شنو الاكل اللي ناخذه والاطباق اللي نسويها بالسفر...حياكم

[om_7sin]

بنات محتارة انا شارية الجدر الكهربائي اخذه ولا لاء؟؟ اخاف ياخذ ووزن ومكان وانا كلا حاجزة شقق بس بيورو بارك فندق

 

[Q8yatمحدمثلنا]

ام حسين ..اذا بتقعدين بالفندق اكثر من 4 او 5 ايام ..اخذيه ..غير جذي مايسوى شيلته..لان بالشقق طبيعي فيه جدور..ماراح تلعوزين..

 

[om_7sin]

انا بقعد بكابرون ١٤ يوم ويورو بارك يومين وميونيخ ٥ ايام شكلي بشوف على حسيب الجناط اذا كفت باخذة

 

[اسمهان99]

om- 7sin انا نفسج راح نقعد في كابرون 10 ايام وابخاطري اروح يورو بارك بس يقول زوجي بعيده على العلم راح اناجر سياره وكم تبعد عن كابرون عشان معاي اعيالي اثنين واخاف تعب عليهم الله لا يهينج حبيبتي

 

[om_7sin]

لاا عادي حبيبتي مو بعيدة وايد وانا حجزت فندق الاندلس من هني داخل مدينة الالعاب

 

[om_7sin]

اهيا المنطقة الي فيها يورو بارك قريبة من ميونيخ ومن ميونخ لي زلمسي تقريبا ساعتين يعني مو وايد بعيدة وبعد لاقية مدينة العاب بالمانيا وايد حلوة على شخصيات نكلودين دورا وسبنج بوب اسمها movie park حطيها بقوقل وراح تطلعلج صورها الصراحة الروحة حق اوروبا لازم ياتروحين يوروبارك او ديزني وخصوصا اذا معاج يهال

 

[يالبيه]

انا اخذ معاي سوالف الريوق بس مثل كورن فليكس وبسكويت وحليب ابو قوس الصغار واهم شاي ليبتون وكبتشينو اما الككويات والعصاير والخرابيط من السوبر ماركت هناك والغدا مطاعم كله

 

[ms_5ajoola]

شفقاااانة على السفر واااايد

 

[_زينه_]

بنات اذا الفندق معاه ريوق تنصحوني اخذ شي ولا لا ؟؟؟

 

[_زينه_]

وبغيت اسالكم فنادق اوربا الغرفه تكون فيها غلايه و اوتي ولا لا ؟؟

اخاف اخذ معاي ويطلع وزن عالفاضي و يكون هناك متوفر

 

[om_7sin]

زينة اي اخذي خفايف حق العصاري او وانتو طالعين وخصوصا اذا معاج يهال انا بالكويت لي طلعت لازم اخذ خفايف لليهال اول مااركب السيارة مامايوووعان لوووول لازم مطارة وبطاطا ولا بسكوت

 

[om_7sin]

شفقاااانة على السفر واااايد

حتى اناطاااقة جبدي قعد اعد الايام عد ومع الغبار صراحة الواحد بهج نبي شوية براد ربي لك الحمد

 

[معلمة انجليزي]

السلام عليكم حبيباتي الكويتيات
الطبخ بالسفر يعتمد على الدولة اللي انتي مسافرتلها وعلى المسافرين
مثلا بمصر او ماليزيا ما في داعي للطبخ حتى لو معاك جهال
بس بأوربا و بأستراليا و امريكا وخصوصا اذا كنتي ماخذة شقة فانتي محتاجة للعزبة==== وهي جنطة تستخدم للمواعين والماجلة تنباع بسوق الكويت و الاسواق الشعبية
انا عني آخذ عيش لان عيشهم مو حلو وغالي وآخذ ربيان ناشف وماجي واندومي الكوب اللي بس تضيفين الماي الحار
لأن الماجي مالهم مو ذبح حلال ولا الاندومي
وعصير كي دي دي المنجا لان عيالي ادمان عليه وحجمه صغير وحلو بس ما آخذ واجد يعني دستتين
وبهارات حب ومطحونة ولومي مطحون وفلفل اسود مطحون
واللي معاها عيالها ولازم ياكلون سناك بطاط وككاو ترى اسواقهم حيل غالية
وانا آخذ جدوري وقلاصات حديد والمقلا والمشخال والمبشرة والسكين ولوح التقطيع لأنك ما تدرين شنو مقطعين او طابخين قبلك
وبآخر محطة اقطهم
كلفت علي الجدور والعزبة 35 تقريبا طبعا بالنسبة لعائلة من اربع انفار هذي سعر غداء بمطعم
بس اهم شي اكون متطمنه
وانا وحدة يخيس بطني من اكل المطاعم
اما التونة والسردين والالبان والحليب والتوست والكرسونات والخضار فهي متوفرة عندهم
اما الجدر الكهربائي انا شايفته بمركز سلطان ب 9 و ب 11 ومو ثقيل حيل
بالنسبة للأوتي كل الفنادق فيها بس ساعات تكون غلايتهم مو نظيفة

 

[ودي***أفرح]

معلمه انجليزي

ذكرتيني بالعزبه زوجي جنني عليها يقول باخذ عزبتي معاي
وانا اتطنز عليه ههههههه ...........احنا رايحين امريكا عادي ناخذها معانا

 

[om_7sin]

اول مرة اسمع بالعزبة شلون صايرة ؟؟ حطو صورتها

 

[معلمة انجليزي]

انا والله ما اعرف انزل صور لكن عباره عن جنطة مربعة فيها وفيها نفس الاماكن للقفاش والسكين وبرا سحابات للأغراض الجانبية
والحلو فيها انك تحطين فيها الاغراض كلها وهي مقسمة من داخل يعني الاغراض ما تتحرك فيها ومصنوعة من خام الطربال
انا شريتها ب 6 من سوق الصباح بالفحيحيل وترى موجودة بسوق (السلاح ) مو الكويت
انا والله ما علي من الناس اهم ما علي راحتي
لأن جناطي غميضة دلسي اخاف اذا نقلت الجدور من ديرة لي ديرة يكون فيها شي وتوصخ جناطي

انا زوجي معارض العزبة بس حنييت عليه لحد ما وافق يقول بتفشلينا
قلت اللي يعرف العزبة بيقول هذي عشان بتطبخ وبيعذرني واللي ما يعرفها ما راح يهتم

 

[om_7sin]

عليج بالعافية شكلي بشتريها

 

[اميره الوردى]

بنات بسالكم عادي ناخذ معلبات للندن حليب واجبان جذيه اخاف يردونهم ساعدوني

 

[om_7sin]

اتوقع اذا الاكل بالشحن عادي بس اذا بالطيارة مايصير

 

[اميره الوردى]

ماابي توقع للي مسافر ويعرف هل المعلبات يردونها ولا لا بنات فيدوني ويعطيج العافيه للي ردت