كــــارهه الحجاب ودي أقــــطــه

[ولاء-وفاء]

لما كان عمري20 ملجت على واحد شرط علي اتحجب

وغلطتنا ماسألنا عنه عدل وفسخت الملجه لان طلع عنده خرابيط وعنده سوابق بالاجرام

انا بس ملجه ماتزوجته <<<فهمتوني شقصد

<<<< موحرام اسمي مطلقه ومسجليني في بيانات ديوان الخدمه اني مطلقه وانا ماتزوجت بس ملجت جم يوم وانفصلت


الحين عمري 30 محد يبيني لان اسمي مطلقه وغير المعاير من اهلي وخصوصا امي

لي يومكم تعايرني كلا تقولي لو متحملته وصايره عليه ولا تكونين مطلقه


خواتي واخواني اللي اصغر مني تزوجوا وصار عندهم عيال الا انا المهم

لا تحسبون طول هالسنين مستانسه فيني امراض عضويه اسبابها نفسيتي


قبل لا اتحجب كان لبسي استر من الحين كنت البس نفانيف ماكسي لما كانوا هابين فيهم


وتنانير الحين كلا البس جينز وبلايز ومالي خلق بس اي شي وعملي خلاص صج مااطلع ولا شعره من شيلتي

بس لبسي مولبس متحجبات احس اني موقد الحجاب

ما احب اروح السوق ولا احب اطلع بس اروح الدوام وفي الدوام مثل المعقد مااحتك باحد ولا عندي ثقه بنفسي اشوف روحي جيكره بالحجاب
وامي ملا تقولي الحجاب مكبرج



ولا احب اشوف روحي بالمنظره هامله نفسي

وكل ماالبس الشيبله اتذكر اللي كنت مالجه عليه حسبي الله عليه واتذكر

كل اللي صارلي واتذكر كلام اهلي كاااارهه الحجاب موقادره اتحمل اكثر من جذي

عايشه في صراع نفسي داخلي تعبااااااااااااااااانه ودي اقطه بس خايفه

وماودي بس موقادره انسى اللي صارلي صحتي كلش تعبانه والله قاعده اكتب وابجي

تكفوووووووون بنات نصحوني

 

[ولاء-وفاء]

تكفون بنات لا تزفون ولا تقولونلي حجي يغث :eh_s(2):

انا محتاجه كلمه طيبه ونصيحه :eh_s(2): بروحي تعبانه ومريضه لا من صحتي ولا من نفسيتي ولا من شخصيتي ولا من مستقبلي

 

[cute lulu]

لا حول ولاقوه الا بالله

حبيبتي اول شي لادخلين لحجاب بالسالفه لان اهوا فرض ماله دخل

وما ادري شقولج الله يعينج روحي عالجي عند طبيب النفسي ترا مو عيب

ويريت حطيتي موضوعج بقسم المشاكل الاجتماعيه راح يساعدونج اكثر

 

[LuLiTa]

حبوبة الله يعوضج بدال ذاك ..الزواج قسمة و نصيب ... و الحجاب ماله دخل بـ اللي صار... و انتي صارلج 10 سنين محجبة الحين تبين تقطينه ؟ من صج ؟

حطيتي كل هـ الاعذار و الامراض و نسيتي انه الحجاب فرض من الله ؟ يعني مو بـ كيفج تلبسينه اليوم و اتقطينه باجر ..وين ايمانج وين طاعتج لـ ربج ؟ .. الله بـ يحاسبج ... طول هـ الـ 10 سنين محجبة و ما اتعرفين تلبسين شي مناسب لـ حجابج ؟ و الحين كل الامراض اللي فيج و المشاكل اللي بـ حياتج راح تنحل لما اتقطين الحجاب ؟ حبوبة حدثي العاقل بما يعقل ...


بكل بساطة العيب مو بـ الحجاب العيب فيج انتي بـ انهزاميتج و سلبيتج و استسلامج

 

[حلاتي بذوقي]

لا اتعبين نفسج وتعيشين بجو كأبه
يمكن يكون خيره لج انج عرفتيه من البدايه على حقيقته
وبعدين ليش معقدين السالفه واذا انتي مطلقه يقعدون يعايرون فيج غلط والله ومليون غلط
اقول عيشي حياتج واللي يعايرج طنشيه
تدرين يمكن احسن شي سواه اللي ملج عليج انه خلاج تتحجبين يمكن لانه الله يحبج خلاج ترتبطين فيه علشان تتحجبين
انا اقول خليج على احجابج ولا تفصخينه والله تندمين اذا فصختيه
بعدين انتي ماشالله عليج كبيره عمرج 30 واكيد فاهمه الدنيا
وليش لما تعبت نفسيتج قطيتي همج على طريقه لبسج وحجابج
انا اقول خليج بحجابج وغيري طريقه لبسج
وتقبلي راااي

 

[Nanoosa]

حبيبتي هذا الشيطان قاعد يوسوسلج انج تقطينه قاعدة تشوفين نفسج انج جيكرة فيه ما ادري شنو

بصراحة انا اشوف الوحدة مع الحجاب تكون احلى من و اهي فاصخته

الحل انج تستغفرين ربج و ما تفكرين تقطينه لأن حرام حبيبتي

يعني انج تكونين ما تحجبتي كلش اهون من انج تحجبتي و فصختي الحجاب يا كبرها عند الله

(كــــارهه الحجاب ودي أقــــطــه) << كل ما حسيتي انج بتقولين هالجملة استغفري ربج و تعوذي من بليس

و انتي مو لابسته 24 ساعة تقدرين تقطينه فبيتج!

