من بكرا رجيم دشتي لمده شهر للجادات فقط حياكم

[فوشيهـ]

اي والله يهبل طعمه .. مو قادره اخليه يبرد هههههههه ودي اروح اقضي لي ع صحن


توني كنت اقرا عن الحلوويات .. يقوولون انو الدكتور دشتي سمح لهم ب حلا مرتين بالاسبووع عشان مايثبت الوزن ..


و ان شااءلله بسوي كذا .. مرتين بالاسبووع ..
​

 

[بطوووطة$بيضة]

والله كلامك صح فوشيه انشالله بلتزم خلاص ....واليوم باديه بروتين صافي بس العجه اللي كليتها الصبح فيها بصل وبقدونس عادي.....وتوني كليت بيض مقلي ...واشرب ماي قد ما اقدر....الله يصبرنا...الا ماقلتيلي جم نزلتي ليلحين؟؟؟؟

 

[فوشيهـ]

اييييييه صح عليك هذا الكلام الصح .. خلي الاحباط عنك ..


عادي البصل والبقدونس ان شاءالله مايضر .. او خليهم 4 ايام بروتين مايضر ان شاءالله ..


اليوم تاسع يوم لي .. نزلت 3 كيلو و600 قرام .. مع ان فيني الدوره .. يعني ان شااءلله نازله اكثر ..
​

 

[بطوووطة$بيضة]

وااايد زين استمري

 

[فوشيهـ]

ايه الحمدالله ويارب اقدر استمر من غير ماخربط


اكلت اليوم

الفطور: بيض وجبن من كودو .. وشاي احمر مع واحد سكر سبلندا

الغدا : جبن مخلوط بزيت زيتون وفلفل بارد .. اكلته مع خيار وشوية سفن اب ..

العشا : تشكن تندرز من هارديز .. مع شوية سفن اب .. ماقدرت اشيل كل البقسماط الي ع التشكن بس ان شاءالله مايضر ..

سناك1 : 10 زيتونات ..

سناك2 : صحن من الحلا الي سويته


ثاني يوم ماشرب ماي كثير يمكن عشان الدوره مبهدلتني شويتين ..
​

 

[فوشيهـ]

بنات اكلت تشبس شووي

نفسيتي زفت بالارض والدوره ذبحتني مع المها

يارب ماياثر ع الوزن .. دايم هالزفته الدوره تخرب كل شي عندي
​

 

[بنت مشرف ق5]

فوشيه

لييييش الله يهديج !!
شبس عاد .. يعني وقفتي الحرق
االعرررررررس مابقئ عليه شي ياااابنت
موو حرام خربتي ايام البروتين الصافي :eh_s(14):



انا تأخرت علي الدوره اوووف:eh_s(2):
ونفسيتي حدهااااا داون
ابي اي شي حالي جني مدمنه
امس انهديت علئ البينت بتر ماوعيت الا وانا ماكله ربعها وانا كنت باكل قفشه وحده بس
ههههههههههه استغفرالله حالتي كسيفه صايره :krkrkr:


اليوم الثامن ..(( 8 ))
الربوق ..ولاشي
الغدا ...تونه وفلفل بارد صغيره مايو + دايت كوولا << صايره مااطيق التونه
والحين اشرب زنجبيل وشاي اخصر
واذا يعت بسويلي اومليت

4اكواب ماي بسس
وخذيت ايزي لاكس حبتين قبل الغدا ذبحني الامساك


الله يستر واعدي هالاسبوع علئ خير
نفسيتي دااون خايفه مااكمل

 

[بطوووطة$بيضة]

لوووووول فوشيه طلعتي اخس مني الله يهداج...انا اليوم تريقت عجة وماي ....وبشرب جاي اخضر بعد شوي

 

[بطوووطة$بيضة]

بنت مشرف حرام كملي ...انتي ماشيه مضبوط !!!جم نزلتي من بديتي الرجيم؟؟؟

 

[مس مونتريال]

مسس مونتريال


يالله ششدي الحييييل وانا معاج
احسج متحبطة شووي شدي حيلج
تقريبا اكلي بروتين صافي + النسكافي وملعقة الجبن كرفت باليوم

صدقيني بينزززل الوزن بسرعه
خصوصا اذا خلقصتي دوره وانتي بكرامه

مرحباااا هلا بنت مشرف .... اي والله اني محبطه

وقلت باوقف كم يوم وبرجع اطبقه​

علي فكرة الشاي الاخضر يوقف الوزن لانه بريجيم دشتي (او اتكنز) المفروض مافي كافايين

