اطباق لذيذه ( سهل - متنوع - منقول - متجدد ) تابعونا

[Classic Lady ’]

حلى القوالب
للعضوه / حلوة الإحساس

بالنسبه للقوالب قوالب سويتز الجاهزة ( الحلوة )..
الحشوة
بالخلاط كأس تمر منزوع النوى .. بس أنا حطيت المعجون ( العبيط ) أفضل
علبة قشطه ..
اربع حبات جبن كيري أو جبن مثلث..
وعلبه حليب مركز
وملعتقين شوكلاته بودرة
اخلطيها ثم حطيها بالقوالب ورشي فوقها شوكلاته بودرة وحبة مالتيزر
وعافيه عليكم ​

 

[Classic Lady ’]

شوربة العدس بطريقتي
للعضوه / غلا gala

المقادير

( الكميه حسب عدد الافراد انا هنا كميتي لشخص واحد )

نص كوب عدس

حبه طماطم صغيره مقطعه ارباع

حبه بطاطس صغيره مقطعه ارباع

حبه جزر مقطعه نصين

بصله صغيره او نص بصله

فص ثوم

ماجي + صلصه + بهارات


الطريقه

كل المقادير السابقه ( ماعدا الماجي والصلصه والبهارات )نحطها فقدر ونضيف لها مويه ونرفعها ع النار لين ماتستوي

تقطيع الخضار مو مهم الحجم لان راح نحطه فالخلاط بعدين

بعد مايستوي العدس والخضار نخليه يبرد شوي ونحطه فالخلاط الجك و نضيف لهم الماجي والصلصه والبهارات

بعد مانخلطهم نرفعهم مره ثانيه على نار هاديه جدا ونضيف لها ملعقه زبده ونوزن الملح

لو كانت ثقيله نضيف لها مويه شوي حتي نوصل للثقل المطلوب

ونخليها ع النار 5 دقايق بس لان كل شي مستوي

وقت الغرف نزينها بكزبره خضرا مفرومه

 

[Classic Lady ’]

فتة الباذنجان والبطاطس
للعضوه / LAMIA ~

حبة باذذنجان مقطعه صغار ومقليه
حبة بطاطس مقطعه صغار ومقليه
خس وجرجير مقطعين قطع متوسطه
خبز مفرود مقطع مربعات صغار ومقلي

الصوص :
ملعقتين مايونيز
علبة زبادي
فلفل اسود
ملح
4 ملاعق زيت زيتون
عصير نص ليمونه
ملعتين طحينه
واذا حبيتي شوي ثوم للنكهه ..



اول طبقه الجرجير ووالخس
ثاني طبقه الباذنجان والبطاطس
ثالث طبقه الصوص وترشين عليه سماق
آخر شي الخبز المقلي ..

​

 

[Classic Lady ’]

صينية البطاطس واللحم
للعضوه / .R. R

بطاطس مسلوقة .. ومقطعه حلقات ..

كشني بصل .. وطماطم مكعبات صغيرة .. حطي اللحمة المفرومة .. مشروم .. شوي معجون طماطم ..
ملح + فلفل + كمون + كزبرة ناشفة .. بهارات ايطالية ..

في زبدية اخلطي قشطة + مايونيز + جبن سايل ..

في صينية بايركس رصي البطاطس .. وحطي فوقها اللحمة .. وصبي خلطة القشطة ..
رشي الوجه بشوي ارويجانو .. وعالفرن تقريبا نص ساعه .. وحمريها من فوق ..

وبالعافية ....

 

[Classic Lady ’]

حلى باسكن روبنز
للعضوه / HooR Ali

المقادير:

كورن فلكس

2 قشطه

6 حبات جبن كيري

1 حليب مكثف

هيرشي سائل

بسكويت شاي

الطريقه:

نبحط الصينيه بالجلاد <<< مو ضروريه هالنقطه

نكسر بسكويت الشاي ونحطه في قاعدة الصينيه

نحط بالخلاط الحليب المكثف والجبن والقشطه

ونصبه فوق البسكويت وبعدها نحط الكورن فلكس عشان يتدخل معها

وبعدها ندخلها الفريزر

وبعد مانطلعها نقلبها على وجهه ونتركها تنزل لوحدها

وبتطلع خطيره شكل وطعم

​

 

[Classic Lady ’]

كرات البسكويت السريعه
للعضوه / HooR Ali

المقادير:

حليب مكثف

بسكويت شاي مطحون

جوز هند

شوكلاته مطحون

الطريقه :

نخلط شويات حليب مع البسكويت المطحون

ونبدا نكور

بعدها ناخذ الكوره وندحرجها في جوز الهند والشوكلاته المطحون

وبكذا خلصنا الحلى سريع وسهل وطعمه جميللل

 

[ريمه الكويت]

ووووووووووووووووووعه Classic Lady ’ كل طبق احلا من الثاني

 

[Classic Lady ’]

ووووووووووووووووووعه Classic Lady ’ كل طبق احلا من الثاني

الرووعه تواجدج ياقلبي :eh_s(7):

