{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[عبير الكويت%%]

اليوم باشت معاكم تريقت نسكافيه ونص لتر ماء بس وشوي اتغدا

 

[teenaa]

هااااااي بنوتات
شلونكم
انا الساعه 11ونص كليت توست من امريكانا

وشربت 1 نسكافي الصبح

وورا الاكل شربت شاي البردقوش



بنات نصيحه من اختكم اي وحده فيها تكرمون امساك تشرب جاي البردقوش مو طبيعي

 

[عبير الكويت%%]

شاي المردقوش حلو حق كل شي انا صارلي سنتين اشربه عشان الهرمونات سراحه روعه

 

[ضعيفه وعصله]

شكرا لكل اللي شجعوونااا .. و ايلاف حبيبتي والله زمااان نورتي

ليمونه .. الله يعييينج .. وانتي قدها ياقلبي

 

[عبير الكويت%%]

غداي تونا بالماي 107 سعره
مع سلطة خس وطماط وصوص خل تفاح وليمون

 

[ضعيفه وعصله]

عبير يا هلا وغلا والله .. حبيبة قلبي ,,



بنااااااااااات انا توني رادة من طبيب الاسنااااان
بحط تقوين في ضرس لازم اعدله .. فـ رحت كلي ثقة ان اسناني سليمه بس يبيلي تحويل
قالتلي الدكتوره لا لازم اسويلج حق اربع سوسات هههههههههههههههههههه وسوتلي توه وحده .. وباقي 3
الله يعين باجر بروحلها الصبح و بروح العصر ..

ادعووولي


اليوم غداي قبل لا اروح كان ..
3 توست اسمر + خس + قفشة جبن + همبرقر وحده + بيبسي دايت

ورجيم رجيم والله كريم

 

[عبير الكويت%%]

ونسيت خبره سمره خفيفه 138 سعره وراه راح اشرب شاي المردقوش مع زنجبيل وليمون

 

[عبير الكويت%%]

هلا فيج ضعيفه وعصله
الله يعينج على الحشوه انه نفسج لازم اخشي ضرسي بس كان ملتهب والحين راح اللتهاب
بس على الرجيم انا المشكله لازم اتريق مااعرف جذي شنو الحال

 

[ضعيفه وعصله]

هلا حبيبتي اذا لازم ريوق
خلي ريوقج
2 توست اسمر مع 1 بيض و 1 جبن
و جاي وحليب ..
والغدا خليه بدون خبز

 

[ضعيفه وعصله]

وي نسيت اخذ حبوبي باخذهم اللحين و بسويلي جاي اخضر مع زنجبيل
الطعم .. الحمدلله والشكر يلوووع الجبد ههههههه بس بخليه لين يبرد شوي واشربه مرة وحده

 

[ريماس21]

هلااوغلاا بناات شلوونكم


اليوم كان موعدي ونازله بس كيلوووا ضاااق خلقي ودي اكثر بس هالمره غير نظاممم حيل احلى اقدر اكل من مطعم او شي بس وجبه وحده بس بدون بطاط وانسىى شي اسمه ماينيززز <<معنه غرامي البطاط قالي مايخالف اكلي هاابي ميل


بس بنات انا اليوم ددورتي المفروض تتوقعين هل ياثر بالوزن يعني احس اني ضعفانه بس مايبين بالوزن عنده <<< تعقدت


يلا عقباللكم

وهالمره انا طلبت منه انه يخليهاا 3 اسابيع عشان اضعف اكثرر بالعاده اسبوعين اهو يحط المووعد

وسلامتك ادري قرقت ووااايد بس هذا اخر مووجزي عن طالب الشمري وان شاء الله اذا نقصت عنده 3 كيلوووا هذاا اخر موعدي عنده ادعولللي بناااااااااااااات وعقبااااااااااالككم

 

[J.e.N.a.A.a.N]

