kloOot diet 2 kloOot diet2 kloOot diet2 19-6(شهر من تاريخه)

[جنان2006]

بيبي جونسون

الحمدلله رب العالمين ماشية بالريجيم والله يعينا إن شاءالله
ماشاءالله ريجيم د.محمد ربيع صحي ومفيد ومتنوع مايحسس بالملل
أنا جربت ريجيم د.ربا عقب ولادتي صج نزلت عندها بس كنت أدوخ وأيوع وايد لأن 3 وجبات فقط باليوم

وانتي اشلونج مع الريجيم عسى مو تعبانة خاصة وقت امتحانات ؟؟

 

[^kloOot^]

بنات شلونكم

انا ريوقي اليوم كالعاده جبن فيتا وتوست من امريكانا


وماى




السناك الظهر 5 حبات تمر




الريوق تكا 7 قطع من امريكانا

سلطه

دايت بيبسي



المغرب 3 حبات تمر



العشاء توست وجبن سلايس



وسلامتكم بعد شوي بحط رااااااااسي بنام


موفقين بنات بالامتحانات


معذوريييييييييييييييييييييين

 

[جنان2006]

هلا وغلا كلووت
عليج بالعافية إن شاءالله

 

[LUXURY]

هلا كلوت
توه مانور المكان
عاشوا بنات كلووووووت شدي الحيل ماشاء الله علينا الله يتمم الاراده والعزيمه
ان شاء الله من نكمل شهر الا كلنا ناقصين مو اقل من6 كيلو ونستمر يا رب


جنان
انتي سويتي ريجيم علطول اول ماولدتي؟؟؟
اشكثر ضعفتي؟؟؟ وجم صارلج والده؟؟؟
انا اول ماولدت ماقدرت اسوي ريجيم وكل مره اسوي اكسره لان اتعب هالمره لله الحمد مستمرررررره ماراح اخربه لين اصير منيكان


بيبي جونسون
بيفتحون تجمع ريجيم ال9 اسابيع
يا حظي عليج حدج دايخه
انا حاطته لج مارديتي علي رحتي عندهم قريتيه وعجبج لووووووووووول
ضحكتيني
سويه احسنلج من خرابيط بو يومين عالاقل مافيه حرمان وتضمنين النزول باذن الله


يالله بنات باكمل ادرس
بنتي ابداع حدددددددها دايخه ومو راضيه تنام شكلها على ماتنام الا انا حدددددددي موصله يا وييييييييييييلي
دعواتكم يكون الامتحان سهل

 

[baby johnson]

الحمدلله والله النفسيه يعني متازمه نوعاااااا ما الله يوفقج حبيبتي جنان



كككككككككككككككككككككك لوكجري امبيه من صجججج
لووووووووووووووووووووووووووووووووول
حسيت اني عبيطه وايد خخخخ

واي ميته من الضحك على روووووووووووحي
والله شكلي بطبقه بس اخلص امتحانات بااجر
وافكر بالموضووووووووع لول
ماخذيتي صيفي ؟؟ انا سجلت مادتين قطييعه ولايعه جبدي ماكو برييك ماكو راحه شي ورا شي الله يكون بعوونا


كلووووووووووووت
احبببببببج حدي مس يووووووووووو والله
ان شاءالله تضعفيين ونضعف معااااااااااااج
بوسيلي جوووووووري فديتها والله

 

[جنان2006]

هلا والله لاكجري الله يخلي لج البنوته الحلوة يارب
عندنا وعندج خير كاهي بنتي يمي مو راضية تنام إلا تبي تشوف توم وجيري

ولدي الحين عمرة سنة ...
وبديت بالريجيم عقب الأربعين بثلاث شهور وسالفتي سالفة ...

ابنتي حمالي الحمدلله سهالات ... بس بولدي بين معاي سكر حمل وتخيلي الدكتورة قالت لي لازم تمشين على نظام غذائي طول فترة الحمل وماتاكلين سكريات حتى التمر ماتاكلينه ، ومن الثامن كنت أروح كل يوم الممشى لين الله سهل علي وولدت بالسلامة...

