منو وزنها في الستين وتبي تصير في عالم الخمسين حياااهاااا

[$كشوخه$]

أنا توني جديدة وأبي أبدى معاكم ريجيم من فترة ما وزنت بس آخر مره وزني كان 63 وابي أضعف وأوصل 50 يعني لازم أنزل 13 كيلووو

أحس صعبببه بس قلت ببدى من باجر تخفييف لمدة إسبوع وممنوع آكل بعد ال 8 بالليل وبسوي شوية تمارين وبشوف النتيجة

 

[Chevy]

~ miss NERD ~

حاولي تسوين رياضة او تمشين اتوقع يحرك الوزن شوي

$كشوخه$
حياج الله تنزلين بصحة و عافيه ان شاء الله

الموضوع صاير خاموش هالايام يضيق الخلق

انا باجر ان شاء الله بوزن و اعرف جم نزلت خلال الاسبوع هاذا
مع العلم اني امشي كل يوم ساعه و ان شاء االله من الاسبوع الياي بزيد الى ساعه و نص:yaaaaaarb:

 

[~ miss NERD ~]

^انا كل يوم تقريبا اسوي رياضه و امشي بس مادري شفيه وزني مع اني ما اخربط!
بس ان شاء الله من باجر رجيم يديد عشان يتحرك وزني

 

[Chevy]

الحمدالله توا قست وزني ولا نازله كيلوين خلال الاسبوع و اتوقع المفروض اكثر لان يتني الدورة اليوم بس هم مستانسه :eh_s(9):
يعني ان شاء الله اسبوع و اشوف الخمسينات اللي ولهت عليهم:eh_s(11):

 

[~ miss NERD ~]

^وناسه الحمد لله الفال لي

انا اليوم بديت برجيم المطوع حلو و خفيف و كل يوم ان شاء الله رياضه لان ما عندي دوام بس دراسه حق فاينلي السبت الياي ان شاء الله

تريقت حليب خالي الدسم و 2 بسكوت دايجستف لايت
تغديت اقل من 4 قفشات عيش برياني بدون لحم
و كليت وراه روب اكتيفيا
و المغرب شربت جاي و شوي مكسرات ما كثرت
و توني متعشيه سبواي

مشيت نص ساعه اليوم عشان كان ما يمديني ادرس

 

[Chevy]

ديرييي بالج من سبواي يقولون مو كل شي فيه صحي و يقولج الاخصائي فيه 3 انواع صلصات بس اللي صحيه اللي اهما
vinegar
yellow mustard
hot sauce

والله يوفقج بدراستج

 

[$كشوخه$]

وجان أخورها اليوم :/

بس يلا معذورة نومي تلخبط :$ بكره أبدى جد مفكره خلال اسبوع انقص كيلوين ان شاء الله

ولازم نشجع بعض يلا بنااات ويييينكم

 

[~ miss NERD ~]

ديرييي بالج من سبواي يقولون مو كل شي فيه صحي و يقولج الاخصائي فيه 3 انواع صلصات بس اللي صحيه اللي اهما
vinegar
yellow mustard
hot sauce

والله يوفقج بدراستج

مادري مكتوب بالورقه مالت الرجيم ان عادي اي صلصه بس الصلصات الثقيله مثل الرانش لا
انا بس حطيت باربيكيو و انغثيت,
بس ما راح اطلب مره ثانيه جد يغث!

اللهم آمين مشكوره

---

اليوم تريقت نفس امس حتى مالي خلق افكر
تغديت 4 قفاش مجبوس دياي حتى ما كملتهم و كليت عقبهم روب اكتيفيا
و عالمغرب نفس امس جاي و مكسرات شويه
و العشا مادري بس باكل شي حيل خفيف ان شاء الله
و مشيت اليوم ساعه الا ثلث

 

[$كشوخه$]

تريقت متأخر كلت شكشوكه مع خبز وعصير وبعدها على المغرب كلت حبة ورق عنب

افكر أتعشى سلطة تونه خفيفه

 

[Chevy]