 

[Classic Lady ’]

اندومي
للعضوه / ابوها فهد



المقادير ,
2 اندومي + بيضتين ( البيض على حسب الاندومي كل م زدتي اندومي زيديه ) + بهارات الاندومي + ملح + ليمون ,
واي شي تزيدينه عادي على حسب رغبتكك ,
الطريقه ,
اسلقي الاندومي بدون شي لحاله + بعدين صفيه من المؤيه + بعدين اخلطي معه البيض ؤالبهارات الاندومي والملح وليمون واي شي تبين + بعدين حطيه بالمقلاه وحاؤلي ترتبينه ع شكل دائره وقصري عالنار عشان يستوي من جؤاء + بعدين اذا تحمر من تحت اقلبيه واذا خلص + حطي عليه ليمون وبالعافيييه .

( حطيت معه سوومطرا ومره لذييذذذ )

 

[Classic Lady ’]

الحلاا
للعضوه / حلم وآنتهى .,

الطريقه :

الطبقه الاولى : نسوي خليط بيتي كروكر مثل مو مكتوب على الكرتون وندخلها الفرن ونخليها تبرد على جنب ..

الطبقة الثانية : علبة فيلاديفيا الصغيره او 12 جبن كيري + ظرفين دريم ويب + قشطة + نص علبه نستله الوسط

تخلط المقادير بخلاط الكيك وتوضع فوق الكيك وتدخل الثلاجه تبرد

الطبقة الثالثه: بحمام مائي قشطه + 4 جالكسي ساده

بعد مايسيح الجالكسي نحركهم سوا ونخليه شوي يبرد عشان مايخرب الطبقه الثانيه

بعد مايبرد شوي نحطها كطبقه اخيره ونزينها بالفليك وعلى الثلاجه تبرد

بآلعآفيه يآآرب عليكم

 

[Classic Lady ’]

حلآإ آلنوتَيلآ
للعضوه / آحلى جوودي

نحطَ ب آلقوآلبَ كل قآلب ملعقه كبيرهَ نوتيلآ
ونآخذ حبتينَ بسكوتَ سمسمَ ونحط بينهمَ شوي نستلهَ ونحطه فوق
آلنوتيلآ
وبعدين نحط ب آلخلآط 10 حبآت جبن كيريَ وعلبة نستله ويخلطنَ ونصبهمَ فوق
ألبسكوتَ ونحطهآ ب آلفريزر وكل مآطولت آحلى وهذآ شكلهآ آلنهآئيَ

​

 

[Classic Lady ’]

الشوربة
للعضوه / جل ربي من براها

المقادير:
بروكلي
جزر
بصل
بقدونس
كزبرة
تسلقينهم كلهم في قدر على النار لمدة ربع ساعة
بعد كذا تخلطينهم بالخلاط
تضيفي لهم مكعب ماجي وعلبة جبن كرافت مبشور وملعقة كبيرة طحين مذوبة في شوية مويه وملح وفلفل
تخلينها على النار لمدة خمس دقايق وتطفي النار
لو حابه تضيفي كريمة في النهاية ضيفي

 

[Classic Lady ’]

تارت التمر
للعضوه / ظل الازهار

تارت التمر

اصبع زبدة 100 جرام تذوب على النار مع ملعقة سكر حتى تذوووب
تضاف على كاس دقيق وذرة فانيلا وتعجن يمكن تحتاجين زيادة دقيق
اضيفي حتى تتماسك العجينه وتحسينها صارت تتشكل
نخليها على جنب
نجيب صينية نحط كاس تمر معجون او تمر انتي تعجنينه
حبتين جبن كيري نص علبة قشطة وشوية فانيلا
نعجنها سوا اما باليد او بالخلاط اللي يعجبك انا عجنتها بيدي
بسرعه اصلاً تتجانس
نبدا نشكل العجين في القوالب ونحط فيها الحشوة وندخلها الفرن على درجة حرارة متوسطة
لمدة 12 دقيقه من تحت بس حتى تستوي ولو حبيتوا حمروها من فوق
اول ماتطلع نزينها بجوز نخليها تبرد تمااااما ً
وبعدها نطلعها
الزينه لو حبيتوا اما توفي خطوط او نستله خطوط او تخلونها سادة

حشوه ثانيه /
تمر ( خلآص ) شلت النوى منه وكورته , بعدين حطيتها على كل حبه من التارت
وكسرت بيضه وضفت لهآ ملعقه صغيره فآنيلآ وحركتها وضفتها فوق التمر على التارت
ورشيت عليها فستق مجروش

 

[Classic Lady ’]

حلا
للعضوه / لآ للكسل

الطريقة والمقادير مع بعض
بسكوت مطحون + زبده ,, ترصينهم كطبقه اولى في اوراق البيليسيه في صينيه الكوب كيك
الطبقه الثانيه : كاس ونص جوز هند مع نستله تخلطينهم لحد ما تصير متماسكه شوي وتحطينه فوق البسكوت تدخلينه الفرن من فوق شوي بس عشان تتماسك زين بس لا تخلينها تتحمر ..
الطبقه الثالثه : تذوبين جالكسي بحمام مائي وتصبينه فوقهم ..
بعدين تدخلينه الثلاجه لحد مايتماسك وتقدمينه ..​

