يا متزوجات تساعدين ريلج من معاشج ؟؟ اللي تساعد ريلها واللي ما تساعده دشو خلونا نتناقش

[حلوة ومتينة]

مسا الخير يا متزوجات
موضوع حلو وما حبيت أطلع إلا وآنا كاتبه وجهة نظري
بصراحة القوامة للرجل وليست للمرأة يعني الرجل المفروض إنه يتحمل تكاليف الحياة ومصاريف الزوجة و الأولاد
هذا الشرع .. وآنا بصراحه يطيح من عيني الريال اللي مرته تصرف عليه وبالنهاية كلن يمد ريوله على قد لحافه
يعني أصرف على قد ميزانية زوجي ما ارهقه بطلبات وسفرات عنده فلوس حق سفره سافرنا والسفره أيضا تكون على قد فلوسه بس إني اتليقف وأسفره واعطي معاش خدامه واشارك بالماجله هني شنو أخلي حق الريال ؟؟؟؟​

 

[مسوووكه]

موضوع حلو
ان شاءالله المتزوجات يفيدونج
تقبلي مروري

تسلمين حبيبتي

 

[مسوووكه]

امممممممممممم ..

اي انا اساعد زوجي .. بس مو دايما !
يعني على حسب مرات اذا محتاج انا ادفع عنه ..
مممممم
مثال .. اذا سافرنا انا علي الهدايا والاغراض اللي بشتريها .. اهو عليه التذاكر والسكن والاكل بس

يعطيج العافيه حبيبتي ..
والله يخليكم حق بعض

 

[مسوووكه]

الصراحه












انا مو موظفه بس حابه اشوف راي البنات ....

انشالله اتوظفين ويعطيج العافيه :ggdw:

 

[مسوووكه]

انا مو موظفه ، بس لو كنت موظفه بساعد لانه الحياه هالايام بدها مساعده

واذا الزوج بقدر هالشي ومنيح ساعديه ليش لأ اذا كان راتبه ضعيف وما بساعد

مشكوره حبيبتي :eh_s(17): وانشالله اتوظفين
ويعطيج العافيه

 

[مسوووكه]

شوفي حبيبتي انا اساعده من كيفي ساعات يعني مثل الاخت الي من قبل بالسفر ساعات انا اشتري الصوغه او مثلا ساعات اهو يكون محتاج حق تصليح سيارته ومعاشه خلص اعطيه اساعده واهو يردهم لى مسكين بس ما اعطيه فلوس منى والطريج
اهو الى يدفع معاش الخدامه والشقة والماجلة لان الصراحه ماعنده غيري يعني اذا ماصرف على بيته يصرف على شنو
وانا زوجي اذا صارت عنده فلوس وايد مايعرف لازم يلعب فيها يا يشتري سوالف مالها داعي يعني ما يعرف ايمع الفلس الحمر :9
واهو طيب ويستاهل بس عاد ما اخربه اقعد انا اصرف واهو ايمع فلوسه لا
مره ماكان عنده فلوس نسافر انا عزمته بس ما ابين له ان انت الفتره هذى ماعندك لا انا اييبها من ناحية اني عازمته
وكل واحد وظروفه وموعيب ان الوحده تساعد والى ماتساعد الريال يكون ماله داعي يعني مو مر عليهم يوم ونقص منه شي
انا لو زودجي مثلا ما نقص منه فلوس حق سيارته ما عطيته ليش اخربه :0

يسعدني مرورج ومشكوووره حبيبتي :eh_s(17)::eh_s(17):

 

[مسوووكه]

انا ينزلي راتب شهري

وهو ما يحب اني احط من معاشي شي حق هالبيت لانه الحمدلله معاشه راهي وييزينا ..


لكن انا كل شهر اشتري حق عيالي الشغلات اللى يحتاجونها يعني لا بغوا شي ما اروح اقوله عيالك يبون هالشي اروح واشتريلهم من معاشي عادي يعني

وحتي خدامتي مرات ايي شهر مثلا يتاخر علي معاشها اعطيها انا .. ولا يا بيعطيها اقوله عطيتها .. والحمدلله ما تعود علي هالشي .. لانه انا معاه ندري انه فلوسنا وحده

سواء نا عطيت او اهو عطااا .. بس اهو دايم يحب يدفع لانه ملزوم وهذى مسؤوليته

يعني بالعربي جذى اخر شي نفكر فيه اهي منو دفع ومنو ما دفع ..

وانا بيني وبينج اشوف انه الحياه شراكه .. واللى تقول يتعود .. لا يا قلبي الريال الكفووو ما يتعود ويعتبر هالشي طيب منج لا اكثر ...

