تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.
أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة .
قوالب السبانخ واللبنه
نفس طريقة التورتيلا والحشوة نحمس بصل ونضيف له 1 مكعب الماجي + السبانخ ( مثلجه او فرش ) والسماق وعصير الليمون نحشي القوالب ونشكل اللبنه بالقمع على شكل وردات ونرش سماق
قوالب تندوري الدجاج
نفس طريقة التورتيلا الحشوة: صدور دجاج مقطعه 2 م ك ليمون كأس زبادي 2 م ك زنجبيل طازج مفروم 2 ثوم مفروم 1/2 م ص كمون 1/2 م ص كزبرة 1/4 م ص فلفل اسود 1/4 م ص كركم لون طعام احمر السابقه وبعد كذا نسخن المقلى مع شوي زيت ونحمر الدجاج ( غطي المقلى وقصري النار وحركيه كل شوي) المايونيز: نعناع طازج مفروم + كزبرة طازجه مفرومه + فلفل اخضر حار كلهم في البلندر مع 3 ملاعق بصل مهروس وملعقتين خل نخلطهم مع 1/2 كأس ما يونيز ( ممكن نقلل كمية المايونيز ونعوضها بزبادي) نحط في قوالب التورتيلا قطعة دجاج + بصل وسماق ونصب شوي من الصوص وبالعااااااافيه
وردات الكيري
بف بستري حجم صغير تفردينه شوي او الحجم الكبير تقسمينه اربع وندهنه بكيري + فلفل رومي مفروم + شوي نعناع او بقدونس
نقطع الاطراف ونلفه على شكل ورده مثل الصور
ندهنه بالحليب ونخبزها
فطاير كباب الدياي
طريقة الكباب : صدر دجاج مكعبات بصلة كبيرة ناعم ثوم مبشور وبالطاحونه العادية لين ينفرم مزبوط , على دفعات بعدين اضفت ملعقة صغيرة عصير ليمون 1 بيض مخفوق1 ملعقة صغيرة ملح 1 ملعقة صغيرة كركم 2/1 ملعقة صغيرة فلفل اسود نص ملعقة صغيرة كمون ربع كوب بقسماط نشكله على شكل اصابع وبالمقلى اقلبهم لين يتحمرون واكون مغطيته واقصر عليه النار واحط حبة الكباب وابدا اجمع الحشوة كلها مع اللف عشان تتطابق اطراف العجينة باخر شي واعمل شقوق بالسكين ع الوجه وادهنها بحليب ونخبزها ( تقدرين تعملينها بالبف بستري برضو )
sausage Dip
منقوله من الاخت : همس الشتاء المقادير هوت دوق جبن سائل صلصه حاره الطريقه نحمر الهوت دوق ونقطعه صغار ونحط فوقه الجبن مع الصلصه
سلطة الزيتـــون
المقادير خس زيتون مكعبات خبز محمصه جاهزه بالاعشاب او بالثوم صوص رانش او سيزر الطريقه الخس يقطع قطع صغيره ويقلب مع حبات الزيتون ويوضع بطبق لسلطه ويوضع الخبز فوقه ويصب عليه الصوص
شوربة الدياي مع الذره
المقادير - بصل مقطع صغير - مرقة دجاج الطريقه
الكبه الحلوه
المقادير : 2 كوب سميد نصف كوب طحين نصف كوب زيت ثلاث ارباع كوب حليب فاتر نصف ملعقه صغيره بيكنج باودر الحشو : جبن كيري او مكسرات مجروشه التحليه : شيره خفيفه الطريقه : طبعا تعجنين مقادير العجينه بحيث تكون متماسكه ولاتكون قاسيه مره ولالينه مره تقطعين العجينه لكور صغار وتبدين تكببينها مثل الكبه تمام باستخدام الماء المثلج أو الزيت اقليها بزيت غزير بعدين حليها بالشيره >> كونوا كريمين بالشيره لأنها المصدر الوحيد للحلى بهالوصفه صفيها بصحن التقديم وممكن تزينيها بفستق مطحون
هلا والله حراير .. الله يعافيك حبيبتي نورتي
سلطة الشمندر بصلصة الكزبره
