Diet خففي أكلج يلا انطلقي معاي 1\5\2012

[رواسي شامخة]

دندووونة انا عندي اقتراااح..
شرايج عقب الميزان ٦/١ نخلي الميزان كل اسبوووعين عشااان نتحمس لأن انا اشووف كل شهر واااايد وانا وحدة فضووولية..هع
ونبي وحدة من البنات تسوي لنا جدول ونحط فيه الاوزاان والطوول عشان نعرف التغيرات اللي تسير يعني منو نزلت وزن وبعد نحط المراحل اللي مقسمينها عشاان نحقق الهدف بإذن الله...

هاااا شرااايج دندووونة؟؟؟؟
وشرااايكم بنااات ؟؟؟

منوو تتطوع تسوي لنا الجدوول لأني ماااا أعرف
طبعا بعد اذنج دندوووونة....(؛*

 

[الكيكه دندن]

اوكي حياتو نشوف راي البنات معانا بالقروب
مع انه انا شايفه برنامج يقول انه ماتقيسين وزنج الا بعد شهر لان لو قستيه كل اسبوع راح تلاحظين انج ماقاع تنزلين وراح يصير معاج احباط وراح تردين تاكلين نفس اول


نعمل تصويت هني ونسال كل البنات اذا وافقوا نعتمد تمامو؟

وفكره الجدول حلوه صحيح حتى نعرف الاوزان والتطور اللي صاير

بس للاسف انا ماعرف خخ

 

[الكيكه دندن]

خلصت الحين تمارين

مشيت نص ساعه

وبعده ركض بالمكان
21مره تمرين الكرسي
21 تمرين البطن
12 مره تمرين الخصر يمين
12 مره تمرين الخسر يسار
21 مره نط
21 مره نط مع فتح الايدي والارجل

يعني التمرين خذا مني ساعه الا ربع



اوكي بنات باجر ابيكم تصوتون وتعطون رايكم بالميزان

تبونه شهري يعني بدايه كل شهر ؟

او مره كل اسبوعين ؟

اول قياس للاوزان راح يكون 1\6 باذن الله

القياس الثاني متى تبونه؟
ناطره ردودكم وتفاعلكم

وتصبحون على خيــــــــــر​

 

[تووته البسكوته]

انا احس شهري وايد نخليه كل اسبوعين

وع طاري الوزن زالجدول في موضوع مثبت ويوميات وافرقه انا توني شاركت معاهم ويسون حدول وكل شي خل نشارك معاهم

 

[قــمر]

يومياتي ١٨\٥ الصباح شربت ع الريق ماء دافي + عصير ليمونه وسويت التمارين والغداء كان الساعه وحده كليت سبع قفاش رز وشووووي دجاج وجرجير شربت قبل الغداء كوبين ماء وبعده كوب أحاول اطبق كلام البنت وبعدين شربت شاي اخضر ع المغرب طلبو لهم فطائر وكليت معهم وشربت حليب زنجبيل الحليب كان كامل الدسم وحسيت أني كثرت عشان كذا قررت ما أتعشى وع الساعه ١١ بالليل شربت شاي اخضر وسويت التمارين في الليل الساعه وحده حسيت أني جوعانه شوي وكليت لي كم حبة لوز والماء الحمدلله شربت حتى اكثر من لتر ونص واليوم الصباح سويت ريوق لزوجي خبز ع المقلاه مع زيت سمسم وعسل وانا اسوي كليت لي شوي من الخبز وبعدين قلت خلاص ماينفع اشرب عصير ليمون لانه لازم يكون ع الريق ويوم خلصت كليت معاه شوي وشربت شاي حليب يمكن جقمه بس واللحين بروح اسوي التمارين بالنسبه للميزان ع كيفكم أنا محايده

 

[رواسي شامخة]

السلااام عليييكم ...

شلوووونكم حباايبي....
اليوم اول ماصحييت خذيت لي كم حبة من العنب الاسوود عشاان الدووخة اللي احس فيها واتباعا لنصيحة دندوونة بس مااحب الكشمش فخذيت العنب..
وبعدهم تريقت بيضة بطماط مع عصير اناناس مع برتقال...

