Make OVERs Girls diet بشكل يديد وحماس اكثر حياكم

[عليـاء]

بنات شلونكم
ذبحني المنتدى
جيت بالليل ومادخلني كلش يعطيني ايرور
اتوقع انه مغلق

الله يبارك بحياتكم كلكم
انا امس كلت وجباتي كاملة بس ماخبصت الحمدلله

حساسة
مااتوقع انه ينزل الماي لاني عديت مرحلة نزول الماي دايما
يكون باول مرحلة للريجيم
وبعدين بنات لاحظوا الريجيم كل شي فيه
يعني فيه بروتين اللي هو الدجاج والتونة والبيض وكربوهيدرات اللي الخبر
وفيه فواكه بنفس الوقت
يعني احسه منوع
انا بابدا فيه اليوم مرة ثانية وباشوف كم بانزل ان شاء الله

ستيلا
الروزبيري اكله جذي يعني اخذ احمر غامق واحمر فاتح واخذ بعد فراولة معه
وأكله احيانا اخذ اللي مثلج مال الثلاجات واكله اذا ماابي اكل شي طعمه حلو وايد .

لوو - ام خدوجة - كويتية - روزي - الماسة - ليمونة - هنوفة
والجميع يارب تكونون بصحة وعافية

بنات ترى الفواكة بالليل
لازم صنف واحد يعني يااناناس ياتفاح ياخوخ يافراولة
بهالطريقة

 

[عليـاء]

وينكم بنوتات
شكلكم رقود ههههههههههه
أنا توني تفطرت

1 شابورة
لبنة لايت
شاي

وباطلع اروح الصالون
وقبل مااطلع باسوي تمارين معدة ويد

 

[Loving Stella]

صباح الانانس و الكيوي و الروزبيري والشابوره وكل اكلات الرجيم
شلونكم؟
علوويه اي المنتدى معلق كان و بطئ
انا معاج اليوم و حساسه بعد ولو كلنا ماشين على رجيم 5 ب 5 ان شاء الله

بس بغيت اسألج علويه يصير ابدل التوست ب كورن فلكس؟ ولا التزم فيه افضل؟

 

[Eng_7asasa]

قوة بنااات انا فازعة من الصبح 8 و شي

كليت توستين سمرا مع لبنه و حليب لمن الحين اشرب فيه

واااي خاطري بعصير الاناناس

بنااات اشلون احفظ المواضيع المفضلة عشان مو كل ساعة ادورهاا؟

 

[Loving Stella]

هلا حساسه حبيبتي

تروحيم فوق على شكل النجمه مكتوب ّfavorites
تضغطين عليها
و تحطين ادد و تحفظين الموضوع كلما دشيتي على سايت او صفحه حفظيه بهالطريقه

 

[Eng_7asasa]

مشكورة ستيلا حبيبتي ما تقصرين

الله يصبرنا على هل الرجيم الحلو انه خمس تيام بس عشان ما انمل

بس المشكلة اني مااحب التونة ما اتستيغ طعمها شسوي بهل الحالة؟

 

[Loving Stella]

العفو حبيبتي حساسه

آمين ان شاء الله تمر هال 5 ايام بدون لا نحس فيهم

حساسه اتوقع بديل التونه السمج

 

[Eng_7asasa]

اتوقع ستيلا بس انا بمشي على حذافيره

اليوم غداي ان شاء الله بيضيتين و توسته

 

[Loving Stella]

اي ان شاءالله
بس جنه اوليوم توسته وصدر دياي ولا انتى مبلشه من امس؟

 

[ليمونه79]

صباح الخير بنات اشلونكم انا تريقت 7زيتونات وشوية جبن لايت وحليب وبس

 

[هـدوء]

السلام عليكم ورحمه الله وبركاته ....

وحشتوني ...وحشتوني .....وحشتوني ....

انا دايما ادخل اقرأ بس ما عندي وقت اشارك ...

انا معاكم اليوم باديه ريجيم 5 الأيام ....وإن شاء الله نضعف يارب ...

علياء ...كنتي تسوين معاه رياضه ؟؟؟وكم المده ....

انا اليوم تريقت توستين وحليب بس ...وما لقيت حليب قليل الدسم شربت حليب كامل الدسم نص كوب ولغيت اللبنه ....