المقادير : خس امريكي بطاطس مكعبات مقلي باذنجان مكعبات مقلي شمندر مسلوق او معلب مخلل خيار الصوص : كزبره زيت زيتون دبس رمان مايونيز زبادي ملح \ فلفل / فص ثوم مهروس الطريقه : قطعي الخس مربعات وافرشيه بصحن التقديم قطعي الشمندر والمخلل لمكعبات حطي البطاطس والباذنجان والشمندر والمخلل بشكل طبقات
كرات البطاطس بالبيتزا
نفس طريقة كرات البطاطس العاديه بس اضفت عليها فكرة البيتزا ... مكس بين الأثنين والطعم لذيييذ المقادير : بطاطس حشوة بيتزا مفرومه ( فطر \ زيتون \ فلفل رومي ) تزيدين او تنقصين حسب الرغبه جبن موزريلا ملح \ فلفل \ اوريغانو بيض وبقسماط الطريقه : يسلق البطاطس ويهرس تضاف له المقادير المفرومه والجبن والملح والبهارات يعجن الجميع معا ويشكل كرات صغيره تغمس بالبيض والبقسماط ثم توضع بالفريزر لتتماسك ثم تقلى تقدم مع صلصة البيتزا
تبولة العدس
باختصار هي تبوله عاديه بس بدل البرغل نحط عدس اسود مسلوق وكل وحده وطريقتها وبقولكم طريقتي المقادير : بقدونس بصل اخضر شوي نعناع طماطم عدس اسود مسلوق التتبيله : زيت زيتون \ ليمون \ ملح \ كمون الطريقه : يفرم البقدونس فرم ناعم البصل الأخضر مفروم الطماطم مكعبات صغيره تخلط كل المقادير مع بعض وتتبل بالتتبيله وتقدم
اكواب البيبي برجر بالشاورما
هذا الشي مكس من 3 وصفات دمجتهم ببعض والنتيجه طلعت مذهله ... واتذكر ان الصحن انلحس لحس ... واهلي الى اليوم يتغنون فيها المقادير : 1 ) بقدونس مفروم \ بصل ابيض مكعبات \ سماق 2) صدور دجاج تقطع مكعبات صغيره وتتبل بـ(زبادي \ زيت زيتون \ خل \ بهارات مشكله \ بابريكا \ ملح ) 3 ) الصوص : زبادي \ طحينه \ مايونيز \ عصير ليمون \ ملح \ ثوم 4 ) مكعبات بطاطس مقليه 5 ) خبز بيبي برجر الطريقه : نجيب خبز البرجر وبالسكين نسوي دائره من فوق ونفرغها من العجين نخلط مقادير (1) ونحط مقدار ملعقه صغيره بقاع الساندوتش نطبخ الدجاج ع النار بدون اضافات ونضبط الملح وبعد مايستوي نحط فوق (1) كطبقه ثانيه نخلط مقادير الصوص ونصبها فوق الدجاج نزين الوجه بمكعبات البطاطس و ورشه من السماق
مطبق الفلافل
المقادير : عجينة مطبق او خبز صاج او شباتي الحشوه : فلافل مطحون مكعبات باذنجان مقلي بقدونس مفروم مخلل اي نوع تحبونه فجل جزر شمندر خيار الصوص : زبادي طحينه كمون الطريقه : تخلط مقادير الحشوه بالصوص وتفرد على عجينة المطبق ثم تطوى بشكل مستطيل تحمر بالفرن
بيرتزل البيتزا
المقادير : مربعات بف باستري صلصة بيتزا ( جاهزه أو منزليه ) جبن موزريلا مبشور بارميزان مبشور اوريغانو حليب سائل للدهن الطريقه : يقطع كل مربع بف الى 3 مستطيلات بالتساوي يفرد كل مستطيل بالعرض حتى يكون سمك العجينه نحيف امسحي طرف من العجينه بالصلصه ورشي عليه موزريلا لفيه بشكل رول وقفلي الأطراف ادهنيها بحليب سائل ورشيها بأوريغانو وبارميزان واخبزيها وقدميها ساخنه
شابوره مره لذيذه
نخلط ثلاث بيض فانيليا ثلاث ملاعق حليب بودره ك زيت كأس إلا ربع سكر بودر 3 ك طحين يانسون_حبه سودا ماي ان احتاج تخلط مع بعض وتصير العجينه مثل الكيكه نخبزها ونتركها تبرد ثم نقطعها ونرد نحمصها بالفرن شوي
جداااااااا لذيذه مع الحليب المهيل
دجاج بالفرن مع الزهره