وطبعا من عقب الأربعين كل شي انحرمت منه وآنا حامل صرت آكله : ككاو - برد - معجنات - مقالي.... بعدين استوعبت وقلت لازم أهتم بأكلي لأن للأسف غلط بغلط ومو صحي فراجعت د.ربا لمدة شهرين تقريبا ونزلت عندها تقريبا 6 كيلو بعدين مليت من الريجيم وهديته لين زاد وزني مرة ثانية

سبحان الله بولادتي ابنتي وولدي ماينزل وزني عدل إلا عقب 6 شهور من الولادة..

وبفضل الله اشتركت معاكم وماشية على ريجيمج انتي وكلوت والحمدلله مرتاحة عليه والله يوفقنا كلنا إن شاءالله وننزل بصحة وعافية يارب
وإن شاءالله تصيرين مانيكان دام الإرادة موجودة وبالتوفيق

 

[baby johnson]

حبيبتي الله يوفقج جنان ..شدي حيلج وكلنا معاااااااااج ترى الحال من بعضه انا عن نفسي ابي انزل من 10-15 كيلوووو هدفي الاول
الله كريم

 

[جنان2006]

يزاج الله خير بيبي جونسون أجمعين إن شاءالله
والله يقدرج ويعينج على النزول بصحة وعافية إن شاءالله

وانا بإذن الله أبي أنزل 7 كيلو

تدرين وايد أحاتي بإذن الله لم ينزل الوزن أخاف أرد أخربط أو يزيد وزني ودي إن شاءالله أثبته والله كريم

 

[baby johnson]

لا بالعكس شوفي حبيبتي جنان لما توصلين الوزن اللي تبينه بتشوفين الرشاقه والضعف اشلون حلوين حزتها لاتخربطييين او بجال لاتنزلين 7 حاولي تنزلين 9 ان شاءالله عشان اذا صار خربطه او شي الا انتي بالسيف ساايد عرفتي

 

[جنان2006]

اي والله صاجة خوش فكرة تسلمين ياقلبي ماقصرتي

وبإذن الله بخلي هدفي 9 كليو والله كريم إن شاءالله

اشلونج بالدراسة خلصتي وإلا بعد؟؟

 

[LUXURY]

جنان
الله يساعدنا كلنا يا رب
اهو الوزن ما يتغير لين سنه من الولاده عشان جذي ماتعبت نفسي
بس انا اخذ حبوب ووزني يثبت فيضيق خلللقي
بس الحين ملتزمه والله يتمم علي وعليكم
اذا نزلت هال9 كيلو يااااااي اصير روعه منيكان نفس ايام الصبا خخخخخ


بيبي جونسون
اذا تبين تبدين ريجيم ال9 اسابيع تره بيبدون فيه من باجر
والله يوفقج حبيبتي


وااااااااي عيوني غمضت وللحين ماخلصت
متى اخللللللص يا ربي
تعبببببببت
الله كريم
ادعولي يا بنات

 

[LUXURY]

بيبي جونسون
باسجل صيفي كله مسكر جبح
انا ابي ورا بعض عشان اخلص وارجع البيت حق بنتي بس الشعب مسكره قطييييييعه
ابي مادتين هونت مابي 3 مايسوى علي طلعة الشمس
ومع الميداني هم باخذ 2
ويبقالي اخر كورس 5 مواد زين
وباحافظ على رشاقتي عشان ريلي يسفرني بالصيف ياااااااااااااي وناسه >>>>حلمي بعد زياده

ميخالف اثار الدوخه نتحلم بالسفر لووووول

 

[LUXURY]

امبيه طقني اليوع جان اروح اييبلي موزه وحليب خالي الدسم
شسوي متعشيه من سنة يدي عصير كيوي وانانا وقوطي روب
يماااااا يعت
باخلص مبجر عشان انام قبل لا اخوره خخخخخخ

 

[LUXURY]

يالله باروح انام كيفه باجي الشغل باقعد الصبح قبل الموعد بساعه واكمل الباجي
امبيه هلككككككككت
الله يعطيني الف عافيه ماقصرت هالكورس

لووووووول

تصبحون على الف خير

 

[جنان2006]

صباح الخير بنات

لاكجري

الله يعينج ويوفقج إن شاءالله
إن شاءالله تلقين مواد وتخرجين على خير يارب

وعلى طاري الحبوب صاجة تثبت الوزن كنت آخذهم بس وقفتهم من شهرين سببولي صداع نصفي عوار وتعب ... وققتهم وماشية على طريقة العد والله كريم إن شاءالله....

