جسمي تغير صج صج غير

[حواء الكون]

بنات انا ماشيه على نظام رجيم سبق اني وضعته بهالقسم وانسحبوا منه وايد بنات انا بأواخر الايام

وما اخفي عليكم جسمي ضعف وبدا ينرسم وانا فرحانه وايد لان انا ما كنت اعاني من سمنه وايد لكني اطمح للافضل وابي اتغير

وفعلا جسمي تغير فوق وتحت ومكان بطني صغر 70 % ولا اروع

وطمعانه اكمل اكثر .......... وماشيه على طرق مع الرجيم قاعده تساعدني

وان شاء الله وباذن الله بعد 6 ايام بدخل على رجيم ينزل 27 كيلو بالاسبوعين واقل شي تنزلين 15 كيلو فيه بدون رياضه مع الرياضه توصلين 20 واكثر

وانا متبعه اشياء تحافظ على جسمي من الخطوط ... لو ظهرت .. وراح احافظ على وزني وراح اوصل لوزن 55 خلال شهر بالكثير وقولوا حواء ماقالت وراح ايي هالموضوع وابشركم واكتب النتائج النهائيه .. واللي مفرحني اكثر اني بفاجيء الكل بشكلي اليديد اللي مايتوقعونه لول لاني مليت فعلا وابي اصير احسن من جذي بمراحل وهم قاعده افكر بطريقه تحافظ لي على وزني بس ابي مساعدتكم بهالفكره لاني راح امشي على نظام صحي بالاكل يعني مو رجيم مو ناقصه اضعف تحت الخمسين اختفي بعدين

وادعوا لي بالتوفيق لان انا ماشيه تمام وانسدت نفسي عن الاكل كلش

:eh_s(17):

 

[brettey]

الله يتمم عليج ماشاء الله
والفال لي ادعيلي بس يبيلي تقريبا 10 كيلوات واصير اوكيييييييييييييييييه

 

[miss5]

انشالله يارب توصلييين حق الوزن الي تبينه

بس حبيبتي حواء الكون شنو بتسويين قوليلي خل اسوي وياج

وشنو الشي الي يمنع الخطوط ؟؟

والله ياريت تفيديني ولج الاجر انشالله

 

[مستقبلي احلى]

تبين ازيد حماسج


اتحداج ما تقدرين

 

[الحب الخالد]

موفقه يا حواء شخبار خلطة القهوه معاج !!!!!

 

[nero]

كتبي النظام خل نسوي معاج ونضعف

 

[ام حنونة]

شنو نظامك علمينا ...

 

[eman-77]

شنو النظام اختي؟

 

[حواء الكون]

الله يتمم عليج ماشاء الله
والفال لي ادعيلي بس يبيلي تقريبا 10 كيلوات واصير اوكيييييييييييييييييه

مشكووووووووووره انتي ادعي لي حلمي يكتمل

وانا ادعي لج يارب تقصين ال10 كيلو وانتي بصحه وعافيه

 

[حواء الكون]

انشالله يارب توصلييين حق الوزن الي تبينه

بس حبيبتي حواء الكون شنو بتسويين قوليلي خل اسوي وياج

وشنو الشي الي يمنع الخطوط ؟؟

والله ياريت تفيديني ولج الاجر انشالله

هلا حبيبتي

هذا الرجيم

http://q8yat.net/showthread.php?t=67107


الللي اتبعه بس مافي وحده تحملته لول مع ان سهل وايد

اما شنو بسوي عاد بكتب لكم شنو بسوي الله يقدرني حبيبتي بس تابعيني

:eh_s(17):

 

[حواء الكون]

تبين ازيد حماسج


اتحداج ما تقدرين

لووووووووول

ضحكتيني جد

بس لا اقدر :eh_s(3): لا للتراجع :eh_s(15):

 

[حواء الكون]

موفقه يا حواء شخبار خلطة القهوه معاج !!!!!

