انطلقنا : مسابقة ( قد التحدي ؟ ) | احنا قدها و قدود =))

[ام حديجان]

مبروك الافتتاح

ان شاءالله تكون بداية خير علينا جميعا ونشجع بعض

انا اعترف اني وحده ما عندي اراده وبسرعه اضعف جدام الاكل

ان شاءالله هني نشجع بعض بالاستمرار

يبيلي اقل شي 8 كيلوات

رجيمي راح يكون من كيفي

اول شي راح استبدل كل الخبز الابيض والعيش بالخبر الاسمر والعيش الاسمر

راح اقطع الحلو والمطاعم والمشروبات الغازيه

راح اركز عل سلطات والفواكه

عشاي راح يكون شوربه وحبة فاكهه وعقب ال7 بالليل ماراح اكل شي

بس مشكلتي الاساسيه بوجبة الغدا

ارد من الدوام يوعانه وانسى نفسي

وصراحه استثقل ادش المبطخ واطبخ حق روحي ف اشوف الي جدامي واكل

فكرت اني اخذ وجبات دايت كير من الجمعيه بس حق الغدا

الريوق راح يكون اول شي ساعه 7 الصبح وانا رايحه الدوام نص لتر ماي وعلى الساعه 10

كوب نسكافيه و توست اسمر وجبن لوفات والضحى شي خفيف حق السناك

بحاول اشرب شاي اخضر العصر وبحاول امشي كل يوم اقل شي نص ساعه

بطلي تقولين ( ماعندي ارادة ) و بيصير عندج ارادة :d

مو مشكلة تاكلين الغدا بالبيت لكن بكمية قليلة

يعني 6 ملاعق من اي شي و سلطة

جربي تمشين على هالمقياس و بترتاحين

 

[ام حديجان]

مبروووك الافتتاح :eh_s(17)::eh_s(17):

اي و الله حتى انا الارادة عندي صااايرة صفر :eh_s(1):


اليوم بديت بالرجيم و ان شاءالله معاكم و مع تشجيعكم راح استمر عليه و راح ابدي العب رياضة و امشي

ياارب تحقق احلامنا و توصل كل وحده لهدفهاا :eh_s(9):

:ggdw:

امين يا رب

و 6 اسابيع مو شوية

مع الالتزام تقدرون تقطون فيها 6 كيلو و فووووووق

 

[ام حديجان]

السلام عليكم مبروك عليناالافتتاح انا من اليوم امبلشه ورجيمي تخفيف اني مااتعدا 1000 سعره حراريه
واليوم كان ريوقي بالدوام تركي ساندوتش ودايت وبطل ماي

ومشيت شوي بالدوام لمده ربع ساعه
ولمن رديت البيت كليت لزانيا من دايت كير علشان اقدر احسب السعرات الحراريه الي بالاكل

بالعافية :rerrerek:

بس حاولي تبدلين الدايت الصبح بعصير او قهوة عشان صحتج

و خووش نظام

1000 كالوري ما يعتبر تخفيف

بالعكس هذا الريجيم السليم

انا معاج ان شاء الله ماشية على هالنظام

 

[ام حديجان]

مساء الخير صبايا كيفكم

ام حديجان عندي مجموعه استفسارات

اول شي قعدت الصبح مثل ما قلتي وزني طلع 69.3 طبعا بلبس البجامه والسبب ان يومين مو ماكله عشا غير جذي غداي كان خفيف

وغير جذي لما البس ملابس الطلعة يزيد الوزن

وعندي الاسبوع الياي موعد مع الدكتور فأكيد وزني بتغير

فأي وزن اعطيج اياه هل بالبجامه والا بملابس الطلعه ولا بعد موعدي مع الدكتور ؟

صباحج نور

طريقة الوزن الصحيحة :

- اول ما تقعدين من النوم
- بعد ما تروحين الحمام تكرمين
- و لابسه ملابس خفيفة

غيرها راح يكون متأثر بالاكل اللي اكلتيه خلال اليوم او لبسج


راح اخذ الوزن اللي بالبيجامة

 

[ام حديجان]