 

[جنان2006]

ريوقي اليوم: 3 تمرات + حليب خالي دسم

والسناك بعد شوي بشرب عصير برتقال

 

[جنان2006]

لاكجري ماعليج أمر إذا عندج ريجيم د.محمد ربيع مال رمضان كامل ياريت اتحطينه ...
حماتي تسأل تبي تمشي على نظام معين حق دينها ورمضان إن شاءالله

 

[هــنــــــد]

مرحبا بنات
شلوونكم.. عوافي على قلوبكم حبايب قلبي كلللللكم كلللكم وحده وحده
وموفقين يالغاليييييين


واي امس طااااافكم وضعي
تعذبت تعذببببت.. قمت كليت توستتي طبيعي وشربت عصير بدون سكر

عقبها رحت انا ويا اختي سوق شرق دشينا السينما والعموم طلب بوب كورن.. وما كلييييت انا "ثاني مره".. صج كان خاطري فيه بس قلت طااف الرشاقه ابدى
هذا أول شي
طلعنا من السينما تمشينا شوي.. تالي ودينا عيال اختي ألعبهم.. شنو شفت طبعا
الكورن فليكس اللي يترسووووون قلاصه ككاااااااو ساااااايح.. طبعا بطني قام يصارخ.. لول.. غراامي هذا خو.. امووووت بالككاو
خلصنا لعب قطينا اليهال الحجز بو ساعه مال الألعاب.. ورحنا تغدينا.. طلبت سلطه من ستيك هاوس
بعدين رحنا ستاااربكس
معاناة كل مكان فيه خراب.. لووول.. هم اختي شرت كوفي وانا nothing
بعدين مرينا بيت اختي.. طبعا حلو وقهوه.. وانا هم ولا شي
طلعنا مره ثانيه حق حولي بارك.. نبي جرير.. ولا ندش صوب المطاااعم.. وشفت الككاو السايح بو كورن فليكس
:eh_s(2): AGAIN :eh_s(2):
وااااااااااااي بغيت انتحر امممممس.. نفسيتي تعبت
3 ايام بدون ككاو حد الانجاز
<< مدمنه !!
:0bee2e8d89:
بعد حولي باااارك رحنا الافنيووز حق كارفور.. واختي خذتلها عشا ..انا لأ.. وردينا البيت
واخييييييييييرا


عاد ولله الحمد خلللللص اليووووم كلللله وانا مو مخررررررررررربه
ولا تزعل KloOoT حبيبت قلللبي
:ggdw:

شراااايكم فيني:wqedqw::wqedqw::wqedqw:​

 

[AlZeenah]

هااااي بنااات

الريوق نسكافيه

الغدا شريحتين توست ومرتديلا وقطع جزر +ماي

العشا شوربة

لاكجري انا ماشية على ريجيم طالب الشمري

 

[^kloOot^]

عفيه عليج قزومه


لولو بنتج كبر بنتى تمشي .؟؟ انا العيوزه ماتمشي خوافه باطه جبدي باجر تكمل سنه و4 شهور اعتقد


بنات علييييييييييييييكم بالف عافيه


بيبي جونسون وانا اموت عليج



جنان مشكوره على المشاركات الحلوه


الزينه وينج ماتبينننين وايد


بطوطه وينجج




ام خالد مالج مشاركات اكيييييييييييييييييييييييد تخربطين قلبي حاس



بنات كلكم احبكم والله




باااااااااااااجر باذن الله باذن الله راح اعلن نتيجه حق التجمع الاول





انا اليوم ريوقي توست وجبن فيتتا

+ماى

السناك 5 تمرات +شاى اخضر +ماى



غداى 3 همبرجر مشوي فقط +ماى



عشاى مادري بفكر شنو اكل

وسلامتكم


ولعبت رياضه شوي ومالى خلق امشي اليوم تعبانه وايد ومريضه بروح طبيب