و بعدين شفيها المطلقة؟ لا تصيرين حساسة الزواج مو كل شي

ياما بنات ما تزوجو و كملو دراستهم و عايشين احسن عيشة و مستانسين بين اهلهم

خليج قنوعه بحياتج الحين

 

[توته 17]

والله يا قلبي ما ادري شنو اقولج بس والله دخلتي قلبي حست معاناتج الله يشفيه ياارب و يرزق بولد الحلال يلي ينسيج الماضي

انتي ما تعتبرين مطلقه لانه ما دخل عليج توضيح المعلومه بالوراق و بيانات اوكي مطلقه بس بالواقع انتي بنوته الحلوه

ليش ما تهتمين بنفسج البسي ملابس تناسب الحجاب و شويه مكياج خفيف لدوام انتي شكله خواتج كلبوهم مو متجبين ؟؟

 

[_كلي دلع_]

لآحؤل ؤلآقؤة آلآ بآلله ..

حبيبتي لييش آدخليين ألحجآآب بآمؤر حيآتج لا آنتي غلطآنه .. ؤبعدين ليش كأرهته علشآن يذكرج بخطيبج ألي أنفصلتي منهـ يمكن هذأ آنذأأر من ربي ؤآنتي شدرآآج يمكن ربي يختبرج ألحين يشؤفج بتتحملين هألحجأأب ؤلآلآ ..؟؟ فأ آنصحج تشيلين هألفكرهـ من بألج ؤأذا تذكرتيهآآ حآؤلي تشغليين نفسج بشيء .. ؤعن سآلفة ألي يعأيرؤؤنج بطقأأق عطيهم طآآف ؤلآ آنج تتحسسين من كلآلآمهم خليهم يعأأيرؤؤن لين مأيشبعؤؤن مآعليج منهم ؤبعدين آنأأ آعرف بنآآت شكثر مؤؤ متزؤجآآت ؤعآآيشين حيآآتهم

نصيحه مني لج لآتشيييلين آلحجآآب ؤاذأ عن نفسيتج آسترخي ؤرحي طبيب نفسي ترآآء عآآدي آحسن من آنج تقعدين ؤآنتي كلج أهمؤؤم

 

[شقاويه 11]

الله يهديج ويرزقج بالزوج الصالح

 

[زهرآء]

الحجاب ماله دخل بس انتي حاطته ببالج عشان كدا كرهتيه اهو فرض من الله

بس يمكن انج للوقت هذا ماانخطبتي خيره

ممكن لو تزوجتي تعيشين عند واحد ينومج ويقعدج طق او واحد سكير او او ....
فعرفي كل شي فيه خيره من الله

وانتِ لاتوقفين حياتج ع الزواج انطلقي وصيري اجتماعيه صدقيني بنات وايد مو متزوجات بس راضين باللي الله كتبه لهم وعايشين حياتهم

ياانج تبدين خطوه جديده مع نفسج وتفتحين صفحه جديده
او تعالجي عن دكتوره نفسيه والله مو عيب ع الاقل راح تضلين طول حياتج عايشه بسعاده وراحه

 

[شوق95]

حبيبتي شكووا الحجاب بالسالفه ،حررام لا تقطينه ترا فيه رب يشوف ويحاسب خااافي الله، اللي فوقج قبل الكل
واالله يرزقج حبيبتي باللي احسن منه ويوفقج*

 

[عاشقة هواك]

لازم تتقبلين الحجاب لان هذا فرض واعتقد انتي اتعرفين هالشي

والله يرزقج بالزوج الصالح مو معناته مطلقه محد يبيج

في بنات من اهلنا مطلقات واااايد وتزوجوا وعاااادي

والله يرزقج بالزوج الصالح الي يعوضج

 

[ṦάЯỢηά ĚŁђĻώạ]

والله انتي مثلي انا بعد مــــــــــــــــــــــــــا احب الحجاب وددددي اقطة بس اهلي ما يرضون
على فكرة انا متحجبة بالغصب حجبوني وانا ما كنت مقتنعة فيه​

 

[آتعــبني غـلآآك]

انا بفهم بس الحجاب شكو ؟؟
يعني اذا قطيتي الحجاب بتزوجين وبتغير حياتج
والله ماراح تحصلين غير الذنوب تعوذي من ابليس بس

 

[U N O]