 

[Eng_7asasa]

لا انا عافسه الايام

عشان في ايام الجامعة عرفتي اتوقع ما يأثر صح لانه نفس الايام

 

[عليـاء]

هلا بنات شلونكم
يارب تكونون بخير كلكم

ستيلا
لا حبيبتي لا تغيرين للكورن فليكس
بديل التوستين يكونون شابوا وعددهم 3
يعني 2 توست = 3 شابورا
الحليب = شاي أو قهوة ممكن بدون سكر انا استخدم البني
التونة = سمك بس خفيف مثل السالمون مو اي سمج

هدوء
فديتج وحشتينا وايد
اي يالله نبدا مع بعض ان شاء الله ونضعف بخير
لا والله ماكنت اسوي رياضة بس كنت اسوي تمارين معدة بعض الاوقات
اتحرك بالدوام وايد اشرب ماي وايد
وترى صج الماي يسد النفس

ليمونة
بالعافية عليج أكلج

انا باحاول امشي اليوم لو 20 دقيقة

 

[عليـاء]

توني تغديت
- شربت ماي قبل الغدا
- صدر دجاج وتوستة

 

[Loving Stella]

اهلا اهلا هدووووء شلونج من زمان عنج ولهنا عليج

شخبارج


علووويه بالعافيه الغدا و ان شاء الله بلتزم فيه بالضبط و الاياء الي راح اكون فيها صايمه مادري شلون .. الله كريم و تتسهل

حساسه اي الايام نفسها انتى شوفي الي يريحج مع الدوام لانه اخاف تتعبين انا دوامي مرتين بالاسبوع يتأخر فا فحاول اقزرها ماي لي الغدا الله كريم ان شاء الله

ام خدوجه و كويتيه ولوو و باجي البنات وينكم عساكم كلكم بخير يارب

 

[Eng_7asasa]

بالعافيه علوويه حبيبتي

مايصير نشرب دايت مرة باليوم ؟؟

ذبحناج بالاسئله

اي والله ستيلا انا جذي احاتي سالفة الدوام لانه يومين بالاسبوع متعب دوامي يعني من 8 لي 3 وشي مادري شبسوي اكلي سلطة دياي مسلوق مادري الله كريم مشكلة رفيجتي تنطري اكل معاها بالبريك واذا قتلها مسويه رجيم بتقولي

اكلي سلطة اوف استغفرءالله لو مو هل اليومين بس بشد على نفسي لي متى يعني

كلهم خمس تيام يعني لو انزل بس 3 كيلو نعمة عندي

هدوء شلونج حبيبتي ولهنا عليج بلشي معاناا بالرجيم تخيلو بنااات انقل كلنا 4 كيلوات

 

[om.5doja]

السلام عليكم

شخبااااار الحلويييييييييييين

الله يتمم عليكم هالنظام وان شاءالله بإذن الله تضعفون بصحه وعافيه

ياااااااااااااااارب حساسه تكسرين السبعينات

ستيلا تكسر التسعينات

لووو تكسر ال 3 ارقام اللهم امين

علوووويه تكسر السبعينات اللهم امين

كلكم مابقالكم شي وتكسرون اهدافكم

الله يسهل علينا جميعا اللهم امين

ستيلا حبيبتي بخصوص الصيام انا بعد بصوم وامشي عليه

فطوري بتفطر على نسكافيه وبعد الصلاه الفطور يكون الريوق

وبعدها بساعتين او 3 الغدى وقبل لا انام او السحور يكون العشا

والله يسهل علينا اللهم امين

كويتيه حبيبتي شخبارج ان شاءالله اوكي عقبالي انا وياج مانكسر بعد انتي السبعينات وانا التسعينات اللهم امين

الله يوفقنا اجمعين اللهم امين

 

[عليـاء]

هلا فديتكم بنات
لاوالله حساسة وشو ذبحتيني بالآسئلة فديتج عادي
مدري والله بالنسبة لدايت بس والله انا كنت صريحة هههههههههههههه وقلت لكم كنت
اشرب عصير رابينا لمدة 4 ايام عشان فقر الدم بس هالمرة قلت بالتزم فيه مثل ماهو
وصح كنت احط سكر بني مع الشاي وطبعا هذا الصبح عشان ماتصديني دورة ومع التونة كلت
توستين لأني ماقدرت اكله جذيه خالي

ام خدوجة
الله يتمم على الجميع فديت قلبج
ونشوف الكل ضعف بصحة وعافية

بالعافية عليكم اكلكم
انا ادري النظام صعب مع الدوام الطويل مثل الجامعة

 

[عليـاء]

حساسة
لا تقدرين والله - قولي لها مسوية ريجيم وخلها تعرف
ترى والله مافي اكثر من تطلع وتروح مطاعم وطلعت مرتين مع صديقتي وهي ضعيفونه
اقولها باشرب شاي اخضر وماي وهي بالعكس تشجعني تقولي خلاص انا باطلب سلطة وعادي
ترى انتي قدوتي والله دوم اتذكر كلامج لما تقولين الأكل مو طاير انت صكي على نفسج بس هالخمسة ايام
وشوفي شلون شهيتج بتقل ولاتشتهين تاكلين فديتج

يالله يالله كلنا نبي نلبس جذي بنات
والله الأكل مو طاير كنت حاطه في بالي اشكثر اكل اكلات بعد الخمس الايام
والله ماكلت ولاشي منهم لأنج بتشجعين اكثر لما تضعفين وتقولين ليش اخرب تعبي كله واصلا
مابتشتهين

 

[om.5doja]

حبيبتي علوووويه تسلمين

اللهم امين يارب العالمين