يوميات قروب (( عزوبيات للرشاقة ))...تابعوني..

[رباب7]

طبعا اليوم مخربط شوي

كليت شوية معكرونة وتفاح

بس من باجر بسوي نظام عدل

 

[*المــــلكة*]

رباب ياربااااب مابيصير هيك يارباب
حبيبتي باجر مااااااااتخربطين كلللش ااتفقناااا ؟؟
دير بااالج تاكلين معكرونه وعيش وخبز اذا بتمين تاكلينهم ماراح تنزلين ولا كيلو​

 

[كويتية و النعم]

^
انا بعد اليوم خربطت وكليت كل اللي خاطري فيه والله يبيلي زف
بس ان شاءالله باجر اعوض واشد حيلي بالرياضة

 

[*المــــلكة*]

hello يا فتيات

الحمد لله ما خربطت مساعه بس كليت صمونه صغيره داخلها جبن و خيار و شربت جاي

اي و احلى شي الكل يقولي ضعفانه الحمد لله بس امي تقولي لا تغترين و تردين تمتنين مره ثانيه
ودي بنهاية هالاسبوع اشوف وزني صاير 59 يا رب

يا الله اخليكم الحين باجر وراي قعده مبجر بسجل مواد الكورس الثاني ;/

ايي اييي مس نيرد شعليييج ماشاءالله تبارك الرحمن ضعفاانه
يلاا استمري ولا تستسلمين للأكل كلللش
وموفقه بتسجيل المواد​

 

[*المــــلكة*]

^
انا بعد اليوم خربطت وكليت كل اللي خاطري فيه والله يبيلي زف
بس ان شاءالله باجر اعوض واشد حيلي بالرياضة

ماشاءالله تبارك الرحمن بس كليتي كل اللي بخاطرج
اليووووم لالا ماراح تنزفين لأن ان شاءالله ياعسسل من باجر لالا من الحين راح تبدين الرجيم الحقيقي مو الجذبي اوووكي ؟​

 

[بنت السلطآإآن]

الملكه يعطييييج العافيه ع الرد

اول اسبوع بسوي رجيم التمر واللبن وبعدين بستمر على رجيمات العياده اللي كنت معاهم لان نزلوني فوق ل 12 كيلو بس ماثبت وزني ورد كل شي من البلعه يوميا وكل وقت



المهم


طولي 160

وزني الحالي 75


الهدف الاول 70


الهدف الثاني 65



الهدف الثالث 60




ومن باجر ببدي ان شاء الله

 

[رباب7]

اي والله معاج حق

بس من باجر بقلل منهم قد ما أقدر

الله يعيين بس

 

[الياسمين23]

مساكم جوري

انا تعشيت تفاحه و لبن

يوعانه خفت استسلم طالبين من المطعم دخلت غرفتي

و انا بعد ان شالله الي 1/3 اقل شي بالاسبوع انزل كيلو ونص ان شالله

لا بنات لا تخربطون

انا بروح الممشي من الاسبوع الياي ان شالله 3 / 4 مرات بالاسبوع مشي

 

[رباب7]

مساء الورد

الياسمين اي زين تسوووين حتى انا بروح امشي بس الجو يدفى لاني سويت ريجيم بدوون رياضه مدة شهرين بس ضعفت كيلوين اخ بس لو كنت اسوووي رياضة جان ضعفت اكثر بس هالمره جادة بالريجيم والرياضة

 

[الياسمين23]

صباح الخير شلونكم


رباب لو مسويه رياضه جان صار دبل نزولج

ع الريج شربت جاي اعشاب و الحين بتريق

حليب و كورن فلكس

 

[~ miss NERD ~]

صباح الخير
قاعده من قبل الساعه 9 عشان تسجيلي

حاليا قاعده اتريق حليب خالي الدسم و 3 بسكوتات صغار

 

[روحي تحبك...]

الملكة

فديت قلبج يسلمو عالمجهود الطيب وعاجبني حماسج هالايام اشوه انج ما قمتي تخربطين من بعد الزفه

وحلوة خطتج برافو عليج... زين اقتنعتي برجيم التمر واللبن..انا معاااااكم بالقروب ما اخليكم صدقيني

وخطتج عجبتني حيل


ساره

ان شاء الله بنزل رجيم طالب الشمري يوم الجمعه باذن الله
وبرافو عليج شاده حيلج هالايام.. استمررري

الياسمين

فديت قلبج تسلمين يا الغلا


بنت السلطان حياج يا قلبي


هيلين


حلووو حلووو نتايج طيبه يا عسل

بعد شدي حيلج

 

[روحي تحبك...]

رباااااب

مانبي تخبييييييييييييص ... هذي اخر مره اوكي يا الغلا

مس نرد

الف عافيه يا قلبي

بنت السطان


بدايه موفقه يا قلبي وشدي حيلج

 

[روحي تحبك...]

قعدت الساعه 11 وتريقت خمس تمرات مع قلاص حليب خالي الدسم وما كملته

شبعت


بتغدى عالساعه 2ونص

حددددددددي متحمسه حق الميزان باجر


صج بناااااااات مو تنسون باجر الميزان




نهايات الوله وينها اليوم؟

 

[~ miss NERD ~]

توني تغديت شيش طاووق و ما كملته
و العصر ان شاء الله رياضه

 

[الياسمين23]

مساء الرشاقه

حلو الحماس معاكم

انا اكلت خضار سوتيه مع توست اسمر
مع لبن بس حسيت كلش ماشبعت و اكلت افندي

 

[*المــــلكة*]

مسااء الخير
شلوونكم بناات
انا توني رادة من الدواام وتعباااانه ماشوف جدامي من التعب بس قلت ادش اشوف اخر الأخبار وشنو مسوين
انا اليوم الصبح خذيت معاي تمر وروب خالي الدسم عشان اكلهم بالدوام >> وانا بالدوام ماااقدرت اكل ولا تمرة ولا اشرب ماي حتى صار عندنا اكشن بالدوام وسوالف
بعدين لما ييت باكل ولا يططلع الروب منتهيه صلاحيته
ماااكليت ولا شي من 7 الصبح لي 2 الظهر
رديت البيت تغديت عادي عيش ومرق باميا
رووحي تحبك اسمحيلي اليوم وباجر كلللش مو فاضيه للرجيم والرياضه عندي ظروف شويه وشغلات لازم اخلصها
يوم الجمعه انا رادة معاكم وبقوووة
بس اكيد راح ادش اليوم وباجر واتابعكم
ويلااا بناااات استمرووو الى الأماااااام لايوقفكم شي​

 

[روحي تحبك...]

مس نرد

بالعافيه يا قلبي


ملوووكه

موفقه يا قلبي وان شاء الله تعدي امورج على خير << خوفي انج انحشتي من الميزان لوووووووووووووول



الله يعينج يا قلبي ويعطيج الف الف عافيه


ولا تحاتين ... مستمروووون وصامدوووون

 

[رباب7]

مساء الورد بنات

طبعا اليوم اكلت نص خبزه+جبنة
السناك :نص تفاحه +٣حبات فراولة
وشربت شوربة

 

[روحي تحبك...]

ورا صلاة المغرب

راح الممشى واحرق الي اكلته اليوم


لي باك ان شاء الله