تجمع خاص للي أوزانهم 60 كيلو و حابين يكون 55 كيلو أو 50 كيلو

[أم وليد الشمري]

السلام عليكم ورحمة الله وبركاته
كيقكم بنووووتات ان شاالله كلكم بخيرررر
ياحلاة الجووو ماشاالله صج ولهانين للمطر جم سنه ناشفه
?اللهم صيبا نافعا?اللهم سقيا رحمه ولا سقيا عذاب?
ام خزامي... ليدي... بحرينيه .. هلا وغلا شرفتووونا
توووووووته ... حبيبتي فديت ئلبوووو انا ...صج فرحتيني بكلامج العسل ... هذا المستخدم جداً فرحااان وخجلان☺☺☺☺ لا يعرف ماذا يقول
الحراير .. تقبل الله
جمووون... بالعافيه ي قلبي ويسلمك ربي من كل شررر
هااايدي... ما عليه ان شاالله تنزلين اكثر الاسبوع الجاي بس لابد من الرياضه لو نص ساعه مشي.. مشكلتي عارفه وما اطبق
دام احنا ما نتحرك ما عندنا عضلات تحرق السعرات لابد من وجود العضلات وهذي ما تجي بدون ريااااضه... حتي لو خففنا اكل شنو الي يحرق الاكل ... العضلات .. واذا مو موجوده .. فالتخفيف ما يجيب نتيجه مرضيه
...
حلمي اوصل 46 يارب اوصل لهاااا انا وانتي بصحه وعافيه
عمري ما شفت الاربعين ان شاالله معاكم بهالقروب اوصل بإذنه تعالي
مع هالرباده الي انا فيها ما اظن...
???
ليدي .... أتحبين تلك الحشره الجميله،،؟؟ ما احبها فيني فوبيااا من كل الحيوانات حتي لو كان عصفووور ...

 

[هايدي الحلوة]

مساء الخير...أم وليد...مشكوره حبيبتي على كلامك المعسول يعطيج الف عافيه.
إنتي تتمنين توصلين (46) وأنا اتمنى أوصل (45)
أهدافنا متقاربه ياااااااااااارب نوصل للهدف وحنا بصحه وعافيه.
بس حبيت أسالج سؤال إنتي جم وزنج؟؟ وجم الطول؟؟
وشنو الرجيم الي متبعته؟؟ سوري يا قلبي كثرة عليج الأسئله بس
حبيت أستفيد وأشوف إمكن أتفق وياج ونتبع نوع معين من الرجيم
بكذا نتحمس أكثر وأهممممممم شي نستفيد ونوصل لهدفنا.

 

[سأكون يوما ما أريد]

ما اقدرت اواصل رجيم اسامه للاسف تعب ودوخه

نرجع لنظامي مع الرياضه موفقين

مشيت نص ساعه

 

[أم وليد الشمري]

سأكون ....الف سلامه عليج ي عمري ما تشوفين شرررر
هااايدي بالعكس انا استانس بالأسئله والنقاش
وصج مع بعض امكن التزرزم سأوافيك بالتفاصيل بعد قليل����

 

[مرسوم ملكي]

النك نيم: مرسوم ملكي
الوزن الحالي:66
الطول:161

الهدف الاول: 60
الهدف الثاني: 55
الهدف الثالث: 50
ترا نفسي انحف ويرجع جسمي متل الاولا بس ابي برنامج ريجم اطبقة بصرامة من غير لف ودوران وابيكم تشجعوني
هذا هو اللي ناقصني تشيع وحماس
بليز ساندوني

 

[بحرينيه حبوبه]

ليدي,, حرارير,,توته,, ام وليد
فديتكم والله مشكورين ع الترحيب:eh_s(7):


********************************

طولي:161
وزني:62.1
هدفي الاول:59

لاااااه ان شالله التزااااااااااام لا تخافون علي امبديه من يوم السبت ولحين ماشيه في السليم:rerrerek:

 

[بحرينيه حبوبه]

يومياتي ليوم لااثنين

ريوق
مافي


غدا
من المطعم
شريحة ستيك لحم مع مشروم صوص وخضار بالبخار
كولالايت



سناك
كوب نسكافيه 3 في 1

والحمدلله

 

[الحراير]

