وناستنا في رشاقتنا (( الجزء الثالث ))

[just-me]

شلونكم ياحلوين .... موفقين ان شاء الله

 

[FuLL.MooN]

السلام عليكم ) الحمد الله بخيير انتي ؟ل

 

[Ya7aLaTi]

السلام عليكم..


شلوووونكم ؟


وحشتووووووني وااااايد والله :$


والمنتدى المليق كان ما يبيني :jumpon:.. زعلان الظاهر لوووووووووول .. كل ما أسوي تسجيل دخول يعلق ... الحين جنه رضى علي


المهم...

الرجيم الحمد لله صارلي 5 أيام ملتزمه...

أطلع حق الكليه ما آكل إلا علج <<< خو لازم هالعلج.. ما أمشي بدونه .. وبس آكل بالبريك.. وأرد من الكليه أنام... يعني وجبه وحده باليوم...

وأمس يمعتنا وما قعدت وياهم عالغدا علشان ما آكل... خذيتلي شويه تبوله ورحت جابلت التلفزيون بعيد عنهم ... والعصر شربت نسكافيه...


واليوم ريوقي كان عصير أناناس KDD .. وليلحين ما تغديت...



وبالنسبه حق الوزن..


الوزن السابق: 70.700 <<< السبت إلي طاف..

الوزن الحالي: 69.700

الفرق: - 1.00


وموو نازله شي عن أمس ... أمس واليوم نفس الرقم معني ملتزمه ... مابي وزني يعلق علشان ما أتحبط وأخوره


<<< أحس قرقت وايد

 

[dяέἆᶆ qûếếἦ]

مرحباااا بنات

اشلونكم حبايبي سوري لاني قليل ما ادخل بس امتحانات ونت يررررررفع الضغطموبس المنتدى بطى كل شي عنذي بطي

المهم وزني كان 62.5واليوم وناسه نازله 4 جرام حلوووين بالنسبة لي 62.1

وهدفي للعيد60 إلى 59 يارب

فول مون ليش تقولين هالكلام ترى انتي الي اتحبطين نفسج بنفسج ترى كلنا نخربطواولكم انا وكاني نزلت 4 جرام خربطي بس بعقل
يعني لو قبل كل لقمة فكرتي ولاتقولين في مقاسي انا الحين قل مقاسي من عقب الارجولاكس لارج البس ميديو واطمح للسمول والحمدلله قبل 6 اشهر ادخل السوق مافي شي قدي والي بخاطري اخذه لاختي عشان لاضعف البسه <<<حاله كسيفه

الحين كللللللللللللللللللللللللللللللللل شي يلبسني محلات احلم القى الحين اشتري لا ووسيع واقولج قبل جمشهر كنت 66 قبل 73 المهم وعجبني جينز من غااب مت عليه قالت امي مافي ضيج حده حده اشوي وابجي قلت يمه انا اسوي ريجم وكاني قاعذ انزل قالت اوكي والحين والله وسيع شوووي واحسه بيطيح اشرايج ماافي شي مستحيل اكلي كاكاو اكلي عيش الي بخاطرج بس بكميات جوعي معذتج عشان تجوع وراء الاكل لهي عمرج وانسي الاكل خساره خساره خساره تخيلن نفسج عقب تنذمين نصيحه لوجه الله انا بنات خالتي وقبلي يعورني عليهم خصوصا انهم اصغر مني الله يقوي اراذج ترى الاراذه مهمه بالاول عقب نظام حياتج يتغير صدقيني

من من تعجبيني ماشاءالله عليج good Luck

 

[miss_lymoona]

السلام عليكم..


شلوووونكم ؟


وحشتووووووني وااااايد والله :$


والمنتدى المليق كان ما يبيني :jumpon:.. زعلان الظاهر لوووووووووول .. كل ما أسوي تسجيل دخول يعلق ... الحين جنه رضى علي


المهم...

الرجيم الحمد لله صارلي 5 أيام ملتزمه...

أطلع حق الكليه ما آكل إلا علج <<< خو لازم هالعلج.. ما أمشي بدونه .. وبس آكل بالبريك.. وأرد من الكليه أنام... يعني وجبه وحده باليوم...

وأمس يمعتنا وما قعدت وياهم عالغدا علشان ما آكل... خذيتلي شويه تبوله ورحت جابلت التلفزيون بعيد عنهم ... والعصر شربت نسكافيه...


واليوم ريوقي كان عصير أناناس KDD .. وليلحين ما تغديت...



وبالنسبه حق الوزن..


الوزن السابق: 70.700 <<< السبت إلي طاف..

