طريقتج مع حريم خوانج !!!

[دلوعة أبوهآ]

لوووول ..

بعض الردود تضحك ..

الحمدلله ماعندي آخوان متزوجين خخخ

 

[كويتيه مذهله 87]

مالج شغل برفيجاتي لا سمعينهم هذولا اكيد يخربون بيوت
انتي صيري احسن منهم وعديهم مثل خواتج هذولا الحين صاروا منكم وفيكم ليش تحسبينهم غرب
مو مرت اخوج
ماتحبين اخوانج انتي

 

[دلوعة صلوح]

بالعكس حبيبتى انتى سويتى الزين وماعليج من رفيجاتج بس انتى لا تخلين نفسج رسمية معاهم
بالعكس اعتبريهم خواتج وضحكى واستانسى معاهم.. الله يرزقج الزوج الصالح.

 

[om_dodo]

والله انتى السنعه ومبين بياض قلبج
ماشاالله عليج
نفس ما تعاملينهم باجر الله سبحانه يرزقج بالزوج الصالح ويعاملونج حمواتج بحترام نفس معاملتج لحريم اخوانج
والعكس ليش رفايجج يقولون ختولى ومادرى وشووو ليش
اخوج مايستاهل الحشيمه ؟ امبلا اخوج له الحشيمه خلاص عيل مرت اخوى ما اقولها تولى
بالعكس احترمها واحبها من حبي لخوى واحترامى له.. منو اغلا اخوج والا رفيجاتج؟
اكيد اخوج خلاص لاتضايقين اخوج ولا تطلع منج العيبه خلج حبوبه مع الكل لاقالوا فلانه عنج قالوا ياحليلها حبيبه
وتحشم ويازين ملفانا عليها تنحط على الجرح يبرا ... والا لاقالوا قالوا قطيعه تقطعها الحسووود
تقبلى وجهة نظرى

 

[kuwait_queen82]

بعض ردوود البنات ادل على شخصية صاحبتها
سبحان الله
وخاصه اذا كانت مو متزوجه .......للاسف اللى تقول مو خدامه ومو كفو ومادرى شنو

ليش جذيه

اذا كانت مرة الاخو مو ساكنة عند الحموله ويت زواره ليش ما اضيفها ؟؟؟
مو بيتى وهى ضيفه ؟؟
مو انتى اذا زرتيها ببيتها يعنى ما راح تقوم بالواجب

بعض البنات مادرى من اولها جذيه نفيسه وتكره مرة الاخو منى والطريج
يعنى طالما مو ساكنه عندنا ولا شفنا منها شى ليش هالتزمت
اغلبه غييييره
لانها تكون كاشخه شى طبيعى فعبالهم انها بتحرهم

والله صج عقليات

حبيبتى انتى قمتى بواجبج وهذا اكرام الضيف وثقى تماما ان طيب اخلاقك مع اى زائره مو شرط مرة اخوج
يدل على طيب اصلج

كلامج ضحكني .شنو الناس اتغار من لبس الناس مو سخيفه لهل الدرجه علشان اتغار من كشخه لانه هل الشغلات انا ماهتم لها. لو بقعد اسوالف مع وحده من حريم اخواني من اول ماتقعد ليه تقوم اتشكه و اتقط حجي ابيهج انج انتي ماعليج اقصور و يليت الي عندي عندج ؟؟؟ ويليت عندي ورث مثلج و ماروح الدوام؟ هذاااااا شنو اتسمينه ؟؟ظ
الي تقط ابويهج و جدام اموج حجي انتي عانس هذا شنو اتسمينه؟؟
والا لو اشتريتي شي تقول والله ماتشتري هل الشي الا البنات المومضبوطات هذا حجي حريم اخوان تحشمنهم؟؟
انا ماعندي استعداد اقضي ساعتين او ثلالث ساعات مع ناس تافهه و سخيفه اقرى كتاب او استرخي ابركلي و اريح اعصااابي

 

[حبي بيرين]

صيررسمية لان بعد فترة بيقلبون ع اهل الزوج هذاواقع واسالي مجرب والضيافة لية مافيهم يد انتي مو خادمة لاتعوديهن ع كذا

 

[al3sooola]

هذا من الذوق والادب والاحترام اللي عندج احسن شي
انا نفسج تقريبا بس انا الوحيده بالبيت
وعندي حريم اخواني
بس ما اعاملهم برسمية واصب قهوة ومادري شنو لا عادي

 

[بندوره]

ماعليج من صديقاتك
خليج بطبعك
طبيعي انك تضيفينهم بس ضيافه الغريب غير حريم الاخوان
يعني انا متزوجه بس في بيت اهلي مع حريم اخواني انا اهتم بضيافتهم واقدم لهم واكرمهم وانا اكبر منهم
تلاقيني اهتم بتحضير القهوه والشاي يجيبونه الشغالات وانا اصب لهم بس هم بعد بنات حلال مو يحطون رجل على رجل لا لالا تلاقينها تقوم وتصب الفنجان الثاني لها ولي ولباقي حريم العيال
اتمنى فهمتيني اشلون يعني نكرمهم بالضيافه وهم يعتبرون نفسهم اهل مكان
نعطيهم حقهم من التكريم لانهم في بيتنا بس مانمنعهم انهم يتصرفون كانهم في بيتهم

 

[كلما تكبر تحلى]

:eh_s(15):

دام انهم في بيتكم لابد من اداب الضياافه

وهذا عين العقل

عاملي النااس باخلاقك لا باخلاقهم

 

[مهره بلا خيال]

ياعمري خلي منك الحقد ولاعليك من أي شخص تصرفي بقلبك وعقلك..

