يوميات المشتركات((بريجيم المطوع مع ام عزيزان))

[ام عزيزان3]

رد: يوميات المشتركات((بريجيم المطوع برمضان مع ام عزيزان))

ام عزوز

تبين تفتحين تجمع ثاني ولا

نفسه بس نشيل كلمه رمضان

من العنوان ؟!

والله كيفكم شنو تبون,,,اذا يصير شيلي رمضان ونكمل بعد مشرفتنا مانقدر نقولج شي

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

بعد عمري ام عزيزان فقدنااج شلونج شخبارج ؟؟

وبالنسبه حق التجمع انتي شنو يريحج تبين موضووع يديد فتحي موضووع يديد ..

اذا تبينه نفسه عادي نكمل و اعدله ..

 

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

السلام عليكم ياحلوين

شخباركم ان شاء الله بخير وعافيه؟

ولهت عليكم قلت اسير اشوف شلونكم مالونكم؟

الله يعينكم يا ابلات على الدوامات اقرو على نفسكم والله ييسر عليكم هالسنه يااارب ويكافيكم شر الامراض

شيووخه نبي التجمع نفسه اهني تعودنا على هالصفحه بس شيلي كلمه ارمضان ماعليج امر

ام عزيزان شلووونج ؟ عساج طيبه؟ هاا بشرينا شافج الدكتور؟ اول مايعطيج نظام بعد العيد بلغينا

صج يزاكم الله خير خذيتو فينا اجر

 

[بقاياالليل]

رد: يوميات المشتركات((بريجيم المطوع برمضان مع ام عزيزان))

بنات شلونكم لكم وحشه هالكبببببببببببببببببببببببببببببببببببببببببر
الامور للحين مسيطر عليها

 

[NaNa88]

رد: يوميات المشتركات((بريجيم المطوع برمضان مع ام عزيزان))

قوووووووة بنات شلووونكم والله انتي فقدتكم وولهت عليكم
انا اقووول خلونا بنفس التجمع احسن تعودنا عليه

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

ان شاء الله تم فديتكم و الله ولهت علييييييكم

يالله عاد خلوونا نعيييييد نشاطنا وروووونا همتكم مره ثانيه ..

 

[ام عزيزان3]

هلا والله فيكم كلكم لكم وحشههههههه
انشاءالله كلكم بخير وعافيه,,شلونكم مع الصيام تصومون ولاخلصتو؟؟انا اليوم ثاني يوم من شوال بأذن الله اخلص الخميس ويمكن اكمل البيض وياه....
انا موعدي الاحد الصبح عند الدكتور والله خايفه تصدقون...صج بالميزان مبين كيلوين بس احس روحي منتفخه مادري ليش
والله من داومت بنص رمضان وانا حاسه بهالشي,,لي الحين ذابحيني بسالفة ضاعفه حيل وبسج لي متي لي الحين انتي بالريجيم,, وحتي اذا بروح موعدي الصبح وبستأذن من الدوام ماني قايله وين بروح احس الكل مبقق عيونه علي يكافينا شرهم يييييييييييييييييو من عيونهم تقط الطير من السما:krkrkr:

 

[شيخه***البنات]

هلا ام عزيزاااااان ..

انا توني مخلصه من االدوره و اليوم اول يوم بصوم ديني بعدين بصووم 6 من شوال ان شاء الله شكله ماراح يمديني !


الله يووفقج ويبعد عن العيييييييين اقري على رووحج يامعوده الناس ماتعطي خير مرات ...

 

[شـــفـــافـــه]

الحمدلله بعدنا بهالنشاااط انا اليوم خلصت شواال الحمدلله وضاق خلقي صج تعودت عالصياام

والحين اخاف نظامي يتغير ويعتفس

فطوري اليوم تمر وسلطة وشوربة دياي

بعد الصلاة اكلت 6 حبات ربيان ويا قطعة صغيره سمج

وبس ما اكلت شي كلش عالساعه 10 شربت جاي زنجبيل والساعه 11 ونص اكلت 5 حبات بطيخ

و3 حبات رول دياي وحبتين بف باستري جبن وبس الحمدلله

 

[شيخه***البنات]

علييج بالعافيه حبيبتي شفافووو ..

