تجمع خاص للي أوزانهم 60 كيلو و حابين يكون 55 كيلو أو 50 كيلو

[صغيرة على الحب]

صباح الخير. احبكم و مشتاقتلكم

سامحوني مريضة والله

ان شاء الله اضعف و عموما ما أشتهي آكل كلش من الاحتقان

امس والله ترقت ثلاث تمرات و لبن فيتال و لما رجعت البيت توسته امريكانا فيتا بسسسسس ما اشتهي اكل

اليوم احس احسن

تريقت همن ثلاث تمرات و لبن

تووووووتة الحين صار الميزان كل خميس يعني ولا بس هالاسبوع

 

[صغيرة على الحب]

تغديت بنات ميني همبرغر و ثلاث عيدان بطاط كله بالفرن الحراري بدون قلي و ما راح اتعشى لان الغدا وايد

 

[أم وليد الشمري]

مسااااء الخيرررر
جمووون.. بالعافيه حبيبتي
والسبا وايد حلووو استمري ربي يوفقك
توووته... حلو الخميس ربي يسر امورنا جميعاً واحب حماسك
زروارسا...اي معاكم .. اللهم امييين ،، وبالعافيه ماأكلتي ... حلو يومج استمري
كلي رقه ... بالعافيه حبيبتي
مسك.. ربي يسمع منك ... شكلك تتوحمي واحنا ذكرناك????
هااايدي.. اين انتي؟؟؟
ليدي ... وينك عسا المانع خيررر
الحراير... عيالنا نظام احتلال اعرفهم وتقبل الله ياالغلا
ام براك .. بحرينيه .. هلا وغلا بأهل البحرين
توته ...انتي تشتكي من الطول احنا نعمل ايه ؟؟!!

 

[أم وليد الشمري]

صغيررره ع الحب ... حبيبتي ما تشوووفين شرررر
سلااااامتك اجر وعافيه يارب

 

[صغيرة على الحب]

الشر ما اييج يا ام وليد ما قصرتي

بنات انا ما تعشيت اليوم بس ماي لان قلت همبرغر مشوي كافي

 

[سأكون يوما ما أريد]

مسا الخيراااات

يومي تخفيف من الاكل

لا يوجد ريوق
الغدا سلطه و4 ملاعق رز وصدر دجاج
العشا سلطه و3 حبات محشي ملفوف
الرياضه 25 دقيقه

 

[سأكون يوما ما أريد]

ما تشوفين شر اختي صغيره ع الحب

عليج بالزنجبيل مع الحليب

 

[إم بــــرٍآك]

ماتشوفين شر صغيره الله يعينج ع الاحتقان

توته شلونج اليوم
بنات شخباركم اليوم

يومي ابتدى متاخر

الفطور

حليب قليل الدسم 250 مل ونص توست محمص بمربى الفواكه

الغدى

مجبوس كميه معتدله مع عصير ليمون بالنعناع

العصر كوب زعتر بدون سكر

العشاء

جبنه مالحه وخبز و5 زيتونات ونص كوب حليب

طبعا تعشيت الساعه 8 ونص وربي لك الحمد

 

[JUMAN]

الـأربعاء : 14 - 1 - 1434

أهلين بنوتات يا حلوات

اليوم صحيت الساعه 10 و نص
رحت السبَا مشيت نص ساعه + تمارين كامله لـ مدة ساعه

الغدا : تبوله + ساندويتش تونه
العشا : شوربة هريس
السناك : كورن فليكس


روتين الـأكل :
- 4 أكواب ماي قبل كل وجبه بـ ساعه
- علبة زبادي بعد كل وجبه


صغيره على الحب ألف سلامه عليك يا غاليه
أم وليد الله يعافيك يا قمر أنتي و تفرحينا بـ نزول وزنك هالـأسبوع
سأكون يوما ما أريد يمسيك بـ الخيررر يا رب
أم براك منيحين الله يزين أيامك

و الله يعطينا الصحه و العافيه و ننحف من غير شر يا رب
و لا يحرمنا هـ التجمع الطيب و الناس الطيبه يا رب


(ليسَ بارعاً من وصلَ إلَى القمّه ! البَارع من وصلهَا و حافظَ عليها)



​

 

[أم وليد الشمري]

مسااااااء الخيررر
فديت قلبك الطيب جموووون
وياحلاة كلامك درر
يومي.
الفطور: تفاحة خضرراء
الغداء: سلطه وخضروات
العشا: اناناس
لله الحمددد
اول مره من اسبوعين اتقيد
ومشيت ربع ساعه(( ذبحت عمري))

 

[الحراير]