هلا ومرحبا بالجمعيع
وحلو يومج بحرينيه

ام وليد الله يتقبل من الجميع ودي اسولف اكثر بس تعرفون ماثبت من التلفون شابكه

يومي لليوم صايمه وفطوري كورن فليكس وشاي

وبعدها اكلت قطعة بسكوت وبيالة شاي وخياره


وتسحرت ٢همبرجر مشوي وحده بصمون والثانيه بدون صمون مع عصير اناناس

وطبعا سهرانه للصبح وبشرب نسكافيه


ياحلو الالتزم والله

 

[JUMAN]

الـإثنين : 12 - 1 - 1434

أهلين يا حلوات
صحيت 9 و نص مشيت نص ساعه

الفطور : كوب حليب
الغدا : سلطه + كلوب ساندويتش + سلطة فواكه
العشاء : 5 ملاعق كورن فليكس + حليب

روتين الـأكل :
- 4 كاسات ماي قبل كل وجبه بـ ساعه
- زبادي واحد كان بعد وجبة العشا




يا هلا بـ العسولات اللي دخلوا معانا بـ القروب
إن شاء الله كلنا نستمر و ننحف من غير شر
مديرتنا الفخممه وينننننك :/

​

 

[توووووتة الحلوة]

ام خزامى
اهلا و سهلا فيك، تنورينا :eh_s(7):
بس تبين الصراحة انتي مأزمة الموضوع يا بنت الحلال ... وزنك يعتبر مثالي و هذا مو كلامي ... حسب مؤشر كتلة الجسم. لكن هذا ما يمنع انك تنقصين وزنك :rerrerek:

هايدي
و عليكم السلام. الف مبروك النزول :ggdw:

Lady Arwa
اهلا و سهلا فيك، لكن كم طولك؟

ام وليد
انا مو من النوع اللي يجامل كلش، اللي احسه اقوله على طول. احس انك من الاشخاص اللي قعدتهم حلوة و تونس ... يا بخت اهلك فيك

سأكون يوما
احسن ما سويتي :rerrerek:

مرسوم ملكي
اهلا وسهلا، نورتينا. عندي سؤال ايش اكثر وزن كان جسمك فيه حلو و ارتحتي عليه؟ لان طولك تقريبا مثل طولي

الحراير
صدقتي الالتزام، يخليك مرتاحة مع نفسك و جسمك :rerrerek:
وانا ناطرة سوالفك، اذا شبكتي من اللاب

جمونتي
مشكورة قلبو على سؤالك امممممممممممممواه
اليوم تعبانه مررررررررررة، لان الدودو جتني، حالتي حالة اليوم :eh_s(16):

 

[توووووتة الحلوة]

يومي

الفطور
فاصوليا مع خبزه متوسطة. كأس شاي

الغدا
لايوجد

العشا
ساندويش جبن فيتا+ 6 زيتونات. كأس شاي

بعدين خبصت شوي لاني تعبانه اكلت تمر و كم حبة حلاوة و قطعة شكولاته صغيرة >> فيوز مخي ضربت من التعب :eh_s(16):

الرياضة
ما سويت اليوم حدي تعبانه :eh_s(2):

 

[الحراير]

توته ماتشوفين شر ياقلبي

وبالنسبه للاب مافتحه صرت اتعاجز والله ايام الاب قبل وناسه نسولف وناخذ راحتنا اكثر

واللحين احنا بعالم السرعه نبي الشي السهل
وان شاء الله يوم السبت الكل نازل

توته عندي اقتراح تحطين الميزان يوم الاربعا او الخميس قبل الزيارات والتخبيصات
وبراحتج اذا بتحطينه بس مجرد اقتراح

 

[زوراروسا]

السلام عليكم بنوتات
شخبار الكل ويا الكيلوات ؟؟؟؟ :eh_s(4):
انا الحمد لله ما زلت مستمره بس الموضوع ما يخلى من التخبيص مرات يعني مرات بس اللهم لك الحمد :yaaaaaarb:
بس من يومين عندي حاله غريبه احس بتعب مو طبيعي ما اقدر ابذل نشاط الا احس بهبوط وابغي ارقد الله يستر اخاف عندي فقر دم والا شي ؟؟؟؟؟
المهم اني بحاول استمر
عندي مشكله ثانيه احس اني عضلت بالذات منطقه الاكتاف احس اني ملاكم !!!!!!!!!!يعني بدل لا تروح الزنود اللي شكبرها احسها تدورت وكبرت وصارت ضخمه يعني احس انه بعض ملابسي منطقه الازنود صارت اضيج ؟؟؟؟؟؟؟؟؟؟ منو عنده الحل
بخصوص الوزن انا بحاول اشيله من راسي يعني يهمني انه ينزل واوصل لل 55 بس بعد يهمين شكلي يصير احسن انثوي وشاد ومرتب بدون ترهلات وزوايد فبركز الحين ع الرياضه عشان ما اصير مترهله لانه العمر له دور بعد يعني اللي بالثلاثينات مب مثل اللي بالعشرينات :eh_s(2): وانا ما شاء الله ام عيال ويبتهم ورا بعض الله يحفظهم ويخليهم ويبارك فيهم فيبالي اتعب زياده عشان اشيل الكروش والزوايد والزنود :eh_s(10):
يالله اللهم لك الحمد يعني الالتزام بروحه نعمه والنتايج يايه يايه باذن الله

