يوميات قروب (( عزوبيات للرشاقة ))...تابعوني..

[الياسمين23]

شلونكم
مبروك لك وحده نزل وزنه

توني قاعده عوار مو طبيعي من الدوره عاد انا وقته اطيح و الازم مستشفي

بس ان شالله بكمل رجيم بعد شوي بشرب كوب حليب و سندويج اسمر حلوم

 

[روحي تحبك...]

مرررررحبا بنااااات

جد جد سوووووووووووري لان امس واليوم ما دخلت

بس لان عندي ظرف طاااااارئ... لا تحاتون ما خربت الرجيم مواصله

والله يبارك لكل الي باركولي


ما اقدر ارد عليكم الحين

اليوم بليل بدخل وارد عليكم وحده وحده وانزل لكم رجيمي اليديد


شدوووووووووووا حيلكم


بررررررررب

 

[~ miss NERD ~]

اهلا بنات

اليوم كان يوم مفتوح بالنسبه لي بس لا تخافون ما خربطت كليت اللي ابيه بحدود
و كل يمعه بسوي جذي عشان لا يثبت وزني
#عن تجربه ترى

 

[كويتية و النعم]

^
انا بعد كان يوم مفتوح بس ما خربطت وايد
الحمدلله

 

[SARA*]

السلام عليكم اشلونكم بنات
يومي
الفطور
حليب +ربع خبز + جبن
......................
الغدا
5 تمرات + لبن + قطعه صغيره صدر دجاج
......................
العشاء
كورن فلكس + حليب + تفاحه

 

[hellen]

قوووووووووووه بناااااااااااااااات
اليوم غداي 3 بيضات وقوطيين اناناس
ورحت العصر مشيت نص ساعه
بس عشااااااااااي شوي كان ثقيل
سلطه وعشااااااااااااء وجم قفشه شوربه عدس
وربع بيتزا هع
نشوووووووووفكم باجر

 

[نهايات الوله ~]

اهلين بنات
احس بالويك اند ماقدر ادخل كثير تعرفون
طلعات زيارات .......

اليوم كان مفتوح طبعا ... :eh_s(9):
بس ماخربناها كثير وعندي حماس قوي للاسبوع هذا ناويه اخسر كثير

روحي
هيلين
مس نرد
ساره
كويتيه والنعم
الياسمين
الملكه


همتنا باااقيه بنات عشان نوصل للوزن اللي نحلم فيه
صامدوووووون صامدوووون :eh_s(15):​

 

[نهايات الوله ~]

رووحي الله يهديك متى بتنزلينه :bbbiu:
بكره اول يوم ........ !!
​

 

[روحي تحبك...]

سووووووووووووري بنات تاخرت عليكم


انا لقيت كذا نموذج لرجيم طالب الشمري


بنزل كذا واحد

والي يعجبكم اختاروا اوكي



تفضلووووووووا

( 1 )

الفطور : شاي + حليب + شكر عادي
او:- كباتشينو اي نوع


الغدا :- توست من 1-3 +((همبرقر / مورتديلا / تركي ( تختارين واحد منهم حبه وحده بس ) + جبن سلايز قليل الدسم او خالي الدسم + خس و طماطم و خيار + بيبسي دايت

او :- همبرقر مشوي 2 او كباب مشوي 2 + خس و طماطم و خيار و جزر و جرجير

او :- سندويش اي نوع ((بس يكون حجمها معقول ومافيها دهن كثير )) بيبسي دايت

العشا : - توست من 1-3 + جبن سلايز من 1-2 + خس و طماطم و خيار + بيبسي دايت
او :- كرواسون من 1-2 + بيبسي دايت ( الكرواسون حبه وحده اذا كانت كبيره و حبتين اذا كانت ميني كرواسون )




( 2 )


الرجيم 2

الفطور:

نسكافيه مع حليب أو كوفي ميت مع سكر خفيف + صمونه او توسته وحده معاها جبن أو لبنه

الغداء:

