✔✔تجمــ؏ لحوامــل التــوأأأم✔✔

[جوزائيه مغروره]

عيل روحي لا تسكتين

انا طلعت لي ببطني وعطاني كريم البشنيتر

استعملته من اول يومين خفت الحكه وراحت ووقفته

 

[جوزائيه مغروره]

من امس ماسكني صداع وكحه

وكل ما اكح راسي يصدع

توني رحت اشوف ضغطي يقولي ممتاز مافيه شي

 

[جوزائيه مغروره]

قلبي وينج

امس رحت موعدي جدمته لانه تعبت من الكحه وما اثق بكلام الدكاتره الا دكتوري

قالي وزن البيبيات حلوو بس رحمي ماراح يستحمل ويبيني امسك نفسي هالاسبوعين بالكثير واحتمال الثالث اولد

البيبيات معترضين البنت راسها عاليمين وجسمها يسار والولد راسه فوق وريوله تحت وداش من ورا اخته يبي يسوي لها زحمه

 

[glby7sas]

اهلين جوزائيه سامحيني صارتلي ضروف ماكنت ادري عن النت كلش


الله يسهل عليج وماتولدين الا بالتاسع يارب

انا بعد رحت جيكت الوزن مو ذاك الزود الحين انا بالاسبوع ٣٢ ويومين وزنهم وحده ١٤٥٠ والثانيه ١٣٥٠ معنه الدكتوره قالتلي بالنسبه للتووم يعتبر زينين بس مااشوفهم زينين كلش اي شي يمتنهم قاعده اكله بس مادري اشفيهم مايمتنون


بالنسبه لي طلع معاي التهاب عطتني تحاميل وكريم
وحق الحبوب قالتلي هذي هرمونات عطتني غسول وكريم
وبطني ذبحني التشققات عطنتي انبولات قالتلي اقوى من الكريم


بالنسبه حق بناتي اثنينهم راسهم فوق وريلهم تحت وداخلين على بعد الطاهر يتهاوشون مادري اشسالفتهم لوول

بسري عنج

 

[جوزائيه مغروره]

والله فقدتج من غير شر حبيبتي

ههههههه انتي راسهم فوق وانا ولدي داش عرض على اخته وراسه فوق واهي راسها عاليمين

وعالحبه انا من بعد ما قالي ولاده ارتفعت حرارتي يوم وانزلت ومن كثر ما جسمي عرق بالليل طلعت لي حبه تحت بالشسمونه عاللحم وكبيره حدها وتعووور

قاعده احاول ابطها

دكتوري قالي وزنهم زين وماراح يحتاجون شيشه بس من ثقلهم يمكن اولد امبجر

الولد وزنه ١٨٠٠ والبنت ١٧٠٠

يقولي متوقع يوصلون كيلوين على موعدي ١٥-٤

 

[glby7sas]

احح جوزائيه مكان حبتج مو شي لووول


لا تخافين حبيبتي ليش بتولدج بالعكس خل يطلعون اوزانهم كبيره احسن من صغيره

وماشاءالله بالعكس انا اشوفهم ماشين على عمرهم ماشاءالله الله يحفظهم ياارب


انا اليوم بلشت احس بمغص صوب سري معني اخذ مثبت بس الله يستر وصايره ملوله حييل والحارج واصل لي الاخر خلاص ماعاد ينفعله لاحبوب ولاخرابيط الله المستعان قاعده احاول اصبر نفسي غصب عاد الدكتوره قالتلي بلشي تجيكين على الحركه ومن تشوفين قل على طول تعالي

وكل يوم اقول بشغل عداد الحركه واحسب ومااسري شي

 

[جوزائيه مغروره]

هههههه حده مكانها غلط

بس وحده نكها ريريز يعطيها العافيه قالت حطي عليها طحين مع ماي وراح تنبط وصج انبطت وطلعت بلاوي متلتله وشريت كريم وحطيتهم والحين الحمدالله اموري تمااام

وعالحركه انا قبل ما كنت احس فيهم كلش يمكن لانها داشين ببعض بس الحين امبلا صرت احس بحركتهم فاتوقع غيروا قعدتهم الحمدالله

ووزنهم اتمنى يزيد اكثر علشان ما يحتاجون شيشه

اهو قالي اذا انولدوا بالثامن راح يحتاجون اكسجين جم ساعه ويطلعون ماله داعي شيشه

 

