*_* رشيقات 2013- الجزء الثاني *_*

[شــــــــــــــوقــــه]

بنات اذا حسيتو بيوع و طفحتو من الماي اكلو علج عن تجربة

العلج الي علبته لونها وردي مكتوب عليه لايت

علجي و راح تنسين اليوع

انا ساعات ابي انام و اتحسف اقطه احب اتعلج

 

[miss oman]

انا خبصت بالغدا كلت ارز ولحم وسلطة وعصبر بس مب وايد يا رب ما اكون زدت وايد بسوي رياضة وايد اليوم عشان احرق الي كلته وباجر بصوم ان شاء الله لحد الاربعاء ابام البيض وبما انه خلصت يومين التفاح ببدأ بيومين الزبادي :eh_s(11):

 

[al-warda.2]

الـيوم الريوق سندويجه جبن بسليس أسمر

سناك كورن فليكس ( اللي بدون شكر ) أكلت نصه بدون حليب

الغدا متأخر كان دجاج وعيش وسلطه

العشى ما في - وبسووي رياضه لازم ^^

 

[حدي حساسه]

يومياتي
الريوق نسكافيه
الغداء همبورجر وتوست اسمر وسلطه
العشاء تونه وتفاحه
​

 

[sho-sho_93]

اليوم قمت منغثه عقب تخبيص امس انا لمن الحين مو مستوعبه شسويت امبيه ككاوات و خرابيط وبرد ومطعم

ما تريقت بس شربت جاي ابيض

مشيت ساعه وربع و وعقب دوامي قبل لا ارد بيتنا مشيت ساع الا ربع لعلى وعسى احرق من جريمتي لوول

الغدا 7 تمرات و روب اكتيفيا لايت

السناك هوت جوكليت تروبيكانا

العشا 7 تمرات و حليب فيتال وزعفران وهيل

 

[نونينونو]

في مجال انضم لكم

 

[بنت شاهة]

وزني الحين ٦٧.٥
يعني نقصت نص كيلو
الحمداالله

 

[بنت شاهة]

اليوم الفطور ٢ توست اسمر
الغداء لان الدورة داهمتني شريت وجبة من برجر كنج
امبي بنات عالجبد أكلهم دددددددسم
تعشيت شوربة

 

[لياحه بنت لواح]

اليوم خرابيط

تغديت حمسة دجاج مع خبزه
وخس حبتين

والمغرب
تقهويت وحليت وشربت شاي وكم حبة فطاير

والله يعين يارب


وبكره بصوم بإذن الله


فري فديتج
الميزان بالضبط اي يوم

لان نسيت اذا الخميس احسن
عشان الجمعه يخرب الرجيم



وسلامتكم

والله يضعفنا من غير شر


 

[free SpiriT]

السلااااام عليكم و رحمة الله وبركاته
شخباركم؟؟

يبت لكم جدول الميزان ,,,, بنات ع فكرة لو ترسلون لي الاوزان برسالة خاصة وايد اسهل, لأني اظل ادور بين الردود و اخاف انسى احد عشان جذيه طولت,,, واذا لا قدر الله نسيت اسم بس خبروني وبحط جدول يديد ,,,, اللي ما دزوا لي اوزانهم اسبوعين شلت اسماءهم على أمل انهم راح يرجعون و أنا ارحب فيهم بأي وقت,,,,

تفضلوا الميزان و بحط لكم خبر حلووو بالرد الجاي و شووية زف ضروري :eh_s(7):

 

[free SpiriT]

الميزان يووم السبت و لو حابين يكون الخميس ما عندي مانع اذا الاغلبية موافقة

بنااااات اول شي ليش التخبيص ؟؟ الحين احنا في تجمع كلنا مجموعة دعم يعني support group نتأثر ببعض و ندعم بعض ع طوول

ليش كذا وحدة ألاحظ تكون مخبصة و ضعفت قدام الأكل و و و و ؟ المفرووض نكون اقوى إذا ما صرنا رشيقات بشبابنا متى راح نصير؟؟؟؟

التحدي للاسبوع اللي راح كان الماي,,,أبيكم تواصلون على شرب الماي للأسابيع الجاية

والتحدي لهالاسبووع هو (بيرفكت دايت) Perfect and clean diet

ان بطنكم ما يكون سلة مهملات كل شي واي شي تقطون فيه your stomach is not a waste basket

هالاسبوع ماكوو غصبتني فلانة او عزمني فلان,,,, قبل لا يحلفون عليكم تاكلون حلو او خرابيط انتوا احلفوا عليهم انكم ماراح تاكلون خخخ,,,, وان شاء الله ما يزعلون منكم

بعض الأهل الله يخليهم و يهديهم يقدمون كل أنواع المغريات,,,, و من يشوفون البنت بدأت دايت مادري شلون يصرون عليها انها تاكل ! شي عجيب!!!!

