اراده حديديه مع passion لرجيم هلا فبراير

[عليـاء]

بنات بالنسبة للمعدة والكرش
انا بعد كل صلاة اسوي من 50 لـ 100 واشد بطني اسوي تمارين شد
وايد زين حاولوا بعد كل صلاة وبتلتزمين فيه على طول صار عندي خلاص عادة اسويها دايماً

 

[جميلة العرب]

السلام عليكم

يومياتي تماااااااااااااااام تقريبا

باشن ماتشوف شر الوالده

:bye22:

 

[ღ°° دلوعـ دنيتي ـة °°ღ]

بنات بالنسبة للمعدة والكرش
انا بعد كل صلاة اسوي من 50 لـ 100 واشد بطني اسوي تمارين شد
وايد زين حاولوا بعد كل صلاة وبتلتزمين فيه على طول صار عندي خلاص عادة اسويها دايماً

تسلمين بس شلون طريقه

ياليت توضحينها لي

 

[ღ°° دلوعـ دنيتي ـة °°ღ]

السلام عليكم

يومياتي تماااااااااااااااام تقريبا

باشن ماتشوف شر الوالده

:bye22:

عليكم السلام

جميله لا تغيبين عنا

نبي تشجيع وتحفيز

 

[ღ°° دلوعـ دنيتي ـة °°ღ]

مرحبا

بما أن مافي غير أنا لوحدي في تجمع

راح أعيد من بكره الأسبوع الأول من رجيم الكيميائي

 

[احساس الغلا]

هلا بنوتات


اليوم عشاي كان انواااااع السلطاااات
اشكال والوااان ^_*

وكليت 4 قفشات عيش بسس
مع كولا دايت


وبعد العشا بشوي رحت لعبت كرة طائره :d

 

[احساس الغلا]

مرحبا

بما أن مافي غير أنا لوحدي في تجمع

راح أعيد من بكره الأسبوع الأول من رجيم الكيميائي

احنا ويييين رحنااا

انا رفيقة الدرب بالسهررر. ههههه

 

[عليـاء]

مرحبا بنوتات
كيف الدايت يارب كلكم ملتزمات
انا الحمدلله اليوم ثاني يوم بريجيم السوائل
وبديتها بغرشتين ماي وعصير برتقال وليمون وبقدونس
الله يتمم علي وأكمل .

-

إحساس
بالعافية فديتج

جميلة
لاتغيبين وايد
مالج حس هاليومين

بنوتة
بعد ماتخلصين ياقلبي من الصلاة نامي على ظهرج وحطي يدج ورا راسج
ورفعي نفسي شوي وشدي بطني عدل وكرريها كم مرة
او نامي على ظهرج ودخلي بطنج كله داخل بدون ماتتنفسين وعدي لين العشر
وعيديها كل شوي بطنج تلقائيا بيدخل داخل
ان شاء الله عرفت اشرح
مثل هنا بس انا اخلي رجلي تحت واحيانا ارفعها فوق او اسوي نفس هالحركة
http://www.youtube.com/watch?v=muvuDjCfJlM&feature=channel
والله يقويج على الريجيم الكيمائي يارب وتوصلين للي تبينه

سيلينا وين مالها حس ؟
يارب تكون بخير

 

[ღ°° دلوعـ دنيتي ـة °°ღ]

صباح الخير على الجميع

الله يوفق الطلاب وطالبات

وكل عام والجميع بخير

عوداً حميداً

 

[ღ°° دلوعـ دنيتي ـة °°ღ]

عدت الأسبوع الأول من رجيم الكيميائي

الفطور
بيضه

وبرتقاله

 

[مدرسة طفشانة]

صباح النور بنوتة
عليج بالعافية اكلج
بس بغيت اسالج جم نزلتي مع الكيميائي؟

 

[ღ°° دلوعـ دنيتي ـة °°ღ]

صباح النور بنوتة
عليج بالعافية اكلج
بس بغيت اسالج جم نزلتي مع الكيميائي؟

هلا وغلا

الله يعافيك

تقريباً كيلوين خلال أسبوع

 

[ღ°° دلوعـ دنيتي ـة °°ღ]

مشيــــت ساعه كامله

 

[miss_solitaire]

أمس خربتها

شوي

كليت سلطة

و شيش طاووق

و قطعة ستيك لحم

بس خربتها

و كليت لازانيا

و قطعيت كيك

و حبة زنود الست

و شربت سفن

بس يا الله ميخالف

اول يوم اخربه

و اليوم رجعت من اول و يديد

و انشاء الله ما اخرب

ريوقي اليوم شريتلي

صمون اسمر باللبنة و الزعتر

من كيك ان بيك

و توه كليت موزاية

و الحين بحطون الغدا

و انشاء الله بعدين اكتب شو كليت

 

[سيلينا]