وبس وان شاااءالله اكمل يومي بدون تخبيييص يااارب...*

 

[الكيكه دندن]

صباحو حبايبي

انا للحين مانمت عندي لخبطه بالنوم دايم جذي اضبطه
عقب اخربه ههههههه

عاد اليوم تريقت الساعه 7

وتغديت قبل شوي 12ونص

والحين راح اطقها نومه ليما 7م ان شاء الله هههههه

واذا قعدت بتعشى

وبنزل يومياتي المســــــــا

وتمارين اليوم راح تكون خفيفه لان امس من نط الحبل والركض رجلي تعورني ابي اريحها

انا احس شهري وايد نخليه كل اسبوعين

وع طاري الوزن زالجدول في موضوع مثبت ويوميات وافرقه انا توني شاركت معاهم ويسون حدول وكل شي خل نشارك معاهم

اوكي بنحسب الآراء

الحين 2 مؤيد لقرار الميزان كل اسبوعين

1 محايد

ناطره اراء البقيه


وبالنسبه لقروبات التحدى انا ما احب شي فيه منافسه وضغط لانه انا من الاشخاص اللي وايد أحاتي وراح اتعب نفسيتي ابي اكون مرتاحه بنظامي وهني مرتاحه الحمدلله

كلش ما اعرف اشتغل تحت الضغط هههههههههه

فعلى قوله اخوانا اللبنانيه

خلونا على رواء

 

[منوششي]

-

آههلن
آخبآركم ؟

آنآ مشآركةة مع قروب ثآني و آبي آشآرك معآكم عآدي ><"""

مممم بآلنسبة لللميزآن كل آسبوعين حلو
لآن كل شهر صعبةة آحس آللقآفةةآبي آشوف وزنني :|

تبون آسوي لككم جدول ؟

آي صح آنآ نظآمي تخفيف و وزني 83 و آبي آصير 70 آن شآء الله
آنآ طولي 168 تحسون منآسب وزن 70 لآن م فيني حيل آنحف آككثر آحس هذآ حدي ><"""

آليوم كآن مرةة شين

آفطرت 9 نص خبزة بر صغيرة و بيضة مسلوقة و نص ملعقة جبن و عصير برتقآل طبيعي
آلسآعةة 11 آكلت حبة توست بر مع ملعقة بينت بتر و شوي مربى
آلسآعةة 12 آكلت مرآصيع صغيرة حبتين
و قبل شوي آكلت حبة توست بر مع ملعقة بينت بتر و شوي مربى مع شيبس تسآلي

شفتوآ آنوآع آلحوسةةةة كم مرة آقول ب آبدآ بكرآ و لآ آبدآ تعبت مرةة من هآلحآلةة ><"""

 

[رواسي شامخة]

هلا وغلا بمنوششي رفيقتي بالتجمع الثااني ...
يااامرحبااا فييييج وتنورينا >>>لقااافة صح دندووون بس عااادي اموون صح؟!؟!

شوووفي ياحياااتي على كم يوم ويوم راحت حياتنا وحنا نقووول بكرا...لاازم توقفين وقفة جدية مع نفسج وتقوليين خلاااص انا ابي اعيش باااقي حياتي برشااقة وصحة وبألبس اللي ابي وبأسوي اللي ابي واللي ضعفوا مو احسن منااا...صح؟؟؟

انتي شدي على نفسج ثلاث ايااام او اسبووع بالكثير وبتشووفين نفسج تعودتي على النظام اللي انت حاطته...اوووكي حياااتي!!!!

يلا نبي نشوووف نتايج حللوة تاريخ٦/١..اوووكي

وبالنسبة للجدول اييييه ماعليييج امر سوي لنا طبعا بعد اذن دندوون عشاااان كل وحدة تعرف وضعها ...

 

[فواصل]

مساء النور

شخباركم


بخصوص الميزان

انا مع كيكة كل شهر احسن علشان نحس بالفرق



وبكرة موعدي مع الاخصائية

دعواتكم

 

[رواسي شامخة]

بنااات بغيت اقول لكم عن شي بصرااااحة يابنااات حلووو ويشبع وما تحسييين بتأنيب الضمير وانت تاااكلينه

في سيريال او حبوب بس على شكل بسكوت اسمه ويتابيكس weetabix ..

بنات بصراااحة حللوة وخفيفة وتشبع...

حبيت اقوول لكم من باب الاخوة والصداااقة ومن باب "أن يحب لأخيه ما يحب لنفسه"" كما قال عليه الصلاة والسلام..


وسلااامتكم...