السلام عليكم
انا برجيمي اعتمد على التخفيف واكل وجبة وحده باليوم كبيره
والباجي سناكات خفيفه
واشرب وااييد ماي وعصاير
ووزني نازل الحمدلله
هدفي انزل 8 كيلوووو

وعليكم السلام والرحمة

ان شاء الله راح تنزلينهم
بس مو مع وجبة وحدة باليوم

الاصح توزعين الاكل على 5 وجبات خلال اليوم

3 رئيسية و بينهم 2 سناك

 

[ام حديجان]

هلا بنات ....... يسعد مساءكم بالخير


موفقين وحلو انكم تحطون خطة

انا ببديه تخفيف للسبت

ابي خلال شهر اقو شي 6 طبعا داشه نادي وببلش من الشبت

واهم شي قعده الصبح والرياضه


اهم الاشياء الاساسية اللي الكل يعرفها:

1) الماء لتر ....... وللعلم الدول اللي جوها حلو يشربون لتر فمابالكم احنا جونا الصحراوي .
2) الرياضه مو اقل من ساعه ...... انا لي النيه ساعة ونص .
3) قياس سعرات الحرراريه
4) مطاعم وجبات سريعه ..... مايمنع كسرة ككاوة وعادةً ادخل الككاو بالشهر الثاني
5) الصــــــبــــــر ...... كنت اتمنى الميزان بعد 10 ايام لان اللي يلعب رياضه راح تكون عضلاته شاده خلال اسبوع ثانيا الجسم اظل متماسك بس قواعد القروب تقول جذي .



موفقين ��

صباحج نور و سرور

عدل كلامج
عشان جذي تركيزنا هني مو عالميزان
لان خسارة الوزن ما تعتمد على اسبوع او اسبوعين
يبيلها فترة طويلة تدخلين فيها عادات صحية مع الايام تصير جزء من يومج
والا النزول راح يكون مؤقت ..

 

[ام حديجان]

صباحكم سعادة وهنا :*


ان شاء الله باجر نبلش

راح امشي على نظام السعرات الحرارية

هدفي الاخير ان انزل تحت ال60 <3

معاكم باذن الله راح يتحقق

لي مشوار طويل جدا مع محاربة السمنة

بديته من 3 سنين

كنت تقريبا 90 الا حبتين

فترة طويلة لكن تعلمت فيها الكثير

صرت انسانة مختلفة

احب نفسي و احب الحياة

عمري الحين 21 و توه بديت اعيش شبابي

لان كنت اعاني من السمنة من ايام المراهقة

و الحمدلله <3


نصيحة يا بنات ضعفوو لانفسكم

خسارة الوزن نتايجها مو بس مرتبطة بتغير المظهر

- عن تجربة



و اللي حابة تشاركنا تجاربها قصتها طموحها ..
كلنا اذان صاغية :eh_s(7):

 

[همسات شقاوي]

السلام عليكم
ان شاء الله بشارك معكم

الاسم : همسات شقاوي
الوزن:78.3
طولي :155

ان شاء الله نضعف بصحة وعافية

 

[ام حديجان]

حياج اللـّٰـہ

تم اضافة الاسم =)

 

[ام حديجان]

ريوقي اليوم :

كوبين ماي دافي

شوفان و يوقرت من ستاربكس

 

[Blonde B]

ريوقي : كورن فلكس فتنس مع نص كوب حليب خالي الدسم
شناك : نص عصير كيوي وليمون
الغدا : هابي ميل من ماك
سناك : ماااااي
وارجع لكم بالعشا اكيد شي خفيف او بلاااها
حبوب : فيتامين لشعر والاطافر و حبوب للرجيم
رياضه : مشي نص ساعه

 

[Blonde B]

اي و ووزني صاااار ٦٨.٥ يعني نازله كيلو ونص

 

[Madrideya ~]

^^^^^

مبروك حبيبتي عقبال المثالي ان شاء الله ..

آم حديجان حبيبتي آسعفيني !! آبي دآيت مناسب للسفرة لأني مستحييل آلتزم برجيمي هذا اللي الحين انا عليه
تعرفيييين سـفرره مو مال دايت ! آهلي قالولي سوي تخفيف يعني اكلي كل اللي تبينه بس بكميات قليلة

إنتوا شرايكم صباااااايااااا !