 

[هايدي الحلوة]

صباح الورد لأحلى ورد...إشلونكم يا أحلى فراشااااات؟؟
توته: سلامات حبيبتي ماتشوفين شر يا قلبي.
زوراروسا- الحراير- ام خزامى- جموون- مرسوم ملكي- ليدي- سأكون يوماً- أم وليد- بحرينيه كوول
يعطيكم الف عافيه وعساكم على القوه..
أم وليد أنا بنتظارج يا قلبي..
الحمد لله أنا من اليوم رجعت للنظام الي مشيت عليه قبل إسبوع لأني الحمد لله إرتحت عليه وهو أصلاً وايد سهل بس يبيله عزيمه وإصرار وشوية صبر، لكن عندي مشكلة الرياضه ما أمارسه نهائياً
مدري إشلون بضعف وانا جذي كسلانه؟؟!!
إنشاء الله أحاول من اليوم إني أهد الكسل والربااااده على قول أم وليد الله يسعدها ،
وأمشي حق نص ساعه واسوي تمارين شد البطن عشان يختفي هالكرش الي معقدني
بحياتي كلها .
أشوفكم على خير حبوبات.

 

[هايدي الحلوة]

فطوري : زبادي منزوع الدسم.الغداء: طبق سلطة خضار- شووربة عدس.
السناك: عصير زبيب مع عصير حبة برتقاله.
هالعصير لازم عشان عندي فقر دم الله يعيني.
العشاء: تفاحه واحده فقط .
بأذن الله راح أشرب منقوع الشمر لأنهم وايد يمدحونه لشد الجسم ،
وراح أستمر على الزنجبيل
مع القرفه كثيرررر يمدحونه لحرق الدهون قريته هني بالمنتدى
إنشاءالله أجربه وأستمر عليه.
وأهم شي المااااااااااي البارد ثمان قلاصات أو أكثر في اليوم.

 

[كلي رقة]

مرحبا ممكن اشارككم

 

[كلي رقة]

الوزن الحالي: متذبذب بين69 و68
الهدف الاول : 65
الهدف الثاني:60
الهدف الثالث:58

امس كان ريوقي توستة مع جبنه سلايس وجاي حليب

الغدا توستة وروب اكتيفيا الصغير
العشا كان الساعه 6 بيضيتين مسلوقتين مع 2 توست اسمر و5 حبات زيتون وجاي حليب
بنات اشرااايكم بريجيمي اتهقون يضعف

 

[كلي رقة]

واليوم ريوقي توسته مع جبنة سلايس وجاي حليب
والغدا ماكو
والعشا اتوقع روب اكتيفيا وتوست اسمر

 

[أم وليد الشمري]

هاااايدي حبيبتي
شوفي لنا نظاام رجيم وانا مستعده التزم فيه ... لاني متخبطه
وزني 62
طولي 153

 

[أم وليد الشمري]

مساااااء الخيرررر حبايبي
شلونكم وشلون الرجيم معاكم؟!
الله يوفقنا ونحقق أمالناا
زرواروسا...ألف سلامه عليج حبيبتي حاسه بهالشعووور احس بتعب شديد والجسم مهدددود انا جذي حاسه كل يوم بقول بسوي تحليل دم وفتامين دال اتكاسل ومااروح
وبخصووص العمررر???انتي ليه بتفتحي مواضيع حساسه كددددده انا لسه حاسه اني في العشرين من عمررري صج عاااد(( ربي يحسن فيما بقى كما أحسن فيما مضى)) اللهم اميين
توته،،، ما عليج زود ياالغلا