اسعارالولاده بالمستشفيات الخاصة(تم تجميع المواضيع المتشابهه)

[New Mum]

رد: السلام عليكم

الله يهون عليج و تولدين بالسلامه
والسهاله من رب العالمين ادعي ربج دايما بهون الطلق و حسن الخلق ..
بالنسبه للمستشفى انا ارتحت لدار الشفا و دكتورتي كانت من بره ماجده اليتامى ..
و احس انه اقرب من المواساة على ما توصلين إلا انتي واصله حدج ..
و ساره اسم حلو و انترناشونال

 

[ناني سيكرتس]

رد: ناوية اولد بالخاص شلون ناخذ خصم

انا ريلي بالحرس سوولنا مستشفي هادي خصم يا 10 او 15 % .

 

[$$مذهلة$$]

رد: ناوية اولد بالخاص شلون ناخذ خصم

اول مرة ادري !!

يالله حق المرة الياية

 

[مسك 3]

رد: ناوية اولد بالخاص شلون ناخذ خصم

الدفاع عندهم خصم 15% مستشفى هادي والمواساة

 

[nice smile]

رد: ناوية اولد بالخاص شلون ناخذ خصم

الاوقاف بعد سوولي خصم بمستشفى الهادي مع انه كتورتي من برا

 

[ام ربى]

رد: ناوية اولد بالخاص شلون ناخذ خصم

الاوقاف بعد سوولي خصم بمستشفى الهادي مع انه كتورتي من برا

لو سمحتي بس عطيتيهم بطاقة الدوام و لا هم في نقابة لازم تشتركين فيها؟
و شكرا

 

[أم بدير]

الي يبي يشوف رويال حياة ويعرف عنه

مستشفى رويال حياة
صرح طبي عالمي تحتضنه الكويت لتقديم أفضل خدمات الرعاية الصحية في مجال الأمومة والطفولة والتجميل

يعتبر مستشفى رويال حياة باكورة للمشاريع الصحية التي تفخر بتقديمها "شركة سما للخدمات الطبية" والتي تجمع بين قطبين شهيرين في تطوير وإرساء دعائم الاقتصاد الكويتي، وهما "مجموعة الغنام" و "مجموعة الملا" برأسمال بلغ 3ملايين دنار كويتي في حين بلغت تكاليف تطوير "مستشفى رويال حياة" نحو 21مليون دينار كويتي.

ولن يكون التميز محصورا في توظيف أفضل الكوادر الطبية التي لها خبرات شهيرة في علاج حالات الحمل المستعصية ومتابعتها وتقديم الخدمات الرائدة خلال وبعد الولادة، بل وسيتميز "مستشفى رويال حياة" ببيئة عمل رائدة قائمة على المتابعة الدقيقة والمنظمة، لضمان صحة السيدة الحامل وطفلها، معتمدة على عايير طبية عالمية تطبقها بالتعاون مع الشركة الكندية الشهيرة "انتر هيلث للخدمات الصحية" المتخصصه في انتقاء وتجنيد أفضل الكوادر الطبية في العالم في تخصصات الحمل والولادة والتجميل ورعاية الأطفال الخدج.
يحتوي المستشفى على 88سريرا تشمل 49 جناحا فاخرا 18 غرفة للتوليد مجهزة بأحدث تقنيات الرعاية والمتابعة، و6 غرف للعناية بالأطفال الخدج لإجراء الفحوصات عليهم والتأكد من سلامتهم بعد الولادة، إضافة إلى وحدة للعناية الفائقة بلأطفال الخدج مجهزة بتقنيات غاية في التطور وتشمل 8 حضانات هي الأحدث والأكثر تطورا في العالم.

هذا وقد منح المستشفى التخصصي الجديد آمالا كبيرة للأسر التي تعاني من عسر في الحمل وذلك عبر وحدة "البروفيسور إيان كرافت" الخاصة ب "أطفال الأنابيب" التي أقيمت وففق أحدث التقنيات تحت اشراف البروفيسور العالمي الشهير "إيان كرافت" والمعروف بأبحاثه العلمية الكبيرة في علاج حالات ضعف الخصوبة والحمل لدى النساء.

