حياتي بتكون احلى .. ابي عشر بنات بس

[رسَــيــل]

سيمبل قيرلي

ما شاااء الله حلو انج رياااضيه ..
والله بيفيدج ..
واهم شغله عدلي نومج ووزعي وجباااتج 5 وجبات كل 3 سااعات
هذا اللي يساعد ع الضعف
واذا ع الريجيم
انا بادية بريجيم اسمه التنظيف
خلال 3 ايام ينزل من 2-4 كيلو
ثواني وانزله

 

[رسَــيــل]

هلا ريجيمية..


عواافي يا قلبي ..
بس ليش تطوفين وجبه .. عاادي حطي الريوق مكان الغدا وتصير وجباتج كامله . .

انا اذا قطيت وجبة من الريجيم انهااار ههههههههههههه
اهو بروحه مافيه اكل

 

[رسَــيــل]

هلا ام شااهين ..


توني سويت هالشرح حصري لج ..

تابع ....

ان شاااء الله اكون كفيت ووفيت

واي شي انا حاضرة ..

 

[أم شاهين]

هلا بنات كليت قفشتين عيش وسلطه شوي وكوجه ماعليه على اقل اول يوم تخفيف ماقدر بعدين اتعود بس اهم شي انخفف ونصكر حلجنا قريب السبع اهم شي


والحين رايحه الممشي 1 2 3 هوبااا

 

[أم شاهين]

صج بنات نبي تكتبون رجيماتكم ويومياتكم موبس اانا يلا عاد

 

[رسَــيــل]

ريــــجــيـــــم الـــتــنــظـــــيــفـــ ..


لـــ مــــــــدة 3 أيـــــــــــامـــ .. فـــــقــــــــطــــ ..






الــــريــــــوقـــ ..

** توسته وحدة .. + شريحة جبن خاليه الدسم ...... وبعد ساعه برتقاله وحدة أو عصير جريب فروت كي دي دي

أو​

**روب خالي الدسم + قفشة عسل طبيعي .... بعد ساعه تفاحة خضراااا ..




الغدا ..

شوربة عدس أو شوربة خضار اي نوع ( ماجي او كنور ... الخ )
مو الفورية لا العاديه بس بدون اضافه دهن ..
+ سلطة ..
بكمياااااااات مفتوحه ...




المغرب ..

حبة فاااكهه وحدة ..



العشااا ..
توسته وحدة ..+ بيضه وحدة ... + سلطة ..


قبل النوم 15 نقطة من قطرة تنظيف اسمها skilax drops بنص دينار تاخذونها من اي صيدليه





الجاااي والقهوة والنسكافيه بكميات مفتوحه .. بدون سكر او سكر دايت





مهم :
* توسته ..
* نص خبزة سمرا خفيفه ..
* ربع خبزة ايرانيه ..
* 2 شابووورة ..





اتمنى تستفيدوون منه لاني والله طبقته من اسبوع تقريبا ونزلت تقريبا 3 كيلو ..


واللي تستفيد تدعي لي اضعف بصحه وعااافيه ...

 

[رسَــيــل]

عااااشت ام شاااهين


اهم شي الهووووباااااا ... هههههههه


والله شجعتيني .. بروووح العب ع الاوربت تراااااااك ...




بس خلوني اقووولكم ..


ريوقي .. توسته سمرا .. وجبنه خاليه من كل شي حتى الطعم ههههههه ( الحمد الله )
وكوب جاي بالدارسين ...

وبعد ساعه شربت عصير قريب فروت ... ما أحبه بس شربته ...





ويالله اشوووفكم مسااااءااااااا ... سي يوووو يا احلى قروووب ...

 

[simple.girly]

السلام عليكم ورحمة الله وبركاته ... مساكم الله بالخير والنور... وطاعة الرحمن ...
شلونكم بنوتات ....
توني قاعدة من النوم وبما اني صايمة ودي اكل شي بس ان شاء الله راح اتعوز من الشيطان الرجيم .. واكل تمر وانانس واي شي بروتيني ....
رسيل مشكورة حبيبتي وما قصرتي ورايتج بيضة .... وصراحة ماشاء الله حدج شقردية .....
مم لوووول سالفة ختماها مسك انه انا واعوذ بالله من كلمة انا رقم 10 فختمت القروب .... لووووول
يالله عسى الله يوفقنا ويوفقكم ان شاء الله

 

[رجيميه]

اخر وجبه توني كليتها الحمدالله وبهدا تمين اليوم الاول :$


والحين برقص ))(())(()))(()))((())(((
)(
)(
)) ههههههههههههههههههههههههه

 

[cuteya1986]

هاي يالحلوات اخباااركم

امس هذا غداي
دجاج تندوري مع عيش+ لبن اكتيفيا لايت




وعشاي للاسف كان ككاو سنيكرز +ماي

==========
اليوم هذا ريوقي حمص مع خبز محمص وبقسماط ماكليته كله خليت نصه لباجر لوول
+كوفي لاتيه مال تروبيكانا سلم+ سكر تروبيكانا سلم





وعال11 الظهر شربت شاي اخضر مو كله



وغداي اربياتا +عصير برتقال صغير ( طبيعي)




وعشاي سلطة معكرونة + لبن اكتيفيا لايت





والرياضه>> امس رتبت داري ...<< تعتبر رياضه مو??
واليوم بالدوام مشيت يمكن 20 دقيقه


وبس عطشاانه ابي ماي لوووول
​

 

[ديمـ77ــا]

يامساء الفل...

