تجمع خاص للي أوزانهم 60 كيلو و حابين يكون 55 كيلو أو 50 كيلو

[إم بــــرٍآك]

وهذا الي اقوله يبي لي انزل من ثلاث الى اربع كيلو مواكثر

ام وليد الله يعينج


بنات كثرو من الزبادي قليل الدسم مع اني مااحبه وايد بس وايد اسمع انه مفيد للي يبون يضعفون

 

[الحراير]

صباحً النور هايدي الحمدلله مستمرين

ويعطيج الصحه ام وليد ومعروف الكورتيزون يمتن ولله الحمد نزلتي ٢٠كيلو بصحه وعافيه

ام براك صح الزبادي ينحف ويشيل الكرش
وحاولو كل يوم تشربون زنجبيل مع قشر قهوه واذا بتضيفون نعناع وكمون

 

[LadY BuG 80]

السلام عليكم ..

فطرت توسته لو كارب مثلث جبنه لايت و بيضه + كوب شاي بنعناع

شربت شاي اعشاب من المطاره ... شاي اخضر زنجبيل قرفه كمون و فلفل ابيض

تغديت ربع دجاجه مع شرايح فجل احمر ..... غداي على المغرب اساعه سته مامداني اتعشا

و شربت شاي اعشاب من المطاره

حرور لا توصين حريص ان شالله نبيض الوجه .وينها ملزلزه اليوم

 

[زوراروسا]

صباح الخير ..

البارحه يومي انواع التخبيص يعني كل ما افكر بالتخفيف اشوفني ايوع زياده واكل وطبعا اكلي كله احاول اسيطر ع الكميات يعني اكل اللي بخاطري بس اقلل الكميه اللي بالعاده اخذها .. لعبت رياضه الصباح 40 دقيقه بين مشي وتمارين شد ..
العصر رقصت شوي ربع ساعه احرق اللي كلته
المسا تعشيت 3 ملاعق رز مع صلصه خضار كانت بخاطري من وقت الغدا وشربت شاي اعشاب ونمت بعد العشاء بساعتين عشان الحق اهضمه .. طول اليوم اعتمدت الحركه يعين حاولت اتحرك قد ما اقدر .. بخصوص اليوع شو اسوي شو ممكن اخذ عشان يسد نفسي المشفوحه ع الحلاو والسكريات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


نسيت اقول اني سويت سونا 10 دقايق وبعدها مساج باداه السليوليت
وقبل التمارين سويت كريم الفلفل ع بطني بس صار لي ع ها الحال تقريبا خمس ايام للحين ما تحسن ولو شي بسيط شكل بطني اللي كني حامل بالرابع استغرب اللي يقولون مع الاستمرار يروح البطن .. بس بستمر لين يخلص وبشوف شو يصير وياي
الله كريم
يارب اضعف وانتو وياي من غير شر

 

[الحراير]

وعليكم السلام ليدي

عارفتج والله تبيضين الوجه حبيبتي

ملزلزه قلتلها اكتبي يومياتج قالت اذا ناموا العيال بتدخل الظاهر نوموها ربي يحفظهم

وانا ماراح اوزن الا بيوم الميزان لاني اذا وزنت اللحين وشفت نفسي نازله بخربط ماادري انتوا مثلي ولا لا

 

[أم وليد الشمري]

صباح الخير
هااايدي بالعافيه حبيبتي .. اي واصلي واستمري
أم براك ... يعين الجميع ربي
الزبادي صيدليه متكامله ويخفف الكرش بشكل عجيب وعلاج لكثير من اضطرابات المعده
الحراير.. فديتج حبيبتي ويعطينا جميعا الصحه ويشافي مرضانا ومرضى المسلمين .. اللهم اميين
أسأليني عن قشر القهووه ما استغني عنه بس يبي استمرار علشان يبين مفعوووله
ليدي ... هني وعافيه يارب نبيضها مع بعض ونطير هالكيلوات ... يارب
زوراروسا... لا تقولين ماابين استمري بتشوفين النتيجه بس لا توقفين وان خبصتي يوم لا ترجعين ورا كملي رجيمج دايم تجينا لحظات ضعف .. موفقه يارب

 

[هايدي الحلوة]