وهذا المستشفى بشكل عام

وهذا الريسيبشن

وهذي الاستراحة

وهي وحده من الغرف (طبعا مو أفضل الغرف)

الموضوع منقول من مجلة M2 (مجلة الموقع)​

 

[Filakawyia]

رد: الي يبي يشوف رويال حياة ويعرف عنه

صح يقولون يهبببببببل من داخل و فيه غرف فيها حدايق مصغره صج ؟؟

بس وايد غالي اللي خذت قرض عشان تولد اهناك

اشدعوووووووووه ايدها ذهب اللي تولد ولا شنو ؟

 

[أم بدير]

رد: الي يبي يشوف رويال حياة ويعرف عنه

صح يقولون يهبببببببل من داخل و فيه غرف فيها حدايق مصغره صج ؟؟

بس وايد غالي اللي خذت قرض عشان تولد اهناك

اشدعوووووووووه ايدها ذهب اللي تولد ولا شنو ؟

اي حبيبتي في غرف معاها حدايق
وغرف الحضانات موصله بشاشات لي غرفة الام عشان تتاب ولدها على مدار الساعه عشان تتطمن انهم دايرين بالهم عليه
هذا غير خبيرة المساج والترديد بعد الولاده اللي تييج تسويلج مساج كامل مع التزييت

على هالديكورات والخدمات مايسوى المستشفى؟؟
والله بالنسبه لي يسوى ونص
لو المستشفيات الباجي يحطون نفس الخدمات ويزيدونها على سعر الولاده بيصير نفس السعر اذا مو زود عدل؟

 

[&ام عبدالله للخلطات والأعشاب&]

رد: الي يبي يشوف رويال حياة ويعرف عنه

صاجة فيلجاوية
الله يرحم حريم اول يدتي و يدتج شلون ولدواااااا
ماادري احس من الاسراااااااااااااااف شدعوة اخذ قرض ودين عشان اولد
ولا يبون يطيحون القروووض
لا بالله لا طبنا ولا غدا الشر

 

[Filakawyia]

رد: الي يبي يشوف رويال حياة ويعرف عنه

اللي عندها خل تولد اهناك عليها بالعافية . . .

بس مو قروض و عفيسه عشان تولد . . . ماتسوى عليها ولدها يطلع معوق ولا فيه شي

لا و كل هذا و بالاخير يطلع عاق و مايسمع الحجي شاق القاع و قاعد

شالفايده من هالولادة بالله

و على قولتهم التساهيل من رب العالمين سواء بحكومه ولا الخاص

بس صح بعد الولاده الوحده تحتاج الراحه اكثر . . . و اهمه يقدمونلج راحه لا توصف

بس اللي ماعندها خل ترتاح بدار الشفا ولا ببيتهم هههههههههه

 

[سارا ديور]

رد: الي يبي يشوف رويال حياة ويعرف عنه

واااااااااااااااو

مشكوووووره حبيبتي واااايد حلو

 

[بنوته كيوت]

رد: الي يبي يشوف رويال حياة ويعرف عنه

يستاهلون اهل الكوييت

 

[ضحكة الدنيا]

رد: الي يبي يشوف رويال حياة ويعرف عنه

بصراحه روووعه ويستاهل
وخدماته مميزه
الله يهنى اللى بتولد فيه بس عاد مو تاخذ قرض علشان تولد فيه
ومشكوووره حبوبه على النقل المميز للموضوع

 

[ღ•»الًـجٌـوِرٌيّ«•ღ]

رد: الي يبي يشوف رويال حياة ويعرف عنه

مشاء الله روعه والله شكله يهبل

جنه فندق 10 نجووووووووووووووووم

تسلميييين وفعلا خدماته واايد حلووه

 

[أم بدير]

رد: الي يبي يشوف رويال حياة ويعرف عنه

لا عاد شحادني اخذ قرض
اذا عندي اولد وانا مرتاحه
ماعندي ماله داعي اتقصقص واخذ قرض يقصون مني جم سنه عشان ولادة يوم؟
وعشان ياهل كل يوم بيطين عيشتي بجي وتررجيع وحنه وباجر بدرسه واكفخه ويرفع ضغطي وييبلي السكر

عساني ماولدت هناك
خخخخخخخخخخخخخخخخخخخخخخخخ

يالله انشالله ربي يرزق الجميع وكلنا نولد هناك بدون قروض قولوا امين
:eh_s(17):​

 

[brownness]

رد: الي يبي يشوف رويال حياة ويعرف عنه

كل واحد يمد ريولة على قد لحافة يعني شدعوة اخذ قرض انا الي اقدر عليه دار الشفا والحمدالله خدمتهم حلوة ووايد ارتحت ولا اني اروح الحكومة مارتاح هناك

دخلتة حق رفيجتي والدة هناك وايد حلو بس جنة فندق ماجنة مستشفى

 

[Q8!a]

رد: الي يبي يشوف رويال حياة ويعرف عنه

Wooow cwl

5 star hospital

 

[شاهة]

رد: الي يبي يشوف رويال حياة ويعرف عنه

بنات بجم شوقتوني جم يعني الولادة فيه ؟

 

[*ستايل*]

رد: الي يبي يشوف رويال حياة ويعرف عنه

شحلاااااااااته يهبل