يعطيج العافيه حبيبتي وما قصرتي

الله يخلكم حق بعض يا رب :eh_s(17)::eh_s(17)::eh_s(17):

 

[Q 8 Y A t]

شوفي

احنا تونا معاريس

وراتبة قلييل ويتسلف

اموري الخاصة اشتريها من راتبي

يطلب مني فلوس ويردها لي على المعاش

انا مقدره ظروفه انه متسلف للزواج وللبيت


وامر الخدامة مترددة فيه اى الان ما طلبت


الحمدلله عللى كل حال

 

[مسوووكه]

انا مو متزوجه بس اللي تقول ليش اساعده وماله داعي احس هاذي حدها انانيه ومو كفو سوووري يعني
يعني شنو فيها ترى رييلج هذا شهالنذاله ليش قلبج اسود عليه ساعديه شنو ما يحتاج اساعده ومو لازم !!
الحين هذا بو عيالج
وواايد عبالكم المعاشات تكفي
الحين اللي بالحكومه جم توصل معاشاتهم خنقول شهادته دبلوم
جم معاشه ؟ ٦٠٠ ؟ خنقول ٧٠٠ متزوج يااالللله قولي ٨٠٠

اجارات هالايام جم ؟ ٣٠٠ ؟ ٤٠٠ ؟؟
معاش خدامه جم ؟ اقساط سيارات جم ؟ ماجله البيت جم ؟ مطاعم جم ؟ طلعات وغيره جم ؟ فواتير تلفون جم ؟
والريال بيصرف على نفسه بعد وبيشتري حق نفسه ؟

انزين ياااااا الفاهمه ما فكرتي ان الريال عنده كل هذا وحضرتج قاعده تطمشين بس ادفع ادفع وانتي معاشج قاعده تفسفسين فيه على وناستج ؟

يعني هذا مو حرام عليج ؟ الا اذا مافيها احساس ونذله هذا شي ثاني
علاقل تصرف على بيتها وعيالها وتساعد رييلها اللي خلى الكل وخذاها
مو قاعده تعطيين واحد غريب


وااااااااي بعض الردود تبط الجبد تبييع رييلها علشان فلووس

شهالزمن الي احنا فيه اصلا هالشي من غير سوال طبيعي تساعد اذا رييلها يحتاج مساعده من هالناحيه
ولا انه يروح يتسلف وينقص ويهه ترى صورته من صورتج جدام الناس

عدل كلامج حبيبتي .. :eh_s(15): :eh_s(15): :eh_s(15):

انا معاج يعني في رياييل .. عليهم اقساط وديون وشايل البيت وكل شي على راسه ما يقدر يشتري شي حق نفسه .. يعني اللي زوجها من هالفئه لازم تساعده تفكر شوي ان همن مسكين الريال يبي يلبس يبي ساعه يبي دشداشه يبي يكشخ يبي يشتري شي بخاطره !!

انا معااااااااااااااااااااج بهالنقطه !


مشكوره حبيبتي واسعدني مرووورج :eh_s(17)::eh_s(17):

 

[مسوووكه]

الاشياء الجايده عليه مثل الاجار وماجله البيت
اما الباجي كله بيناتنا ..
اصلا بوكنا واحد ومرات ماننتبه منو الي قاعد يصرف على الثاني
يعني اذا طلعنا ستاربكس، واهوه حجز طاولة انا اروح اطلب وادفع بنفس الوقت وما الاحظ اني دفعت عنه ..
واذا شفت اكو شغله ناقصه بالبيت مثلا الشامبو ، وصابون المواعين، وبعض الكماليات، انا من نفسي اروح اشتري وارد
وفي بعض الامور لمه مايكون عنده كاش او شغله ، وانا عندي كاش ادفع عنه ..

اما احتياجاتي الخاصه ، لا حده انا الي اشتريها من جيبي مع انه يسالني قبلها تبين فلوس؟ لكن اذا شفت ان الجيب مكفي اقوله عندي
واذا خلصت علي فلوسي ، رقبته سداده :d

عموما انا اكره مبدأ ان الزوجه تكون عاله على زوجها
واكره مفهوم "المرة المو سهله" المنتشر بين الحريم ، انه ماتنقي من جيبها فلس واحد
وكل شي على افى زوجها!!! على اساس انها بتربيه !!! وياكرهي لمه يتيمعون وكل وحده تقول اخر انواع الخدع الي مارستها عشان تخلي زوجها اهوه الي يصرف!!!
كل مره تقدس هالمفهوم اشوفها ناقصه، الله يكملها بعقلها ..