::::نجي الحين للخبرررر الحلووووو::::

تدروون ان مجموع الوزن اللي فقدناه بالتجمع لأول اسبوع 18.8 كيلو؟؟؟

و هالاسبوووع مجموع خسارة الوزن لنا كلنا 34.1 كيلو ؟؟؟

و المجممووووع 52.9 كيلووو؟؟!! أكثر من خمسيييين كيلو ما شاء الله

يعني خسرنا مقدار انسانه بالغه ههههه

الله يقوينا و ننزل أكثر ,,,,,

و تذكروووا شعارنا لا للتخبيص لتحدي الاسبوع نبي التزززام 100 %

شوفوني أنا سهرانة عشانكم:eh_s(16): اوعدوني Promise me ما راح تخبصون هالاسبووع

Love you all وتصبحون على خير

 

[free SpiriT]

في مجال انضم لكم

هلا حياج الله معانا حطي وزنج و واصلي معانا بكتابة اليوميات و كل سبت اوزني واكتبي وزنج هني او دزي لي اياه رسالة خاصة

 

[free SpiriT]

اليوم كان افطاري: توست فرنسي مع ملعقة عسل
سناك: شرائح أناناس
الغداء: لازانيا بيف و سلطتين (لأني كنت يوعانة كليت سلطة زيادة, هذي فكرة ممكن تفيدكم)
سناك: تشيز كيك صحي مع خوخة (لأني كنت ليلحين يوعانة كليت خوخة زيادة : خليت عندي كذا خيار صحي بدال ما اخرب الدايت)
العشاء: جكن برجر

انا آخذ وجباتي من شركة تغذية تحضر الأكل بشكل صحي و سعراته محسوبة , لا تفكرون اني آكل تشيز كيك من وراكم هههههه

تمرنت: Warm up 4 minutes
Abs attack x 2 : 20 minutes
Zumba 30 minutes
Canoe x 2
stretch 10 minutes

 

[ندى البديع]

الفطور ؛ *صينية خضار بالفرن ** ***
*الغداء: *عصير مانجا * *** * * *****
*العشاء : مرق * *
*سناك *؛ خوخة حبة ونص * * * ***
*الرياضة ؛ 10 دقايق مشيت * **
*المواية : خلصت 5اكواب وبكمل * *
الاعشاب؛ زنجبيل *

 

[زيـــنــه]

السلااااام عليكم و رحمة الله وبركاته
شخباركم؟؟

يبت لكم جدول الميزان ,,,, بنات ع فكرة لو ترسلون لي الاوزان برسالة خاصة وايد اسهل, لأني اظل ادور بين الردود و اخاف انسى احد عشان جذيه طولت,,, واذا لا قدر الله نسيت اسم بس خبروني وبحط جدول يديد ,,,, اللي ما دزوا لي اوزانهم اسبوعين شلت اسماءهم على أمل انهم راح يرجعون و أنا ارحب فيهم بأي وقت,,,,

تفضلوا الميزان و بحط لكم خبر حلووو بالرد الجاي و شووية زف ضروري :eh_s(7):

فري ياااقلبي فيي غلط بالجدول انا حاطتني +2 :eh_s(16):

وانا بس +1 .. كنت 61 وصرت 62 بس ان شالله السبت الياي راح اشووف الستين وتحديت عمري :eh_s(4):

 

[زيـــنــه]

من التعصيب نسيت اليوميات :bbbiu:

الله يسلمكم..
اليوم تريقت شوويه كورن فليكس وحليب لايت

تغديت بمطعم بافلوز طبقي صدر دجاج مع مشروم وخضراوات مسلوقه >> بالغلط شويه بطاط مهروس وقفشتي معكرونه من اللي يمي جني مادري

ماتعشيت .. لاني كليت نص جوكليت كيك دسمه

سويييت ريااااضه حللوه اليوم ساعه ونص الحمدلله

مو راضيه عن اكلي اليوم باجر اعوض ان شالله .. وحدي متحمسه هالاسابيع ان شالله احقق حلمي 58 .. اربعه كيلو يمكن هالاسابيع اليايه كفيله بها :eh_s(2):

وان شاالله ماشين ع نصايح فري الغاليه ومشكوره ع تعبج معانا حياتي مقدرين سهرج يعطيج العافيه:eh_s(7)::eh_s(7)::eh_s(7)::eh_s(7):

 

[HOWAIDA]

نظامي ليوم (( الأحد ))

الفطور :-
حبة وحدة خبز الرشاقة + حبة بيضة
شريحة جبن لايت + كوب حليب بالهيل

قبل الغداء :-
كوب مويه

الغداء :-
لقمتين سلطة زبادي
و لقمة وحدة معكرونة

العشاء :-
ما تعشييييييت ؛(

سناك :-
قطعة بسكويت داجستيف
حبتين تمر + فنجال قهوة

الأعشاب :-
كوب سنامكي
و أعشاب تهبل أسمها هندتيلر
بس ما كان باقي الا ظرف واحد

الرياضة :-
ساعة مشي بالصباح

ملاحظة :-
أحس نظامي مخربببط حيل
و مافي رياضة ,, متى تخلص الإجازة
و فري سبيرت ,, مشكورة على التشجيع
و الله يوصلك مرادك آنتي و كل البنات

