http://wwww.q8yat.net/showthread.php?t=46135
اقري الموضوع هذا وراح تستفيدين وااااااااايد
وبالنسبة لحظها ترى لا يغرج المظاهر والحظ مو بسفرة ولا زوارة الحظ بالي يسعد بحياته وتنبسط مع زوجها من غير مشاكل وخيانات وسوالف والي يحبها زوجها ويقدرها ويشيلها على راسو وتعيش مرتاحه هذي المحظوظة ياما ناس سافرو وتسوقو وماخلو شي ما سووه بس بالنهاية مو مبسوطين او كله مشاكل
انتي اهم شي ماعليج منها وتاكدي ان الي سوته اهيا مو شي خيالي سويسرا ياما ان شاء الله بتروحين لها لين تملين وتروحين لغيرها اصبري على زوجج ولا تكدريه وريحيه عشان يدرس عدل وينجح ودايما يرجع الفضل ويذكرج بالخير على صبرج وياه وبعدين انتي سوي زوارة لنفسج خلي امج تسويلج بروحج واعزمي الي تبيه وانبسطي وترى اهيا مالها ذب وما اشوف ان حظها هالكتر بحر عادي هالشي انها تسافر وانتي بعد عادي لان ضروف زوجج ما تسمح لاحقه ولا تقهرين عمرج ترى السالفه والله ما تستاهل انتي كبري عقلج وفكري فيها بينك وبين نفسج بتكتشفين انج انتي بس الي حارة نفسج وماحد حارج انبسطي مع زوجج واظحكي واستانسي وخلهم يشوفونج مبسوطة وسعيدة
وترى زوجج اذا تكرفه امه هذي امه قبل لا يكون زوجج خليه بالاول يتعود عليج توج اسبوعين اما امه من وعا على الدنيا واهيا الي تكرف عليه وما تخلي عليه قاصر ولا عمره رح يبدي احد عليها حتى لو عياله مو زوجته دائما خليها خط احمر ما يقدر يقولها لا مو فاضي ولا عمرج تكلميه بموضوع يخصها ابدا الا بكل خير والله نصيحه مني رح تشوفين ان زوجج بيقدرج وبيحج على راسه وهيا لما كان تدزه مو عشانها عشان ولدها وعشان ما عندها غيره تعتمد عليه وعشان ولدها وتسوي فيه الي تبي وترى الي ماله خير بامه ماله خير باي احد اما غيرها اخوه اخته ماعليه الناس لبعض بس مو انهم يكرفونه ممكن اهموا بعد يحتاجهم ويخدمونه وانتي شفتي انه اهوا بنفسه قاله مو فاضي يعني ترى يعرف يتصرف
وخالتج خالتج ترى ممكن اهيا ما قصدت شي ممكن تبي تجربج الي تبيه سويه لها وزادة بعد بتحطج على راسها وترى من يظحك اخيرا يضحك كثيرا والتانية شيليها من بالج مالها ذنب وعامليها بالحسنا لان الي يزرع الخير لو بعد سنه بيحصد خير
والنتائج مارح تبين لج بيوم وليلة لا لازم تصبري عشان الله يوقف وياج ان الله مع الصابرين شنو تبين اكتر
وهذي عشرة عمر لازم الصبر والنية الحسنة والصدر الوسيع وان شاء الله راح تكونين سعيدة وراضية واحسن من الكل ابدا لا تحرين نفسج على شي مايسوا ترى مشاكل الدنيا وايد وهالامور تافهم فلا تضيعين احلى ايام العمر بالتفكير فالساخافات الي يقولج كله ما تعجبج طنشيه والي يسوي شي ما يرضيج طنشيه وارمي ورا ظهرج وعيشي اللحظة الي انتي فيها قبل ما تكسبي الناس بتكسبي نفسج والله بترتاحي
وديري بالج على زوجج دلعيه بيدلعج حبيه بيحبج وديري بالج على بيتج وحتى لو متضايقه لا تقحنين وفلانه سوت وفلان سوا لا خليه دايما ينبسط بالقعده معاج مو تنفريته وخليه واهوا ترى مو اهبل يشوف ويفهم
وان شاء الله وبالاسلوب الحلو بتصيري عند خالتج انتي السنعه والصبورة واحلى وحدة بعد لا تعطين احد الفرصة باردة مبردة من غير مجهود يصير احسن منج
والله يوفقج ان شاء الله
واتمنى انج تقرين كتاب عائ القرني لا تحزن
