*_- [ قروب السمينات اللي اوزانهم فوق ال100 ] *_*

[حرم راشد الماجد]

ضيفوني معاكم


طبعا انا كنت اطلطل عالموضوع اول مافتحتوه لان كنت اسوي رجيم بس ما تجرات اشاركم لان عارفه نفسي يومي و اخربها فمابي افشل نفسي لوووول

بس خلااااااص طفح الكيل انا هذا اخر كورس لي بالجامعه بعد معاناة سبع سنين فابي اكافئ نفسي بهديه تخرج بسفره محترمخ لووول و مابي اسافر وانا متينه لان ماراح استانس بالتفرفر و التسوق

فصارلي اسبوع مسويه رجيم ولان توني اول اسبوع فمتحمسه
ريوق ما اتريق يضيع وقتي بالجامعه
و غداي برتقالتي
و عشاي سلطه روب و خيار
بس الخميس طلعت مع ريلي رحنا مطعم ووطلب لي سلطه سيزر بدون الصوص

والله يتمم علي ووعليكم
بنات قبل كل وجبه و بعد ما اسمي ادعي يارب وجبتي تكون مغيده لي و تشبعني و يارب انك تثبتني ولا اخربها


و بس سلامتكم

حياج الله حبيبتي الله يقويج ويوفقج وتصيرين منكان

 

[حرم راشد الماجد]

مرحبا بنات شلونكم. هلافيج نها حياج الله.
انا من الصبح همبرجرتين بس والحين باخذ فري
اساسا الاسبوع نصه فري هههه
نبي التزام
والعقاب يكون حرمان من العشا و100 نطه و100 صفقه ورا وجدام شرايكم

ههههههههههههههههههههههههههههه


:eh_s(9): :eh_s(9): >>>>>>>>>>>>> راح نصير نفس هذا يعني انا موافقه :eh_s(7):

 

[حرم راشد الماجد]

صباح الخير
جبت لكم اليوم نصائح دكتور عارف بخصوص الرجيم :
د. عارف :



أولا:
عليكي أن تصممي على انزال وزنك واختيار الوزن الذي تريدين
أن تصلي إليه ، لا بل عليكي أيضا أن تقفي أمام المرآة وتتخيلي
إنكي فعلا حققت ما تريدينه ،
وأنصحك باختيار صورة قديمة كان قوامك فيها جميل
وأن تضعيها أمام عينك في غرفة نومك، أو في مكتبك
أو ضعيها كخلفية في الكمبيوتر الخاص فيك


ثانيا: إوزني نفسك مرة واحدة يوميا


ثالثا: لا تقولي لأحد بأنكي عامله ريجيم ... ماعليه خشي هذا الموضوع ...
سوي شيء ولأول مره حق نفسك



رابعا: الأكل ببطأ مع التركيز على ما تأكلي ،ومحاولة تذوق كل لقمة والاحساس بلذة الطعام


خامسا: اختاري وجبة واحدة من وجبات الطعام الثلاثة واعمل على أكل فقط ثلث ماكنتي تأكلين
عادة في هذه الوجبة


سادسا: تحركي قدر المستطاع وذلك بالامتناع من الطلب من الخادمة بتلبية طلباتك يعني
بالعربي الفصيح لا تصيرين كسلانه وبطلي عادة التطرش


سابعا: حولي مكتبك الى مكتب متحرك فاذا كنتي تستخدمين النت لأكثر من ساعة في اليوم ..
وهذا أكيد إذا كان عندكم بلوج ، إذن فبإمكانك أن تخسري من وزنكم أكثر من 5 كجم
خلال سنة واحدة .
وذلك بعمل طاولة بإرتفاع يناسب جهاز الجري ووضع الكمبيوتر فوق الطاولة
والمشي ببطأ 3كم/س أثناء استخدامك للنت .