صباح الورد
أم وليد تسلمين حبيبتي على هالكلام الحلو وعلى معنوياتك العاليه حمستيني يا قلبي يعطيج الف عافيه..
زوورا روسا ...إستمري حبيبتي وحاولي إنك تحطي لك جدول يومي فيه الثلاث وجبات الأساسيه فقط وتقيدي بهم حتى لا تخبصي في الأكل مثلاً رجيم التمر والبن أنا شخصياً مجربته قبل ثلاث السنين سويته في شهر رمضان كانت عندي عزيمه قوووويه إستمريت عليه شهر كامل فقط تمر ولبن والله نحفت بشكل خيالي وصرت خقققققه اختفت الزنود واختفى الكرش لكن للأسف ما قدرة أحافظ على رشاقتي وإستعدت وزني في خلال شهرين ..
أنا هالمره متبعه رجيم سهل لكن ناويه أقيس وزني يوم الخميس حتى اعرف كم نزل وزني خلال ثمانية أيام وقلت إنشاءالله الجمعة ابتدئ رجيم التمر والبن لمدة عشرة أيام بعدين راح أقيس وزني وأشوف إشكثر نزل ...

 

[هايدي الحلوة]

فطوري كان كوب زبادي منزوع الدسم
وشربت ماااااي بااااارد شبه مثلج
والحمد لله

 

[بريق أنثى]

مساء الخير
حبوبات ياحلو جمعتكم توسع الصدر كذا الواحد يتشجع ويستحي منكم ويسكر فمه
عليكم بالعافية
غداي امس لحم
العشاء زبادي خالي الدسم
اليوم فطوري حليب خالي الدسم
الغداء سلطة
والعشاء زبادي مع شرايح اناناس
سويت رياضة نص ساعة وجاني شد عضل في افخاذي
الاخت كانت متحمسة زايدة ههههههههه
رياضتي اليوم مشي ساعة مع صعود الدرج
الله ينزل أوزانا ياارب بالصحة والعافية​

 

[هايدي الحلوة]

مساء الخير...
إشلونكم ياأحلى فراشات؟؟
بريق أنثى - ياهلا وغلا فيج حبيبتي من جد جمعتنا توسع الصدر وترفع معنوياتنا وكل وحده فينا تحمس الثانيه
إستمري وإلى الأمام وأنا بكون ويااااج إنشاءالله .
اليوم غداي كان عباره عن طبق سلطه خضراء- شوربة عدس.
والحين جالسه أشرب شاي أخضر بالزنجبيل ، ناويه إني امشي شذي حق نص ساعه .
ياااااااااااارب ننحف ونصير أحلى رشيقاات ياااااااااااارب

 

[عصير برتقال]

هلا بنات اليوم انا خبصت في الاكل حيييييييييل
لان اليوم كان عيد ملاد صديقتي وسوينا لها مفاجأة في الجامعة وكيك وحلويات ومعجنات وكلشي
واكلت كثير بصراحة
بس
ماتغديت بس باكل 3 تفاحت والعشا باكل روووب وبشرب شاي اخضر
عشان يخف حكم التخبيص علي ^^

 

[صغيرة على الحب]

هاي خبايبي شلونكم


سوري كنت حدي مزحومة و شوي تعبت من التمر و اللبن

ليلحين مستمرة عليه بس ذبحني الامساك و الصداع

امس عاد و انا مارة الجمعية قلت خل ادش الصيدلية

و أسأل الدكتور قتله انا رجيم تمر و لبن و قاعد اشرب ماء وايد و التمر بعدد مو محدود و اللبن ثلاث اكواب

شسوي بمشكلة الامساك

قال التمر و الحليب ممتاز و التمر متروس فيتامينات و الياف بس الحليب و منتجات الالبان تسبب امساك مع المدة

قال ما راح اعطيج مسهل لازم تكسرين الروتين شوي و تريحين المعدة

مثلا يومي او يوم تمر و لبن و يوم تخفيف او شي خفيف جدا شابورة مع سلطة

و جذي امورج تكون اوكي و اخذت حبوب حديد لان انا فيني نقص حديد و هذا مسبب الصداع و التعب

و كالسيوم عشان فيني نقص فيتامين د

 

[صغيرة على الحب]

بس حاسة اني شوي خاقة و هدومي مبين اختلاف بسيط

من جذي بستمر بالتمر و اللبن و اذا تعبت باجر بخفف اكل كميات قليلة

 

[صغيرة على الحب]