2توست + جبن أو لبنه أو بيض من 1 - 2 + خس + خيار+ دايت + زيتون من 3 - 7

أو

بطاطا 1 مشويه أو مسلوقه + شريحة جبن من 1 - 2 + خيار+ دايت


قبل العشاء(المغرب):

بسكويت من 2 - 4 أو كاكاو وسط + نسكافيه مع حليب


العشاء:

2توست أو شابوره من 1 - 3+ جبن أو لبنه أو بيضه مسلوقه + شاي مع حليب





( 3 )

قبل الفطور :

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت بعدها بنص ساعه تتريقين ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )

الفطور :

قطعتين توست اسمر مع شريحة جبن شرايح سلايس دايت او ملعقه صغيره لبنه + خس طماط وخيار

اذا جعتي قبل الغدا او حسيتي انج تبين حلو اخذيلج :

من تمره الى ثلاث تمرات مع لبن صغير

الغداء :

قطعتين همبورغر مفيوح او مشوي او 6 الى 8 قطع شيش طاووق او نقانق مفيوح او مشوي صغار 4 الى 6 قطع او صدر دجاجه + سلطه + مشروب دايت


العصر :

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )


العشاء :

روب مع خيار أو نوعين فواكه او عصير مكون من ( شريحة اناناس طبيعي مع 2 كيوي مع عصير اناناس كي دي دي حطيهم بالخلاط وعقب شربيهم )





( 4 )

ريجيم [URL="http://forum.rjeem.com/t9878.html"]طالب [/URL][URL="http://forum.rjeem.com/t9878.html"]الشمري [/URL]1
نظام لمده اسبوعين يعمل علي خفض الوزن من 6-8 كيلو
____________________________________________ _



كوب كابتشينو "ضروري جدا يعمل علي سد الشهيه"


بعدها بساعة الإفطار:

مكون من 2 توست + جبن سلوفايد أو لبنة + شاي أو نسكافيه.



الظهر: 4 بسكوت + شاي أو نسكافيه
أو كاكاو + قهوة.(حسب الرغبه)

* منقوع 3 ملاعق متوسطة حبة حلوة في كوب ماء حار لمدة نص ساعة ويصفى ويشرب قبل الغداء بنصف ساعة.( يسحب الدهون من منطقه البطن)


الغذاء: ((قبل وبعد الغذاء كاس ماء))

1- سلطة جبن أو سيزر.

2- صدر دجاج أو لحمة أو سمك مشوي أو تونة أو صحن كباب أو تكا أو شيش طاووق + بطاطا مشوية أو مسلوقة( حبه زينكال قبل الوجبه بربع ساعه)

3-من 1-2 همبورجرأو تيركي مع 2 توست + خيار وخس طماطم.


العشاء:

شاي بالحليب أو نسكافيه + 1-2 بيضة مسلوقة + خس وطماطم





هذول الرجيمات بنات

اختاروا الي يعجبكم

لمدة اسبوعين.. عن نفسي راح استغني عن مشروبات الدايت < لانها مو زينه > وحتى سكر الرجيم بستغني عنه

بعدين اقولكم ليش

والتوست يكون اسمر.. والجبن لايت...واذا دياي مشوي يكون من غير جلد.. لانه الجلد كله دهووون


والي جربو رجيمات طالب يقولون ينزلون عليهم 3 كيلوات بالاسبوع من غير رياضه

اما احنا اسم الله علينا نسوي رياضه ونمشي.. اكيد بيكون اكثر من 3

شدووووووووا حيكلم بنات


انا اليوم برووووووح الجمعيه وبشتري لوزام الرجيم

وبصورها واحطها لكم اووووكي

وصامدون صامدون


وتصبحووووووووووون على الف خير يا رب

 

[روحي تحبك...]