 

[%F&R%]

بالعافية :rerrerek:

بس حاولي تبدلين الدايت الصبح بعصير او قهوة عشان صحتج

و خووش نظام

1000 كالوري ما يعتبر تخفيف

بالعكس هذا الريجيم السليم

انا معاج ان شاء الله ماشية على هالنظام

انشالله نضعف بصحه وعافيه عاد الاسبوع الياي كله عروس عندي الله يعيني عالتخربط

 

[جيسيكا زوهر]

السلاااام عليكم

خبصت وايد بالعيــد ... بس رديت للرجيم

صارلي يومييييييييين ملتزمه ,,,
ورجيمي من عندي ,, ( قطعت الخبز والسكريات و الزيووووت )

معتمده ع الخضرة والفواكه والبيض والحليب الخالي الدسم

وطبببببعاا ( شـآي اخضضر + مــآي )


ورياضتي :
كل يوم امشي بالسسسووق من ساعتين
الى 4 ساعات


/

وزني حاليا : 83

وإن شاءالله ينزل وزني بصحه وعافيـه

 

[$كشوخه$]

أنا وزني بعد ما قسته وتأكدت طلع 59 ^^ الحمدالله وأخيراً طلعت من عالم الستيين . . طولت لأن كنت التزم فترة وأنزل وبعدها أنسى الريجيم لمدة شهر وأرد أكمل :\ بس الحمدالله كنت حتى لو أرد للتخربط ما أوصل لمواصيل تخربط قبل لا أبدى بالريحيم , يعني كنت مقاطعه أكل مطاعم الشبه يومي + الككاو والبطاط والمشروبات الغازيه

نظامي بيكون تخفيف . . وبحـآول أقطع النشويات بشكل تدريجي . . وبكثر مشي لأن لاحظت الفترة اللي كنت أمشي فيها شد لي فخوذي

بشرب كوبين إلى 3 أكواب جآي أخضر باليوم

طبعا بحاول اشرب مآآي وأقل شي لترر

ومفكره أكنسل وجبة العشا وإذا ما قدرت بآكل روب قليل الدسم بس ^^

هذا هو نظـآمي البسيط . . والله ينزلنا بصحة وعافيه

 

[&كرز&]

السبت الصبح ان شاء الله لما اصحى اوزن واكتب وزني هنا
الله يعينا ونستفيد من المسابقه وينزل وزننا بصحه وعافيه

 

[جنى q8]

مرحباً بنات
اليوم أنا كنت صايمه الحمد لله تفطرت من كل شي شويه وبدون سحور الحمد لله احس نفسي خفيفه
وان شاالله باجر بزور بيت أهلي وبفطر هناك خفيف ان شاالله
وبالتوفيق للجميع ياارب

 

[همسات شقاوي]

السلام عليكم قامت قبل نص ساعه وشربت كلاس ماي دافي
بعدها ب10 دقايق سويتلي بيضتين اومليت مع شوس فلفل بدون ملح
مع نسكافية

بس ياذن اصلي وبعدين امشي ساعه ان شااء الله

 

[بـ سـ كـ وتـ ة]

وزني

اليوم صايمة ان شالله

الساعة 12 بالليل قررت أسوي نوع حلو هندي بالجزر من زمااااااان بخاطري صار لي جم شهر أقول بسويه





اسمه Gajar Ka Halwa يعني حلوى الجزر


وايد عجبني بس المرة الياية ان شالله اقلل شكر لأنه كان مترووووووس بذمة وضمير



وتسحرت الساعة 3:30 نص قطعتين جبن ونص علبة روب مسويتهم اليوم فلازم يكونون في الوجبة لول



و3 حبات توت أسود و7 حبات عنب أحمر وخيارة





الجبنة سويتها بملح قليل ... أول شي استغربت طعمها بس بعدين عجبتني وايد تمنيت إن سحوري جبن وبس


وهذا الروب ما كملته






وشربت ماي



سويت رياضة حق زنودي



وسلامتكم وتعيشون