دشتي 2012مع شريفه حياكم

[شريفه 39]

اليوم انا بروتين صافي صحيت شربت كاسين ونصف ماء افطرت بيضه مسلوقه والغدا كان نصف دجاجه والعشاءيمكن تونه
نصيحه بنات لاتقلون افطرنا نسكافيه او اي شي غير بيض مسلوق لان البيض فضيع بالحرق والدكتور دايم يقول الفطور بيض

 

[شريفه 39]

بذر الكتان هي تلك البذور الصغيرة البنية أو الذهبية اللون التي يشبه شكلها وحجمها شكل وحجم بذور السمسم، ولكن خصائص بذر الكتان التغذوية تفوق بكثير خصائص السمسم. فبذر الكتان مفيد للصحة لعدة أسباب. فهو غني بدهون النهاية 3 (أوميجا 3) وهي الأحماض الدهنيّة الضرورية النافعة لصحة القلب والأوعية الدموية وصحة الدماغ وحيوية الذاكرة. والجسم لا يستطيع إنتاج هذا النوع من الأحماض الدهنية حيث يجب الحصول عليه من الغذاء، وأفضل مصدر له هو بذر الكتان. فالأحماض الدهنية فيه تساعد على تخفيض الكوليسترول السيىء عن طريق رفع مستويات الكوليسترول الجيّد، وعلى إبعاد شبح الإصابة بالاكتئاب.

تعرفون ان اي رجيم يسبب اكتئاب بس مع بذره الكتان مافي وفي نفس الوقت منحفه وفيها الاوميقا3

 

[رحيلة الصمت]

مساء الخير


كيفكم اليوم ثاني يوم لي ولله الحمد للحين ماشيه

فطوري. كافي وجبن.

وغدا ييَ دجاج. فقط. مع سفن اب دايت

والعشاء مداري يمكن بيض

الله يثبتني يارب ويكم

 

[رحيلة الصمت]

هاي بنات وينكم فديتكم

 

[شريفه 39]

بالعافيه الله يتمم لك وتضعفين بصحه وعافيه

 

[رحيلة الصمت]

للإله الا الله محمد رسول الله

 

[Niceya]

قووه شلوونكم ؟

اليووم غداي كان كباب 2 فقط
وعشاي اتوقع بيض

باجي الاسبوع راح اخليه كله بروتين صافي

بغيت اسأل عن صلصات السلطة
كلها مسموحه ؟

 

[شريفه 39]

صلصات السلطه كلها غيرمسموح درت كل السوبر ماركت مالقيت نوع خالي من النشويات او شراب الذره اوالسكريات بس صرت اعصر ربع ليمونه وحبه ثوم وملعقتين زيت زيتون احيانا اضيف زيتون حب وضيفي اي توابل اضمنواحسن

 

[Niceya]

وييه زين انج قلتيلي
اعتقد الخل مسموح بعد عدل؟

عشاي اليوم ستيك دياي مشوي مع موزاريللا

 

[فوشيهـ]

خربت الرجيم


نفسيتي زفت كرهت نفسي

انا بطلع من التجمع عشان ما احطمكم .. وبس احس اني صرت اوكي برجع او بكمل لحالي ان شاءالله ..
​

 

[sheraZia_Q8]

سلام شلونكم بنات شخباركم ؟
امس للاسف تعبت وما قدرت اسوي رياضه
وكان اكلي : الريوق توست مع جبن وتركي .. الغدا سلطه .. العشا نفس الغدا بس استفرغت ونمت طول اليوم


بنات عندي سؤال ؟؟
عندكم يوم محدد تقيسون فيه وزنكم ولا لا ؟؟

 

[Niceya]

ما حددنا يوم لان كل وحده بادية بوقت غير عن الثانيه

انا الخميس الياي اقيس واقولكم
انتي شكثر صارلج ماشية عليه؟

 

[رحيلة الصمت]

مساء الخير صبايا.


فديتكم. والله


اليوم فطوري. خس وجبن. وزيتون

والغداء. خس. ودجاج. وشوربة دجاج

والعشاء للحين.


بقيت اسأل التوست مسموح ولا. لان أقراء في القروب. توست

وبقيت أتأكد. مسموح ربع الخبز او لا

 

[Niceya]

رحيلة حبيبتي التوست والخبز كله ممنوع بالمرحلة الاولى

بنات شنوو افضل شوربة اقدر استخدمها للرجيم ؟
اللي بالجمعيه اغلبه فيه نشويات وكربوهيدرات
او اللي عندها طريقة اقدر اسويها بالبيت تقولي

 

[شريفه 39]

اهلين حبيباتي ...الخل مسموح اعتقد ملعقه وربع ليمونه باليوم اخلطيهم مع بعض لو حسيتي كميه الخل قليله
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
فوشيه حبيبتي ولايهمك كلنا تخربط ونرجع اهم شي نرجع انا يوم يجيني هالاحباط اقعد افكر بالملابس والجينز وان الاجازه اذاالله احيانا افاجىء الكل يجيني عزم غريب بس اسمعي فوشيه هالحين ابدئي معنا بس ابدئي بالمرحله الرابعه لانها تقريبا فيها كل شي وكل ماارتحتي بالنظام ادخلي الثالثه والثانيه وهكذا صدقيني بتخسين بدون ملل..موفقه

 

[شريفه 39]

شيرزيه ماتشوفين شر يمكن المعده ماتحملت بس لاتخلينها فاضيه كل 2ساعه كلي شي خفيف مثل شرايح خيار مع قليل جبن

والميزان لو حبيتو نخليه كل جمعتين الثالث نقيس يعني كل اسبوعين وياريت نحط شريط الوزن بالتوقيع وش رايكم