​

 

[miss oman]

صباحكم ورد وعسل حبيباتي
فري ان شاء الله نلتزم اكثر
انا اليوم صايمة أمس بعد المغرب كلت تفاحة وشربت ماي عقب سويت رياضة لمدة ساعتين مشي وتمارين الذراعين وشد البطن وكل شيء مكس التمارين عقب تعبت وقعدت ارقص يمكن اخر ربع ساعة بس خخخخخ لأني ابي احرق الي كلته بالغداء وكنت ناوية بهالساعتين كله رياضة
تسحرت علبتين زبادي اكتيفيا حجم العلبة 125جم وماي وقفشتين معكرونة صحية
والصبح وزنت الحمد لله حصلت وزني نفس امس ما زاد على تخبيصة الغدا هذا اهم شيء
وصحتين وعافية على قلوبكم​

 

[قوس فرح]

يعطيك العافية فري سبرت ... و نوعدك و عني شخصياً هالاسبوع ما راح يكون فية ريحة تخبيص و من امس و انا ملتزمة جداً
لي طلب البنات اللي اوزانهم قليلة و ماشاء الله ينزلون زي بنت السعودية يا ريت اعرف نظامهم لانه يهم شريحة كبيرة باقي لها على المثالي كيلوات قليلة.

فعلا العزايم و الحفلات مش عذر للتخبيص خبصنا بما يكفي و انا جربتها بحياتي اللي يعطوني اخذه و ما اقول دايت و اخليه على جنب و اشرب القهوة لحالها و لا حد انتبه لي اكلته و لا لا ..


الاحد : بروتين صافي بمعنى الكلمه
الفطور: بيضه
الغدا: بروست ، تبولة ، كبة
العشا: بروست

الماء: ٨ كاسات
الرياضة : بسبب الغبار ما قدرت اتحرك برا البيت ، اليوم باذن الله باجيب اوربتراك للبيت .




اخيرا ً الف الف مبروك للي نزلو بنت السعوديه هويدا الوردة حرم راشد الماجد ميس نونا الف مبروك يا رشيقات و انتم تلهمونا اننا نقدر ننزل ارقام محرزه
للبقية اللي حافظو على النزول مبروك و لكم ورداااات كثير
للي مانزلت اوزانهم او زادت لا تيأسون الاسبوع هذا و انتم مع رشيقات الاسبوع باذن الله



بخصوص الميزان انا اشوف توقيت السبت مثالي عشان نضبط انفسنا بالويك اند
و فري سبرت الله يسعد قلبك و لا يحرمك الاجر على ادارة التجمع و اجرك كبير عند رب العالمين باذن الله و خلاص يا بنات كلنا نرسل الوزن برسالة خاصه لفري سبرت لانه بالفعل صعبة تتابع بريدها و الموضوع عشان تلاقي كل الاوزان

 

[حرم راشد الماجد]

اليوم الدكتور بدر نصر الله يقول ان اللي يسوي ريجيم لازم يتابع مع دكتور جلديه لان البشره والشعر يتأثرون بالريجيم


امس كنت صايمه اللهم لك الحمد


فطوري كان

نص تمره + ماي
3 ملاعق شوربه بصل
2 صدر دجاجه صغيره منزوعه الجلد والجوانح مشوي بالفرن مع خضار
جزر + بروكلي + فاصوليا خضرا + بصل مشوي مع الدياي
كوب سفن اب دايت مع كيوي >>>>>>>>>>>>>>>> خلطتهم عشان ما حس بطعمه وهم قرص لساني لعب فيني لعب


نص لتر ماي



واليوم صايمه ان شاء الله اول يوم من الايام البيض اللي تبي تشاركني الصيام وحياها معزومه عندي عالفطور بعد


فطوري اليوم ان شاء الله

1 تمر + نص لتر ماي + نص كوب اعشاب اي نوع كلهم خير وبركه
كوب شوربه بصل
2 همبرغر كبير الحجم <<<<<<<<<<<<<< بصراحه طعمه احلى
خيار + ملعقة صلصة فرنسيه



سناك : ملعقة صغيره سكر + ملعقتين نسكافيه + ظرفين سكر دايت + نقطة ماي اخلطهم عدل مدل لين تصير القهوه جنها كراميل اضيف عليها كوب حليب خالي الدسم + حبتين بسكوت دايجستف



السحور :
شريحة توست
حبة جبن سلفايد
خيار + خس
شاي مع سكر دايت



على فكره اكتشفت اني لما اكتب شنو باكل االتزم اكثر من لما اسوي اي شي واكل والسحور والسناك مو ضروريين عندي وايد انا استغنى عنهم بأغلب الوقت