[جوزائيه مغروره]

الله يعينج عالحارج جربته قبل اسبوع وما فاد معاه ولا شي

حاولي قبل النوم ما تاكلين شي كلش

وانا لاحظت حتى الماي اييب حارج وقت النوم

والحركه لا تستعيلين لانه نومتهم مرات تصير غير عنج جم مره افز بالليل على لويتهم حضراتهم قالبين نومتهم

 

[glby7sas]

اي جوزائيه الماي اييب الحارج باي وقت مو بس قبل النوم سأليني انا خبره لوول
هالايام هابتلج مااحب حبوب الكالسيوم رديت اكل الكاكاو اللي فيه كالسيوم

وعالحركه لازم تبلشين تحسبين عشان الله لايقوله لو تقل تعرفين وتتلاحقين عمرج

 

[جوزائيه مغروره]

واااي الكاكاو تييب الامساك

ما صرت اخذها من زماااااان

قبل اسبوعين تقريبا ما كنت حاسه بحركتهم بس احس بشي يتمقط بطريقه تعووور وبعدين بطني يصعرر

بس من يومين او ثلاث ردوا يتحركون الظاهر عدلوا وضعيتهم

 

[glby7sas]

اي التمفط والصعارير تعتبر من الحركه نفس الشي انا لما سألت الدكتوره قالتلي خلاص المكان صار ضيج فبتحسين بالتيبس وايد

حبايبي منحشرين مع بعض الله يعين اللي يحملون بثلاث واربع صج مجهوود مساكين


انا الحين بادي معاي مغص صوب السره
وساعات احس جنه بتنزل عليي الدوره
بس بصراحه حاقره مليت كل شوي رازه ويهي عند الطبيب جنه ماعندي شغل

 

[جوزائيه مغروره]

ههههههه اي انا جذي قلت حق ريلي ماراح اروح الطبيب الا لما اوصل حدي واطيح على فيسي

انا لاحظت حركتهم صارت غير

شكلهم غيروا وضعهم لانه الترفس من كل صوب

وابشرج الحبه انبطت وارتحت

 

[glby7sas]

لوول جوزائيه مبروووك



حتى انا حركتهم تغيرت امبي اسم الله عليهم يرفسون تحت والتيب قمت احس فيه تحت شكلهم اقلبو او شي مادري عاد موعدني السبت ان شاالله

انا صايره مااحب اكل حبوبي اتغصبهم وتكرمين احس برجعهم الكالسيوم امس ماخذيته والحديد اتغصبه وصايره انام وايد
امبي توني استوعب واتنسى خخخخ

 

[جوزائيه مغروره]

هههههه الله يبارك فيج

اي انا اتوقعهم غيروا وضعيتهم وموعدي يوم الثلاثا

تصدقين انا صايره انام وايد بعد الظاهر قاعدين ننام باثر رجعي هههههه

 

[glby7sas]

هههه اي والله جوزائيه وكله احس جسمي متكسر ومالي خلق شي معنه الحمدالله بطني مو كبير الحمدالله لو كبير جان تحنطت بمكاني بس ماارفع ريلي معنه وايد يزفوني يقولولي لازم ترفعين ريولج

 

[جوزائيه مغروره]

انا عكسج بطني وايد كبير اللي يشوفني يقول عوشرت هههههه

امبيه يبنا طاري النوم نعست مع انه قبل شوي قاعده

 

[glby7sas]

ههههه حتى انا نعسانه بس مو قادره انام كليت عالغدا مشاوي واحسه قاعد على جبدي مو راضي يتهضم

 

[جوزائيه مغروره]

من حملت كرهت المشاوي وريحته استغفر الله

من امس حاسه انه واحد منهم يتمقط ويعطيني كوووع على عظم الحوض ومن زود التمقط احسه بيطلع خلاص

 

[glby7sas]

اي انا قمت احس انهم تحت لدرجه لما اقوم امس بطني من تحت اخاف يطيحون خخخخ

احس بثقل كل متكود تحت

 

[جوزائيه مغروره]

بدعوا فينا عيالنا

انا اذا جفست ريولي شوي يقعد يطقني ليمن امدها

من الحين الولد فارض رايه علي