ودمتم بخير
​

مشكوووووووووووووووووووووووووره عالنصايح الحلوه فديتج :eh_s(7):

 

[تووته البسكوته]

صبح صبح ع الحلوين

شن هالشوربه ؟؟؟ ليكون شوربه البصل
عاد اليوم بطبقها ههه

امس ماتريقت عدل بس تغديت بره وكليت سلطه خضره اكثر شي ونص همبورغر وما تعشيت وشربت شاي اخضر وزنجبيل


واليوم بلشت نظام الديوتكس لان وزني ثاابت مو قعد يتحرك ومدته 3 اياام بتحمل ..
اهو يعتمد ع الفواكهه والخضره بدون نشوياات بالمررره ميخالف ان شالله بقدر

وامس وقعت تعهد بيني وبين نفسي لوووول وكتبت كلام يعور القلبوان شالله التزم

طبعا انا كنت مشتركه بوجبات بس ما التزمت عدل نزلت بشهر كيلوين بس نعمه احسن من ولا شي
والحين الصبح شربت جاي اخضر وييبه معاي موز وجرز وتفاح لوووول
ميخالف كله بسبيل الرشاقه يهوووون ..الله كريم

 

[البطه ميمي]

هلا فيكم شخباركم الشوربه طعمها حلو صدقين عيالي حبوها بس انا ماعطيتهم اخاف عليهم.

روحي مركز سلطان واشتري السالاري كرفس امريكي لاتحطين كرفس عادي فرق الطعم
انا احط وياها جزره وملفوف احمر وابيض جنها عدس ههههههه اقص على روحي

 

[البطه ميمي]

اليوم تريقت توسته وحده ولبنه وغداي وعشاي بيكون دايت كير وشوربه سالاري

 

[البطه ميمي]

الحمدلله علئ سلامتج غارقه ومبروك ماياج الله يحفظكم بالنسبه للمشي وايد زين حق الولاده القيصريه

 

[البطه ميمي]

ههههههههههههههههههههههههههههه


:eh_s(9): :eh_s(9): >>>>>>>>>>>>> راح نصير نفس هذا يعني انا موافقه :eh_s(7):

هههههههههه خليتيني اضحك والكل يطالعني جني هبله

 

[تووته البسكوته]

انا بسوي الشوربه بليل
اي طعمها حلوو
وعادي خل ياكلون اليهال منها ياميمي مفيده

بنات كليت جيسين بطاط بس هذا بطاط طبيعي بس ضميري انبني ودي اطق رووحي

 

[عذبة الالحان]

انا بسوي الشوربه بليل
اي طعمها حلوو
وعادي خل ياكلون اليهال منها ياميمي مفيده

بنات كليت جيسين بطاط بس هذا بطاط طبيعي بس ضميري انبني ودي اطق رووحي

لا موزينه حق لصغار تسبب جفاف مراح يتحملونها حرام

 

[noo7a]

الله يحييج حرم


بنات انا يوميا اقيس وزني و ادري هذا غلط بس ماقدر ماعرف

المهم فامس قلت لكم اكلت سمج مشوي وانا الي مسويته يعني عارفه مكوناته مافي شي دهون
اليوم اقيس ولا زايد وزني حدي تحطمت


واليوم رجعت تغديت برتقال
و العشا بيكون روب و خيار
وخنشوف اخرتها مع هالوزن

 

[حرم راشد الماجد]

انا اليوم وامس التزام الحمدللله الله يتمم لي اخر اليوم عشان احس بالانجاز

 

[البطه ميمي]

صباح الخير انا امس التزمت بعد واليوم تريقت توسته وجبنه

 

[عذبة الالحان]

انا امس بس كليت نص خبزه سمرا مع جبن سلايس وحليب خالي الدسم
والغدا كليت ملعقتين عيش وشربت شوربه وكليت رقي والعشا بقصم بدون شي

اليوم ريوقي ثلاث فردات تمر مع حليب خالي الدسم
والغدا سلطه مع نقيتس مشوي والعشا روب وخيار

 

[عذبة الالحان]

الشوربه حيل متعبه ف مراح اشربها يومين لانها حييييل اتعب وتعور الكلى من الجفاف

 

[ترانيم الأمل]