هلا وغلا

والله القهوه تمااااااااااام بس انا عندي اكزيما فصرت ابعد عنها عرفتي لان الخل اتحسس منه شوي وقاعده اعوض بجل اليقانس ممتاز

فقاعده افكر القهوه اخليها مره بالاسبوع عشان ما اتأثر :eh_s(17):

 

[الغنادير]

عسى ربي يوفقج حبيبتي
بس بالنسبه حق رجيم اندومي بالشطه شنو يكون فطورج في يوم اللحوووم


​

 

[حواء الكون]

كتبي النظام خل نسوي معاج ونضعف

النظام الله يسلمج اني ما آكل بالليل يعني بعد 8 اكيد ما آكل شي

واشرب ماي وايد مع الالتزام بالرجيم .. وساعات ما اشرب الحبه الحلوه بس عادي ما تأثر على الجسم بس اهي تشد اكثر

وكل يوم اسوي على جهاز الغزال الطائر اقل شي 10 دقايق لو مالي خلق واحيانا مرتين الى ثلاث باليوم يعني متى ما اشتهي اسوي عليه رياضه

الشي المهم اني كنت امشي ساعه باليوم ومع الحر والغبار نص ساعه لوول

واطلع 6 وارجع 7 من المشي

وقبل الممشى اشرب ماي دافي يكون في قطع صغيره زنجبيل طازج اخليه يغلي بالغلايه عندي ... بعدين اضيفه بكوب واحط عليه ملعقه صغيره نعناع ناشف مطحون وكمون مطحون نفس المقدار وشاي اخضر مطحون بعد نفس المقدار واعصر عليها قطرات ليمون واشربه

وناويه ان شاء الله اضاعف جهدي لان لو بطلع كسلانه او اتخاذل ماراح اضعف بالشكل اللي ابيه

البارحه سويت تمرين البطن 30 مره (( طبعا مره وحده باليوم )) بس العدد 30 مره احس بطني وايد مشدود

 

[حواء الكون]

عسى ربي يوفقج حبيبتي
بس بالنسبه حق رجيم اندومي بالشطه شنو يكون فطورج في يوم اللحوووم


​

هلا حبيبتي

تصدقين اني ما اتريق :eh_s(22): اشرب ماي الصبح وبس ليما الظهر واتغدا شسوي ولو وايد يوعانه اشرب عصير برتقال عاد اللي تبي تتريق بيوم لحوم ممكن تاخذ نقانق وسلطه او تشرب مشروب دافي يسد نفسها على هالصبح لووول

احسن لكم من المتن :eh_s(3):

 

[حواء الكون]

شوفوا انا ودي ابوح بسر للفايده للامانه سويتها مره بمساعدة اختي

واهي طريقة البخور السوداني الجاف ) لبست روب وماكان تحتي شي طبعا هذا من شروط نجاح العمليه ومسحت جسمي بزيت زيتون مثل ماطلبت السودانيه بالضبط عاد والله واللللله والله انا ماحطيت شي منه مضره فما ابي احد يعلق تعليقات مو بمحلها ... استخدمت حطب السدر وفرته لي اخت بالسعوديه ماقصرت ... مشكوره

المهم مادري لو بالكويت في بالمشاتل او لا؟ يمكن فيه

بس نتيجته من اول مره راااااااااحه ماتحسين الا اذا خلصتي يبتدي يعرق الجسم والسموم والماي يطلع من جسمج

الله يالشد اللي صار بجسمي بنات اختي تمسك ايدي مو مصدقه اشلون صغرانه وملفوفه جنا مسويه رياضه من فتره فهمتوا

الحمدلله واليوم بجربها ادعوا لي ما احترق لووووووول

لاني خوافه بس انا اسوي كل الاحتياطات والحمدلله الامور تمام

بس يعني اهي لها طريقه اللي حابه تجرب تسأل اللي تخاف مو لازم

بس هالطريقه افكر اسويها 3 مرات بالاسبوع

وبس سلامتكم تقريبا قلت كل اللي اسويه

بس عاد باجي لي جم يوم وادخل على رجيم ال27 كيلو ... واسوي رياضه للجسم كامله مع المشي

