تجمع ام موودي والرشيقات

[om moOody]

اي صاجه كراميلا حتى زوجي يقولي جذي

بس انا تيني حاله اللي يايتني الحين يصير مافيني صبر فا لازم انزل هالشهر عن 60

شهر يناير بالنسبه لي تحدي وامتحان ولازم انجح فيه

ابي ابشهر فبراير يكون وزني مثالي واكل بس عشان اثبت وزني بس مابي رجيم مابييييييي


قولوا امييييين

 

[كراميلا مرة]

ان شاء الله
يارب توصلين لوزنج المثالي قبللا يجي شهر الجاي وبعدين يثبت ولا تزيدين ولا غرام واحد يارب

 

[شيخة الغراشيب]

ربي يحقق لنا جميعا مرادنا يارب

تغديت دياي مشوي على الفحم+سلطه+عصير الرجيم

 

[كراميلا مرة]

بالعافيه على قلك اللي اكلتيه
انا شربت عصير كيوي وانا ناس فرش طازج
والغداء بعد ساعه ان شاء الله بتغداء

 

[شيخة الغراشيب]

بالعافيه على قليبج غناتي اللي شربتي
واللي بعد ساعه بتاكلينه انا ماسرت الجمعيه اخذ الاغراض
رغم مواعده وحده اصوره وانزله لها بس ان شاءالله اسير
واشتري مانسى يارب

 

[شيخة الغراشيب]

مساء الخير
وينكم بنات انا اليوم سرت ويايه امي عند نسايبنا والحمدلله مشيت اهناك يمكن ساعه ونص او اكثر مادري المهم مشيت وكلت لي العصر
حلاوة الرجيم وشربت شاي اعشاب وياها والحين مالي خلق اكل شي لاني احس بتعب اقول برقد احسن لي

 

[شيخة الغراشيب]

صباح الخير بنوتات
انا اليوم بعد ماشربت ليمون عيال اخوي اصروا علي اوديهم الحديقه وانا طالعه سايره
اوديهم وان شاءالله برجع لكم باقرب وقت

 

[كراميلا مرة]

صباح الخير بنات
انا امس ماخربطت ابدا بس للاسف مامشيت في المغرب
لاني حيل تعبانه ظهري وبطني جايه لي الدوره
واحس مو قادره اشيل نفسي وحتى اليوم شكلي موب قادرهه امشي وحييييل ودي اكل كاكاو
وحلو بس ان شاء الله اقاوم ولا اكل

 

[كراميلا مرة]

صباح الخير بنوتات
انا اليوم بعد ماشربت ليمون عيال اخوي اصروا علي اوديهم الحديقه وانا طالعه سايره
اوديهم وان شاءالله برجع لكم باقرب وقت

الله يخليهم لكم
بس خلاص اول ماترجعين دخلي وكتبي يومياتك

 

[كراميلا مرة]

ام موووودي وينج اليوم
يمكن لانه بدايه الويك اند ليلحين نايمه
وانا جالسه اسولف مع نفسي

 

[كراميلا مرة]

فطوري كالعاده 5 تمرات وحليب قليل الدسم

 

[om moOody]

مرحبا بنات

شلونكم صديقاتي حبيباتي

والله انا امس كنت سهرانه وطول الليل احاول ادش المنتدى ما فتح معاي

انا امس كملت يومي سوائل الحمدالله

واليوم من قمت ما كليت ولا شربت شي

 

[om moOody]

كراميلا اذا ابخارطرج كاكاو اكلي قطعه صغيره

لا اتخلين شي ابخاطرج

 

[كراميلا مرة]

هلا ام مووودي
االحمدلله انا ليلحين صامده
ماكلت كا كاو بنتظر ان شاء الله ليوم الاحد وباكل كل اللي بخاطري
وبعد اشوي بتغداء تونه وسلطه وربع خبزه ومن اشوي شربت عصير انا ناس وكيوي

 

[شيخة الغراشيب]

سلامتج غناتي كراميلا ماتشوفين شر وخطاج السوء
انا اليوم مشيت تقريبا بالحديقه ساعه ونص بس وتريقت
شريحتين مرتديلا+شريحتين جبنه قليلة الدسم +كوب شاي

بين الفطور والغده كلت كاكاو+شاي اعشاب

وتوني متغديه لاني ماكنت مسويه لي شي اشتريت لي نص ديايه على الفحم مع عصير وسلطه
وان شاءالله مابتعشى بعد خلاص

 

[شيخة الغراشيب]

منتهيه يالسه اترقبكم محد فيكم اليوم حدر الا انا المهم حدرت ورفعت لكم الموضوع يالله باجر دوام انا

 

[شيخة الغراشيب]

صباح الخير
وينكم من امس لا كراميلا ولا ام مودي عسى ماشر
المهم اليوم نشيت متاخره على الساعه سبع طبعاً مامشيت لاني مخلي المشي على
العصر سبحت وشربت لي كوب صغير ليمونه وماي دافئ وبعدها شربت لي
كوب شاي اعشاب والحين اشرب ماي وبعدها بتريق ان شاءالله شريحتين مرتديلا+بيضه+كوب شاي بسكر الرجيم
وطبعا عندي زياده شريحه يعني بيصيرن 3شرائح باكلها حرام تخترب >>> تقص على عمرها
نسيت اخبركم لين اقولكم انسى اشرب ماي والله يمكن البارحه ماشربت لتر مشكلتي ماعطش ولين
اكون بالبيت انسى والحين من الصبح يالسه اشرب ماي لين الحين كملت لتر وناويه اشرب 4 اليوم عشان
اعوض عن امبارح ههههههههههههههههههههههه

 

[شيخة الغراشيب]

تريقت وزدة عليها شريحة مرتديلا عن تخترب او اقطها بالزباله حرام نعمة الله
هههههههههههههههههههههه وينكم صدق تقهرن ولا وحده فيكم تحدر ارمس عمري
صدقوني بتخلوني اعصب وماحدر وديه ثانيه >>> تهدد اونها هههههههههههههه

 

[كراميلا مرة]

صباح الخير
كيف الحال
هذي انا موجوده خلاص لاتعصبين
وامس انا دخلت الصباح والظهر ولا في الا انا وفي الليل حاولت ادخل بس المنتدى مايفتح معاي

 

[شيخة الغراشيب]

صبحج الله بالنور والرضا غناتي
اوكي المنتدى ع الليل مايفتح والمسن من شو يشكي
قلت بودي عيال اخوي الحديقه الالعاب العصر ييت محد كان موجود