ ساعه لمده ٥ ايام



جوزائيه ههههه الله يعين انا جارحه بلاعيمي فصاير عوار مكس بلاعيمي والحارج

 

[جوزائيه مغروره]

واااي قلبي حالتنا حاله

انا اذوني فجاه تتسكر جنه كنت مسافره

وافز على حر وعرق ومختنقه

وتوني قعدت على حارج

ياربي اشكثر صايره اتحلطم

وولدي ازفه اقوله روح فراشك لا اصارخ يقولي ماعندج صوت ههههههه بط جبدي

 

[glby7sas]

ههههه يستغل الاوضاع خخخخخ


خو انا الحارج زين مابجيت عند الدكتوره منه
تقولي خلاص مابقى شي حاولي تستحملين قزريها عالادويه مالج الا هالحل


انا احس اني سكربت صايره سكراب لوول

 

[جوزائيه مغروره]

الحارج مو صج احس اني ابلع شيره مو ريجي

وكله عطشانه

وولدي مستغل الوضع صح ما يرد علي

حتى ريلي يقوله اسمع الكلام يقوله ما اخاف الا من ماما وماما ماعندها صوت هههههه

قلبي انا حاسه انه حركه اليهال حيل خافه وما احس فيهم يتحركون مثل قبل يمكن نغزه باليوم

 

[glby7sas]

اي عادي صارت فيني ورحت لدكتوره السونار وشفتهم بالسونار يتحركون عادي بس انا مااحس راح تحسين اكثر شي بالتيبس الحين كبرو وصار ضيج عليهم حبايبي

 

[جوزائيه مغروره]

اي احس بشي يتيبس ويعووووووور

ريلي يقولي لا توسوسين

استغفر الله اذا تحركوا نرفزوني واذا طخوا احاتيهم

توه حماتي اكلمها بالفون تضحك علي تقولي صوتج وينه ناسيته باي حفله هههههه

 

[glby7sas]

خخخخخخخ مشكله الصوت سألي الدكتور اذا تقدرين تاكلين عسل مع ماي دافي وشربيه زين للصوت يرده وينعم الصوت بعد خخخ

 

[جوزائيه مغروره]

هههههههه

اتوقع عادي لانه طبيعي

بس انا ما احب العسل

 

[glby7sas]

اليوم حطيت اخر تحميله ان شاءالله مايقولولي بعد اخذي مره ثانيه
باقي اسبوع ان شاءالله وندخل الثامن على خير يارب

 

[جوزائيه مغروره]

انا طنشت كل الادويه من اول حمالي

ما احب ابلع حبوب والكالسيوم الكاكاو سوى لي امساك

مسكين يترجاني واقوله اوكي واسحب

يالله انشالله ما تحتاجين اي دوا

وناسه كلمه بندخل الثامن احسها حلوه وخصوصا اني شايله من حسبتي ٣٠ يوم للتاسع علشان اتفائل

 

[glby7sas]

مو زين جوزائيه انا الدكتور زفني يقولي الياهل ياخذ حقه بس كله يطلع عليج انتي قاعده اتعبين روحج فقمت اتغصب الاكل ونزل الحديد عندي الحين اكل نوعين من الحديد وكالسيوم بليل وبيبي اسبرين يوم وترك وتحميله تثبيت وتحمليه الالتهاب بس خلصت اليوم الحمدالله هذي عطتني ياها احتياط مجرد تنظيف
طبعا غير حبوب الحارج وحبوب المص مالت الحارج �� يعني لاعت جبدي من شي اسمه حبوب بس شسوي احاول اتغصب خوو الفيتامينات كشت فيهم مااخذهم بس الدكتوره قالتلي عادي لانه حبوب الحديد اللي اخذهم فيهم فيتامينات

 

[جوزائيه مغروره]

انا بلش معاي الحارج بعد الابره علشان جذي ما عطاني شي حقه

وعلى الادويه ياربي والله مو قادره حتى ريلي تكيسل ما يابهم هههههه يقولي لما تحلفين تاخذينهم اييبهم لج انتي مخاسير عالفاضي