دشتي 2012مع شريفه حياكم

[قمر2]

كيفكم دشتيات
الكوسا والباذنجان والمشروبات الغازيه الدايت ممنوعه في المرحله الاولى او مسموحه وكذالك الشاي الاخضر صحيح انه يثبت الوزن

 

[فوشيهـ]

كله مسمووح اختي قمر
​

 

[Niceya]

صباح الخير عالحلووين

قعدت من شوي شربت قلاصين ماي ولاعت جبدي ما احب المااي بس شسوي ضرووري

قاعده افكر شنو اتريق محتاره

قمر كلهم مسموحين باليوم كوب واحد فقط كوسا أو باذنجان
والدآيت يفضل السفن أب وحاولي تبتعدين عن الكولا لأنه فيه كافيين
والشاي الأخضر يثبت الوزن قللي منه أو حاولي تبتعدين عنه


فووشيه شخبارج مع العنب؟

 

[فوشيهـ]

اممممممم ما اكلت العنب الحاله :$

اكلت فواااكه مشكله .. لان العنب الي عندي مو حلوو كله لين ماحبه كذا .. ف باكل فواكه ماعدا الموز ..

افندي تفاح عنب كنار كمثرى
​

 

[Niceya]

يا بنننننت ما يصييير !
إذا ضفتيله شي ما ينزل بسرعه
العنب مترووس سكر إذا كليتيه مع شي ثاني يزيد وزنج
ديري بالج لا تكثرين منه خليج على الفواكه الثانيه بس

 

[فوشيهـ]

خربته اكلت سمبووسه

آسفه يا أنا << تتأسف لروحها :*_*:

ما اقدر على الرجيم خلاص .. اليوم بخفف وبكره بسوي تمر ولبن وبعده دشتي ع طول ...

الله يعين
​

 

[Niceya]

بقتلللللج حريتيني علييج !!
اهوو فعلا العنب يبيله إرادة مميييته مو أي أحد يتحمل يسويه
إنسي تأنيب الضمير وردي من يديد
اللي نزلتيه حلوو وحرام يزيد على غلطات ما تسوى
شدي حييلج

 

[فوشيهـ]

وانا احتريت مره بس شسووي وربي كارهه نفسي

الزبده اليوم بيجووننا ناس يباركون حق اختي ف اليوم بيمشي طبيعي من غير دايت

وبكره دششششششششششتي خلاص مابي التمر واللبن .. مابغا ازيد كثير ..
​

 

[واحة الايمان]

فوشيه بتدي بدشتي ولا تخربطين والله يقويج ويصبرج

انا عن نفسي ملتزمة بدشتي والحمدلله ما خربطت

 

[Niceya]

عدل شغلج .. أجلي التمر واللبن شوي
من باجر إبدي بروتين صافي 3 ايام وبعد اسبوع كسري الرجيم بالتمر واللبن
ولا تحووسينها وايد اليووووم x_x


بما إن راح وقت الريوق
فصار ريوق وغدآ كليت تونة وبيضه وشريحة جبن + سفن صغير

امي مسوويه غدآ دياي بالفرن مع خضار وموزاريلا عشان اكل معاهم
شكله لذيييييذذ بس طلع حاطه معجون طماط مع الدياي قلتلها ما اقدر اكللله وما كليت

 

[Niceya]

وووآحة بغيت أسألج جم الفترة اللي نزلتي فيها 20 كيلوو ؟
ناس يمدحون لي الدايت وناس يذمونه

 

[فوشيهـ]

ايه ان شاءالله ببدى بكره بدشتي

لا ماخرتها اليوم كثير .. نفسيتي مو مره واحس شبعانه ع طوول .. امس بس الي اكلت كثيييييير ..

وماتوقع بفتح دشتي الا بعد اسبوعين .. ظرووري اسوي كذا لاني مليت بجد ..


قست وزني اليوم من بعد امس لقيتني زايده كيلو وشووي بس ماتوقع يبقى هالكيلو

انا كذا او كذا برجع بروتين صاافي يعني برجع ويارب انزلهم وافتك ..
​

 

[Niceya]

يعت عالمغرب

كليت صحن شاورما صغير فيه كريمة شي بسييط و3 قفشات جبن موزاريلا كان لذييييذ
وانغثييت .. احس كثرت اليوم فما تعشيت
شربت فيمتو دايت

 

[Niceya]

فووشيه قلبي انسي الميزان هالاسبوعين عشان ما يحبطج
ويالله إبدي واحنا نشجع بعض
وننزل بعافيه ونرتاح للابدددد
من شي اسمه رجيم

 

[شريفه 39]

مراحب بنات كيفكم طبعا وزنت نازله 2كيلو الحمد لله راضيه لاني كنت اكل حبوب وادويه الاسنان وماكنت ملتزمه صح بالتزم هالشهر والله يعيني باقي لي 5كيلو شد حيلي

 

[Niceya]

يا هلاا وغلا شرووووفه لج وحشه والللله .. وين هالغيبه؟
وصج حبوب الأسنان تأثر عالرجيييم؟

جم المدة اللي نزلتي فيهم الكيلوين؟ وجم وزنج الحين؟

 

[واحة الايمان]

وووآحة بغيت أسألج جم الفترة اللي نزلتي فيها 20 كيلوو ؟
ناس يمدحون لي الدايت وناس يذمونه

خلال 6 شهور نزلت 20 كيلو

بس يبيله صبر واراده في البداية لانج بتعانين اول أسبوعين وبعدها خلاص معدتج بالتعود على الجوع

 

[قمر2]

كيفكم دشتيات
تتكلمون عن رجيم العنب الرجيم لتنظيف الجسم تاكلين عنب وتشربين مو يه كثير ونعناع بس من غير سكر لمدت 3 ايام فقط وهذا لتنظيف الجسم من الداخل ليش انتم تستعملونه رجيم العنب كله سكريات
انا عملت رجيم التمر والبن وكان وزني 85 ونزلت حتى وصل وزني 70 وفرحت وقلت اجازه وباكل ونبسط وبعد الاجازه برجع على الرجيم حتى اوصل 60 وبعد الاجازه جيت اوزن لقيت وزني 97 وبعدين قالت الاخصائيه هذا السكر الي تخزن في جسمك برغم اني كنت احسب كل لقمه اكلها ارز 6لقم خبز 6لقم فطيره حبه اذا كانت كبيره وصغيره 2 حبتين لفاكهه كنت احسبها شريحتين حبحب وكذالك الشمام وجميع انواع الفاكهه كنت احسب كل شي اكله فحذرو من السكريات تراها تتخزن في الجسم

 

[Niceya]

إمممم حلوو والله واكيد كل رجيم له صعوبه فبدايته لأن يديد عالجسم


بنآت عندي إقتراح للي ما يقدرون يدشوون لظروفهم .. شرايكم اسوي قرووب عالواتساب واللي تبي اضيفها تدزلي رقمها عالخاص
وبجذي بيصير تفاعل اكثر وندز صور ريوقنا غدانا عشانا حق بعض ونستفيد

شرآآيكم ؟؟ يالله ناطرتكم

 

[واحة الايمان]

اذا علي البي بي ماسن بيكون احسن ...اذا موافقه بدز لج بن كودي