المقآدير والطريقه مع بعض : نجيب صحن صدور الدجاج .. نقطعها مستطيلات .. وبعدين ندخلها باكياس بلاستيك ونبدا نضرب نضرب لين تنفرد معانا اشوي .. نبدا نحطها بصينيه عاديه فيها ( نص كاس دقيق + ملح + اجيناموتو + فلفل اسود + ملعقتين كبار بابريكا ) ونتبلها دخليها الثلاجه لمده ساعه ساعتين ثلاث اللي تبين .. دخليها الثلاجه واشتغلي بباقي الخطوات .. الزهره .. وبراويه اخرى ( القرنبيط ) امسكيه وقطعيه مو صغار مره <== احبه كبار اشوي علشان لايذوب وقت القلي .. وغطسيه بـ ( بيضتان + ملح + فلفل اسود ) واقليه .. وتقلي صدور الدجاج المتبلة او نشويها وترصيها في صينية نجيب بصل شرايح + فطر شرايح + فلافل ملونه شرايح .. ونحطها بزيت زيتون كلها مع بعض .. ونقلبها بس لمده 10 دقايق لاتلين مره .. نخليها محافظه على قوامها . .. نضيف ملح وفلفل اسود وماجي فقط .. وبعدها نضيف زهرتنا المقليه ونقلبهم .. نجيب خلطه عباره عن ( 3 علب فشطه طازجه + 4 فصوص ثوم + بيالة لبن سايل ) نخلط الموضوع مع بعض .. ونضيفها على البصل ونقلب نقلب على نار هاديه جدآ .. لمده 7 دقايق او 5 دقايق .. مجرد تتماسك وتحسين انها امتزجت النكهات .. نحط الصوص البصل وتوابعه .. فوق صدور الدجاج بالصينيه .. وندخلها الفرن .. لمده ثلث ساعه من تحت .. بدون قصدير .. وبعدين .. نرش ع الوجه موازريلا .. وبقدونس .. وبالعافية
سلطة البقوليات الحاره
المقادير: علبة حمص - علبة فاصولياء حمراء - علبة فاصولياء بيضاء - علبة بازلاء - ملعقتين كاتشاب - ملعقتين مايونيز - ملح . ممكن تلغين اي صنف ماتحبينه .. الطريقه: اغسلي جميع المعلبّات ماعدا الزيتون وصفيهن من الماء(لأن نكهة المواد الحافظه بتخرب السلطه )... ثم اضيفي المعلبات على الخضار وحطيه عليهم الزيتون(هو وزيته لا تصفينه ) ثم حطي عليهم ملعقتين كبار مايونيز وكاتشاب وملح واخلطيهم ثم قدميه وبالعافيه
كيكة التراميسو
سويت كيك بيتي كروكر بالشوكولاته وفتته اول ما طلعته من الفرن وحطيت عليه فنجان شاهي ماء مغلي مع ملعقة كبيرة نسكافية وتركته على جنب .. ( بنات مو لازم تسون الكيكة عادي جيبوا جاهز وفتتوه ) جبت الصينيه اللي تنفك وبطنتها بالكيك من تحت والأجناب بنات الكيك بيلزق بسهوله لأننا حطينا عليه موية ونسكافية فطالع يميل للعجين شوي وراح يمسك بسهولة بالصينية .. سويت خلطه بالخلاط السكاكين ( محضرة الطعام ) عبارة عن .. علبة جبن فيلادلفيا ممكن تستبدلونها ب6 الى 8 قطع جبن كيري 2 ظرف دريم ويب 2 ظرف كريم كراميل 4 م ك نيدوأو اي حليب مجفف 1 مغلف بسكويت ساده مطحون ناعم ربع فنجان نسكافيه محلول بماء ( الماء مغلي تقريباً فنجان شاهي ) 4 ملاعق سكربودره الخليط ثقيل نوعاً ما بنات لو حابين الحلى يتماسك أسرع زيدوا بسكويت مطحون من ناحيتي تركته تقريباً 3 ساعات حطوه على الكيك اللي بالصينية وغطوه بباقي الكيك اللي مفتت غطيته بباقي الكيك وضغطت عليه بشويش عشان يمسك بالخلطة تركته بالفريزر 3 ساعات وطلعته .. ذوبتو شوكولاته خام مع شوية قشطة بالمايكرويف وحطيتها عليه وحطيت فوقها توفي برضو .. زينته بحبات السكر الملونه .. وصحتين وعافية للي بيجربونه