انا اليوم تفطرت ..

ماي بعدين صليت نطرت لي الساعه 8 ونص وبعدين سويتلي صمونه فيها برجر وجبن ومايونيز وماسترد كلهم لايت ..

الساعه 12 كليت 3 حبات بسكوت ..

الحين كلش مو يوعانه بس اشرب ماي ..

بسألكم اليوم جم من شوال ؟؟

 

[مدرسة طفشانة]

اليوم يا شيوخة 8 شوال الله يعودنا وياكم بالصحة والعافية

 

[شيخه***البنات]

مدرسه طفشانه ..

بعد همري مشكووووره اللهم اميين يارب العالميين ..

عسى ربي يعطييج على قد نيتج يالغاليه ..

 

[ام عزيزان3]

السلام عليكم
شلونكم,,الله يعطيكم الصحه والعافيه وتنزلون بعد وبعد
اليوم تفطرت تمره وشوربا وسلطه ونطرت فوق النص ساعه,,عقب كليت صمونه وحده من كلحه من قبل رمضان مشتهيتها
وامس سحوري تبوله وروب و3شرايح اناناس فريش
واليوم هم سحوري خفيف

شفافه مدامج خلصتي صيام لاتخربطين حسافه
اهم شي تنظيم الوجبات مو كل يوم تاكلين بوقت مخربط خلي ريوقج علي الاقل عقب ماتقومين بساعتين ويكون
:1توسته سمره+جبنه لايت او لبنه او بيضه+خيار طماط+حليب خالي الدسم (ونسكافيه حسب الرغبه)

وغداك:سلطه صلصه فري او ليمون وزيت+همبرجر1+ربع خبزه سمره او توسته
او سلطه+4قفاش عيش+لحم اودياي اوسمك
واذا مليتي تقدرين تبدلين البروتين(كوب نخي اوفول)
او من صب وي صمونه نص سمره انا عن نفسي احب الجبن مع كل الخضره وصلصه لايت

وطبعا ماي قبل كل وجبه,,وتقدرين تشربين بيبسي لايت

والمغرب((1فاكهه ماعدا المنجا والموز او4 حبات تمر او 1كاكاو وسط حجم الكتكات))+شاي او قهوه بشكر ريجيم

العشاء((روب اكتيفيا+5شرايح رقي
او 1توست+عكس الريوق+خضار+حليب خالي الدسم+حبة فاكهه...وزعيهم احسن اول الفاكهه عقب بساعه عشاك
او من لو فات شيس لاتس راب
او همبرجر1+1توست+1سلايت وشوية كتشب مع خضار
او سلطه +من سيخ ال2 مشوي شيش طاووق او كباب بدون خبز
ويفضل التنويع كل يوم اختاري شي علي العشاء

وكل مالغيتي النشويات علي العشاء كل مانزلتي اكثر
ولازم تحسون باليوع علشان تضعفون
واذا تقعدون متأخر من النوم تتكنسل وجبة الريوق وبدالها نسكافيه حليب خالي الدسم +قفشه ونص نسكافيه وسكر ريجيم+1حبه بسكوت دايجستف وعقبها بساعتين تغدين

 

[شيخه***البنات]

اليوم صايمه بعد ..

تفطرت .. 3 حبات فلافل + خبزه خفيفه + 3 قفاش كشري + قفشتين حمص ..

وطول الوقت ماي ..

قبل شوي شربت كوب اعشاب و ليلحين شبعانه ..

***

ام عزوز هذا اللي حطيتيه الرجيم اليديد !؟ ..

 

[مدرسة طفشانة]

مدرسه طفشانه ..

بعد همري مشكووووره اللهم اميين يارب العالميين ..

عسى ربي يعطييج على قد نيتج يالغاليه ..

تسلمين لي يا أحلى شيوخة
وبمناسبة تجمعنا اليديد ودي أهدي لج أغنية بشار وميامي ( يا شيوخة ) :tek:

 

[شيخه***البنات]

مدرسه طفشانه ..

