دشتي 2012مع شريفه حياكم

[sheraZia_Q8]

امس كان ريوقي
نقانق مع طماط وجبن حلوم وخردل

الغدا
دياي شوايه وثوم

العشا
تبوله وشوربه وقطعه دياي


بنات انا احيانا ما التزم 100 ب 100 بدشتي هالفتره والشبب مسويه تكميم وجسمي ما يتحمل كل الوجبه
فاذا شفتوني مدخله روب او حبه فاكهه او عصير او كورن فلكس او توست يريت ما تقلدوني
لان انا وضعي غير عن وضعكم

 

[فوشيهـ]

يمممممممممممي الاطباق شكلها تشههههههي

اذا انتي مسوويتهم ياليت الطريقه هع

وبالعافيه حياتو
​

 

[شريفه 39]

اهلين اختي رحيل الصمت مرحبا الف ننتظر التفاصيل:eh_s(7):

 

[شريفه 39]

واااااااو شيرازيه اكلات تفتح النفس وكل الاكل اللي حطيتيه لنظام دشتي ليش تقولين انتي اكلك غيرعشان التحوير كل اللي حطتيه دشتي بس مو المرحله الاولى لان مسموح بدشتي التوست واللين والزبادي وبالنسبه للمسلات استخدمي عشبه رجل الاسد يكفي امها صديقه النساء سوي بحث عنها وشوفي وانا لي سنه مااخليها تنفع للمتزوجه والبنت رهيييييييييييييبه ومنحف ممتاز اي سوال انا حاضره ياعمري باي

 

[رحيلة الصمت]

مساء الخير


انا اليوم اول يوم لي في الرجيم

على الريق اشرب. كمون وليمون. ونعناع وزن جبيل منقع من الليل في ماء حار.

واشرب كاس ماء بقدونس منقع في ماء من الليل. يخرج السوائل المحبوسة في الجسم



الفطور. ً كاس كافي. اليوم فقط


الغداء. صدر دجاج. مع. سلطه

العشاء. كبده.

والمشروب. بيبسي دايت


طبعا على طول اشرب نعناع لان زين للكرشً

 

[رحيلة الصمت]

شريفه. التوست والزبادي مسموح في المرحلي الاولى

 

[قمراالجبيل]

السلام دشتيات موفقات ان شاء الله انا دشتيه سابقه والحين لي اسبوع تقريبا راجعه المهم حبيت اقول لكم انا دشتي نزلني كثير الحمد الله من 100 الي 75 وكان تقريبا ب7 شهور وكنت اكل كل مسموح بدون حساب موفقين ان شا الله تنزلزن بصحه وعافيه

 

[Niceya]

شيرازيه تسلم ايدينج الصور تشووق

رحيلة الصمت حياج الله وياناا :*
قمرالجبيل يعطيج العافيه عالتجربه وعقبالنا انشالللله

اليوم تغديت كفته دياي وسلطة جبن
عشاي سفن صغير وفول سوداني (سبال) جيس صغير

ماكنت يوعانه اليووم كلش حتى غداي ماقدرت اكمله

وحدددي مستانسه الكل يقولي فيج شي متغير وامي تقولي فارقه علي ..
وملابسي كنت مقايستهم قبل اسبوعين وايد افرقوو علي الحين صارو اوسع

وانشالله اقوولكم شكثر نزلت بعد اسبوعين
احاتي اسبوع الياي راح اكون نايمة بالبر بالوييك اند حييل ودي ما اخربط اتمنى لان هناك حلو وفطاير ومجابيس وخرااب x_x

 

[شريفه 39]

رحيله الصمت اهلين يومك ممتاز بس الكبده ممنوع بالنسبه للتوست واللبن ممنوعه بالمرحله ااولى مسموحه بالثانيه وحاولي السفن مرتي بالاسبوع موفقه حياتي اي سؤال انا بالخدمه

 

[شريفه 39]

مرحبا قمر الجبيل وينك وحشتيني كيف دشتي معاك يالله ابدي معانا ..حتى انا كان وزني97وهالحين بفضل الله 69

 

[شريفه 39]

نايسي بالعافيه ...بالنسبه للمقاس والله احلى مافي دشتي المقاسات انا وزني 69كاني 60 بفضل الله