أنتي عاملي بالطيب وقطي بحر..وأحتسبيها أجر..وبعدين أنتي المستفيده بترقدين مرتاحه وربي راضي عنك ...وماعليك من اللي تقول عامليهم بأسوء..محد فقبر أحد..لاتزودينها سولفي عادي سوي واجبك وبس..

 

[lamar90]

انا عندي اخ واحد اكبر مني و مو متزوج ... علشان كذا ما اقدر افيدك بس بشكل عاااام ... اكــــره جلســـــــــات الحــــــــريـــم

 

[أم نواف غير]

ماشاء الله عليك هذا من اخلاقك وذوقك الرفيع

ماعليك من كلام صحباتك . عامليهم على اخلاقك انتي .

قال - عليه الصلاة والسلام - :" إن خياركم أحاسنكم أخلاقا ً"

ماشالله البنات كلهم ذوق وكلامهم عين العقل

 

[سوسن1980]

اللي تسوينه صح بس ماينفع هالايام الناس مايعجبها العجب

 

[sara1963]

بلعكس ماشالله عليج لو انتي حماتي احط تاج على راااسي ماعليج منهم اصلن هذي مو شغل خدامة
الخدامة لها اشغال ثانية احين اذا قمتي بواجب الضيافة خدامة عجيبة والله بلعكس هذا يدل على تربيتج
الله يسعدج يااارب بالزوج الصالح

 

[ام زهقانه]

اذا تقهولين يقول رفايجج خدامه لاحبيبتي انا قاعده توجبين ولا خلج رسميه وتعامليننها كانها الغريبه

 

[Ṁαяyŏмα ≈]

.


بصراحه استغربت من بعض الردؤؤد :| !
شدعوآآ عدؤتج اهي
محبتها من محبه اخؤج ؛) ~!


سوي اللي الله يرضا عليه وبس ~

 

[ماخذة غلا اخوي]

لا حبيبتي مالج شغل برفيجاتج اكسبي حريم اخوانج بالطيب لانج بنت تعرفين السنع وعسى ربي يرزقج بالزوج للي يستر عليج ويحطج بعيونة ان شاء الله

 

[قطوة@@]

اول كنت حييل ميانه بعدين صار موقف معاهم صرت اعاملهم رسمي حييل حيييل ... بصراحه واايد اريح

ما اعطيهم ويه و اللي تبي تشرب و لا تاكل عندها الخدم و المطبخ ما اخدم احد

 

[PuPa^^SWeeT]

بعض ردوود البنات ادل على شخصية صاحبتها
سبحان الله
وخاصه اذا كانت مو متزوجه .......للاسف اللى تقول مو خدامه ومو كفو ومادرى شنو

ليش جذيه

اذا كانت مرة الاخو مو ساكنة عند الحموله ويت زواره ليش ما اضيفها ؟؟؟
مو بيتى وهى ضيفه ؟؟
مو انتى اذا زرتيها ببيتها يعنى ما راح تقوم بالواجب

بعض البنات مادرى من اولها جذيه نفيسه وتكره مرة الاخو منى والطريج
يعنى طالما مو ساكنه عندنا ولا شفنا منها شى ليش هالتزمت
اغلبه غييييره
لانها تكون كاشخه شى طبيعى فعبالهم انها بتحرهم

والله صج عقليات

حبيبتى انتى قمتى بواجبج وهذا اكرام الضيف وثقى تماما ان طيب اخلاقك مع اى زائره مو شرط مرة اخوج
يدل على طيب اصلج

اهيا المفروض راعية بيت مو ضيفة

انا اببيت خالتي مو ضيفة






صاحبة الموضوع

اذا مو علشانهم علشان اخووج

ولاتطلعيين بالشينة و خلييج ماشية سيدة

واذا انتي اتدللينهم و همن مايواطنونج شتسوين


الاهم اخووج

علشان يرتاح لاترد البيت اختك و اختك

 

[PuPa^^SWeeT]

كلامج ضحكني .شنو الناس اتغار من لبس الناس مو سخيفه لهل الدرجه علشان اتغار من كشخه لانه هل الشغلات انا ماهتم لها. لو بقعد اسوالف مع وحده من حريم اخواني من اول ماتقعد ليه تقوم اتشكه و اتقط حجي ابيهج انج انتي ماعليج اقصور و يليت الي عندي عندج ؟؟؟ ويليت عندي ورث مثلج و ماروح الدوام؟ هذاااااا شنو اتسمينه ؟؟ظ
الي تقط ابويهج و جدام اموج حجي انتي عانس هذا شنو اتسمينه؟؟
والا لو اشتريتي شي تقول والله ماتشتري هل الشي الا البنات المومضبوطات هذا حجي حريم اخوان تحشمنهم؟؟
انا ماعندي استعداد اقضي ساعتين او ثلالث ساعات مع ناس تافهه و سخيفه اقرى كتاب او استرخي ابركلي و اريح اعصااابي

ياحياتي الله يعيينج


بس تبين الصراحة ماعرفنا منو الحق معااه لوووول


بقسم الزوجية طب بالحمولة

واهيي طب بالجنة ؟؟؟؟

سبحان الله


واذا اهناك بقسم الزوجية عطيتي العذر للحمولة قالولج اللي ايده بالماي مو مثل اللي ايده بالنار ؟؟؟


بالله هذا رد


انا اقوولكم

انتي اتسويين اللي علييج علشان اخووج


اذا حصلتي منهم اذى فعلا مو بس بالحجي

لاا اذووج بلسانهم و افعالهم و تصرفاتهم

ذيج الساعة صيري رسمية