واي بنات ما قدرت توا ياني عوار راس و دوخة بغيت اطيح

بسرعة اكلت بسكوت مالح و توستة

راح العوار و ارتحت

اط
ظاهى هبوط

باجر بروج صلاجة دايت كير باخذ وجبتين حدهم ٧٠٠ كالوري نفس سعرات التمر و اللبن اللي اكله


صراحة مادري شفيني تعبت و راسي و برجع و ابي شي فيه ملح

 

[هايدي الحلوة]

هلا بنات إشلونكم
عصير برتقال الله يعينج حبيبتي هالحفلات والتجمعات تخلي الوحده تضعف وما تقاوم الأكل بس مافي اي مشكله حاولي إنك تمشي ساعه او مارسي اي نوع من الرياضة عشان تحرقي السعرات الحراريه الي كسبتيها اليوم موفقه يا قلبي .

 

[الحراير]

عصير برتقال زين عاقبتي نفسج وماتغديتي ولحد يخربط علشان الميزان

صغيره حبيبتي صح التمر يضعف بس يتعب حيييل سوي رجيم او تخفيف احسن
واكلي لليوم فطوري شاي وشابوره

وبعدها اكلت قطعة دايجستيف وسلطه خضر وبعد صلاة العشا شربت نسكافيه
وعشاي شوربه وبعد شوي باكل توست مع جبن وبشرب دايت

شرايكم بيومي
واذا قدرت برقص بعد شوي

 

[هايدي الحلوة]

صغيره على الحب... هلا وغلا فيج أنا حابه انصحج نصيحه بخصوص رجيم التمر والبن
هالرجيم ممتاز جداً وانا شخصياً مجربته والله نزل وزني خلال شهر بشكل خيالي والحمد لله ما عانيت من الإمساك ولا من الدوخه
أنا مثلج عندي فقر دم لكن يوم فكرت إني ابتدئ رجيم التمر والبن خفت على صحتي قلت أخاف اضر عمري فقررت إني اسوي هالرجيم بس أزيد عليه كأس عصير زبيب مع البرتقال فالحمد لله هاي كاسة العصير الي كنت مستمره يومياً عليها قبل ما أنام كانت السبب فإني ما عانيت من الإمساك ولا من الدوخه والإرهاق
أنا كنت مقسمه ثلاث وجبات باليوم ٢١ حبه تمر وثلاث كاسات حليب منزوع الدسم
الفطور ٧ تمرات وكاسه حليب فقط
الغداء ٧ تمرات وكاسه حليب فقط
العشاء٧ تمرات وكاسه حليب فقط
وقبل لا أنام كاسة عصير زبيب أسود مع عصير حبة برتقاله فقط
أنا إستبدلت البن بالحليب لأني ماأحب البن
هذي تجربتي الشخصيه مع رجيم التمر والحليب اتمنى إنج تستفيدي منها يا قلبي
اي إستفسار اخر أنا مستعده.

 

[STILL G L A M ~]

بنات بشترك معاكم ..

الوزن : 65

الهدف الاول : 60

الهدف الاخير : 55


يمكن اجرب رجيم دشتي :rerrerek:



~

 

[هايدي الحلوة]

Still glam ... ياهلا وغلا فيج حبيبتي
يسعدني إني أكون أول وحده أرحب فيج
إنتي نفس وزني 65
أنا طولي 154
هدفي الاول 55
هدفي الثاني 50
هدفي وحلمي 47
شو رأيك يا قلبي نكون ويا بعض ؟؟

 

[أم وليد الشمري]

السلام عليكم
صغيره ع الحب ... وي حبيبتي ما تشوفين شر ان شاالله اذا ما قدرتي على هالريجيم حاولي تخففين امرج لله شتسوين بعد اهم شي انسي الخبز والعيش وصدقيني بتضعفين ..
عصير برتقال.. تقولين لي ما تخرب علينا الاهالتجعمات والمناسبه الفلانيه والزواره بس عاقبي نفسج برياضه تحرق ما اكلتي

هايدي ...يعطيج العافيه ع المعلومه القيمه بحاول اشربه لانه احس فيني فقر دم شديد بعد..
الحراير .. بالعافيه حبيبتي والرقص ياحلاته بس ماكو وقت ليش ماادري ... ؟؟!!
توته ... وينج؟؟!! منتظرتج هالحزه
صج القروب بيعث ع الحماس ويخليج تلاحظين عمرج اكثر ...