رب ضارة نافعه الضاره الملجه واللي انتفعتي منه الحجاب والحجاب ستر لاتفكرينانه يكبرج ولاتفكرين انه غصب عليج ارضي ربج وربج يقول(ومن يعرض عن ذكري فله عيشة ضنكا) تقربي من ربج وعليج بالدعاء وادعي ربي يرضي عليج ويرزقج الزوج الصالح وتسعدين بحياتج يارب شوفي كل شي ايي من ربج حلو والله سبحانه له حكمه يعني طول هالعشر سنين ماقتنعتي واهملتي روحج ولاتشوفين روحج بالمنظره ومرضتي ...الخ ليش كل هذا عشان حجاب وعشان اسمج مطلقه؟
شوفي مستعده تعيشين بعد 10 سنين بمرض وكرهج لروحج وللحجاب؟ فكري بمنطق
حبي الحجاب وشوفي المحجبات ماحسوا باللي تحسينه بالعكس راقين ولبسهم حلوو وكشيخين عمره الحجاب ماكان شي يكبر ولا مو حلو والستر حلو
فكري مليون مره اهتمي بروحج حبي روحج والله بتلاقين روحج شوي شوي تأقلمتي وربج بيرضا عليج ويحببج بالحجاب ويرزقج اللي تتمنينه ويشففيج يارب
اشتري بدل الكشخه واشتري حجابات ماركه وكشخي وروحي صالونات اهتمي بروحج روحي عيادات تجميل للكريمات والعنايه والله بتستانسين ولا تطوفين فرض وبري امج وابوج والام اذا قالت لج هالكلام والله مو قصدها تجرحج وانتي مالجشغل بالناس بكل الاحوال بتحجااااااااا فطاف شخذيتي من وراهم غير الهم والغم والمرض

 

[mareea]

الحجاب ماله دخل بس انتي حاطته ببالج عشان كدا كرهتيه اهو فرض من الله

بس يمكن انج للوقت هذا ماانخطبتي خيره

ممكن لو تزوجتي تعيشين عند واحد ينومج ويقعدج طق او واحد سكير او او ....
فعرفي كل شي فيه خيره من الله

وانتِ لاتوقفين حياتج ع الزواج انطلقي وصيري اجتماعيه صدقيني بنات وايد مو متزوجات بس راضين باللي الله كتبه لهم وعايشين حياتهم

ياانج تبدين خطوه جديده مع نفسج وتفتحين صفحه جديده
او تعالجي عن دكتوره نفسيه والله مو عيب ع الاقل راح تضلين طول حياتج عايشه بسعاده وراحه

خوووووش رد :eh_s(15):

 

[KSA ROSE]

والله مدري شقولج بس لازم انتي تصفين نيتج وتنسين الماضي..وما تربطين الحجاب بهالذكرى السيئة..الحمدلله يعني كشفتوه بوقت الملجة ما ارتبطتي فيه واذاج او يبتي منه عيال ..يعني وضعج يعتبر احسن من وايد (مطلقات) غيرج ..اللي كثير منهم كملوا مشوار حياتهم والله وفقهم بعدين بحياة سعيدة
خلاص اللي فات مات..وما تدري يمكن اللي جاي احلى من اللي راح..لا تحبسين نفسج بالماضي..طوري نفسج اهتمي بشكلج افتحي صفحة يديدة..واللي يعايرج بالطلاق او العنوسة ردي عليه:قولي له هذي كتبة الله واللي راح خلاص راح..و ترى الزواج مو كل شي يعني هو سبب من اسباب السعادة والاستقرار النفسي..بس مو كل شي ..نفس الشي الزواج يجيب المسؤوليات ووجع الراس..وتصيرين مو فاضية حق نفسج..فاستغلي فترة الفراغ اللي انتي فيها روحي دورات تعلمي شي يديد مارسي هواية اشتغلي بالتجارة دلعي نفسج اشتركي بنادي..اهتمي بجسمج الف شي وشي بتتمني مع زحمة العيال والريال بعدين انج تسوينه...والله يوفقج

 

[^LILY^]

لا وانا اختك لا تفكيرين بهطريقه ترا الشيطان يمشي بالنسان مجرى الدم وكل منا يمر بحاله يقوول يووو ليتني ماتزوجت او ياليتني ما تنقبت او ياليتني مالبست عباه ووغيرره لا تيئسييين تكفييين وانا اخيتج واذا علي الحلاه اشرط انج تكونين قمر وعلي الطاري ترا مو لازم تكونين حلوه بعيوون الناس وارد واقوول اكيد انتي قمرررر
وعلي فكره ترا في بنات واااايد يتمنووون يكون عندهم شجاعه مثلج عشاان يتحجبووون <<<:eh_s(7):

 

[عالمي انا غير]

حبييبتي حاسة فيج ماتبين شئ يذكرج فيه بس بقولج شغلة اي شئ يقربج من ربج حرام تتركينة

 

[أحلى البشر]

لي قطيتيه بتتعذبين نفسيا اكثر واكثر بتحسين بتأنيب الضمير الناس بتلومج وبتنظر لج نظرة احتقار بعد 10 سنين فصخت حجابها ؟!!
مشكلتج نفسيه مالها علاقه بالحجاب ابداا المحجبات احلى واكشخ من غير المحجبات ويكفي انها عباده وطاعه لله احتسبي الاجر

عسى ربي يهديج ويثبتج ويرزقج الزوج الصالح