ليما اطلع بنتيجه ياااااااااارب نهائيه وافتك

وبعدين راح احافظ على النتيجه بعد التعب

:eh_s(17):

 

[حواء الكون]

الحين ابي تقولون بعد ما نوصل للوزن اشلون نخليه شبه ثابت ... او نحافظ عليه بس بدون رجيم ونضعف اكثر !

 

[حواء الكون]

رجيم ال27 كيلو ........... بالاسبوعين لو تطبق حرفيا مع رياضه:eh_s:



الأسبوع الأول
اليوم الاول :
الافطار : فاكهه وحده اى نوع + شريحة توست محمصه + حليب خالى الدسم
الغداء : قطعه وحده من صدر دجاج مشويه منزوعة الجلد + تناول الخضروات الطازجه + عصير الكيوى واناناس
العشاء : نفس الفطور بالضبط
اليوم الثانى :
الفطور : حبة خوخه كبيره + شريحة شمام + شريحة توست محمصه + حليب خالى الدسم
الغداء : سلطه + اضافة ملعقة مايونيز + تناول بعض الخضروات الطازجه + عصير الكيوى والاناناس
العشاء : شريحة بفتيك لحم او قطعة هامبوجر + عصير اناناس والكيوى
اليوم الثالث
الفطور : 5 شرايح اناناس + حبة فاكهه طازجه + شريحة توست محمصه + حليب خالى الدسم ..
الغداء: سلطه مكونه من قطع دجاج صدر مع خس وطماطم + شريحه وحده من الجبن خالى الدسم + عصير الكيوى والاناناس
العشاء : بطاطه وحده مهرووسه + حليب خالى الدسم
اليوم الرابع
الفطور : نص جريب فروت متوسطة الحجم + شريحة توست محمصه + حليب خالى الدسم
الغداء : سلطه فاكهه + بيضتان مسلوقتان + عصير كيوى واناناس
العشاء : سلطة الدجاج + 8 حبات بازاليا خضراء مطبوخه على البخار + حليب خالى الدسم
اليوم الخامس
الفطور : 3 ثمرات مشمش + حبة فاكهه اى نوع ماعدا الموز ممنوع من الرجيم + حليب خالى الدسم
الغداء : سلطة توونه + تناول الخضروات الطازجه + عصير الكيوى واناناس
العشاء: حبتين كوسى محشى + حبة بطاط مهروس + عصير كيوى واناناس
اليوم السادس
الفطور : نص شمامه + شريحة توست محمصه + حليب خالى الدسم
الغداء : تفاحه وحده + خضروات العاديه + عصير الكيوى واناناس
العشاء : قطعتين ستيك بتلووو مشوى متبل بعصير الطماطم + حبة بطاطس مهروسه + عصير الكيوى واناناس
اليوم السابع
الفطور : 2 حبة فاكهه + شريحة توست + حليب خالى الدسم
الغداء : سلطه خضراء + عصير كيوى واناناس
العشاء : 3 حبات نقانق مشويه + بطاطه مهروسه + عصير الكيوى والاناناس.