مرحبااااا

غبت عنكم اليومين الي فاتوا والله خربت الرجيم لان للاسف زوجي وخالتي ام زوجي وامي وخواتي كلهم يقولون لي ستوب جذي ممتاز
وحبيت اغير السالفه ما ابيهم يركزون على اكلي فكليت على اساس انه عادي بس ما خربطت حيل يوم الخميس خربت بوجبه وحده والباجي كان رجيم وامس كنت زايره اهلي وهم نفس الشي امي ماتبيني اضعف اكثر تقول مو حلوو عليج ماتريقت والغدا ماخربطت اكلت سلطه ولحم بس المغرب عشان خاطرها كليت فطاير ومن المغرب ما اكلت وقفت اكل خلاص واليوم انا بالعاده اطلع اتغدا بره تغديت مشوي وسويت نفسي موقفه رجيم لان زوجي مايبني اضعف بعد
ومسويه نفسي اني بسوي كنترول على الاكل من باجر بس الصج اني من باجر برد للرجيم خصوصا اني صار وزني 58 وابي اوصل لهدفي مالي شغل بالتعليقات الي كل يوم اسمعها
هذا ملخص ايامي الي طافت والحمدالله احس بديت اتعود على اكل معين واسلوب معين بالاكل وبحيل الله الاسبوع الجاي انزل لو بس كيلو واستمر معاكم تجمع شهر 3


ماصورت اكلي اليومين الي طافوا بس ان شاء الله نطروني باجر

علياء

كاني موجوده بس لهيت بالويك اند مشكوره على السؤال حيااااتي والله يتمم عليج


مس سولتير

عادي حلاته الواحد يريح اشوي عشان يرد للرجيم بحماس
عوافي الي كليتيه

بنوته الطايف

اشلون الرجيم الكيميائي ان شاء الله مرتاحه
الله يتمم عليج

احساس الغلا

عوافي الي كليتيه والله يتمم عليج الالتزام يارب

جميله العرب

اهم شي ان اليوم تقريبا تمام الله يتمم عليج وينزل وزنج بصحه وعافيه

مدرسه طفشانه

ها اشلون الرجيم ان شاء الله تمام ؟؟

بااشن

اشلون الوالده ان شاء الله تمام ؟


جوان


وينج فقدناج ؟

 

[احساس الغلا]

عليا - بنوتة الطايف
عوااااافي


سيلينا
لو زوجج عاجبه جسمج الحين
خلاص لا تضعفين اكثر .. بيني وبينج الضعف وايد مو حلو
حلات الوحده فيها شوي اشياءات هههه
بس اذا انتي مو مرتاحه هذا شي ثاني
الله يوفقج حبيبتي



بنات
مع الاسف انا توووني قاعده من النوم
السهر ذبحني
بيتعدل ان شالله من باجر عشان الدراسه بدت ..
طبعا ما اكلت شي لما الحين
لانها يتكون*وجبه وحده ان شالله وبخليها بعد شوي*

 

[عليـاء]

هلا بنوتات شلونكم ياحلوات
انا رغم ان نفسيتي زفت بس للحين مستمرة
الله يتممها علينا جميع يارب

باشن
فقدناج يارب تكونين بخير وبعد الوالدة

سيلينا
لاتغيبين وايد مكانج يبين وانا اقولج استمري بالريجيم عشان لاتتركينا ههههههههههه
حلو توصلين لين الـ 55 وايد اوكي وبعدين حافظي ويارب توصلين
ترى ممكن لأن شكلج مبين اضعف بوايد عشانهم يقولون لج خلاص وقفي

احساس
يالله ان شاء الله بكرة يتعدل يومج مع الدراسة
احنا باقي لنا بعد هالاسبوع ونبدا الاحد الجاي الدوامات
وبالعافية أكلج

بنوتة
بالعافية ياقلبي

مدرسة - مس سوليتر
بالعافية أكلكم

 

[عليـاء]

يومياتي

لازلت مع السوائل
- 3 مرات شاي بأنواعه
- عصير قريب فروت
- عصير توت
- عصير أناناس
- شوربة
- زبادي بالخلاط مع الفواكة
- أوريو بارد
(( كل الأصناف ما أكملها يعني أشرب نصفها وأوقف )

----

شريت هالشي اليوم وايد روعة
وكنت أدور عليه من زمان بس دوم خالص وسعره بس 50 ريال
وباليوتيوب وايد تمارين عليه
شوفوا هني
http://www.youtube.com/watch?v=mXTyw-w4Ds0
واسمه
Resistance Tube

 

[احساس الغلا]

هلا علياااا
عوافي ياعمري

بس سؤال
رجيم السوائل مايضر ؟؟
احس الجسم يحتاج حق الاكل يعني مو بس شررب
ليش ماتكلين جم حبة تمره باليوم ؟؟
تعوض ع الاقل

 

[عليـاء]

هلا حسوسة ياقلبي
سويت سريش عنه ولقيت في حتى أطباء كثير يوصون فيه
بس مش لفترة زمنية طويلة لا يعني اكثر حاجة اتوقع 11 يوم
وفي اصلا ريجيم ياباني يسمونة الصوم على الماي بتلاقينه حتى بيوتيوب عشان يخلصون الجسم
من السموم
وفي الأصل الجسم يكون مخزن كمية كبيرة من الطاقة والأكل
فأتوقع ماراح يضر لو سويته بس اسبوع
وانا احاول اعوض بالعسل يعني في الكابتشينو احلي بالعسل بدل السكر
وفي الزبادي احط خضروات
هو الأهم عندي الحين يكسر ثبات وزني إن شاء الله
يارب انزل لأني شادة حيلي هههههههههههههههههه

0
توني سويت تمارين معدة وتمارين يد وخصر
الله يوفق الجميع يارب