الله يسلمج بعد عمري ...

مشكووووووره عالاهداااااء :* ...

 

[ام عزيزان3]

اليوم صايمه بعد ..

تفطرت .. 3 حبات فلافل + خبزه خفيفه + 3 قفاش كشري + قفشتين حمص ..

وطول الوقت ماي ..

قبل شوي شربت كوب اعشاب و ليلحين شبعانه ..

***

ام عزوز هذا اللي حطيتيه الرجيم اليديد !؟ ..

لاحبيبتي شيوووخه هذا من ريجيمات الي قبل بس الحلو ان منوع وعندج اكثر من خيار

بس للي يحب يكسر نوعية الاكل خصوصا بعد رمضان((سوي يومين قطع النشويات ويوم سوائل و4 ايام الريجيم الي حطيته امس))
قطع النشويات:الريوق 2بيضه مفيوح او مقلي بشوية زيت زيتون+حليب خالي
بين الريوق والغده استكانة مكسرات بس مو محمصه مملحه عادي
الغده مشوي مع سلطه
المغرب نسكافيه او شاي((او اذا بتخلين المكسرات هالوقت تكنسلين الضحا))
والعشا 3 شرايح جبن اي نوع لايت حتي لو حلوم وسلطه
الحلو بالنظام قطع النشويات ينزلج بسرعه بس ماطولين يوم وترك
وتقدرين تبدلين الريوق بالعشا

ونظام السوائل اعتقد اغلبكم عارفينه((طول اليوم لج انواع العصاير حتي الي فيها شكر عادي+الفاكهه ماعدا المنجا والموز+روب وحليب ولبن خالي الدسم مسموح طول اليوم+سلطات+شوربات خفيفه خضار (العدس مره باليوم وتكون شعريه خفيفه)
التمر ممنوع وحاولي ماطوف ساعتين الا انتي ماكله شي لان النظام صعب حتي لو تشربين 18 عصير باليوم عادي
وكثروا من السوائل وبتشوفون بتخقون من يوم واحد,,واحسن العشا يكون 3كيوي بالخلاط مع عصير اناناس يشبع ويحرق 7 ساعات نوم((وانتي نايمه شغااال الحرق))

 

[NaNa88]

بنااااااااااات انتوا اهني انا ويني عنكم ام عزوز الحين شنو الرجيم اللي نبدي فيه انا عندي رجيمات المطوع اللي حاطتهم بنت الكويت بقسم الانظمه الغذائيه قلت ابدي فيهم ولا اشرايج ؟؟؟ لاني خلصت صيام قلت ببدي من باجر رجيم احس شوي خرتها يومين بس

 

[شيخه***البنات]

ام عزوز يعطيج العافيه بعد عمري ماقصرتي ..

بس الحين شنو بتبدووون بأي رجيم فيهم عشان نبدي ويا بعض ..

 

[ام عزيزان3]

بنااااااااااات انتوا اهني انا ويني عنكم ام عزوز الحين شنو الرجيم اللي نبدي فيه انا عندي رجيمات المطوع اللي حاطتهم بنت الكويت بقسم الانظمه الغذائيه قلت ابدي فيهم ولا اشرايج ؟؟؟ لاني خلصت صيام قلت ببدي من باجر رجيم احس شوي خرتها يومين بس

هلا فيج نانا..:ggdw:
حبيبتي شوفي النظامين الي حطيتهم لج فوق,,بما ان وزنج قريب من وزني انصحج بملوتي:ggdw:
حلوه ملوتي والله صارت عندنا خبره من كثر الريجيمات الي سويناها

شوفي قزري باللي حطيته اسبوع علي الاقل علي مااروح الاسبوع الياي(الاحد) واحط لكم النظام اليديد الي يعطيني مع اني مااعتقد في شي يديد,,استهلكت كل الانظمه واعرفهم كلهم عندي من العام,,بس ياللا زيادة الخير خيرين
مشكلتي لو امشي نص ساعه كل الي بقي يروح((بحاول امشي بالدوام باجر))بالبيت ماكو وقت كلش وبعد مالي خلق