 

[قــمر]

اللحين شربت شاي اخضر وسويت التمارين سويت 30 مره:ggdw: وكليت روب اكتيفيا لايت مع قرفه وشربت قبله وبعده ماء

 

[رواسي شامخة]

انا تغديت شوربة عدس وعالمغرب اكلت ويتابيكس مع شااي حليب وان شاااءالله بااقي اليوم اكمل بدوون تخبيص ياااااااارب

 

[الكيكه دندن]

آههلن
آخبآركم ؟

آنآ مشآركةة مع قروب ثآني و آبي آشآرك معآكم عآدي ><"""

مممم بآلنسبة لللميزآن كل آسبوعين حلو
لآن كل شهر صعبةة آحس آللقآفةةآبي آشوف وزنني :|

تبون آسوي لككم جدول ؟

يا هلا فيج قلبي اوكي سويي لنا جدول الوزن حياتو


رواسي عادي كلنا واحد يا عمري



فواصل الله يوفقج قلبي ونا معاج يعني الحين

2 مع الوزن كل شهر
3 مع الوزن كل اسبوعين
1 محايد وناطرين اراء البقيه

رواسي يسلمووو راح ادوره ان شاء الله weetabix



الحين اشوف مسلسل فاطمه وارد لكم بيومياتي

 

[الكيكه دندن]

يومياتي لــــ19\5

الريوق

بيض بجبن شيدر+شاي حليب

الغــــــدا

2 همبرجر بالشوفان +2ماغرو توست +روب بالقرفه

العشــا

نص خبزه وشاي حليب

وقفت اكل خلاص وكله ماي لميا اخلص اللتر والنص واذا جعت باكل لوز

والتمارين راح اعمل تمارين الخصر والبس حزام حراري ونا بتمشى بالبيت هههه يعني شبه راحه من التمارين اليوم

بعد شوي اكتب لكم معلومه صحيه لليوم :*
​

 

[تووته البسكوته]

بنات انا سامعه ان البيض مو زين معاه جاي يمص الحديد اللي بالبيض مع عصير احسن

 

[قــمر]

انا تعشيت تونه مع سلطه تقريبا ع الساعه 8 ونص

وبعدين شربت شاي اخضر

وخلصت لتر ونص ماء

وسويت التمارين

قبل شوي حسيت بالجوع شوي وطبقت نصيحة الكيكة كليت لي لوز

وقبل ما انام بشرب حليب ان شاء الله

الكيكة شنو نوع الحزام الحراري اللي تستخدمينه ؟؟

وتحسين ينفع والا لاء لاني خاطري اشتري لي واحد

 

[الكيكه دندن]

​

*الأرز البني المطبوخ ​

اذا كنتي متعبه ولا تستطيعين قضاء وقت طويل بالمطبخ اطبخي كميه كبيره من الارز البني واحتفظي بها في الثلاجه
واضيفي له مره لحوم خاليه من الدهون
مرات الخضار المطبوخه عالبخار او النيئه او الصلصات اللذيذه قليله الدسم دعي هذه الخطه البسيطه تساعدك في نظامك الغذلئي​

*الفاكهه حل سريع ​

في كثير من الأحيان نحن نشعربالكسل لاعداد وجبات لانفسنا
والحل لإعداد وجبات خفيفة لذيذة ومنخفضة الكالسيوم. وتتماشى مع نجاح خطة التخسيس، يمكنك الاحتفاظ بشيء سريع للأكل كالفاكهة فهي في متناول اليد.​

العنب والتوت وا ليوسفي
هي الخيارات المثالية لتناول وجبة خفيفة . جربي هذه الخدعة في نظامك الغذائي لمعرفة كم هو سهل لتجنب تناول الوجبات السريعة.​

 

[الكيكه دندن]

الكيكة شنو نوع الحزام الحراري اللي تستخدمينه ؟؟

شريته من الصيدليه عادي يعني مو بيرفكت بس البسه عند التمارين على التيشيرت من فوق لانه لما لبسته على بطنه صار بطني كله نقط حمرا من الحراره

لونه ازرق

ومكتوب عليه LP support

كنت اتمنى يكون اطول لانه لما احطه على بطني يا يغطي المنطقه الفوق خصري ويبقى بطني من الجزء التحتي باين واضر اغير مكانه وانزله تحت على بطوني انا كنت ابيه يعطي بطني مع منطقه الخصر كله

شريته من الصيدليه قريب الخمس دنانير

تقريبا نفس جذي بس اللي بالصوره مبين اكبر من اللي معاي

هذا مقاسه نفس اللي معاي

 

[الكيكه دندن]

بنات انا سامعه ان البيض مو زين معاه جاي يمص الحديد اللي بالبيض مع عصير احسن

توته جاي الحليب لانه معاه حليب يخف نسبه الامتصاص انا اعشق الجاي بالحليب انه جدا رائع خخخ دعايه الموسم
وعلى فكره حياتو العصاير الطبيعيه فيها سعرات حراريه عاليه فسمعت ببرنامج انه تقدرين تخففيه هالنسبه العاليه باضافه الحليب خالي الدسم لها يصير عصير بالحليب .

تصبحون على خير 3> حبيباتي اشوفكم باجر ​