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رحيله ...زي ماقالت لك نايسي مو بالمرحله الاولى هو بالمرحله الثانيه وانتبهي من الخبز حتى وانتي بالمرحله الثانيه معظم الخبز محسن يعني معاه اضافات مثل الحليب والخميره وحاجات يمكن مانعرفها حتى لو مسموح انتبهو بنات

 

[شريفه 39]

نايسي ..تفضلي ...شوربه البروكلي بالكريمه

كوب ونصف بروكلي طازج - كريمة حمراء - فلفل أسود - ملح - عصير ليمون


((شوربة الفطر بالكريمة))

كوب مشروم مقطع - كريمة حمراء - فلفل أسود - ملح


((شوربة القرنيط (الزهرة)))

كوب ونصف من القرنبيط - كريمة حمراء - فلفل أسود - ملح - عصير ليمون


((شوربة الخضار المشكلة))

كوسا مبشورة - قرنبيط وبروكلي مقطع قطع صغيرة - سلق - سبانح - فلفل رومي - بصل أخضر - فلفل أسود - ملح - عصير ليمون


((شوربة السبانخ))

عدد 2 شدة سبانخ طازج(ويمكن الاستعاضة بالمجمد) - عصير الليمون - بصل أحمر - بصل أخضر - ملح


((شوربة البصل))

عدد 5 بصل أبيض - عدد 2 بصل أحمر - كريمة حمراء - ملح جبنة مازوريلا


((شوربة الملوخية))

ملوخية طازجة(ويمكن الاستعاضة بالمجمد) - بصل أخضر - سلق - ملح - عصير ليمون


((شوربة الخضروات الورقية))

سبانخ - ملوخية - حلبة - كزبرة - بقدونس - كراث - بصل
منقول من منتدى اخر

 

[LadY BuG 80]

سلاااااااااااااااااااااااااااااااام ​

شخباركم دشتيات ​

شوشو ازيك يا أشطه ( اشوه مسموحه في ادشتي ) ​

انا على نظام اتكنز صارلي اربع ايام و اليوم الخامس ​

طبعا انا متقيده في رجيم اتكنز الاصلي​

بسوي المرحله الاولى مدت السبوعين فقط ما عندي وزن كثير انزله ​

اول 3 ايام فطوري كان بيضه و بيضتين بس بدون اضافات نتفه ملح و سويتها سكرامبلد ( مقلي ) ​

الغدا دجاج شوايه اكل ربع دجاجه و العشا علبه تونه بزيت ( اعصر زيتها و اسوي عليها ليمون ) طبعا مو فرش حامض لانه مافيه كارب ​

خلصت 3 ايام و الحين بكمل السبوع بروتينات و سلطات و خضار .​

ان شاء الله نو تشيز راح ابتدي ادخل الجبنه على بدايت الاسبوع الثاني ​

بخلص السبوعين و بدخل​

المرحله الثانيه ​

المسموحات : فراوله و شمام ربع كوب
30 حبه لوز
40 حبه فسدق
ربع كوب فول سوداني
ربع كوب عصير ليمون فرش
ربع كوب عصير طماط ​

بسوي المرحله الثانيه السبوع و بدخل الثالثه ... و بستمر على المرحله الثالثه السبوع ايضا​

طبعا المرحله الثالثه تقريبا رجيم صحي عادي المسموحات فيها كثيره ​

المسموحات:
بكميات قليله من نص كوب الى ثلاث ارباع كوب ​

جزر
بطاط
حمص
عدس
فاصوليا بيضا
نص تفاحه
نص موزه
كرز
بطيخ
خوخ
كيوي
شوفان
مكرونه سمره
رز اسمر
زبادي خالي ادسم
حليب خالي او قليل ادسم ​

الرحله الرابعه: مافيها تقيد مجرد حفاض انك تستمرين على الاكل المسموح في المراحل االثلاثه و ابتعدي عن الاكل الادماني الي خلانا نزيد من البدايه ​

حبيت افيد ادشتيات بهلمعلومات ​

انا ما اعترف بلحلى و هسوالف لانها تأخر انزول ​

اذا ابي حلى بسوي رجيم المطوع ولا حمدي ​

انا اخترت اتكنز لانه مافيه حلويات و هاذا الي ياخر نزولي ​

من مميزات اتكنز يسد اشهيه عن الحلو ​

صحيح اشتهي احيانا بس اذا اشتهيت حلو اكل بيضه و تغثني ولا عاد افكربلحلو :eh_s(7):​

 

[Niceya]

خلاص تم نبدى نقيس اليمعه اليايه كلنا .. ومشكوورة شرووفه

وحياااج الله كاندي ويانا :*

ريوقي اليوم بيضه وشريحتين مرتديلا
الغدا همبرجر مع جبن سلايس وسفن صغير
العشا تو الناس علييه

 

[شريفه 39]

:eh_s(7):الله كيوتن اشتقت لك وللمعلومات اللي دايم اتعلمها منك والله استفيد كثير منك يامعلمه ...كل المعلومات اللي قلتيها مره رائعه وقمه اصح وانا نفسي راح اتقيد فيها وبالنسبه للوزن انا باقي لي من2الى3كيلو فقط بس ابغى رياضه تشد الجسم باللذات جوانب الافخاذ والبطن ...كيوتن اعجبتني فكرتك انه مافي جبن لوقت محدود شي رائع لامي حسيت ان الجبن يبطىء شوي الله يوفقك كيوتن بس بلييييييييز لاتغيبين خليك معنا نستفيد من معلومتك الدشتيه