$كشوخه$
نصيحه اذا بتعشي سلطة تونه اكلي عقبها روب او اي عشا اكلي بعده روب لان وايد يساعد بالنزول
----------
انا اليوم تريقت كالعاده 5 تمرات و كابتشينو بس رحت اتسوق جان اتغدى ب لونوتر سلطة جرجير و طماط مجفف بصلصة خل البلسمك و زيت الزيتون و شربت عصير برتقال
و المفروض اني اكل معاها دياي او لحم بس ما لقيت شي صحي فا لما رديت البيت شويت 1 برجر ديايو كليته مع ربع خبزه نفس ما اهوا مكتوب برجيم دكتور ربيع

و اللحين مجابلة الماااي بطل ورا بطل لوول

و بتعشى سلطة و لبن قليل الدسم و كيوي و برتقال

 

[~ miss NERD ~]

اليوم تريقت حليب خالي الدسم و بسكوتين دايجستف
بعدين مشيت نص ساعه
و تغديت قطعتين دياي صغار حطيتهم بمكينة تيفال بدون دهن
و توني شربت جاي و و شوية مكسرات

و العشا باكل ربع فطيرة زعتر
و وراها روب اكتيفيا ان شاء الله

 

[Chevy]

واااااااي انا صايرة كللله يوعانه والله ان اكون توني متغديه ايوع مادري شفينيييي
قاعده احقر روحي اللحين طول اليوم و انا يوعانه مهما كليت !

 

[~ miss NERD ~]

واي الموضوع يضيق الخلق مافيه أحد

---

اليوم تريقت نفس كل يوم مادري شفيني ادمنت عالحليب و البسكوت يشبع
بعدين مشيت نص ساعه
تغديت دياي مشوي مع 4 قفشات عيش ابيض و دايت
العصر جاي
و تعشيت قبل شوي دياي بالمكينه بدون زيت ولا دهن

 

[بــــدره]

السلام عليكم بنات

انا متابعتكم بصمت

سويت رجيم مدة عشر ايام

اهو مو رجيم رسمي لكن تقدرون تقولون تخفيف

و نزلت كيلوين

و المصيبه اني للحين مستمره بالتخفيف لكن وزني زااااااد صار اكثر مما بديت الرجيم

مادري ليش ؟؟

عموما باجر ببدي رجيم قوي حيل و الله يعين

و راح التزم عالاقل اربع مرات بالاسبوع مشي بجهاز المشي مدة نص ساعه عالاقل

و راح اتعشى روب و فواكه بس

لاني احس العشا اهو الي مخرب علي

باذن الله باذن الله و عسى الله يعين

المشكله اني من يصير الساعه 10 يبدي بطني يوصوص و اخربها شوي بالعشا

و انا نوعي اسهر فعشان جذي احس لازم اكل

يعني اليوم كلشي اوكي
تريقت تمر و حليب

غداي شوية عيش اسمر و لحم و سلطه

العصر فواكه

لكن توني يعت و قلت بتعشا و كليت ثلاث بيضات و خبزه سمره و طماط و نعناع اوكي حلو صح ؟

عقبها كليت ككاوتين !!!!

حسيت مشتهيه شي حلو

و حاسه بتأنيب ضمير قوي قوي قوي حيل

 

[Chevy]

~ miss NERD ~

حيييل يضيق الخلق ماكو أحد !
بــــدره
جربي رجيم محمد ربيع فيه 3 وجبات و سناكين اتوقع بيعجبج

===================
انا ماشية على الدايت كالعادة ماكو شي يديد بس اليوم عازمة رفيجاتي و اخاااف اخوووره .. اهوا اكييد بخووره بس ان شاء الله مو وايد لوووول

 

[بــــدره]

chevy ممكن تحطين لي رابط رجيم محمد ربيع بليز ؟؟

 

[Chevy]

أنا ناقلته بالوورد فا بسويلج كوبي
===========

يتكون من 5 اسابيع مريح جداً وراح ينزل وزنك وانت ماتشعرين طبعاً لازم المشي يومياً في البدايه

نصف ساعه بعدين ساعه واكثر على حسب قدرة احتمالك .