الوزن الحالي: 69.700

الفرق: - 1.00


وموو نازله شي عن أمس ... أمس واليوم نفس الرقم معني ملتزمه ... مابي وزني يعلق علشان ما أتحبط وأخوره


<<< أحس قرقت وايد

منوووي مبروووووووووووووك :weight_lift: عاشت

مشتاقتلج :eh_s(7):

 

[laura mercier]

موفقين بنااات

 

[mn.mn]

مساء الخير

الحمد الله اليوم وايد بنات طلوا وكنا فااااااااااااااقدينهم

يا حلاتي بعد عمري والله مكانج خالي والحمد الله انج ملتزمة وان شاء الله توصلين قبل نهاية السنة للي تبينه ما بقالج شي

رفيلو بعد عمري والله تسلمين على التشجيع وموفقة يا قلبي

جسوووووووووووووووووووووووت فديت هالطلة والله

لورا هلا والله بالغالية وينج من زمان وبشرينا عنج وين وصلتي ؟

------------------------------------------

انا الحمد الله لي الحين ميه ميه ولا فراخ الجمعية رحت سوق السالمية لعبت الياهال وخذيت حق غداي صمونة شيش طاووق

شلت منها تقريبا نص الخبزة وكليت معاها فتوش بدون الخبز وشوي سبرايت والحين باخذ سناكي ككاو وسط + قهوة عربية

وقبل ما اطلع مشيت على الجهاز وعشاي راح يكون عصير كيوي واناناس ويمكن تفاحة وبرتقالة

 

[مس يو]

السلام عليكم شلوووووووونكم تمام ....؟؟

يومياتي:

الريوق: حليب جاي + شوي حمسة طماط ونص خبزة ..

ورحت النادي بعدها ولعبت ساعة ونص تقريبا.. وقبل شوي راده ميته يوووع وناوية اكل فواكه بعدها اشوف شنو اتعشا...

سي يووووو....

 

[Ya7aLaTi]

أنا باااااااك...


مساع طلعت ولد اختي واختي الصغيره المركز العلمي وماكدونالدز... وااااي شكل الأكل كان يغري لووووووول بس ما كليت شي :eh_s(9):

خذيتلي بس بيبسي دايت <<< يازيني وأنا جذي ملتزمه :eh_s(22):





منمن وليموونووو.. فديتكم والله :*.. وحشتووني كتير كتير :eh_s(22):

مس يووو.. بالعااافيه حوووبي :*... ولهانه عليج وعلى سوالفوووج.. من زمان ما كلمتج




بقوم أنام أنا.. تصبحوووون على خيييييير :*

 

[عروووب21]

مرحبا بنات مبرووووووووووووووك منوي الوزن اليديد

ماشاء الله خبري فيج يوم كان وزمج بالتسعين جان ماخاب ظني او بالثمانين مبروووووووووووووووووووك

يارب توصلين الستينات

والله شكلي بانظم لكم احس ان تجمعكم فيه حياة شوي على الاقل فيه ناس اعرفهم


دخلت كذا تجمع بس جني لحال في اغلبيتهم وفيه تجمع نايدخله الا قلييييييييييييييييل وراعية التجمع بس

ومشكوووووووووووووره من من على الترحيب

طبعا بما اني ضميت نفي لكم <<<على كيفها والله


اليوم كلش مخربتها بس ما انلام الخاله شرفت ولازم اول يوم ارحب فيها ترحيب حار بكل مالذ وطاب

بس بجر ياويلها مني وما قدرت اوزن عقب رجيم الاندومي عساس باوزن اليوم بس الحمدلله على كل حال


باجر سلطات وشوربات بس وشاي اخضر لحد ماتخلص الحبيبه

 

[مس يو]

أنا باااااااك...
مساع طلعت ولد اختي واختي الصغيره المركز العلمي وماكدونالدز... وااااي شكل الأكل كان يغري لووووووول بس ما كليت شي :eh_s(9):
خذيتلي بس بيبسي دايت <<< يازيني وأنا جذي ملتزمه :eh_s(22):

مس يووو.. بالعااافيه حوووبي :*... ولهانه عليج وعلى سوالفوووج.. من زمان ما كلمتج
بقوم أنام أنا.. تصبحوووون على خيييييير :*

ولكم بااااك حوووووبي..

زين عاشت الملتزمة ... ان شاء الله دوووم ..

والله يعافيج والله حتى انا ولهت عليج بس الحين مااشبك وايد مثل قبل .. مالي خلق .. لووول

وانتي من اهل الخير.. نوووم العوافي

 

[Bs.ana]

هااااااااااااي ياحلوين

اشلونكم ؟؟؟؟

ياحلاتي مبروك :eh_s(15):

من.من بالعافيه والله يتمم عليج الاراده

مس يو بالعافيه ويعطيج العافيه


الحمدالله اليوم كان كله سوائل وعدا
والحين انا وزني 69 بس لي الحين ماعرفت جم بالضبط لانه الحلوه علي

ومستمره على الرجيم ابي اوصل على العيد 65 :eh_s(15):

 

[mn.mn]

مساء الخير

مس يو هلا والله وبالعافية اللي كليتيه وصج فقدناج ما قمتي تشبكين وايد

عروب العفو حبيبيتي وحياج الله التجمع ينووووور بوجودج

يا حلاتي عفية على الشاطرة والله يتمم عليج

فنكية ما اقول الا يا فرحة ما تمت رحت سيرت على ناس وخرتها عدل وما اقول الا نأمل بغد افضل :cxxxp:

تصبحون على خير :ch12:

 

[مس يو]

مس يو بالعافيه ويعطيج العافيه

الله يعافيج... بعد عمري ...

