✔✔تجمــ؏ لحوامــل التــوأأأم✔✔

[جوزائيه مغروره]

الحمدالله على سلامتج وسلامه بناتج حياتي

والله يقومهم لج بالسلامه وتشوفينهم بحضنج

ودامج ماخذه ابره رئه باذن الله ماراح يطولون

اليوم ماسكني عوار بظهري مثل الكهربا يروح ويرد

بس تعالي بسالج شلون انزلت سداده الرحم وانتي مسويه ربط؟ ولا مو مسويه؟

 

[جوزائيه مغروره]

قلبي عيالي الظاهر غاروا

انا ولدت امس بالليل وحطوهم بالشيشه

طلعت الافرازات اللي اوفر كانت ماي الولد وانا مو عارفه

والطلق كان شغال معاي

 

[Dream_hope_love]

الحمد الله علي سلامتكم شلون ولادتكم طبيعي ولا لا وأي اسبوع

 

[om_shaheen]

الف الحمدالله على سلامتكم والله يقوم بيبياتكم بالسلامه وتفرحون فيهم يارب

 

[glby7sas]

حبايبي الله يسلمكم بناات ماتقصرون


جوزائيه بعد عمري الف الحمدالله عالسلامه طمنيني عنج ؟ وين ولدتي واشلون بيبياتج ؟!


اي طلع عادي سداده الرحم الدكتوره قالتلي انه وحده من البنات الظاهر مستعيله كانت اطق حيل تبي تطلع ولانه الربط مسكر عليه فنزلت السداده

 

[جوزائيه مغروره]

الله يبارك فيكم ويسلمكم

انا ولدت بالاسبوع ٣٤ كان باجي لي اسبوع عالتاسع

وولدت قيصريه بالمواساه عند دكتور حيان الاحمد

واليهال بالشيشه بس ملاحظه حاطين لهم تغذيه ماعليه الا الاكل

اليهال احتاجوا الشيشه لانه وزنهم كيلوين للولد والبنت ١٧٠٠

 

[glby7sas]

جوزائيه انا البنات حطولهم مغذي اول ثلاث ايام وامس شربوهم حليب واليوم وحده منهم تعبت ردولها المغذي وصار فيهم بوصفار انا وحده ١٥٠٠ والثانيه ١٤٠٠ الله يحفظ عيالنا ياارب ويطلعهم من الشر المستشفى بصراحه روعه مو مقصرين يسوولنا حلقات تعليميه اول يوم يوني اشروحلي عن الرضاعه بعدها سسوولنا حلقه تعليم واليوم هم سوولنا حلقه تعليم تقعد دكتوره بالنص والامهات دار مدارها وتقتح موضوع الحلقه ونبدي نتناقش وتعلمنا اليوم علمتنا اشلون نتصرف بالمغص اذا حاش الياهل وعلمتنا طريقه التدليك

 

[glby7sas]

جوزائيه انا البنات حطولهم مغذي اول ثلاث ايام وامس شربوهم حليب واليوم وحده منهم تعبت ردولها المغذي وصار فيهم بوصفار انا وحده 1500 والثانيه 1400 الله يحفظ عيالنا ياارب ويطلعهم من الشر المستشفى بصراحه روعه مو مقصرين يسوولنا حلقات تعليميه اول يوم يوني اشروحلي عن الرضاعه بعدها سسوولنا حلقه تعليم واليوم هم سوولنا حلقه تعليم تقعد دكتوره بالنص والامهات دار مدارها وتقتح موضوع الحلقه ونبدي نتناقش وتعلمنا اليوم علمتنا اشلون نتصرف بالمغص اذا حاش الياهل وعلمتنا طريقه التدليك

 

[جوزائيه مغروره]

الله يحفظهم لنا ويطلعون بالسلامه يارب

اليوم الحمدالله بديت اعتمد على نفسي واتحرك بروحي حتى رحت لهم الشيشه بروحي حبايبي نايمين على بطونهم ههههه

انا اييون يبون مني حليب ماكو بس اليوم طلع شوي وخذوه

 

[Dream_hope_love]

بنات حبيت أسألكم عن الأشهر الاولي بالحمال
شلون كانت تجربتكم وكنت عادي تتحركون ولا دائماً منسدحين

 

[glby7sas]

لا حبيبتي دايم منسدحين ويعطونا مثبتات حتى الصلاه كانت عالكرسي طبعا هالشي بالنسبه لي لاني عمليه



جوزائيه انا اليوم رخصوني طلعت بدونهم حبايبي
جوزائيه لازم تمشين خليني اعطيج الاشياء اللي عطوني ياها المستشفى عشان يدر الحليب