صباح الخير اخواتي العزيزات
ابشركم نزلت من 111 إلى 109 رجعت نفسي وناويه استمر باذن الله دون السماح لنفسي باني اسقط في الحفر
او التخريب تدرون ليش لأني ابي انزل حق العيد والعيد ماباقي شي عنه فابي استن واجتهد وازيد حماسي واخلي الكسل والخمول واقوي ارادتي امام كل مدمر اقول جني صرت رعد العملاق هههههه وخرو عني بس
المهم باقول لكم افكاريالي مشيت عليها لين نزلت رحت الجمعيه وعبيت العربانه بكل شي سعراته قليله ماخليت شي خذت بسكوتات كلها مالت دايت وجبنه ولبنه وعصير مربى حتى صوص لايت خذت للمعكرونه بس ها ماباكل المعكرونه ف الوقت الحالي لاني ابي اقط عشره كيلو خلال اسبوعين شوفو انا اقول عشره بس ماادري هل جسمي بيتجاوب مع نظامي ولا لا لكن انا باحاول :
1-طبعا مافي خرابيط ولاكاكاو ولا غازات كل شي فرش
2- القهوه والشاي بسكر دايت
3- باكثر من الماي وخصوصا على الريج
4- وهز ياوز ههههه كل ماتفرقت بارقص وبامشي وبخلي عني الكسل وسالة التطرش بزيد نشاطي كل مالقيت فرصه باطلع بروح حديقه بحر مجمع اي مكان المهم اني امشي
5- باكثر من اكل الفواكه والخضروات بانواعها ماعداالموز والمنجا
6- باشرب اعشاب الرجيم باستمرار والشاي الخضر والنعناع والزعتر
7- اللبن والروب لازم كل يوم طبعا قليل دسم ( اكتشفت من خلال قراءتي للرجيمات بانه يرفع من معدل الايظ ف الجسم)
8- الاناناس والكيور والملفوف والخيار الخل الليمون الزنجبيل كل هالاشياء بزيدها في اكلي ومثل ماقالت حرم راشد الماجد الرقي
9- الشوربه الحارقة للدهون باسوي منها جدر كبير وكل ماجعت باشرب منها
10 ببتعد عن النشويات ماعدى ( كورنفلكس اسبشل أو شريحتين التوست الصبح أو ربع خبز العادي بس ربع الخبزه والي يجي رقيق ممكن اتريق فيه مثلا يوم اسوي لي الريوق فول واحطه بوسطه واكله )
11- باكثر من اكل الاوراق الخضراء الخس والجرجير باقلل منى الملحى والطماطم
12-وباتفاءل ومثل ماقال الدكتور بشوف نفسي في المنظره وباتخيل شكلي لو تخلصت من الوزن الزايد والطبقات والترهلات ولبست كل الملابس الحلوه ووووووو نقدر

يالله من بيطبق معاي وبتجيكم النتيجه بعد اسبوعين باذن الله
ودمتم بخير وصحه ويارب ننزل ونلبس الحزام وهز ياوز ههههه استغفر الله مع السلامه

 

[حرم راشد الماجد]

مبروك النزول حبيبتي

انا فاقده هويدا وبيشو مالهم حس من غير شر

انا هاليومين صايره افه وريلي ما يرحم كل يوم يتشهالي شي وانا اطبخ واكل لازم بعد طباخ السم يذوقه

الشوربه الحارقه كلش ما استسغت طعمها مادري ليش وبعدين تتفخ تسوي غازات لازم وياها كمون

 

[عذبة الالحان]

مبروك النزول ترانيم الامل والى الامام ان شاءالله

 

[ترانيم الأمل]

مساء الخير
الله يبارك فيكم تدرين حتى انا مااستسيغها بس حاولت اني ازيد البهارات وحطيت فيها كيسين من شوربات ماجي وماكلت الشوربه هيك لا حطيتها بالخلاط وعصرت عليها ليمون وكلتها عالعشاء والصبح باشوف وزني هل بيتغير ولا لا بعد جهدي اليوم تدرون انا قد مااقدر احاول مااكل نشويات بالليل ابدا اشرب شوربه اكل روب قليل الدسم اكثر من الماي الشاي العصير ( عصير الكيوي والاناناس ) سويت لي جيك كبير وحطيته بالثلاجه وبعد كل وجبه باشرب منه باجر الصبح باقول لكم اذا نزلت ولالا وطايحه هالايام بالخس الامريكي احط بوسطه شريحة جبن لايتومرتديلا والفهم واكلهم عجيب طعمه تدرون قاعده احاول على طول اخترع حق نفسي اكلات شهيه وفي نفس الوقت سعراتها قليله وتشبع اشتهيت اليوم بيتزا فخذت لي قطعتين وسخنتهم وكلتهم عالغداء غلى جانب السلطه

دمتم بخير

 

[HOWAIDA]

*,


نظامي ليوم ( الخميس )


على الريق :-
عصير برتقاله + ماء دافي


الفطور :-
2 توست أسمر + شريحة جبن قليل الدسم
شرائح طماطم + شرائح خيار



الغداء :-
فاهيتا دجاج بالطريقة الصحية


سناك :-
-


العشاء :-
تبووولة


الرياضة :-
ساعة مشي


الأعشاب :-
كوبين رويال
​