مساء الخير

مس يو هلا والله وبالعافية اللي كليتيه وصج فقدناج ما قمتي تشبكين وايد
تصبحون على خير :ch12:

مساء النور...

هلا فيج والله .. والله يعافيج.. بعد عمري ماتفقدين غالي.. اي انا مااقدر اشبك من المنتدى بط جبدي مو راضي يتسنع.. يوم زين ويوم لا...

وانتي من اهل الخير حبيبتي .. نوووو العوووافي..

اكملكم باجي يومياتي:

بعد مارديت من النادي كليت فواكه ( 1كيوي - 2برتقال افندي - 2خوخ - تفاحه ),,

والعشا كان 2 بيض مفيوح وحده بدون صفار مع زيت زيتون وخيار وخس وزيتون وكثرت الخبز كليت خبزة ونص امبيه الخبزة صايره صغيره بجم لقمة طارت لوووول الله يستر ما انتفخ ..:eh_s(3): وطبعا لازم الجاي المنعنع... وووبس

تصبحووووووووون على خيرررررررر

 

[al7noona]

السلاااااااااااااااااااااااااام

حدي حدي مشتاقتلكم كله من المنتدى الي فرقناااا

يالله خلاص ردوا لان المنتدى رد وانشالله دوم يرد مايعلق



اليوم حدي حدي مستانسه بنتي بتروح الروضه اول يوم :nbvppw::nbvppw: ههههههههه كبرتني الشيطونه الله يحفظها


بنات انا نازله نص كيلو خوو انا ماعندي شغل انزل هالنص كيلو وارد اصعده :lkmnkl:






منمن حياتي شلونج انا الحمدالله بخير وعيني صارت احسن

ام فجور انا شربت الجاي الاخضر بس ماشفت نتيجه لاني مااستمر عليه اهما يقولون اذا تبين نتيجه لازم كل يوم تشربينه 3 مرات

انصحج بماي الزعتر عجيييييييييييييييييييييييب تلقينه بالحواي اخذي لتخفيف الوزن وعلى دينار ونص تحطين قلاص ماي مع شويه ماي زعتر عقب كل وجبه وتعالي شوفي

انا اول جم يوم مااحس يهضم بس عقب لا والله مايقصر بس طبيعي مو الي يخليج تنامين بالباث رووم لوووووووووووووووووووووووووووووووووووووووووووووول

 

[angel_27r]

صبااااااااااااااااااح الخير
انا اتبع ريجيم الكورن فليكس
احسه يشبع
يوميات امس
الظهر كاس كورن فليكس+ حليب مع شاي
الليل نفس الشي
قبل ماانام خربتها كيس شيبس بطاطس مالح
الرياضه ساعه مشي

 

[mn.mn]

صباح الخير

مس يو اي حبيبتي ديري بالج حرام تعبج اللي راح لا تردين تخربطين وايد

الحنونة الله يخلي لج بنتج وان شاء الله تشوفينها واهي رايحة الجامعة يارب

آنجل حياج الله وموفقة برجيم الكورن فليكس

انا اليوم ريوقي توست وجبن وسلطة وجاي حليب

والسناك راح يكون نسكافيه

وزني اليوم 79.6 نزلت 1.2 عن الاسبوع اللي فات نعمة

 

[al7noona]

اهلين منمن

ماشالله مبروك النزول وانشالله دوم هالاستمرار



انا توني راده البيت وديت بنوتي الشيطونه الروضه قعدت عندها شوي ورديت صارلها جم شهر تحن بروح المدرسه وبروح ولما راحت مستانسه بس لما بغيت اطلع قامت تتدلع وتبجي ههههه

 

[mn.mn]

الله يبارك فيج يا قلبي وعادي كل الياهال جذي مردها بتتعود انا ان شاء الله بعد العيد عيالي يداومون

 

[مس يو]

صباح الخير

مس يو اي حبيبتي ديري بالج حرام تعبج اللي راح لا تردين تخربطين وايد


انا اليوم ريوقي توست وجبن وسلطة وجاي حليب

والسناك راح يكون نسكافيه

وزني اليوم 79.6 نزلت 1.2 عن الاسبوع اللي فات نعمة

صباح النور

لا من من لا تحاتين اعرف شلون اوازن اكلي لووول اذا خرتها بوجبة الوجبة اللي بعدها تكون وايد خفيفه ... للحين عايشه جو الرجيم وما افكر كلش انهد على الأكل.. احسب حساب كل لقمة ..

وبالعافيه يومياتج .. والف مبروك النزول...