خل اقولكم...اخباري هذا اليوم...

الفطور:
2 عرموط
3 تمر
لبن اكتيفيا
شابوره
شرئح قليله الدسم
شاي اخضر
طبعا الفطور اكلته على فترات الى الساعه 1 الظهر

الظهر : قهوه عربيه وتمر

بعد المغرب : سلطه وبطاط مسلوقه ولبن اكتيفيا

باقي لي العشا : اناناس وعجه بيض طماط...شاي اخضر...

تصدقون...ماشاءالله وايد كليت >>> بحسد نفسي..
بس هذا النظام اللي معطتني اياه الدكتوره,,

بيني وبينكم: خربطت شوي وندمت...اكلت حبتين بسكوت ...يعني طاقه بالدوام..

التمارين صراحه..ماسويت...نادتني اختي اروح معاها الممشى...بس كنت مصدعه...

انتهى موجز النشره...نلقاكم غذا ان شاءالله ..

وهمتكم صبايا..

 

[ديمـ77ــا]

واااااااااااااااااااو..cuteya1986....اكلج شهي..عليج بالعافيه ...>>> بس العيش نو وي...

تعالوا صج...فوق هذرت...وما اعطيتكم نبذه عني ...<>>> تكفين يا الوزيره ...

الاسم : ديمــا

الوزن : 87

الطول: 157

الهدف : 57

البرنامج: حميه غذائيه عند الدكتوره في فوزية العوضي كلينك...


الرياضة : مشي على الخفيف...

 

[شيخه***البنات]

السلام عليكم شلوونج رسيل ان شاء الله بخير ..

في مكان لي ولالا ..

زعلانه عليج جان دزيتيلي رساله خاصه تدرين احب تجمعاتج ..

 

[رسَــيــل]

سيمبل قيرلي

وعليكم السلام ورحمة الله وبركاته
الله يتقبل منج يا رب
ولو .. ما سوييينا شي ..
وان شااااء الله نوووصل للي نبي بصحه وعافيه يا رب


رجيمية

عوافي يا قلبي ..
وشدي حيييييلج


cuteya1986

هلا حبيبتي
عوووافي ما كليتي ...
انتي مشتركة بدايت كير .. ولا بس تشترين وجباتهم ؟

ولا شدي حيلج بالرياااضه
موفقه يا قلبي ..


ديما

عوووافي ع ألبك
تدرين كنت بسألج عند اي دكتووورة ..
النبذة فادتنااا
وما عليج شــ زود الوزيرة عنج ... هاااا

موقه حبيبتي ..
وان شااء الله توصلين للي تبين بصحه وعافيه ..

 

[رسَــيــل]

هلا وغلا بــشيخة البنات

وعليكم السلام ورحمة الله وبركاته ..

اول شي مبروك البيبي .. يتربى بعز اهله ..

وما عليج انتي الداخلة واحنا الطالعين ..


حيااج يا قلبي .. وان شااااء الله توصلين وتقطين هـ الـ 20 كيلو بصحه وعافيه ..

 

[OM 5D O_o D]

قوهـ ي الحلوين

الريوق ( مآي + 1 بطآط ليز جبن )

الغدا ( هامور مشوي + 10 لقمات عيش <~ خوش ريجيم هههه )

العشا ( مآ تعشيت )

ريآضه ( مآ مداني )

واليوم ريوقي ( 7 تمرات بس )

الله يعين ...

 

[رسَــيــل]

 

[رسَــيــل]

هلا ام خدود ..

عواافي ع ألبك ...

 

[رسَــيــل]

باجي تقريري .. اليوم ..

الغدا ..
شوربة خضاار ..

سناكي المغرب ..
نسكافيه ..

العشا ..
توسته سمرا + بيضه وحده ..


الرياضه ..
لعبت 15 دقيقه ع الاوربت تراك ..وتعبت ..
لأن الحلوة مشرفتني اليوم وما قدرت اضغط على نفسي ..







بنات بخصوص التجمع .. ضروري نتذكر ..

* الميزان كل يوم أثنين .. وتبلغوني جم نقصتوا بس .. بالرسايل الخاصه ..
* التواجد .. مسموح تغيبين يومين ثلاااثه .. بس اللي تشطب ع الاسبوع كله ... أنا اسفه راح تطلع ..
* من اول اثنين .. اللي ما ترسل وزنها .. هم أنا اسفه .. ( عادي قبلها بيوم .. ) .


اعذروني بنااات .. بس والله ما بطلت هــ التجمع ..
إلا انا عارفه انكم تبون تضيفون لي وتشجعوووني ..

وصج اوزاننا ما تسمح لنا بالتهاون ..
اللي 10 واللي 20 واللي 30 واللي 40 كيلو ...

نبي جديه أكثر ..

وادري انتوا قدها وقدوووود ...
وربع(ن) تعاونوا ما ذلوووووووووووووووااا






أحبكم كلكم بالله ..

 

[رسَــيــل]

تصبحون على خير ..
اشوووفكم باااااجر .. ان شاء الله