نبدأ:


الإسبوع الأول

الإفطار :
5تمرات +حليب خالي من الدسم
الساعه 10 الى 11 حبة تفاح احمر او اخضر

الغداء:
إختياري بين هذا الوجبات توزعيها على ايام الإسبوع
صدر دجاجه + سلطة روب وخيار وثوم ونعناع + ربع رغيف خبز اسمر
علبة تونه + سلطه + ربع رغيف خبز اسمر
3) 2 قطع لحم متوسطه + سلطه او تبوله ( صحن صغير ) + ربع رغيف خبز اسمر

المغرب :
من 3 الى 5 تمرات + كوب ماء

العشاء :
خس + سلطة روب وخيار + عصير اناناس وكيوي

الإسبوع الثاني :

الإفطار :
5تمرات + نسكافيه بالحليب بدون سكر
من الساعه 10 الى 11 عصير اناناس او برتقال او جريب فروت ( كوب واحد فقط )

الغداء إختياري2 بيض مسلوق + سلطه + ربع رغيف خبز اسمر
صدر دجاجه + تبوله + ربع رغيف خبز اسمر
3 ملاعق فول + سلطه + ربع رغيف خبز اسمر
ستيك + سلطة روب وخيار + ربع رغيف خبز اسمر


المغرب :
حبة فاكهه او عصير او 5 تمرات


العشاء :خس +لبن + فاكهه ( برتقاله + كيوي)
سلطه + روب + عصير الخلطه ( أناناس + كيوي


الإسبوع الثالث :

الإفطار :
شريحة توست + جبنه + خس + خيار + طماطم + حليب قليل الدسم
2) 5تمرات + حليب قليل الدسم
من الساعه 10 الى الساعه 11 : عصير فقط

الغداء :سلطه + 3 نقانق + ربع رغيف خبز اسمر
نصف علبة فاصوليا خضراء + سلطه خضراء + ربع رغيف خبز اسمر
همبرجر او 3 شرائح مرتديلا + سلطه + ربع رغيف خبز اسمر
سمكه + سلطه + ربع رغيف خبز أسمر

المغرب :
حبة فاكهه او عصير او 5 تمرات

العشاء :خس + لبن قليل الدسم + 2 فاكهه
سلطة روب بالخيار + عصير الخلطه ( أناناس + كيوي )

الإسبوع الرابع :

الإفطار: 3 او 5 تمرات + حليب قليل الدسم
من الساعه 10 الى 11 كوب عصير فقط

الغداء إختياري
1 همبرجر + سلطه + ربع رغيف خبز أسمر
2 بيض + سلطه + ربع رغيف خبز أسمر
علبة تونه + سلطه + ربع رغيف خبز أسمر

المغرب : فاكهه او عصير او 3 تمرات

العشاء :
سلطه + لبن + 2 فاكهه


الإسبوع الخامس :الإفطار : 5تمرات + حليب قليل الدسم

الغداء إختياري
سلطه + 2 همبرجر مشوي + ربع رغيف خبز أسمر
من 7 الى 10 حبات ربيان مشوي او مسلوق + سلطه + ربع رغيف خبز أسمر
3) ملاعق فول + سلطة روب وخيار + ربع رغيف خبز أسمر
تونه + سلطه + ربع رغيف خبز أسمر


المغرب :
حبة فاكهه او عصير او 5 تمرات

العشاء :
1 ) خس + لبن قليل الدسم + 2 برتقال.

 

[$كشوخه$]

أنا مع الدراسه صايرة ما أنتظم ولا أسوي رياضه للأسف بس آكل وجبتين الريوق كورن فلكس وفترة الغداء سلطه وبعدها بشوي كليت ساب ووي ووبس :$

 

[غززلان]

ههههههههههههههه


وآنآ ززيكك ي آللي تقولين بككره ببدى ريجيم و ع هآلموااال كل يووم آقول بكره :eh_s(4):


آنآ وزني 59 وطولي 155


ودي انححف 5 كككيلو


ومعكككككككم ي بنآآآت:ggdw:

 

[Chevy]

واااي حاااسه هالاسبوع كلللش ما نزلت مادري ليش مع ان مو وايد مخربطة بس اليوم خربطت شوي