والشاي الاخضر اهوا قمة الكافايين

حاولوا تشربونه بالليل وشوفوا الارق


واذا مطبقين النظام حاولوا توقفونه 3 ايام وشوفوا النزول


حياكم

هلا فيج .. وان شاءالله تستمرين ويانا​

 

[مس مونتريال]

فوشيه

:eh_s(9)::eh_s(9):الف مبرووووووك :eh_s(9)::eh_s(9):
​

 

[بنت مشرف ق5]

بطووطه

الله يسلمج انا باديه دشتي من شهر 11
وبهالشهرين ماكنت التزم ب20 كارب ، لا ساعات كنت اوصل 30
واشرب حلييب عبالي مسموح
نزلت 7 كيلو

حسيته شوي نزولي
عشان جذي الحين صرت ادقق اكثر واقل كاربز كثر مااقدر
وقطعت الحليب طبعا
وقياس الوزن ناطره الدوره وانتي بكرامه من تخلص بقيس
الله يستر



مس مونتريال

لييييش متحبطه ؟؟
شصارلج
والله كنتي ماشيه عدل




فوشيه

وينج مابينتي اليوم ؟
ترا بسجل عليج تأخير *

 

[مس مونتريال]

من اليوم بابتدي بروتين صافي والله يعينا

شربت ماي واكلت بيض مقلي

يمكن بعد شوي اشرب نسكافيه كوب صغير

عشان العصاري اشرب كوب ثاني

ويمكن غداي تونا

 

[فوشيهـ]

الله يباااارك فيكي حبيبتي مسسس


لا بنات ان شاءالله ماخربت شي .. لاني اكلت شويه بس ..

ومقلله خضار هاليومين .. اقصد بقلل كارب .. مابقطعه بس بقلله مره ..


تدرون ليه قمت اخربط

لاني قست وزني وانبسطت فيه .. لاكن بنصدم مضبووط في وقت القيااس الجاي يالهووي ..

لا ان شاءالله مابخرب ثاني .. بس امس لاني كنت بغرفة اختي نتابع فلم خخخخخ

معاكم معاكم مابهده لين اصير عصقوله ان شاءالله ..



يالللللللللللله حماااااااااااااااااااااسسسسسسسسس << تحمس روحها هههههههه



لالا صج تحمسو وبلا خربطه والكلام لي اولا ولكم ثانياً يالله نلتقي باليل ااكتب يومياتي

بروح اسوي لي غدا ..دجاج بالكريمه يممممممممي مشتهيته من زمان
​

 

[فوشيهـ]

كااااااااااااني بنت مشرف كنت بالمول ولسى جيت

​

 

[H-chocolate]

شلونكم بنات
انا باديه رجيم دشتي من 9 ايام و اول 5 ايام نزلت 3 و بعدها وزني وقف مع العلم ملتزمه و ما خربطت كلش و كل يوم اشرب كوبين شاي اخضر من بداية الرجيم بس مادري ليش ثابت

و في سؤال الزنجبيل مسموح برجيم دشتي ؟

 

[فوشيهـ]

شيلي الشاااي الاخضر جررربي يمكن ينزل وزنك

وقللي كاربز

او سوي 3 ايام بروتين 0 كاربز


جربي كل الطرق هع
​

 

[H-chocolate]

بجرب اشيل الشاي الأخضر و الكاربز اساسا ما اكل وايد اغلب اكلي بروتين و انشاءالله اضعف ما يثبت و الزنجبيل مسموح صح ؟

 

[بنت مشرف ق5]

^^^

اي مسمووح انا اشربه يوميا مع الجاي الاخضر ، واحس وضعي بالسليم
اهو عموما الزنجبيل ينشط عملية الحرق ويضعف


مس مونتريال

شششششدي الهممه واحنا معاج
صج البروتين الصافي يكرهج الدنيا خخخ
بس نزوله حلوو وعن خاطرج طوفيلج خستين باليوم مايضرون عشان الامساك



فوشييه

ياااهلاااا بالطش والرش ***
عفياا عليج
وانا بعد ماراح اهده لما اوصل ٥٥ ان شاءالله
فالنا العصاقل لووول



ماتريقت شربت جاي اخضر

والغدا ،،، امممم مادري يمكن اطلب لو كارب من هارديز خاطري اغير اليوم

بالليل اكتب لكم يوميااتي

تشششااااو يابطلات

 

[فوشيهـ]

يس يس نحنو عصقولات المستقبل << فصلت هههههه


يادبه عاديتيني خليتيني اشرب كاااافي اشربه وانا احس بالذنببب هع

اخاف يبطئ النزوول بس ان شاءالله لا


يالله نشووفكم بالليل مع اليوميااات ان شاءالله
​