هلا بنات
انا اليوم تريقت كابتشينو وماي
وتغديت قبل شوي 2 برقر مشوي وطماط وبصل مقطع حمسته بزيت الرش الخفيف وشريحة بوملي ما كان عندنا برتقال
والعشا برتقال وسلطة
نشوفكم على خير
انا موعدي ان شاء الله 1/6

 

[ريماس21]

قووووووووه بنات شلونكم

انا اليوم رحت لموعدي والحمدالله طلعت نازله كيلووو معنه موعاجبني
بس ماعليه سهالات لانه انا ماباجي على شي واوصل اللي ابيه يمكن 3 كيلوا ولا 4

وغيري نظام الرجيم وحيل حلووووووووو قالي اول ما اقعد كله سوائل من كابتشينوا وهوت شوكلت وجاي حليب

والغداء صحن مشوياات او صمونه من الفااست فود لووول عاد انا غرامي الشيبس قلته مييخالف وجبه قالي اوكي بس تكون هابي ميل << اكيد برضى لوووووووووووول بس قالي انسى الماينيززز

والمغرب نفس اللي اول شي كتبته

والعشاء والله ما اذكر بس انه رجيمه هالمره اشوه من اللي قبل


بس الحين اليي احاتي انا المفروض تيلي الدوره اليوم تتوقعوون تزيد شي لانه كيلو بسبوعين والله قهر ودي اكثررر


انسيت لا اقولكم المفروض يكوون الموعد بعد اسبوعين بس قلته خلها بعد 3 اساابيع عشان يكون اخر موعد لي عنده واضعف هال3 او 4كيلوا اللي موراضين ينزلون الا بالزوووور تتوقعون بناات هالمده ككافيه اني انزلهاا

وادعووووووولي وموعدي القاادم تاريخ 18-1
وساامحوني ادري قرقت وايد

وان شااء الله يارب نضعف بصحه وعافيه

 

[ضعيفه وعصله]

ريماس ألف ألف ألف مبروووك النزول حبيبتي ودام عليج الدوره اكيييد نازله اكثر

والله يوفقج بمووعدج الياي يااااااارب ..

و تسلمين على الدعوه والله يسمع منج


جنى .. عواااافي يا قلبي ..
وللأمام يارب



انا حاليا قاعد اشرب نسكفيه

 

[مــلاك روحـي]

انا الحمدلله

ماشيه زين

بس هاليومين ما امشي < مزكمه واختبارات

بس ما نقول الا

رجيم رجيم والله كريم

 

[ضعيفه وعصله]

ملاك روحي
الحمدلله طمنتيني كنت احاتيج
خفت انج مليتي او شي ..

عسى الله يوفقج يااارب
قولي آمين

 

[بطاطا]

بالعافية يا بنات

و ما شاء الله اليوميات حلووووووة

شدوووا الحيل و استمروا و لا خربطتوا انسوا الخربطة و ابدوووا من يديد


و ما تشوفين شر يا ملاك و الله يوفقج بامتحاناتج


و الله يسهل عليج الاسنان يا ضعييييفة

 

[ضعيفه وعصله]

يا حياتي يا بطوووطه تسلمين ياروحي
حلو جذي احد يبين ان مهتم ويتمنى الخير لغيره و الاحسن

حبيبة قلبي .. تسلمين لي و تسلملي اخلاقج الطيبه

يشرفنـاآ وجودج

 

[ضعيفه وعصله]

قاعد احس اني يوعانه
وبما اني قاعد اعود عمري ما اتعشا
قررت اسويلي نسكفيه مرة ثانية

 

[ام فجور 2008]

السلام
انا اليوم صايمة
تفطرت ماي وشوربة
والحين انا في بيت امي مسوين صاج خخخخخخخخخخخخخخخ ودي اطب وياهم بس بحاول قد ما اقدر امسك نفسي :yaaaaaarb: يارب ساعدني
نسيت اقولكم ان موعدي عند الدكتور يوم الخميس بس ماني رايحه لان مالي ويه بس اسبوعين نازلة كيلو فقلت ااجلها واروح الاسبوع الياي يمكن اكون نازلة اكثر لان صج هالاسبوع بدعت