صج صج بنات عن نفسي راح اوزن بعد اسبوعيييييين

بااااااااي

 

[hellen]

قووه بنات شلونكم شخباركم شعلومكم
انا اليوم قمت الصبح لعبت رياضه مشي شغل ساعه ، وترقت كرواسان جبن ولبن خالي الدسم وسلطه
وحليت بزبادي ، ريوقي ملكي) وهذا احسن شي ، الغدا انشا الله رااح يكون خفيف لانه الريوق ساد ريجي ومشبعني
اممم يكون يكون سلطه وروب خالي الدسم وجم حبه فاكهه ))
انا مركزه على الرياضه اكثر من الرجيم

 

[نهايات الوله ~]

انا بختار رجيم طالب رقم 3
وعلى قولتك راح استغني عن الدايت والسكر
والدجاج اكيد بدون جلد ... من قريته وانا اقول لا حتى لو بالرجيم
ماراح اكله ,,,,,,,,,

اوكي نبدء اليوم وانا كنت بقولك نخلي الوزن كل عشرة ايام
شراااايك .......؟

الخدمه فصلت ع البي بي ماقدرت اكلمك
يلا برب بروح اشرب مويا الحين ... بما اني توني صاحيه :d​

 

[نهايات الوله ~]

اهلين هيلين
احسن شي تسوينه والله فطورك يكون ملكي
وبعدها تخفيف كذا الدكتوره نصحتني لان اليوم عندك كامل
عشان تهضمينه برافو عليك

 

[الياسمين23]

صباح الخير شخباركم انا ع ريوقي من امس


تعبانه :/ توني تريفت حليب و سندويج لبنه من دايت كير

 

[نهايات الوله ~]

بما اني صحيت الظهر تغديت
اكلت 4 قطع صدر دجاج مشوي وسلطه بدون ملح
ليمون وخل بس

الحين بشرب الشاي ( قرفه . كمون . زنجبيل . ليمون )



​

 

[SARA*]

السلام عليكم اشلونكم بنات
روحي تحبك شكرا على رجيم طالب الشمري مادري احس فيه اكل وايد ان شاء الله تنزلين عليه

اليوم قعدت متاخره وشربت كلاصين ماي
تريقت كورن فلكس وحليب

موفقين بنات

 

[رباب7]

أهلين بنات شلونكم

صارت لي شوية ظروف عشان جذي مادخلت

الريووق:شابورة +قشطة+سلطه

وللحين ماتغديت وبس

 

[hellen]

اهلين هيلين
احسن شي تسوينه والله فطورك يكون ملكي
وبعدها تخفيف كذا الدكتوره نصحتني لان اليوم عندك كامل
عشان تهضمينه برافو عليك

هلا حبيبتي وله:eh_s(8):
اي والله وعلى فكره التدرج جي بالاكل من الصبح لبليل من الاكثر دسما او سعره حراريه الى القل اهو الي يساعد على الحرق:eh_s(15):
وااااااااااايد عادات غذائيه بسيطه ممكن انها تغير من طريقه هضمنا وعمليه الايض
انا اليوم غدااااااي 5 قفشات عيش ومرق كفته ويه جزر وبازلا ويه خضرااا
واللحين شرب كوفي
وعلى المغرب راح اكل 7 تمراااااااااات
هع الدوره يايتلي والله يعين على النفسيه:eh_s(16)::yaaaaaarb:
بالتوفييييييييق بناااااااااااات

 

[الياسمين23]

عليكم بالعافيه انا ساعإ 2 اكلت تفاحه

ساعه 4 اكلت روب وخس

 

[~ miss NERD ~]

السلام عليكم بنات

اليوم ماكو ريوق كالعاده قايمه متأخر
تغديت عالوحده و نص جذي 4 قفشات مجبوس
و العصر مشيت نص ساعه عالجهاز
و توني شاربه جاي و شوية مكسرات ما كثرت
و ما اتوقع بتعشى اليوم لان حدي مشغوله

موفقين بنات