مرحبا حبايبي

صغيره ماتشوفين شر يارب

اي والله ياأم وليد عيالنا يحتلونه وفوق هذا اذا استلموا الشي يخربونه الله يصلحهم ويهديهم

اليوم صايمه وسويت كباب وشربت شاي معاه

وبعدها اشتهيت كاكاو واكلت وسحوري بيض وجبن وشاي وخبز اسمر وطبعا بعدها اكلت حلاو قهوه
وطبعا الفجر قبل الاذان اختمها بنسكافيه

بنات توته قصدها السبت هذا الميزان وبعدها راح يكون كل خميس

 

[JUMAN]

حبيبتي أم وليد الله يقويك يا رب عاد شدي حيلك عن العجز زوديهم 5 دقايق و خليهم 20 لين ما تتشجعين و تتعودين على نص ساعه يلا مسامحينك هالمره -_-


حروره الله يتقبل منك يا غاليه و إن شاء الله على أجر
و تنحفين بـ صحه و تبشرينا بـ نزولك يا رب

و كل الحلوات إن شاء الله






​

 

[الحراير]

اجمعين jumam
وان شاء الله كلنا نضعف بصحه وعافيه

 

[الحراير]

سوري كتب الاسم غلط Juman

 

[توووووتة الحلوة]

الحراير
يا حليله ولدج، اعجبتني كلمته "ملاتي" يدنن. الله يحميه

مسك المطيري
مشكورة قلبو على دعواتك و على المرور

كلي رقة
انا بعد اعاني من الطول طولي تقريبا 160 الحل هو اني دايم البس كعب 10 سم
يومك حلو امس، الله يبارك لك

صغيرة على الحب
صباح الفل يا حلوة، الف سلامة على قلبك. ان شاء الله ما تشوفين شر

ام وليد
وانا احب طلاتك طلي علينا طلي >> معليش عدي لي هالايام انا تعبانه و فاصلة ... باختصار صايرة خارج التغطية
ام وليد سالفتي مع الطول طويلة و لا تنتهي فصولها :eh_s(16): >> ما قلت لك خارج نطاق الخدمة هههههه

سأكون يوما
صباح الخيرات يا جميلة. كالعادة يومك حلو ومتوازن :rerrerek:

ام براك
اهلا وسهلا، انا الحمدلله بخير ... بس اشوي تعبانه :eh_s(16): يومك رائع :ggdw: استمري

جمون
كالعادة رائعة، الواحد يتعلم منك الانتظام و الالتزام يا نوارتنا
انا اسمى كالعادة بالنسبة لك ... سقط سهوا :krkrkr:

الحراير
الله يتقبل منك. و تعجبيني تاكلين من كل شي باعتدال و مو حارمة نفسك من الحلو :rerrerek:

 

[توووووتة الحلوة]

بنات الميزان هالاسبوع يوم السبت. من الاسبوع الجاي يكون كل خميس

 

[توووووتة الحلوة]

يومي

الفطور
فاصوليا+خبزه متوسطة.كأس شاي

الغدا
لايوجد

العشا
خبزه متوسطه+ 2 جبن مثلث+ 2 زيتون. كأس شاي

السناك
بوب كورن

الرياضة
ماكو للاسف تعبانه هالايام

 

[الحراير]

توته حلت دنياج فديتج

وين اعجبج بالعكس انا حارمه روحي من الاكل وصيام الاسبوع هذا كله بس اكلت قطعة كاكاو

وزني ماينزل بسرعه بحاول عالاسبوع الجاي ابتدي بالتخفيف لانه جسمي مايبي حرمان

 

[كلي رقة]

صبااااااح الخييييرات
امس كان ريوقي كالعادة توسته وجبن سلايس
والغدا كان سلطة
اما العشااااا










مرقوووووق :eh_s(11):

 

[JUMAN]

توته أفا عليك أنتي مديرتنا
أنتي بـ روحك لا جيتي أرد عليك
نزغرد و نغني لك أقبلت زين المعاني « أصلاً مدري صح أو لا -_-

يعني أسوي مؤدبه ما أكلمك إلا لما تخشين
أطمح أصير مساعدة مديره اللي هي أنتي p:
شوفيني زين شوفيني ما أصلح !


ايه و تعليقي لك عن الرياضه و لـ كل القمرات
حاولي تتنشطين و لو 10 دقايق بـ اليوم
يعني عشان الجسم ما يتعود على الخمول
لو تتمرنين كل يوم تشوفين جسمك يتعود شوي شوي على الرياضه
بس خلك تتركين التمارين أكثر من يوم بسرعه جسمك يتعود على الرباده




​