عطوني حبوب الحلبه حبتين قبل الاكل
وعطوني اعشاب شريتها من الحًواي عباره عن بابونج وينسون وحبه البركه ورجل الاسد من كل وحده قفشه وتصبين فوقهم ماي حار وتسكرينه مطري شوي لين يصفر الماي وشربيه
وبعد الرهش
سوي هذا كله وان شاءالله بيدر حليبج
وحاولي تشفطين كل ٣ ساعات وبليل قبل النوم عشان لا تتشقق الحلمه دهني صدرج بزيت زيتون مع مساج خلي امج ادهنج ترا انا باليوم الثاني بس نقطتين لين اليوم الثالث عبيت لي رقم صفر واليوم الرابع الحمدالله وصلت ١ واليوم وصلت ٢ ترا مهم تشفطين كل ثلاث ساعات انا كانو يقعدوني من نومي عشان اشفط تخيلي حسيت نفسي بقره هههههه

 

[glby7sas]

لا حبيبتي دايم منسدحين ويعطونا مثبتات حتى الصلاه كانت عالكرسي طبعا هالشي بالنسبه لي لاني عمليه



جوزائيه انا اليوم رخصوني طلعت بدونهم حبايبي
جوزائيه لازم تمشين خليني اعطيج الاشياء اللي عطوني ياها المستشفى عشان يدر الحليب


عطوني حبوب الحلبه حبتين قبل الاكل
وعطوني اعشاب شريتها من الحًواي عباره عن بابونج وينسون وحبه البركه ورجل الاسد من كل وحده قفشه وتصبين فوقهم ماي حار وتسكرينه مطري شوي لين يصفر الماي وشربيه
وبعد الرهش
سوي هذا كله وان شاءالله بيدر حليبج
وحاولي تشفطين كل 3 ساعات وبليل قبل النوم عشان لا تتشقق الحلمه دهني صدرج بزيت زيتون مع مساج خلي امج ادهنج ترا انا باليوم الثاني بس نقطتين لين اليوم الثالث عبيت لي رقم صفر واليوم الرابع الحمدالله وصلت 1 واليوم وصلت 2 ترا مهم تشفطين كل ثلاث ساعات انا كانو يقعدوني من نومي عشان اشفط تخيلي حسيت نفسي بقره هههههه

 

[Dream_hope_love]

انا توني ٨ أسابيع وخايفه الدكتوره ما قالت لي انسدحي بس انا ما طلعت من البيت و من أمس تنزل إفرازات حمرا وخايفه

 

[glby7sas]

حبيبتي اول شي مبروك بعدين تنزلج افرازات حمره وساكته بسرعه روحي الطبيب او المستشفى محتاجه ياعمري مثبتات عاد الدكتوره تسويلج سونار تفصيلي واهي تحددلج نوع المثبتات اللي تعطيج ياهم

 

[Dream_hope_love]

رحت الدكتوره أمس وسوت لي سونار وتقول كل شي طبيعي
وانا عموما أخذ مثبتات بس خلتهم من مل ١٢ ساعه الي كل ٦ ساعات و الفجر نزل إفراز بني
كلمت الدكتوره قالت أرد لها اليوم
حدي خايفه

 

[glby7sas]

ان شاءالله مافي الا العافيه البني مايخوف بس الاحمر اسم الله عليج اللي يخوف لازم ترتاحين قد ماتقدرين تكونين منسدحه خلي حركتج بس للحمام او اذا بتاكلين عالطاوله بس لاتفكرين تقعدين بالارض وصلاتج وانتي قاعده واهم شي ارقي نفسح واستودعيهم الله خلج حريصه على موعد المثبتات والراحه التامه كثري من الحليب والبيض والروب والخيار وايد مفيدين ويفضل اول الايام اكلي سمج مرتين بالاسبوع بس لاتاكلين تونه كثري من البروتينات لحم ودجاج بس الدجاج شيلي الجلد منه قبل الاكل لاتاكلين من بره وايد واذا بتاكلين لاتخلين اكلج من الوجبات السريعه الا اذا اشتهيتهم وبس والله يتمم عليج حملج يارب

 

[Dream_hope_love]

رحت الدكتوره أمس وسوت لي سونار وتقول كل شي طبيعي
وانا عموما أخذ مثبتات بس خلتهم من مل 12 ساعه الي كل 6 ساعات و الفجر نزل إفراز بني
كلمت الدكتوره قالت أرد لها اليوم
حدي خايفه

 

[Dream_hope_love]

حبيبتي مشكوره الله يطمنك يارب انا الحين أبدل وبروح مره ثانيه
انا من سويت العمليه وانا اكثر الاستغفار وان شاء الله يتمم علي ربي

 

[جوزائيه مغروره]

قووه شخباركم

دريم استودعيهم عند رب العالمين وانشالله مافيهم الا العافيه ولا تهملين اي شي ينزل منج

قلبي بسالج شلون عنايه العدان بالنسبه حق الخدج

قاعده افكر اذا اليهال طولوا لي يوم الاثنين احولهم العدان عالاقل قراب مني وهم لا انصدم بالسعر مع انه ريلي يقولي ماراح يحولهم العدان

والحليب الحمدالله بدا يطلع بس الحلمه تعورني لاني اهملتها بالحمال

 

[Dream_hope_love]

حبيبتي مشكوره الله يطمنك يارب انا الحين أبدل وبروح مره ثانيه
انا من سويت العمليه وانا اكثر الاستغفار وان شاء الله يتمم علي ربي