 

[شريفه 39]

بنات ياليت تحطون اوزانكم ووش الوزن المطلوب ومقاس الخصر وشرايكم ببدا انا
وزني 69 المطلوب 65
الخصر 81المطلوب 78
انتظركم حبيباتي

 

[رحيلة الصمت]

شريفه كم لك في دشتي وكنت ماشيه عليه مضبوط ولا في خربطه فديتك

 

[Niceya]

ايه وهذا المطلوووب من الرجيم
مع ان كنت خايفه وماكانت فكرة الرجيم داشه راسي .. بس بديت اقتنع لوول p;

وزني 77 المطلوب 62
طوولي 165
الله يقدرني ماندش شهر 6 الا و اكوون نازله هال 15 كيلووو
وكلكم راضين على رووحكم

 

[sheraZia_Q8]

هلا حبيباتي

شريفه طمنتيني على سالفه الروب والتوست
لان انا حاليا اكل كلش كلش شويه
شايفه كف ايدج اكل نص الوجبه اذا كانت كبر كف اليد
لان المعده صغيره
فاضطر ادخل أشياء تفيدني


و بنات حبيباتي اي طبق عاجبكم اسالوني عنه ومن عيوني راح اقولكم


امس

الفطور : مرتديلا ديك رومي مع جبن وتبوله
الغدا : حليب كورن فلكس
سناك؛ توست
العشا: دياي مع تبوله وثوم

النشاط الرياضي مشي مشي مشي مشي


يالله شدو حيلكم هالاسبوع

انا وزني ١١٦
اول هدف حقي يصير ٩٩

 

[فوشيهـ]

شريفه ليش الكبده ممنووعه ؟؟

انا كنت اكلها عاادي


المهم بنات احسبووني معاااكم بالتجمع

وزني 67.1

طولي 166 او 165 << ناس يقولون لي كذا وناس كذا

هدفي 60 ولن اتنازل عنها ابداااااا

محيط خصري من شهر تقريبا ماقسته بعد كم يوم بقيس بالنادي واقول لكم




امس اول يوم بديت بدشتي من بعد انقطاع عنه ف طبعا بروتين صافي

الفطور : اومليت =بيضه وملعقة او اقل جبن سايل ..

الغدا : 2 همبرجر لحم +ملعقة مايو + كم رشفه سفن اب ..

العشا : تونه + شوية جبن سايل+سفن اب
​

 

[فوشيهـ]

شيرازيه ماشاءالله كل اطباقك شكلها يهبل

ابي ثاني طبق او ثاني صوره شكلها بقووه يمممي ماشاءالله ..
​

 

[sheraZia_Q8]

المقادير
دجاج
خس
صلصة فلفل ( دقوس بطل )
جبن بارميزان
صلصة بلو جيز

الطريقه
تقلين او تشوين الدجاج
وبعدها تصبين عليه الفلفل وتقلبينه شويه بالفرن
وتحطينه فوق الخس مع الجبن والصلصه بالعافيه*

 

[شريفه 39]

رحيله الصمت اهلين بالنسبه لدشتي كنت اول 7شهور منتظمه بعدين يوم قربت من الوزن المطلوب صرت اسبوعين دشتي وبعدها وجبه مفتوحه وبعدها 3ايام بروتين صافي وكنت القى وزني زي ماهو او ينقص نصف كيلو بكذا صرت ماامل من دشتي

 

[شريفه 39]

نايسي شدي حيلك انشاءالله توصلين للوزن المطلوب

شيرازيه ..بماان المعده صغيره ليش ماتملينها باكلات دشتي وتحاولين تبعدين شوي عن التوست مهما كان حجمه وبكذا نزولك يكون سريع نصيحه سوي بروتين صافي وبتحرقين اسرع ..فديتك ياليت تشيلين الكورن فليكس والحليب واللحوم البارده صح مسموحه بس سمعت الدكتور يقول هي مسموحه بس الابتعاد عنها افضل ...الله يوفقك

اختي فوشيه انا اول مابديت دشتي كنت بموت من الفرحه بالكبده قلت لانها بروتين عالي بس يوم سالت الدكتور قال بالمرحله الاولى no بس اذاتبغين نزول سريع لاتاكلينهاوحيك الله معانا بالتجمع