الحياة بالنهاية شراكه بينكم .. اشلون تبينه يشاركج بكل شي، اذا انتي عاضه على فلوسج وماتبين تندين؟

الله يخليكم حق بعض يارب

ومشكوره على وجهة نظرج .. واسعدني مرورج حبيبتي :eh_s(17)::eh_s(17)::eh_s(17):

 

[مسوووكه]

الله عطاه القوامه يستمتع فيها الرجلالطبيعييحب يكون رب الاسره ليس تاخذون حقه منه
لا تساعدين الا اذا طلب
وان ماصرف عليج ترى بيصرف على غيرج
كيفكم

مشكوره على وجهة نظرج
واسعدني مرورج يا حياتي :eh_s(17)::eh_s(17)::eh_s(17):

 

[مسوووكه]

كافي ان الموظفه تشيل نفسها و تخفف عليه مصروفها الشخصي

اما ان تساهم معاه شهريا بأكثر من جذي مشكله ,, لان مع الوقت بيتعود الزوج و بيعتبره حق من حقوقه و تصير مشاكل اذا قالت له ماقدر اعطيك

اشكرج حبيبي واسعدني مرورج:eh_s(17):

 

[مسوووكه]

شوفي

احنا تونا معاريس

وراتبة قلييل ويتسلف

اموري الخاصة اشتريها من راتبي

يطلب مني فلوس ويردها لي على المعاش

انا مقدره ظروفه انه متسلف للزواج وللبيت


وامر الخدامة مترددة فيه اى الان ما طلبت


الحمدلله عللى كل حال

مشكور حبيبتي :eh_s(17)::eh_s(17):

 

[noo7a]

انا لي الحين طالبه
بس اكيد لي توظفت معاشه و معاشي واحد
الحياة الحين صعبه ولازم نتشارك

صراحه يضحكوني الردود الي يقولون اشتري حق عيالي من فلوسي
ترى هذول عيالج مافيها منه هذي بعد

 

[حبيبي عبووودي]

انا بالنسبه لي ريلي الحمدالله معاشه زين من جذيه ما احط شي
وانا الحين مااشتغل بس جريب ان شاء الله ورا الانتخابات واتفقنا قالي معاشج حقج كله ولافلس للبيت الحمدالله الريال متفهم
لانه ماشالله معاشه بالنفط 1900يدفع قرض 300 دينار وخدامه 60 دينار واحنا ماعندنا اجار لاني بيت حمولتي بس يدفع ماجله 150 دينار ومصرفي انا وبنتي 350 دينار
الحمدالله يبقاله 1000 وزود من جذيهمافكر بالاساس اعطيه من معاشي
خو مصرفه بالكثير 400 وطلعاتنا 100 يعني الحال مستور ولله الحمد
ترا انا قعدت مع ريلي وقسمتله معاشه والحمدالله موناقصنا شي
نصيحه بنات كل وحده تقعد وتدبر امور ريلها لانه راح يصرف كل شي ويقعد عالحديده وبعدها يطلب منج

 

[Om-3zezan]

بالنسبة لي ما اسوي لا جذي ولا جذي

احنا ماشين على ان فلوسنا وحدة مافي شي اسمه معاشي ومعاشك
بمعنى

احنا كل نزلة معاش نسحب مبلغ من معاشه ومن معاشي ونيمعهم بحساب واحد باسمي >> لليوم الاسود او اذا احتجنا لشي ضروري

وبالحياة اليومية اهو يصرف على كل شي من الالف الى الياء سواء ماجلة ولا طلعات ولا مصاريفي الخاصة فاتورة تلفوني او حتى ليه رحت السوق بروحي اخذ كرته .. ليييين يخلص معاشه نبدي نصرف من معاشي وطبعا هالشي يكون على اخر الشهر .. واللي يبقى من معاشي اتصرف فيهم يا احطهم بالحساب اللي نيمع فيه ولا اشتري شي بخاطري

الفكرة اني مومقصرة على ريلي اذا خلصت فلوسه عيوني له .. بس دام عنده اهو اللي يصرف .. هالطريقة مريحتني ومريحته

يعني ليه سافرنا ماله داعي انت عليك التذاكر وانا السوق .. لان اصلا فلوسنا وحدة

انصحكم خووووش نظام ؛)
*

 

[*الناعمة*]

يا بنات انا محتارة انا قريب راح ارتبط

بس مو عارفة اي طريقة اختار خصوصا ان معاشه قليل ما يكفي اصلا

اقول بساعده بعدين اخاف يتعود واخاف مااساعده واطلع انانية ماادري شسوي

وكلامكم حيرني وحدها اتقول ساعديه وحده اتقول ليش اسمه ريال علشان كل شي عليه

 

[غير كل الناس]

الحياه تعاون

 

[shouq81]

اشلون احل مشكلتي انا كان معاشي اكثر منه بوايد اساعده بكذا شي الخدامه مرات و الماجله مرات اهوا الايجار و الخدامه 2 و سيارته و الماجله الحين غير دوامه و صار معاشه اكثر من معاشي اشلون اسحب عمري و اخليه اهوا عليه كل شي بطريقه حلوة ؟؟

 

[أبرار بن فهد]

مشكورين وما قرتوا على الموضوع ابصراحه هذا الموضوع اناني منه كل نهاية شهر اذا خلص الماش