الاسبوع الثانى
اليوم الاول :
الفطور : سلطه فواكه صغيره + شريحة توست الاسمر + حليب خالى الدسم
الغداء : قطعه وحده من الهامبوجر + شريحة توست مغطاه بنصف ملعقة زبدة الفول السودانى + سلطه خضراء والطماطم + خضروات الطازجه على البخار ..( الكوسى + الفاصوليا + الزهره + الجزر ..فقط ) + عصير الكيوى واناناس
العشاء : سمكه صغير مشويه + 8 حبات بازاليا مطبوخه على البخار + 4 ملاعق الارز البنى المطبووخ + عصير الاناناس والكيوى ..
اليوم الثانى :
الفطور : ثمرتان من البرتقال حجم صغير + شريحة توست + حليب خالى الدسم
الغداء : شريحتين من الجبن خالى الدسم المغلف + 4 قطع بسكويت + خضروات الطازجه + قطعه وحده من مخلل + عصير الكيوى والاناناس ..
العشاء : شريحتين من لحم بفتيك مشوى او قطعه الهامبوجر + بطاطه مهرووسه وحده فقط + عصير (كالمعتاد )
اليوم الثالث :
الفطور : حبة فاكهه اى نوع + شريحة توست + حليب خالى الدسم
الغداء : سلطة كابوريا + خضروات الطازجه . الكوسى والزهره والجزر والفاصوليا + عصير المعروف ..
العشاء : قطعه متوسطه من لحم ومشويه + خضروات الطازجه ( نفس الغداء ) + 4 ملاعق من الارز البنى المطبوخ + عصير الكيوى والاناناس
اليوم الرابع :
الفطور : برتقاله متوسطه الحجم + شريحة توست + حليب خالى الدسم ..
الغداء : سلطة فواكه مكونه من : (حبة خوخ + 6 حبات فراوله + تفاحه متوسطه ) + شريحة الجبن خالى الدسم + شريحة توست + عصير كيوى واناناس
العشاء : سلطة بيض + حبة بطاطه مهروسه + عصير
اليوم الخامس :
الفطور : نصف ثمره جريب فروت + شريحة توست + حليب خالى الدسم ..
الغداء : سلطة تونه + قطعه مخلل + 4 ثمرات طماطم متوسطه + خضروات الطازجه الكوسى والجزر وغيرها + ملعقة ونصف مايونيز + عصير الكيوى والاناناس
العشاء : قطعه وحده من صدر دجاج مشوى + خضروات الطازجه مخلوطه بالخضره + حبة بطاطه مهروسه + عصير الكيوى والاناناس
اليوم السادس :
الفطور : حبة برتقاله + شريحة توست + حليب خالى الدسم ....
الغداء : قطعة الهامبورجر + شريحة توست + ملعقه شاى زبده الفول السودانى + سلطه خضراء بالطماطم _ اضافة ملعقة مايونيز + خضروات الطازجه + عصير الكيوى والاناناس ..
العشاء : شريحتين من لحم بتلو مشوى + 4 ملاعق الارز البنى المطبووخ + عصير الكيوى والاناناس ....
اليوم السابع :
الفطور : نصف ليمونه + شريحة توست + حليب خالى الدسم ..
الغداء : سلطة بيض + خضروات الطازجه مخلوطه بالخضره العاديه _ اضافة ملعقة مايونيز + عصير الكيوى واناناس ..
العشاء : قطعة صدر مشوى + حبتين كوسى المحشى + الخضره العاديه + عصير الكيوى والاناناس ..
ملاحظة :
- تقدرين تبدلين الدجاج بسمك بس سمكه وحده لا غير وتكون متوسطه ومشويه بعد
- سلطه تكون عاديه يعنى خيار + خس + ليمون + طماط + فلفل اسود اشوى + الخضروات ( الجرجير _ والبقدوونس _ والنعناع _ والكرفس ) + ملعقة مايونيز صغيرر
- الاناناس لازم يكوون طازج احسن لانه مافى شيررره مثل المعلب …
- شرايح توست الاسمر لانه الافضل للرجيم


هذا رجيم عضوه كويتيه اسمها فلونه خذيته وعجبني وايد ما يغلا عليكم

:eh_s(17):

 

[حواء الكون]

ادعوا لي بالخير بنات .... والله كتبت كل التفاصيل اللي اسويها

 

[مزيونه وشقره]

CENTER]يالله شدي حيلج ومنها للافضل:eh_s(17):


مع تحياتي يا حياتي

مزيونه وشقره[/CENTER]