 

[Classic Lady ’]

سلطة سيزر /
للعضوه / حلم

- نأخذ خس ونقطعه الى شرائح متوسطه الحجم ..
ونسوي السوس

http://www.shabaktqatar.com/up/uploads/images/domain-59df78ee90.jpg

وهو متبل الرانش ( ربع العلبه ) + علبه زبادي + ملعقتين مايونيز + شوي ملح وفلفل
نخلطهم مع بعض ونحطهم فوق الخس

http://www.shabaktqatar.com/up/uploads/images/domain-23ad796cb3.jpg

ونزينه بالخبز المحمص الجاهز او بيتي +
دجاج مشوي مقطع شرائح
نتبله بملح وليمون وفلفل وشوي بهارات الدجاج ونحطه بالحماصه لما يستوي ماياخذ وقت ابد

http://www.shabaktqatar.com/up/uploads/images/domain-72f65148dc.jpg

ويُقدم ..

http://www.shabaktqatar.com/up/uploads/images/domain-bddcc4ae9a.jpg

&

 

[Classic Lady ’]

سلطة الناتشوز /
للعضوه/ حلم

اول طبقه تاخذرين خس وكروم ابيض وكروم بنفسجي وتقصصينه طوال -

ثاني طبقه وهي السوس عباره عن متبل فرنسي لونه اورنج للسلطه تقريباً نص العلبه او ثلاث ارباعها على حسب كميتك و 5 ملاعق مايونيز وشوي ملح وخل برضو وتخلطينها مع بعض لما يصير خليط متجانس ونتأكد من الطعم هل يحتاج مايونيز او شي

وتحطينه فوقه مع ذرة

ثالث طبقه تاخذين جبن شيدر الي لونه اصفر وحجمه كبير وتبشرينه وتحطينها فوقهم -

وممكن يقدم بهالطريقة فقط بدون اي اضافه

بس انا دايم ازينه بدوريتشوز بالجبن ..
واعكس بالطبقات

*
طبعاً يُفضل اذا بتحطين الشبس ماتحطينه الا لما تجين بتقدمينه لانك لو حطيتيه بدري ودخلتيه الثلاجه بيصير التشبس رطب مو قاسي فهمتوا ؟ :$
ولا تفوتكم , طعمها رائع ..

 

[Classic Lady ’]

الفتوش /
للعضوه / حلم

خس + خيار + طماطم + بقدونس + + جزر + كروم ابيض وبنفسجي كلهم مقطعين قطع صغيره + زيتون

http://www.shabaktqatar.com/up/uploads/images/domain-b9e4e4e9ea.jpg

السوس / ملح وليمون وزيت زيتون وسماق

للزينه .. بخبز مقطع ومقلي

http://www.shabaktqatar.com/up/uploads/images/domain-892515f20d.jpg

طبعاً نخلط الخضار مع اللليمون والزيت زيتون وتوابعه

http://www.shabaktqatar.com/up/uploads/images/domain-bc46775e3c.jpg

ونزينه بالخبز ويقدم ^^

 

[Classic Lady ’]

سلطة الزبادي /
للعضوه / حلم

خس + كروم ابيض واحمر مقطعين شرائح + جزر مبشور + ملح + زبادي + ملعقه متبل رانش ( تعطي طعم جميل )

http://www.shabaktqatar.com/up/uploads/images/domain-5fbfdf7efd.jpg

نخلطهم مع بعض ..

ونقدمه ^^

 

[Classic Lady ’]

خبز بالثوم /
للعضوه / حلم

3 فصوص ثوم تهرسينها + زبده قطعه صغيره تذوبينها
وتحطين الزبده والثوم بصحن وتحطين فوقهم جبن سايل بس لازم يكون الجبن السايل كميته اكثر من الزبده + جبن مازارولا + كزبره مقطعه صغار واخلطيهم مع بعض

http://www.shabaktqatar.com/up/uploads/images/domain-273b5e939d.jpg

ونحطها على خبز فرنسي او ساندوتش صامولي مقطع شرائح ..

http://www.shabaktqatar.com/up/uploads/images/domain-28c402347c.jpg


وندخله الفرن من فوق لمده 5 دقايق لما تتحمر شوي

ويقدم ^^

*

 

[Classic Lady ’]

ساندوتش الاجبان /
للعضوه / حلم


نخلط ملعقتين قشطه طازجه + ملعقتين لبنه + ملعقتين جبن مالح +

ملعقه زيت زيتون + ملعقه ذره ( وممكن تستغنون عنها لأن مو الكل يحبها مع الساندوتش ) + شوي فلفل اخضر او ملون مقصص صغار + شوي زيتون اسود مقصص صغار + نص ملعقه زعتر + نعناع مجفف ومطحون ونكثررررر ونخلطينهم كلهم مع بعض

ونحشيها في ساندوتش